اللعبة الفرمالة

معتز
لعبة تحولت لكارثة (مأساة سودانية)
انور عمر
لعبة تحولت إلى كارثة !!!؟
ابو نور
لعبة تحولت إلى كارثة !!!؟
celecon
لعبة تحولت إلى كارثة !!!؟
وكلها عنوانا واحد
اتزكرت في السودان لمن الواحد يعمل ليهو محل فول تلقي الشارع كله بقي فول وكوارع
ولا محل تركيب عطور واتصالات برضو اولاد الحلة كلهم يكونو بقو بتاعين اتصالات وتركيب عطور
ولا لو جبت ليك رقشة اسوبع بس تاني الا تشتغل بيها جوة بيتكم لانه مافي زول ما بيكون عمل رقشة
ولا لو جبت حافلة ولا امجاد انسي الا تركبها براك
رايكم شنو في حاكو حاكو السودان يلا نسمع وجهات نظركم

غايتو البارح انا حسيت انهم قاصدين

لكن ان طلعت الشغلانه غير كدا

يبقى توارد خواطر رهييييب

سبحان الله

هوبلس
ياخي توارد ود ناس منو
اولا الموضوع دا ما جديد انا قريتو في البورد دا قبل كم شهر وبرضو اتكرر بعدها تاني بس اللنكات عاوزة تفتيش
اها الايام دي الظاهر واحد من ناس المجموعات ديل رسلها للجماعة وبيني وبينك لمن نزل اول مرة كان موضوع مغري بالنقاش لكن اسع اتكرر كتير

حبيبنا اساسى

لك التحية

قبل يومين رددت على احد هذه البوستات ولكنى بعد ساعات وجدته واننى لم ارد عليه حتى شككت فى نفسى اين ذهب ردى على هذا البوست وانا متأكد من اننى رددت عليه ثم قمت بالرد ثانية مضمرا ان احد الاشرار كناية بى حذف ردى ولكنى بعد قليل وجدت ثالثا فقلت لا لا الحكاية دى عاوزة بحث وفعلا وصلت لما وصلت له انت وان الموضوع نزل اكثر من مرة ..

ذكرتنى بالامس اشار الاخ جاد الى ان هنالك موضوع منقول ولانى نقال ابن نقال توش انقشط وحكيتها معاه لامن جاب الموضوع وساعتها اعترفت باننى النقال وانا الناقل ولكن والله ما من موقع اخر بل من الميل الذى يرزخ بعشرات ان لم اكن مبالغا واقول مئات الرسائل يوميا واختار ما يستحق ان يشاركنى فيه الاخرون وانقله واكتب كلمة منقول خوفا من ناس ديلك الذين يصفون الاخرين بانهم بتاعين قص ولصق ولا يفقهون سوى ذلك ..
ظننت ان الموضوع انتهى ولكن احد الاحباب ذكرنى عن طريق الماسنجر ان هنالك شخص اخر سبقنى وكتب ذات الموضوع وللاخ جاد كل الحق ولكن لم نكتب فى يوم واحد..

لعل ذات المجموعات التى ترسل لى يوميا ترسل لكل الاعضاء هنا
وثانى التوبة يا حبوبة ما بنقل من بريدى اصله

لك تحياتى واحترامى

الحبيب قرشو
لم تعودنا علي ان تنقل لنا اي غث فانت تختار بوعي وادراك ولست مجرد ناسخ لاصق لذا اخي لا تحرمنا من معلومة قد تغيب عنا وبامكانك اضافتها لنا
احيانا وانا ادري ذلك ينزل اكثر من بوست ولكن في فترات متباعدة ولكن ان يكون في الصفحة الاولي فقط ثلاثة مواضيع تحمل نفس العنوان ونفس الفكرة في الداخل فلا اسميه سوي تكرار مع سبق النسخ واللصق
ودمت صديقي

أساسي : سلام من تاني

يمكن تكون المحاكاة في المشاريع و الأعمال أهون من حاجات تانية فيها محاكاة ، و خاصة تقليد النسوان لبعضهن البعض في أمور قد ترهق ميزانية البيت لسنوات ، و خاصة التقليد في التأثيث و اللبس و عمل المناسبات ( بمناسبة عدم المناسبة ).

