Post: #1
Title: وافد جديد عندو راي !
Author: Abdein Shahein
Date: 06-16-2003, 09:31 AM
الاخوة بالبورد
احييكم وارجو ان استفيد وافيد، الملاحظة الوحيدة التي أرجو ان تنال حظها من النقاش هي مسالة الاسماء الحركية المستخدمة من رواد البورد، والتي أرى انها غير جديرة بالاحرار ومن ثم مستخدمي هذا الوسط في مناقشة امور بلادنا الشائكة في هذه المرحلة الحساسة من التاريخ المحلي والعالمي. فهلا تخاطبنا باسماءنا الحقيقية لنتحمل مسئولية قولنا ومن ثم اثراء نقاشنا؟
|
Post: #2
Title: Re: وافد جديد عندو راي !
Author: james
Date: 06-16-2003, 09:40 AM
Parent: #1
الاخ عابدين شاهين
تحياتي وحبابك
هذا الموضوع نوقش كثيرا جدا
في عدد كبير من البوستات المتفرقة
وظلت الآراء متفرقة ايضا
تحياتي
|
Post: #3
Title: Re: وافد جديد عندو راي !
Author: HOPELESS
Date: 06-16-2003, 09:41 AM
Parent: #1
يا زول كدي ادخل لجوه وبل ريقك من زيرنا البااارد دا
ومرحب بيك شرفت الدار
واسمي تلاقيهو بعد الكتابه دي
بس ما اعتقد مسئلة الاسماء دي مشكله لانو كل انسان هو ادري بظروفو
ولك الود
|
Post: #4
Title: Re: وافد جديد عندو راي !
Author: Abdein Shahein
Date: 06-16-2003, 10:00 AM
Parent: #1
اشكركم كثير على كلمات الترحيب، وارجو ان نكون جميعا عند حسن الظن. كمزيد من التعارف، انا عابدين سيد محمد شاهين ، الخرطوم بنك السودان. أسكن مدينة الصحافة ومتزوج واب لطفلين. وشكرا
|
Post: #8
Title: Re: وافد جديد عندو راي !
Author: james
Date: 06-16-2003, 11:27 AM
Parent: #4
مربع كم ؟
ومنزل رقم كم؟
|
Post: #5
Title: Re: وافد جديد عندو راي !
Author: almohndis
Date: 06-16-2003, 10:03 AM
Parent: #1
مرحب بيك
عابدين ومرحب
رايك
يدك معنا
|
Post: #6
Title: Re: وافد جديد عندو راي !
Author: almulaomar
Date: 06-16-2003, 11:19 AM
Parent: #1
أخي الكريم عابدين شاهين أرحب بك وبعضويتك وأتمنى أن تكون عضواً فاعلاً تسهم مع كوكبة الفرسان بالمنتدى في إثراء المقام والمقال. أنا من أحد الذين يكتبون من وراء حجاب و أتمترس خلف إسم حركي ولا أجد أي غضاضة في ذلك ، ولكل مبرراته فيما يخص إستخدام الإسم الصريح أو الحركي ومع إحترامي لرأيك في شأن الإسم الحركي لا أتفق معك في أن إستخدامه سبة - بضم السين وتشديد الباء تشديداً بغلظة - أو يجعل صاحبه غير حر أو في زمرة غير الأحرار.
مرحباً بك
|
Post: #7
Title: Re: وافد جديد عندو راي !
Author: Elmosley
Date: 06-16-2003, 11:25 AM
Parent: #1
نرحب بيك وهنالك فئه قليله جدا ولا تذكر ممن يستغلون اسمهم
وعتدون علي الخرين والشهاده ان الغالبية العظمي
تمام التمام ونقدر ظروفهم
|
Post: #9
Title: Re: وافد جديد عندو راي !
Author: sentimental
Date: 06-16-2003, 11:37 AM
Parent: #1
عابدين شابلين ااقصد شاهين. يا خى اسمك زاتو يلخبط شوف ليك اسم حركى خفيف كده وخلى الفلهمة. بكلم ليك بكرى
|
Post: #10
Title: Re: وافد جديد عندو راي !
