يا جماعة والله ده كرهنى البورد عديييييييل كده

الأعزاء الأحباب

بصراحة كده قمت يوم (لى شلاقتى) نزلت لى برنامج - نسيت اسمه هسع – ومن يومها وهاك يا بق (Bug) كلما افتح بالذات الهوت ميل او سودانيز اون لاين ما اسمع ليك الى (ويك ويك) وصت اجش كريه قبيح وصورة حشرة الكترونية كرعينها سته ولا ثمانية ما عارف وتحذير ونفير وده كله عامل منه طناش لكن الفور دمى كلما أحاول اكتب موضوع أو رد هنا بس لامن اقرب انتهى وارسل تجينى الرسالة دى :

Quote: iexsplore.exe has generated errors and will be closed by Windows. You will need to restart the program An error log is being created OK

اها وحاتكم ما بستنانى اضغط على اوكى الا القاه ليك طلعنى بره الانترنيت خالص ..

يا جماعة بالله ناس الكمبيوتر يورونى المخرج شنو من البق ده والله كرهنى التعامل مع الانترنيت وضيع على ردود كثيرة ومواضيع كثيرة ولانى زهجى وأخلاقي فى راس نخرتى أقوم أخلّى الموضوع وما اكتب فيه ثاني ..

اها فى زول بساعدنا ولا نعيش فى العذاب ده كده بس ؟؟

لكم تحياتي جميعا

ويك ويك
ويك ويك
ويك ويك

والله ضحكتني يا قرشو
انت الوداك تتشالق شنو؟
ويييييييييييييييييييك

بس لو فى زول ساعدك يا قرشو

قول لى عووووك

كمبيوترى داير يجيب لى ذبحة صدرية

وكلها البوب ابس

انا حسى بدعو ليها كل صباح

انه ربنا يدخلها النار

استاذتنا الغالية تماضر

لك التحية

والله ياختى الحكاية بقت مملة عديل كده والمشكلة ما بظهر الا مع سودانيزاون لاين والانا بقضى اليوم كله معاه يعنى كل مرة ادخل فى المشكلة دى ..

الله يورينى فيه يوم وبكلمك كان لقيت فيه فرقة

مع تحياتى

والله لحدي اسع بضحك
لكن يا قرشو لو كنت
عارف اسم الشئء النزلتو
كنت سهلت الامر

يا عمده
نزل الاكسبلورر تاني
او ارفعو لي نسخه احدث

حبيبنا قرشــــو
المشكله دي حاصله معاي لأني عملت أبقريد من إكسبلورر 5 إلى 6 في المكتب وطبعا ما في طريقه أغيره مرة تانيه إلى إكسبلورر 5 لأنه ما عندنا صلاحية تغيير البرامج الرئيسية..وجوا كم واحد من ناس صديق ورفيق من المختصين بالسوفت وير وما قدروا يعملوا حاجه..قالوا إصله إكسبلورر 6 فيه مشاكل كتيره..أمامك حلين إما الرجوع إلي إكسبلورر 5 أو تشوف ليك فليت للبق دا..وعموما أساطين الكمبيوتر موجودين في البورد..ويمكن الحل الأولاني مايكون صحيح أو عملي..وبعدين أحســـن حل إنك تخلى الشلاقه الغلبني أخليها..ولو قدرت ورينا دواها...تحياتي

حبيبنا الباشمهندس الزاكى

لك تحياتى

والله ياخوى الهناى ده حكايته عويصه خلاص
ونحن مثلكم نتعامل مع ال (لان) عشان كده ما تقدر تحدث وتتراجع الا عن طريقهم هم بس..

والله شبكة شديدة خلاص

تعرف الشلاقة بتجى بالاستدراج وكل واحد اول شىء يقول ليك برنامجى ده مجانى وثانيا ده حايريحك على الاخر ويخليك فى احسن حالاتك وحبة حبة لامن تعمل داون لود وتقع الطوبة فى الجهاز القديم زى بتاعى ده..

