Post: #1
Title: أيهما أكثر ضبطا للتدخل الأجنبي : استمرار الانقاذ أم ذهابها؟؟؟
Author: فتحي البحيري
Date: 06-11-2003, 10:38 AM
Parent: #0
ودائما
ينعم الله علينا بسهولة الجدل المنطقي (ضد هذا الظلام)فعندما تذكروا فجأة أنهم (ناس شريعة)عند انسحاب الكرسي من تحتهم وجدنا من المنطق ما يكفي ويفيض بأنهم ليسوا أهلا للدين
والآن
وفي بوست مجاور
نرى أذيالهم التي أسقط في يدها
تزعق (تريدون الدخول الى الخرطوم على ظهر دبابة أمريكية)فوالله الإختشوا ماتوا
اتحدى هنا من يقول لي ان الأمريكان يحتاجون الان للدخول للسودان لظهر دبابة
وانا لو منهم احسن من الجماعة الحلوين ديل مافي
كل ماهنالك
يا هوبلس وأساسي
أن الأمور الان قاعدة تمشي مشي طبيعي
يعني الساعة اسا عشرة ونص
بعد ربع ساعة حا تبقى حداشر الا ربع
والانقاذ التي تبيح السودان للأمريكان
وتمنعه على بنيه
خليقة بأن تكنس
بأي شيء
وفيها شنو يعني لما أمريكان وسودانيين يقولوا للأعور أعور
ههو ما عارف روحو أعور؟؟؟؟
|
Post: #2
Title: Re: أيهما أكثر ضبطا للتدخل الأجنبي : استمرار الانقاذ أم ذهابها؟؟؟
Author: alfatih
Date: 06-11-2003, 10:43 AM
Parent: #1
البحيري
تسلم يا اصيل
تقول لي ناس شريعه ؟
اكان الخلفاء الراشدين عملوا
زي دة.....كان الله يكون
في عون الاسلام زمااااااان
وكان ما شفناهو زاتو
|
Post: #3
Title: Re: أيهما أكثر ضبطا للتدخل الأجنبي : استمرار الانقاذ أم ذهابها؟؟؟
Author: فتحي البحيري
Date: 06-11-2003, 10:56 AM
Parent: #2
موش؟؟؟؟؟؟؟؟
|
Post: #4
Title: Re: أيهما أكثر ضبطا للتدخل الأجنبي : استمرار الانقاذ أم ذهابها؟؟؟
Author: Deng
Date: 06-11-2003, 04:20 PM
Parent: #1
الأخ بحيري.
حكومة الإنقاذ خياراتها محدودة وكلها سوف تؤدي للتغير, التغير الذي لن يكون في صالحهم بكل تأكيد. هم الذين جلبوا لنفسهم كل هذا التعاسة.
Deng.
|
Post: #5
Title: Re: أيهما أكثر ضبطا للتدخل الأجنبي : استمرار الانقاذ أم ذهابها؟؟؟
Author: فتحي البحيري
Date: 06-11-2003, 04:47 PM
Parent: #4
نعم أخي دنق
وليتنا ننعم بحيائهم مما يفعلون لحظة واحدة
واتمنى ان نناقش هنا جزئية ان حماية السيادة والاستقلالية ممكن أكثر في ظل وضع ديمقراطي
منه في ظل هذا الوضع الانبراشي
|
Post: #6
Title: Re: أيهما أكثر ضبطا للتدخل الأجنبي : استمرار الانقاذ أم ذهابها؟؟؟
Author: HOPELESS
Date: 06-11-2003, 09:42 PM
Parent: #5
الاخ فتحي البحيري
اللهم لا انبطاح
اللهم لا انبطاح
ماقصروا معاكم (مادام جوعروا معاكم قدام السفاره) والهتاف كان بالطريقه السودانيه ولا الأمريكيه..؟
والرساله الكتبتوها ما قلتوا فيها انو السودان بيمتلك اسلحة دمار شامل مخزنه في الجوامع ولازم تنضرب زي مصنع الشفاء ..؟
ما اتكلمتوا عن تجارة الرقيق في السودان وانو السعر اصبح غير مواكب مع متطلبات الحياة اليوميه ما طالبتوا الامريكان (الاصل) انهم يضغطوا علي السودان اكتر عشان يعلي السعر..؟
ما قلتوا انو النيل بيسقي مشاريع مشاريع ارهابيه ولازم الامريكان الاصل) يشوفو طريقه يسدوهو بيها من منابعو ولا ان شاء الله يبخروهو قبال يصل السودان
ارجوا انكم ما تكونوا نسيتوا الاشياء ديه
عشان تكتمل مطالبكم ومطالب المعاكم وتكون مكتمله
ولا حول ولا قوة الا بالله
كيزان شنو ومعارضة شنو يا زول
اتذكروا شئ واحد اسمو السودان
مابينسي الخانو ولا الدانو
ويا وطن خليك كبير عشان انت الكبير
|
Post: #7
Title: Re: أيهما أكثر ضبطا للتدخل الأجنبي : استمرار الانقاذ أم ذهابها؟؟؟
Author: 3bdo
Date: 06-12-2003, 06:53 AM
Parent: #6
تسلم يا هوبلس
اتبلينا بالانقاذ ... وما كفانا ... دايرين نبيع وطننا للأمريكان ونرحب بيهم في بلدنا قبل ما يصلوها حتي ... الوطن اللي ما لاقي زول يحبوا ... بس نفلح نتستر بي اسمه علي خزلاننا و الانح... اللي وصلت ليه نفوسنا.. نتشدق بالأجنبي الكافر وقوته عشان حزبنا ما لاقي طريقة يحكم بيها البلد
ويجي الأمريكي وبرضه نعارضه نقول أجنبي واحتلال ... ويستلم حزبنا حكم البلد يقوموا الباقيين يعارضوه... ونواصل المسلسل .. وكله باسم السودان
ربنا يزيح عننا الانقاذ
قول امين يا فنحي بحيري
بس ما تجي بعدين تعارض الحكومة اللي بعدها... لاننا عارضنا أي حكومة
الامريكان اذا جابوهم منافقي الانقاذ أو منافقي الأحزاب الأخري ... برضه مرفوضين
ارحموا السودان
وأرحموا الباقي لينا من كرامتنا وكرامة البلد ... اذا فضل فيها باقي
|
Post: #8
Title: Re: أيهما أكثر ضبطا للتدخل الأجنبي : استمرار الانقاذ أم ذهابها؟؟؟
Author: فتحي البحيري
Date: 06-12-2003, 09:07 AM
شكرا لرفع البوست
وساعدونا بالـ
logic
سؤال : ما الذي لم يفعله النظام للأمريكان
وما الذي يستطيع ان يفعله لهم غدا والان
|
|