مصيبة التلفزيون في كمال حامد

هل لا يوجد في السودانغير كمال حامد في السودان الذي لم يغب عن التلفزيون خلال 24 ساعة الماضية وهو الذي كان سبب في دمار الكرة السودانية واليوم يطل علينا ببرنامج رياضي ويسمي سهرة رياضية هل يعقل ان تكون سهرة وهي في وضح النهار
ارحمونا يا ناس التلفزيون من هذا الرجل

منو القال ليك!!!..أمال ناس حبال عنتااااار وناس آرتي سوقدان و... مشو وين!!!

كمال حامد دة جزء بسييييييت من المشكلة وماخفي كان اعظم...

الاخت ميادة
السلام عليكم ورحمة الله وبكراته
لم اكن من متابعي التلفزيون لسبب ظروف العمل التي لا تسمح لي بالمشاهدة ولكن بالامس الجمعة جلسة امام التلفزيون حتي اتمتع بالبرامج الحي التي كنت امني نفسي بها ولكن تفاجاة بكمال حامد ولم يكن برنامج جيد حتى يستفيد منه احد واليوم فتحت التلفزيون واذا بي اجد كمال حامد موجود لليوم الثاني وظننت انه لا يوجد غير كمال حامد

ناس عنتر وارت سقدان ديل دعايات في التلفزيون السوداني حاول تتابع عشان تعرف اين تكمن المأساة

اخي عمر
لا يختلف اثنان على ان كمال حامد اعلامي متميز
ولكن ان يطل علينا بعد كل دقيقه والأخرى اعتقد انه ظلمنا وظلم نفسه
لا يعقل ان يكون شخص مديرا للبرامج الرياضية في التلفزيون وتجده في نشره الاخبار وتعليق المباريات وكذلك في تقديم السهرات والبرامج الرياضيه
اعتقد انه اذا التزم كمال حامد كرسيه رئيسا للبرامج الرياضيه يكون ارحم لنا وله وهذا ليس تقليلا منه لاننا عرفناه صحفيا متميزا وكذلك انسان طيب
قبل فتره تقدم مزيعين ومقدمين للبرامج الرياضيه وتعشمنا خيرا في ذلك ولكن ظهر منهم القليل واختفى الكثير
وكذلك فرط التلفزيون في المزيع المتألق ابو مدين الذي انضم لقناة ابو ظبي الرياضيه
ولكم كل تحياتي

الاخ معتز منو القاليك لا يختلف اثنان اها انا في دي اختلفت معاك والله كمال حامد ما لاقاني زول بريدو
بعدين لا بعرف يقدم برنامج
ولا بعرف يزيع
ولا بعرف يعمل حوار
وينو الاعلامي المتميز
وين التميز
حتي في كتاباتو زاتو اشتر
يشوت ضفاري طوالي
لو البرنامج سمح هو يمسخو ليك
لو الضيف المعاهو كمان ظريف يكرهو في الحوار
بعدين كمان متعصب شديد لي لونو الاحمر لامن يكرهك الاحمر زاتو
بالله فكونا بلا كمال حامد
بلا رياضة

السلام عليكم ورحمة الله وبركاته
الاخت مياده اصلا ليس ظروفي لا تجعلني من متابعي التلفزيون ولكن لو كان هناك احد اسوي من كمال حامد فهذه مصيبة اخري
الاخ معتز لم اتطرق لكمال حامد كمزيع او معلق لكن ان يكون التلفزيون كله كمال حامد والله حرام ويقولوا كثرت الطله تجيب الطمة
الاخ الباقر مع احترامي لوجه نظرك في كمال حامد لكن الشي المؤسف انه كمال حامد من ويوم الجمعة حتي يوم السبت يقدم برنامج في التلفزيون والمصيبة في انها سهرة حتى ظهر السبت

الشهادة لله أن إدارة التلفزيون ما قصرت ، فقد حذرتنا من بدريييي أن يوم الجمعة كلو حايكون كمال حامد . لذلك عملنا حسابنا من بدري وما فتحنا تلفزيون السودان إلا في مرات قليلة جدا . والحمد لله في كل المرات الفتحنا فيها التلفزيون تأكد لنا صحة كلام أهل التلفزيون من أن الجمعة لكمال حامد . وفي ظن أهل العوض أن الرياضة في السودان تحتاج لنقاش أي نعم وكلام حولها وتشاور أيضا كزاليكا . لكن تحتاج إلى أشياء أخرى غير كمال حامد وخارج مباني التلفزيون