شكرا سيدى على المرور وربك يسترها معانا بس

عزيزنا قرشو
اولا إنشاءاللة تكون فتحت وقفلت الكمبيوتر تلاتة مرات وراء بعض
المحاولة الثانية :محاولة تحميل إكسبلورار من جديد بالرغم من إنو ممكن يحصل تانى

المحاولة الاخيرة والحاسمة وطالما ما إنت ما متزكر إسم البرنامج اللى نزلتو ، شيل المعلومات المهمة عندك واعمل فورمييت للهارد ديسك ونزل ويندوز من جديد. لانوالبرنامج اللى نزلتو كان فيهو فايروس والفايروس بيحب اى حتة إسمها .exe

يا قرشو كدي حاول ان تعرف اسم البرنامج النزلتو
عبر الطريقة المتخلفة التالية يمكن تنجح
اولا اضغط
Alt+Ctrl+Delete
واختار
Task Manager
طبعا اتاكد انو بس فاتح الاكسبلورر
بتقوم تفتح معاك النافذة التالية موضحة اسماء البرامج الشغالة
كالاتي


لو لقيت اسم غريب مع الاشياء الانتا فاتحها
علي طول اخد اسمو واعمل سيرش علي السي ومن ثم احذفو
واقفل الجهاز وقم بالتشغيل مرة ثانية


معليش مجهود وفكرة متخلفة

العزيز احمد ساطور

لك تحياتى

والله اكان لقيت ساطورك ده انزل ليك فى البتاع ده جزر بس

تعرف المشكلة انه بتحدانى ويظهر لى على الشاشة زى ام اربعبة واربعين ويحرك رجوله..

والله بصراحةاحترت وشايفكم اجمعتوا على حكاية تغيير الاكسبلورر دى

نحاول نجربها برضو

شكرا يا سيدى على محاولتك مساعدتى ويا رب تنجح بس

مع مودتى

الاخ ايهاب

لك التحية

ياخوىالاكسبلورر ده حكايته حكايه ونحن لاننا شغالين عبر شبكةداخلية (لان) عشان كده الا يجوك الجماعة الرفقاء وده موال طويل

لك شكرى يا سيدى على المساهمة

الاخ جيمس

لك التحية

والله ياخوى الحكاية غريبة وانت عارف البرامج مغرية وكل واحد يقول ليك البرنامج ده لا غنى عنه ابدا وده بيعمل ايه وده بيعمل شنو والواحد عاوز يلم الواطة كلها..

لكن بس انا ما متذكر ياتو برنامج ده وكلها برامج صغيرووووونة كده يعنى الا اقوم امسحها كلها لكن تفتكر ده بحلنى من المصيبة دى ..

لك تحياتى

قرشو بس اتاكد
من انك فاتح البرنامج البتحصل عادة معه المشكلة
او بيشتغل معاه الويك ويك
واكيد بيظهر معك في
task Manager

غايتو يا جيمس أمانة ما جضمت الحكاية وجننتها جن . أحمد الله ما عندي برامج مخستقة ، نحن ناس دغريين ، باقي بنخاف من الحكومة . لكن أنا كنت بسأل نفسي : معقول يكون الكمبيوتر دا بليد للدرجة دي ؟ يعني ما بتوقعوا ناس يخرمجو في البرامج وتحصل ليهم مشاكل وراسهم يضرب ؟ لازم الخواجة العمل الإكسبلورر يكون فكر بدلنا وعمل ليها حل .

شكرا ليكم كلكم وشكرا يا جميس بالاصالة عن العمدة والنيابة العامة .

سلام مربع

ياعمدة بالله جرب الحل العبقري بتاعي دا
اصلي الايام دي عامله فيها تفتيحة في الكومبيوتر