في حاجة محيراني يا أساسي ، تلقى الواحدة لابسة دهب أتقل من وزن الشافع الشايلاهو ، و تقول ليك زوجي بيمر بظروف مالية صعبة ، أمال الفي إيديك و رقبتك دة شنو ؟ دة ما مال مجمد.

تسلم و معليش لو طلعنا شوية من الموضوع.

يا ابو جهينة
دا الموضوع زاتو كيف طلعت برة الموضوع دا الانا قاصده بالبوست دا
ما كان قصدي التكرار في البوستات سوي ضرب مثال
وقد كتبت في حاشية الموضوع اما بالنسبة للمحاكاة عند النسوان فهذا باب كبير لا قبل لي به
ولكن خشية الصواعق النوازل اثرت التواري
وكما قلت محاكاة النساء انا احيان كثيرة اضحك منها
وهي لا تكون خافية علي احد
في احد المرات كان لدينا مناسبة زواج
وفي حفل الزواج تسعة نساء كن يلبسن الثوب نفسه مع العلم ان التسعة كان بينهن خلاف شهير
والله بقي زي فرقة عقد الجلاد

أساسي
قرأنا أفكارك خلاص . يعني بعد ترجع إنت ناوي تفتح دكان لبيع الكشاتين
نقشناها
حا نفتح واحد قبلك

الاخ اساسي الما اساسي ولا اي حاجه


طبعا وبكل تاكيد نحن الاربعه كان قصدنا خير
وكنا بنحاول نوري اخوانا في البورد وبالزات المغتربين
القصه عشان الناس تعمل حسابه وتراجع اموره
والموضوع حقيقة مطروح من قبل مجموعه كبيره من المجموعات العربيه
يعني شكلنا بقي مكلوج بالنسبه ليهم ، وكنا بنهدف الي مناقشة الامر
.مع الاخوه في البورد
ولعل لحظنا العاثر كل واحد فينا كان بينزل الموضوع كان بيكون
.الموضوع نزل للصفحه التانيه وهذا كل شئ
واجتهدنا انا وانور في حل المشكله عبر المسنجر الداخلي
وكان ان فشل كلانا لسحب الموضوع ومحاولاتي باينه فلو رجعت لوجدت فقط
.العنوان والباقي خراب
ولحظنا العاثر مره اخري اذ بنا نقع جميعا بين فكيك ويا فكيك الله
.يفكنا منك


يعني احنا خجلانين من الموضوع وحمدنا ربنا انو الموضوع نزل للصفحات التاليه تجي انت وتفضحنا في بوست منفصل...والاسلام طالب بالستر

فاسترنا الله يسترك

ابونور

الاخ ابو نور
والله ما قصدت موضوعكم سوي مدخل لموضوع اخر وبيني وبينك عمليتكم مغرية كانت انه الواحد يشتغلكم يعني جيتو مدردقين براكم
عرفنا انت وانور دقستوا اها معتز دا بعد الله ستركم جا صرجها في السماء لوووووووووول معليش معتز
لكن والله القصد الموضوع التاني

اهل العوض
تعرف يا حبيب دكان الكتشينة دا فكرت فيهو لكن قالوا عملوا ناس كتار شديد اسع اخر تقليعة قالوا مصانع الضمنة
تحياتي الاخ نايل بور

يا اخوانا معليش الظاهر ركبت لي باص بالغلط.
أنا ماشي بالشنقيطي. نزلوني هنا

أساسي الاساسي

سلامااات

انت ما تلومهم علي انهم كرروا البوست ... لانه البوست اول ما يتكتب بيغطس في الصفحة التانية ... كدي ادي طله للصفحة الرئيسية في البورد ... اسم فتحي بحيري وشيبا مكرر 12 مره ما بين كاتب بوست واحد الردود ...علما انه البوست فيه اكتر من 700 عضو... الشباب التانين ليهم حق لما ما يشوفو بوست اللعبة الكارثة ويقوموا يكتبوا عن نفس الموضوع

كانت في فكرة بتاع تحديد عدد البوستات في الاسبوع او اليوم... مش كان احسن ؟

قال أساسي قال

يا عبده نقول شنو بس
مين البيقول البقلة في الابريق

ابو جهينة والله براك مفروض تخلص البوست دا


زوربا
حناكيش عملوا مظاهرات جابو ليهم بوليس الحركة (المرور) يفرق المظاهرات .
يلا يا روح ماما اشرب الحليب ونوم البوست دا للكبار بس