تلفزيون بي كمال حامد . يعني فول بي كسرة أو سمك بي ملاح قرع بايت أو أي شي مختسق

عزيزى انور
والأدهى وألأمر بأن حبيبنـا كمال حامد يعمل مراسـلا للبى بى سى بالخرطوم وتعال شوف فهو يقلب الغين قافا القاف غينا وبصورة قبيحة للغاية حتى صرنا مضحكة بين العرب والعجم.
ولكنى ياأخ انور لاأوافقك الرأى بأن حبيبنا كمال حامد هو من اسـباب تدهور الكرة السودانبة. طيب السـمـاسرة والكمسيونجيةوباقى الرجرجة الذين يسـمون انفسـهم اداريين واللاعبين الذين لا يعرف الواحد فيهم الفرق بين الألف وكوز الذرة ديل دورهم شـنو؟ وما مهزلة اداريى فريق الهلال ضد الأتحاد العام لكرة القدم ببعيدة

الاخ العزيز قلقو
السلام عليكم ورحمة الله وبركاته

اخي والله هي المصيبة وهي كارثة بان يكون مراسل بي بي سي
ثانيا هو احد اسباب تدهور الكره وامثاله كثيرون من الاتحاد حتي اداراة الاندية حتي اللاعبين انفسهم وصحيح ان المهزلة التي تدور بين الهلال والاتحاد ليس ببعيده
اخي الذي ذكر بان ادارة التلفزيون حسرتهم بان يوم الجمعه لكمال حامد معلومة اول مرة اسمع بها وشكر ليك علي هذه المعلومة حتي ابتعد عن التلفزيون يوم الجمعة نهائي

الاخ انور
نعم مصيبة التلفزيون في كمال حامد
انت قلتها صراحة وانا اقول ليك مصيبة السودان في كمال حامد وامثاله
من انصاف الموهوبيين وعديمي الموهبة0000 اولا ما هي المؤهلات التي
جعلت كمال حامد مدير القسم الرياضي0000 السلم الوظيفي000 وهكذا الحال دوما00 تصور انه في يوم من الايام كان كبير المخرجين بالتلفزيون امين مخازن جاء لهذا المنصب بحكم التدرج الوظيفي
وهناك الكثير من هذه الاشياء ولكن الان خلونا في كمال حامد
الذي هو مراسل بي بي سي بالسودان000000 لماذا الله اعلم


الاخ معتز

اختلف معك تماما في مسألة التميز هذه
وارجوا اذا كانت موجودة ان تبرزها لنا
لاحظ الصوت مخارج الحروف الحضور خفة الدم
وين دة كله0000 الثقافة العامة000 ادارة الحوار
الانفعال000 الحياد

أأأأأأأخ

الاخ عبد الرحمن
السلام عليكم ورحمة الله وبركاته
اخي لو كان تدرج في الوظيفة نقول قد اكتسب خبرة وممكن يكون جدير بالوظيفة لكن المصيبة ان يكون لا خبرة ولا موهبة

علي حسب علمي كان كمال حامد مراسل البي بي سي ايام مظاهرات 95 وقام بمجهود جبار في عكس صورة جميلة عن الحكومة للراي العام الخارجي وكمكافاة ليهو جابوهو لينا هم في التلفزيون القومي.....وايضا اذكر ان السيد كمال حامد كما وردني من بعض الاصدقاء قبض في امتحان جامعة الفرع اكتر من مرة لمستويات الناضجين بي بخرة ...عشان يتأهل للمنصب الاعلامي
ولكم التحية

و الله يا جماعة الزول دا أظنوا عندوا فكه كتيرة و زي ما عارفين

اليومين ديل ناس الحيكومة بقيمو الزول حسب جيبو يعني الزول عندوا

مؤهلات .... حسب المقياس الماشي اليومين ديل.


بعدين مصيبة التلفزيون كمال حامد براهو و الله التلفزيون كلوا مصائب

برايات من الطراز الفريد و بقولوا كـلام هم ذاتهم ما عارفنو خليك من

أهلنا الغبش ديك و لا فلان داك العمتو تكسي عشرين واحـد إجيب ليهو

عشرة ضيوف و إقعد إبريهم ليك أنا لاقيت فلان و قال لي و لا قيت علان

و قال لي يا خي نحن مالنا و مال الكلام دا كلو و الله إيمان بنورة

تسمع ليها نشرة كان كلها كتل لم تنتهي النشرة تفرش عديل كدا

ما تفرش على الكتل!!!!!! تفرش على النشرة الإنتهت .