شيل المونيتر بتاعك
لازم تسال نفسك وانت بتفك فيهو
المونتينتر دا
شغال 110
ولا 220
هل
سبعتاشر بوصة ولا فري سايز
دي الموضه الايام دي ..
سمعنا في امريكا
اصلي الفكره جات من وين
الفرنسيين عاملين فيها بتاعين ازياء وموضه
قاموا اخترعوا الاكس والميديم والاكس لارج
قاموا العرب لانهم كلهم ماشاء الله عليهم سمان
اخترعوا الاكس اكس اكس اكس لارج
بس قاموا الكوريين وكيتا في الامريكان
اخترعوا مقاسات للمونيتر جديدة
اكس اكس اكس اكس لارج
تضامنا مع الشعوب العربية
وفي نفس الوقت عشان يبيعوا للسودانيين
سياراتهم
انا جاياااك في الحكي
لمن تتاكد اي نوع مقاس شاشتك
تختار الالوان وتختار منهم الدارك
عشان تظلم الشاشة
دي لسبيين واحد
لانو سمعت انو الفيروسات بتاخف
من الظلام
والشي التاني مابتحب
اللون الاسود
لو ماخافت فيروسات وبرنامجك ماخاف
شيل المونيتر بتاعك دا
وامشي على شارع خالد بن الوليد
ولا سيتي سينتر
وهناك بدل المونيتر بتاعك
بواحد فري سايز
يمكن يدفعوك الفرق
ولو رضوا . انتظر بتاع الهدوم والعده
غيرو بطعم كبابي
دا في حالة انك يئست خالص منه
ام اذا لم تييئس
فاليك الحل
اشتري شامبو نوزروال بلسم
و
غسل بيهو الشاشه
وحالا سوف يزول برنامجك
او كحل نهائي
غير بريدك في الهوت ميل
غير الادرس بتاعك واشترك باسم من جديد
اكيد المشكلة في الهوت ميل بتاعك

الاخ جيمس

لك التحية ولاهل العوض كمان

تعرف قمت قفلت الابواب والشبابيك كلها عشان ما يشرد منى البتاع ده ودخلت ليك على البرامج معط شديد تعرف اى برنامج زيادة شلتو ليك بره .. اها يا سيد الامنتى ليك ادخل ثانى القى ليك برنامج لابد فى ركن حالف بى راس ابوه ما يتعتع ولا يتخارج شبر واحد
البرناج المنحوس باقى لى هو سبب البلاء كله لانه مصاقرنى فى الشاشة اليوم كله واسمه
EyeShield
وده جبناه فزعة عشان يريح عيونا زى ما قالوا الكذابين طلع لينا مخبى ويك ويك جواه..

المهم يازول البرنامج ده الوحيد الفضل وما راضى يتمسح خالص خالص مالص ..

مع تحياتى

اها رايك شنو

يا قرشو
انا بفكر الايام دي اتكي الكمبيوتر دا في الواطة دي واضبحوا

بتنا شيرى

تحية كمبيوترية


تعرفى اول حاجة انا لا ناقة لى ولا جمل فى البتاع ده لانه كمبيوتر الشركة وديل عشان ما يغيروه عييييييييييك اسكتى ساكت
لازم اول حاجة انتظر نهاية السنة المالية الجديدة
وبعدين اضمنه فى الميزانية بتاعت العام القادم
ولازم الميزانية يكون فيها شوية رحرحة
والميزانيات اصبحت كلها شد احزمة على البطون
ولو وافقوا عليه فى الميزانية الجديدة اللى هى بتاعت السنة الجاية 2004 تكون الوظيفة بتاعتى اتلغت
واذا الوظيفة ما اتلغت تكون الاجهزة خلاص قدمت ويكونوا صنعوا حاجة ثانية

شفتى الحكاية سلسلة كيف وفى قمة السهولة ..
احد الزملاء اقترح على ان ارمى بام المونيتور من راس البرج النحن فيه وهممت به ولكن للاسف لقيت مافى شبابيك اصلو تصدقى خمسة عشر طابقا ما فيها شباك واحد
والمحيرنى تلقى الغبار على الاجهزة بجى من وين ما عارفه والله

المهم يا ستى الشغلانة ما فيها من رمق
والله المستعان بس
وده جهاز احسن منو التبش بالدكوة

مع تحياتى

ياريت يا قرشو يكون عندك نفس السى دى بتاع البرنامج ، دخلو فى السى دى درايف تانى وحيسألك من إزاحة ،طالما رفض وحلف بالطلاق إنو ما يتعمل ليهو دلييت.