Author: اسامة الخاتم
Date: 06-16-2003, 01:35 PM
Parent: #1
عابدين سيد محمد شاهين
الف مرحيب بيك و انا اؤيد رايك تماما
ليس لانى اكتب باسمى
و لكن الكتابة يجب ان تكون على مسؤلية صاحبها
و اذا كان هذا الصاحب مجهول الهوية فليست هناك اى مسؤلية و لا كتابة حتى
و لكنه منبر حر و ليس لنا سوى الامنيات بات يطبق الجميع و خاصة الحركيين دعواك
و الف مرحب تانى
|
Post: #11
Title: Re: وافد جديد عندو راي !
Author: فتحي البحيري
Date: 06-16-2003, 01:49 PM
Parent: #10
أولا : مرحبا بالوافد (ياخي كان تقول ضيف ، مشترك جديد)وافد دي العصرك عليها شنو؟؟
عموما
مسألة الأسماء غير الحقيقية دي أنا قبل فترة كنت بحبها ليك حب
واسعل مني ناسا بعرفوني
لكن صراحة في البورد دا طلعت روحي
لان هنا وكما ذكرت انت وذكر اسامة الخاتم
المسألة تحتوي على قدر كبير مما يجب أن يكون المرء معه معروفا باصله وفصله
دا ما مشكلة
المشكلة اني بديت احس
ان الاسماء الحركية دي هي ممكن تستخدم من قبل اشخاص معروفين باسماء حقيقية لابراز وجهات نظر مغايرة
وانا الان قاعد اجمع في قرائن وأدلة
وشيل شيلتك يا ....ـ
|
Post: #12
Title: Re: وافد جديد عندو راي !
Author: عبدالأله زمراوي
Date: 06-16-2003, 01:57 PM
Parent: #1
مرحب بالأخ سيد شاهين...
نعرف الكثير من آل شاهين الأبرار، منهم مولانا محمد احمد شاهين واسماعيل شاهين..
اهل كرم وشهامة..
مرحبا بك باسمك المربع....
|
Post: #13
Title: Re: وافد جديد عندو راي !
Author: Maged
Date: 06-16-2003, 02:01 PM
Parent: #1
يا مراحب ياعابدين
شرفت الديار يارجل.
ويا
sentimental
بالغتة في ـ بكلم ليك بكرى ـ دى. القوالة لكن ما عندك ! اٍديكم العافية ومرحب تاني يا عابدين
ماجد،
و ده اٍسمى الجد شان ماتقوم تقول لينا القضارف فيها بحر
|
Post: #14
Title: Re: وافد جديد عندو راي !
Author: بكرى ابوبكر
Date: 06-17-2003, 07:22 AM
Parent: #13
راى جميل اتمنى ان يعمل به الاعضاء
|
Post: #15
Title: Re: وافد جديد عندو راي !
Author: elsharief
Date: 06-18-2003, 07:31 AM
Parent: #1
مرحب بالاخ عابدين شاهين فى المنبر
|
Post: #16
Title: Re: وافد جديد عندو راي !
Author: bushramk
Date: 06-18-2003, 01:02 PM
Parent: #1
اهلا بيك ومليون مرهب سى آبدين
وشرفتى الديــار
معليش اصلو من الصباح أثر فينا حبيبنا سجيمان وسجم لسـانا وانت من أسمك ظاهر رطانى وزدت الطين بله
شرفتنا والله
موضوع الاسم.....عدة أراء لا ترى فيه كبير مشكلة طالما كنت ملتزما أخلاقيا بكل آداب وموروثات البورد .......ومع ذلك لا أرى مانعا
أسمى تحت وان كنت مستمتعا بمعاناة بدرالدين شنا وقومة نفسو لما يكتب أسمى
تعرف؟ كلمة وافدين دى بتعمل حساسية لناس كتيرين؟
حبى وتقديرى للكل
|
Post: #17
Title: Re: وافد جديد عندو راي !
Author: zumrawi
Date: 06-18-2003, 02:20 PM
Parent: #1
مرحبتين بيك وحبابك
ادخل لاجوة حوش بكرى البارد ده واتوهط
|
|