[qb] الاخوة الاعزاء
بعد التحية
والله موضوع يستحق البحث والتفكير فيهو مثلا في السودان عموما يوجد حجب للمبدعين الشباب والتمسك بكبار السن الذي قل عطاهم والوضع في كل مجال يحتاج الى دماء جديدة مثلا انا من اول ماعرفت الكرة السودانية مازالت اسماء الى اليوم في الملاعب ولها مكانتها في المنتخب القومي بالرغم من قلت العطاء
وكبر السن وبتقولو عاوزين الكورة السودانية تتقدم
سؤال اصغر لاعب في المنتخب السوداني عمرو كم سنة ؟
وهل حصل ان وجد لاعب في المنتخب الاول عمرو اقل من خمسة عشرة سنة ؟
لايوجد ومحال السبب المجاملات التي تبعد المبدعين من الوطن الى خارج الوطن
اعود الى محور الحديث
فكمال حامد من يوم كامل وهو حاضن شاشة التلفاز يعني لا عرفناهو معلق ولاعرفناهو محلل ولاعفناهو مزيع ولاعرفناهو مقدم برامج ولاعرفناهو مراسل وكأن لايوجد في السودان غير كمال حامد ليه حج الشباب في موضوع يخص الشباب من ان يبدعو فيما يخصهم وتعليق مستقبل الشباب السوداني المبدع على ايدي العجزة المخرفين\
مجاملاااااااااااااااااااااات وكلام فاضي حتى المدينة الدفعونا فيها بالكوم سفو قروشها وبتقولو تطور رياضة
[/qb]

آآآآآآآآآآآآآخ من كمال حامد

آآآآآخ وبس
آخين


اتخيل مذيع كبير زي دا لمن يقول ليك:
وأرى اللعيبة على الخط يلتهمون الماء التهاما

تقول عليهو شنو زي دا؟؟

والله الكلام ده سمع اضاني مافي زول حكاهو لي

Quote: الاخ معتز منو القاليك لا يختلف اثنان اها انا في دي اختلفت معاك والله كمال حامد ما لاقاني زول بريدو بعدين لا بعرف يقدم برنامج ولا بعرف يزيع ولا بعرف يعمل حوار وينو الاعلامي المتميز وين التميز حتي في كتاباتو زاتو اشتر يشوت ضفاري طوالي

الأخ الباقر الطاهر

كلامك الفوق دا لازم يجي من زول خبير في هذه المجالات عشان يقدر يقيم التقييم الصحيح

فهل انت مقدم برامج؟
هل انت استاذ إعلام؟
هل أنت مذيع أو خبير اصوات؟
هل انت كاتب سيناريو؟

لو ما كنت واحد من الاربعة الفوق ديل يبقى تقييمك لكمال حامد أو خلافه يكون تقييم عاطفي وليس علمي

أما إذا كنت خبيرا إعلاميا فورينا وين الخطأ ووين الصواب في عمل كمال حامد عشان منكم نستفيد ويمكن الزول ذاتو يستفيد

ألمي البارد بقد الدلو

الاخ كنتانا
لك التحية اولاً
والله انا لا مقدم برنامج
ولا مذيع
ولاخبير واعلام
ولا كاتب سناريو
لكن مستمع عادي وبسيط
اظنك ما قريت الردرد الكتيرة دي قريت الرد بتاعي وطوالي رديت
خلينا القلتو ده
انو ما بعرف الحاجات دي
لكن لا اسع كا لاقاني زول بريدو
دي دايرة خبرة كمان ولا شهادات
لو قلنا دايرة شهادات الناس المعاي
والجيران وناس الحلة
والعذابة الجنبنا
وناس الهلال كلهم المشجعين
واضيف ليهم ناس البورد ده
الناس الردو بس ما المشاركين
كفاك ولاازيدك
بعدين في مقدم برنامج بيقول
يلتهمو الموية التهاما
اقراء الرد الفوق ليك ده

a0

الاخوة الاعزاء السلام عليكم ورحمة الله وبركاته
من واقع الردود فان كمال حامد ليس مرغوب فيه بفض النظر عن موهلاته أو خبرته في المجال الرياضي


60

الأستاذ الباقر الطاهر

قال الشاعر: وعين الرضا عن كل عيب كليلة وعين السخط تبدئ المساويا

الريدة شئ يختلف عن النقد... لا أعرف اللاعبين في هذا الزمن ولكن في زمننا كل الهلالاب ما كان بريدوا كمال عبدالوهاب وكل المريخاب ما كان بريدوا الدحيش ... والطرفان يكيلان لكلا اللاعبين اقذع التهم والسباب