العمدة قرشو..لك التحية..إن لم تكن قد عملت بوصفة الأخت شيري أو الأخ أساسي فأمامك فرصة للحل...الأخ جيمس أعطاك (مسكن فقط)...وإليك العلاج الناجح..أذهب إلي لوحة التحكم _أضافة إزالة البرامج..وأحذف البرنامج الذي قمت بتركيبه من هناك...وإن كان الويندووز الذي بجهازك هو 98 فمن نفس ( إضافة وإزالة البرامج) أضغط علي ( أضافة وإزالة البرامج) هناك أضغط علي ( الإكسبللورر)وإختار ( إصلاح)..مع العلم بأن هذه الطريقةتنجح مع الاصدارة الخامسة للإكسبللورر .
وبالنسبة للأخ النيل يمكنك حذف الإكسبللورر الإصدارة 6 من الإنترنت فقط...بالذهاب لموقع ( ترقية ويندووز_تفحص الجهاز لإجراء الترقية_ إزالة الأكسبللورر)...ويبدو أن لديكم جميعاً صلاحية إضافة برامج علي الجهاز..بمعني أن ( البوليسي) أو نظام حماية الشبكة منخفض لديكم...وهذه محمدة لمدير الشبكة الذي منحكم مثل هذه الصلاحية..أرجو أن تجرب هذه الطريقة وتكتب لي
بالنتيجة...إن لم تنجح معك فحاول هذا الأمر
من أبدأ أذهب إلي
run
وأكتب
msconfig
وإختار
startup
وأزل علامة الصاح من أمام إسم البرنامج...وأعد تشغيل الجهاز بعد إعادة تشغيل الجهاز سيظهر لديك تحذير..ضع علامة صاح في المربع الذي يقول لك ( لا تظهر هذه الرسالة مرة أخري

الأخ فــلان
تحياتي
زي ما قال الأخ قرشــــو نحن شغالين بنظام لان ومافي زول يقدر يعمل حاجه غير العندو صلاحية أدمنستريتر..والشركه هي البتفرض وتحدد البرامج العاوزاها..وللعلم فالشركات العندها لان بتفضل إكسبلورر 6 لأنه بيتيح ليها فرصة مراقبة نشاط مستخدم الشبكه... شكرا على الإهتمام..ولا عدمناك يا حبيبنا

منتـــدى النيــــــل

العمدة العزيز كيف حالك

ماله الكمبويتر ده قام يجنن عليك

اضافة الى النصائح اعلاه، اذا ما نجحت، واذا مانجحت فقط، في هذه الحالة ما الك الا الRegistery وزي ماقال الراحل مصطفى سيد احمد اذا ما آخر العلاج الكي ماراويدك حمر يمي، تفتح الRegistery باستخدام Regedit وتبحث عن اسم الملف وتمسحه نهائي من الReggistery وبعدين تشغل الجهاز مرةتانية

لأنه في بعض البرامج العكليتها بتكون موجودة في هذا الملف وما بتمسح نهائي، كل ما تمسحها وتشغل الكومبيورت مرة تانية ترجع، عشان كده فتش عليه كويس وامسح اي مدخل entry ليهلغاية ما يقول ليك Not Found بعدين تسيبه

لكن شي واحد مهم لما تفتح الRegistery اول شئ اعمل ليه Backup لحالة الطوارئ لأنه اي عنكبة جنكبة في هذا الملف الكومبيوتر بيلحق امات طه، عشان كدي جرب النصائح الفوق دي وبعدين تعال لي ده

لك التحايا

الاخ الحبيب ياسر

لك التحية

تعرف ياخوى المشكلة انا ما عارف انه المصيبة دى فى ياتو برنامج وعشان كده قمت بازالة كل البرامج الغير اساسية وبرضو اول ما افتح الهوت ميل تأتى الرسالة كما انه يظهر فجأة هنا فى سودانيزاون لاين..

والله جربت كل الطرق ومافيش فائدة

اها كيف الشورة ؟؟؟

مع كل الود

Salam ya 3omda...
kida try this program!!!!
http://www.panicware.com/process_download.html?prdid=PSPROFESSIONAL
& let me know
Yours AnwarKing

الاخ الحبيب انور

لك التحية

اولا اشكرك على دعمك ومساعدتك ولكن البرنامج او الرابط ما راضى يشتغل معاى وتأتى الرسالة أدناه ..

Quote: Forbidden You don't have permission to access /PopUpStopperProfessional.exe on this server.

لك شكرى وامتنانى

يا قرشو سلام
والله اكان غلبت الحيله امشى لى راجل الكريمت؟؟
كيه واحده بس؟
ده حل بره الزمن؟؟
انور






يوم العركه الفى الحراره
بتشبع الصقار مراره

الاخ قرشو
تحياتى
ربنا يعنك والشباب ما قصرو
انا قريت علاجات الشباب كلها وما نجحت معاك
انت لازم تنزل الاكسبلورا من جديد لو كانت 5 كويس ولو كانت 5.5 ايضا كويس ممكن تنزل اكسبلورا 6 وبتحل المشكلة
ولكن لو كانت الاكسبلورا 6 لازم تحذفها من جهازك وتنزلها مرة تانية
بس عشان انت عندك شبكة محلية لازم تتصل بالادمنسترتر حقكم عشان يحل ليك المشكلة وممكن تتصل علينا فى قسم الدعم الفنى تسال منى او وتقول للشباب انا قريب احمد ابوقوتة وهم بدوك العلاج الناجع
8001243399

الاخ قرشو
يا اخي سد اذنيك عشان ما تسمع الصوت

حبيبننا ا نور عمر

لك التحية

ياخوى المشكلة مافى الصوت واكان عليه كان بسيطة ولكن ما ان يصدر الصوت حتى يقوم تلقائيا بارسال الرسالة المذكورة اعلاه ثم يقوم بالخروج من شبكة الانترنيت والغاء كل المواقع المفتوحة ..

شفت اكان بقت على الصوت كانت تهون

مع ودى

الاخ ابو قوته

والله ياخوى الله يديك العافية وانت ما قصرت معاى تب ان شاء الله ما يقصرن ايامك

تعرف اخوتنا فى الادارة الفنية روحهم طويله ويومهم بى سنة واخيرا الحل ان ياخذوا منك الجهاز لمعالجته لديهم وياخد ليه اربعة خمسة يوم وتعرف الشغل لا يحتمل ذلك عشان كده بخليهم كاخر حل بعد ما اعجز انا من حل المشكلة ..

اشكرك كثيرا وساحتفظ برقمكم للاتصال بكم عند حالات الطوارىء

تسلم لينا يا غالى

الاخ انور ابو قايدة

لك التحية

تعرف لو الجهاز خاص كنت كويته براى بى ايدى القوية لكن المشكلة انه جهاز شركة .. شفت المحنة كيف ؟؟

لك تحياتى

سلام يا عمدة إذا كنت تستخدم ويندووز ألفين بروفيشنال فإن أمر
msconfig
لن يعمل معك إلا إذا قمت بتنزيل هذا البرنامج( وهو مرفق لك في آخـر هذه المشاركة)وهو برنامج صغير جداً , وسيعمل معك الأمر بعد تنصيب هذا البرنامج....ثم أذهب إلي
1/ start
2/ run
3/ msconfig
4/ startup
5/ أزل علامة الصاح من إسم البرنامج...وأعتقد بأنك قلت إسم البرنامج الذي تشك فيه هو
EyeShield

نزل البرنامج من 67 كيلو بايت فقط

أعد تشغيل الجهاز بعد ذلك...وسوف تـُـحل المشكلة بإذن الله..
إن لم تنجح معك هذه الطريقة..فعند ظهور رسالة الخطأ وعند إغلاق البرنامج ستظهر رسالة ( إرسال تقرير لميكروسوفت )..
أضغط علي ( تقرير الخطأ ) لمعرفة تفاصيل الخطأ..وأكتبهاهنا..لنعرف ماهو البرنامج الذي تسبب في الخطأ...