لكن شاءت الظروف ان يكونا من معارفي الشخصية.. ولمعرفتي لهما عن قرب كنت أعلم كم هما مظلومين .. ففي بعض الأحيان الحكم بالعواطف لا يفيد لا الناقد ولا المنقود

إلتهام الماء ممكن يكون خطأ.. ما رأيك المرحوم طه حمدتو المذيع الأشهر كان يذيع كورة للفريق القومي السوداني في نيروبي وكان فريقنا مزنوق زنقة الكلب في الطاحونة...وحدث تسلل من الفريق الكيني وقام رجل الخط برفع رايته ولكن الحكم لم ينتبه له... واحرز هدفا تمّ نقضه بواسطة رجل الخط.... وطوال الفترة التي كان رجل الخط رافعا رايته ومتمسكا برأيه أن اللاعب كان متسللا كان عمنا طه حمدتو يصرخ باعلى صوته:

يا حكم رجل الراية رفع الخط ... يا حكم رجل الراية رفع الخط

كررها اكثر من 5 مرّات وهو يقصد رجل الخط رفع الراية

مع ذلك فقد مات وهو اعظم مذيع كرة سوداني وشهد له كابتن لطيف المصري... عندما كان يذيع المباراة كنا نشعر باننانشاهد المباراة على التلفزيون... الوقت داك التلفزيون ذاتو كان مافيش في حلتنا ام طرقن عراض


الجفلن خلوهن اقرعوا الواقفات

الاخ العزيز
كلامك عن الدحيش وكمال عبد الوهاب فكل واحد منهما في فريق ومنافس للاخر يعني جماهير كل فريق تريد ان تجعل العيوب في الاعب المنافس لهم ويصفوه بما ليس فيه وانا لم احضر زمن هولاء اللاعبين لكن هم موهبة ولا يوجد لاعب في ملاعبنا بموهبة ذاك الجيل
اما كمال حامد فلم اجد حد يشيد به والكل يرفض كمال حامد أو الصحيح معظم الناس لا تريد كمال حامد
اما قصة الماء لهذه ليس ببعيدة عن كمال حامد
يا حكم رجل الراية رفع الخط ... يا حكم رجل الراية رفع الخط

فهذه الجملة اقرب من كلام كمال حامد

اتخيل مذيع كبير زي دا لمن يقول ليك:
وأرى اللعيبة على الخط يلتهمون الماء التهاما

والله لو قال الكلام الفوق دة يا جدو يكون كمال حامد بالغ وشذ....
معقولة يا ناس؟؟؟؟
يلتهمون الماء التهاما؟؟

والله يا عبد الاله
الكلام دا سمعتوا منو مباشرة ومافي زول حكاهو لي
اها رايك شنو؟؟






الحبيب طارق حمدالله بالسلامة
وين انت؟؟

الا خ كانتونا لك التحية
هذه غير تلك
انا لم اقصد ان كمال حامد مكروه كشخصية فأنا لم التقي به من قبل ولم اتعرف علية كي احكم علية
لكن بس يبعد لينا من التفزيون ده شوف البجيب خبرو تاني
وليس كرايهتي له لانه مريخابي ولعلمك انا مريخابي علي السكين ولو قريت التعليق الاول كاتب انو كرهنا الاحمر زاتو
وحتي ونحن مريخاب لم نكره لعيبة الهلال فهم فنانين في الميدان ومبدعين ويمتعونا بالاهداف حتي لو كانت ولجت ةفي شباك المريخ خاصة اهداف الماهر المرحوم والي الدين
ولو كان كمال حامد زي مابتقول ويقول غيرك مبدع ومتميز ومزيع واذاعي واعلامي صاح كان جزب الناس لبنامج عالم الرياضة الذي يقدمة او حتي للمباريات التي يقوم باذاعتها وفي اغلب الاحيان لما يكون المذيع كمال حامد تلقي الجماعة مشغلين الرادي ويشاهدو في التلفزيون
وطه حمتو لما قال رجل الراية رافع الخط
ما زي حقت كمال حامد هنا في انفعال مع الحدث
وكمال حامد حصلت منو حاجات كتيرة
ما حقت الالتهام دي بس
وعموما كمال حامد يختانا من التفزيون والله بسهل عليهو

السلام عليكم ، وهاكم المشاركة دى من واحد من الجماعة !!!!
_______________________________________________________

باختصار

وسام الانجاز لكمال حامد

أحمد محمد الحسن

*
اعتدنا ان يكون حديثنا عن الأشخاص من خلال الأعمال والانجازات الكبيرة التي يقومون بها والتي ينبغى ان يكون تناولها من باب ان تقول للمحسن أحسنت وللمخطىء أخطأت..!