الحبيب النيل...قدر أخف من قدر..نمنع في شبكتنا المحلية هنا كل أوامر ( الدوس)..و(تشغيل )..وليس للمستخدم حق إضافة أو إزالة برنامج...
ولو نزلت أي برنامج...إلا تلفو في ( جريدة ) آخر اليوم وتشيلو معاك

dear girsho good evening
i hope that filan plans work for you and solve the problem and if not just give me your messenger passward and i will solve it for you in five min promise and i won't read the jiks massages believe me
i just want to know what the heck you are doing in the messenger that prevent all these above solutions to be effective
my best wishes to u and ur PC man

هشو ونشو هشو ونشو هشو ونشوهيشو ونشو هشو ونشو هشو ونشو
هشو ونشو هشو ونشوهشو ونشو هشو ونشو
هشو ونشو هشو ونشوهشو ونشو هشو ونشوهيشو ونشو هشو ونشو هشو ونشو
هشو ونشو هشو ونشوهشو ونشو هشو ونشو

يا عمده دا ما الضبان الالكتروني .. ما عرفتو؟؟

حبيبنا جمال

لك التحية

شفت لما تكون فى ضبانة ثقيلة تفور دمك وما تخليك تنوم ولا ترتاح \دى ياها الضبانة الالكترونية دى والغايظنى ما تقفل الا سودانيز اون لاين يعنى ما عندها عدو غير احلى موقع انا بقضى فيه يومى كله ..

لك تحياتى

عزيزى ود الجعلى

لك التحية

انا اعتذر اننى ازعجتكم معى والله ولكن ليس لى من الجأ اليه وديا سواكم ولذا تثاقلت عليكم..

الاخ فلان مشكورا قام بجهد كبير ولكن لم تنجح المحاولة ربما ان هنالك شىء ما خطأ..

للاسف يا عزيزى ان خاصية الماسنجر لدينا مغلقة ولا تعطى الا بعد بوس الايادى وقد منحت لى مرتان ثم اغلقت وانا كرهت بوست الايادى واستعضت بالميل العادى رغم ما للماسنجر من اهمية قصوى ولكن حكم الرفقاء على السودانيين .. نسوى شنو

لك شكرى ولكن عنوانى على الهوت ميل سبب البلاوى على ما اعتقد هو :
[email protected]

العزيز فلان

لك التحية

والله انا شاكر افضالك وجهدك معى لحل المشكلة ولكن لست ادرى لماذا لا تنتهى هذه الحكاية البايخة ..

قمت بانزال برنامجك وتم على اكمل وجه وقلت الحمد لله واستبشرت خيرا وتلقائيا الجهاز اغلق نفسه ثم شغلته من جديد وقمت بالخطوات المذكورة ولكن جاءتنى الرسالة التالية :
Cannot find the file "msconfig" (or one of its components). Make sure the path and the filename are correct and that all required libraries are available.

ولذا وقف حمار الشيخ فى العقبة وهو ذاتو قال ده بس كل الموجود عنده فى مكتبته..

والله انا شاكر افضالك ولعلنىاخطأت فى بعض الخطوات ولكنى نفذت ما قلته لى حرفيا ولربما الجماعة بتاعننا ديل عاملين ليهم شىء مخصوص

لك شكرى مرات ومرات ولك تحياتى

عزيزي قرشــو لك التحية.. أفتح الملف الذي انزلته من الرابط أعلاه..وهو مضغوط بصيغة ( الون ريير)....وأضغط عليه بالماوس ضغطتين وهو مباشرة سيفتح لك
msconfig

وتابع بقية الخطوات..بالتوفيق

نزلت الملف وجربتو علي ويندووز ألفين بروفيشنال وإشتغل عندي

العزيز فلان

لك التحيات الطيبات

معليش يا صاحبى حاجننك معاى لانه وضعى غير عادى ابدا

حاولت اتباع خطواتك ولكن اطلت برأسها الرسالة التالية :

An Access denied error was returned while attempting to change a service. You may need to log on using an administrator account to make the specified changes.

شفت كيف الرفقاء مقفلنها علينا وبكده يعنى لابد من الرجوع اليهم لتحقيق هذه الخطوة..