* أردت بهذه المقدمة ان يكون حديثي اليوم تعبير عن الاشادة والتقدير للجهد الكبير الذي بذله القائمون على التلفزيون القومى عامة والقطاع الرياضي خاصة بقيادة ربانه الماهر الزميل كمال حامد من خلال تنظيمهم الرائع لليوم الرياضي المفتوح يوم الجمعة الماضية على شرف احتفالات العيد الرابع عشر لثورة الانقاذ الوطني وقد امتد هذا اليوم الحافل منذ الصباح الباكر الى الساعات الأولى من صباح اليوم التالي وتابعه المشاهدون واكتشفوا من خلالها طاقات الابداع التي تفجرت من كثير من المواهب الرياضية في هذا اليوم وأظهر به الاستاذ كمال حامد ورفاقه من المخرجين والمذيعين والمعدين قدرتهم الفائقة على تقديم نموذج يحتذى به من العمل المبدع الخلاق الذي نأمل ان تكون له اصداؤه الواسعة لدى الاخوة في الادارة العليا للتلفزيون.. ولو كان الأمر بيدى أو كان الحكم للمشاهدين الأعزاء لكان أقل ما يطالبون به وسام انجاز للزميل كمال حامد تقديراً لهذا الانجاز غير المسبوق في تاريخ القطاع الرياضي بالتلفزيون..

* لقد كان لي شخصياً شرف المشاركة في هذا الانجاز عبر الحوار المثير الذي اجريته بتكليف من الاخ كمال حامد مع سعادة اللواء ابراهيم نايل ايدام أول وزير للشباب والرياضة بعد الانقاذ.. وحاولت ان اخرج منه بأسرار تلك الفترة التي ارتبطت بانجازات تاريخية كان على رأسها فوز المريخ بكأس الكؤوس الافريقية ووصول منتخب ناشيء السودان الى نهائيات كأس العالم بايطاليا وانعقاد فعاليات المؤتمر الشبابي الرياضي القومي الرابع وغيرها من الانجازات التي لعب اللواء ايدام دوراً بارزاً في تحقيقها، وقد سعدت كثيراً لما احدثه هذا الحوار من ردود افعال وسط قطاع كبير من الرياضيين وما سطره قلم الزميل داؤود مصطفى على صفحات «النخبة» في هذا الصدد.. وان كان لي تعليق على بقية فقرات اليوم المفتوح فهو تحفظى على ما ذكره الفنان الكبير ابراهيم عوض في معرض حديثه عن ارتباط اسرته تاريخياً بنادى المريخ، وقوله ان والده المرحوم عوض عبدالمجيد هو الذي اطلق على المريخ العظيم هذا الاسم الرنان وهذا خطأ تاريخي كنت اربأ بالفنان «الذرى» ابراهيم عوض ان يقع فيه لأن كل من له صلة بالمريخ وتاريخه يعرف من الذي اطلق على المريخ اسم المريخ ومتى كان ذلك وفي أي بيت من بيوت المسالمة «وليس حي العرب» اجتمع كبار أهل المريخ واتفقوا على تغيير اسم الفريق من المسالمة الى المريخ.. أقول هذا احقاقاً للحق لا اكثر ولا أقل مع تقديرى للدور الكبير الذي لعبته اسرة الفنان ابراهيم عوض في مسيرة المريخ، ويكفي ان شقيقه الأكبر محمد عوض كان رمزاً من رموز المريخ وأحد أقطابه الذين يشار اليهم بالبنان ومن جماعة «البرش» المشهورين ومن أخلص الخلصاء للنجمة طيلة حياته الحافلة بكل ألوان البذل والعطاء من أجل المريخ..!

-----------------------------------------------------------

جنس ده نقول ليه شنو ؟

الاخ طارق
السلام عليكم ورحمة الله وبركاته
يا اخي بغض النظر عن موهبة كمال حامد واو ابداعه في ذلك مع ان معظم الناس يرون انه غير مؤهل لذلك
فالمصيبة ان يستمر برنامج يوم نصف اي عدل هذه كان الاجدر ان يتم تقسيم البرنانج لعدة ايام