اها رأيك شنو يا سيدى ؟؟؟

لك تحياتى

الأخ قرشو
تحية طيبة
حاول تنزل البرنامج التالى
،spybot،
http://beam.to/spybotsd
Then click on Downloads, scroll down and follow the instructions
البرنامج ده حا اشيل ليك أى بق
وحا تتفاجأ من كمية الفايلات الفي الكومبيتر والتى لا فائدة منها سوى العذاب
وحظا سعيدا
ماجد

الاخ الحبيب ماجد

لك التحية

والله انا عاجز عن شكرك وقد حاولت انزال البرنامج ولكن للاسف يبدو ان هنالك عطل ما
Service Temporarily Unavailable
The server is temporarily unable to service your request due to maintenance downtime or capacity problems. Please try again later

ولكنى سوف احاول مرات اخرى بعد زوال العطل لديهم وارجو ان يفلح

لك الف شكر سيدى

مع تحياتى

بسم الله الرحمن الرحيم

العمدة قرشو
سلام يا حبيب

هو البتاع دا الطار فيهو شنو بوظو؟؟؟

حبيبنا بدر الدين

لك التحية

ياخى البتاع الطار فى الهناى بتاعى ده والله انا ماعارفه شنو والا كنت قطعت ليك طاريه

تعرف نضفت البرامج كلها ولكن برضو البتاع ده عامل مشاكل

لك تحياتى

الحبيب قرشو...رجعنا ( للدائرة الأولي)...
ويبدو أن الــ Administrator قد أحكم ( القيود ) علي جهازك الفرعي
ولنرجع لخطوات الأخ جيمس المشروحة بالصور...
1/ أضغط علي المفاتيح Ctrl+Alt+Del علي التوالي..سيفتح معك مربع حوار..
2/ إختار منه Task Manager
3/ أضغط علي Processes
4/ أبحث عن إسم البرنامج..وأضغط عليه ضغطة واحدة
5/ أضغط علي End Process
وفي هذه الخطوة قد لا يظهر معك إسم البرنامج كاملاً..فقد تبدو منه الحروف الأولي فقط..مثلاً قد تجد إسمه هكذا ٍsheld.exe
وبعد ن توقف عمله سنقوم بحذفه بكامل مجلده
1/من ( أبدأ إختار بحث )..ودعنا نبحث في محرك الأقراص C فقط
ومن نتيجة البحث حدد مكان تواجد الملف ..مثلاً :
c:ExeShield
أو

C:\Documents and Settings\YOURNAME\Start Menu
إستبدل YOURNAME بإسم دخولك للجهاز
أو يكون كالأتي :
c: progrogram Files\ExeShield

ويمكنك أيضاً أيضاً بكل بساطة أن تضغط علي إسم الملف ( في نتيجة البحث) بالماوس الايمن ومن القائمة المنسدلة إختار ( فتح المجلد المحتوي علي الملف )...
والآن قم بحذف الملف..وكامل المجلد بالضغط علي DELETE من لوحة المفاتيح بعد تظليل الملف..أو بالضغط علي يمين الماوس فوق المجلد..وتختاز delete
ودا آخــر العلاج يا حبيب..

عزيزى فلان

لك التحية
ولك الشكر على الجهد الجبار معى واعتذر انى عذبتك

البرنامج الذى اشرت اليه استطعت حزفه نهائيا من الجهاز ولكن المشكلة ظلت كما هى يعنى البرنامج برىء من ذلك ويبدو انه فى برنامج اخر لا اعلمه او ربما زُرع فى الهاردسك ..

اشكرك جدا سيدى على عونك

بسم الله الرحمن الرحيم

إنت عارف الشئ دا ما عطلان بس يكون من بنات أفكارك

أسمع كدا أكون رديت على بوستين بي حجر واحد

سلام يا ريس مره تانية...
انا عملت فحص للعنوان وهو صحيح... حاول مرة أخرى...
http://www.panicware.com/process_download.html?prdid=PSPROFESSIONAL
أنور
AnwarKing

اخى انور

لك التحية

ولك الشكر على صبرك على مخى التخين

مرة ثانية حاولت ولكن جاءتنى الرسالة ادناه
Forbidden
You don't have permission to access /PopUpStopperProfessional.exe on this server.

وربما البرنامج مغلق من ادارة الشبكة لدينا او من مدينة الملك لا اعلم تحديدا

ولكنه لم يفتح حتى هذه المرة

لك شكرى واعتذر عن ازعاجك سيدى

عمدتنا سلامة كمبيوترك من كل بق
عارف ياعمدتنا انا برضو قاااعد عندي المصيبه دا من مده واشيل واهش فيه وهو قاعد يسمع في كلامي ..ومنتظره الحلول تنفع عشان اجربها لكن كان مانفعت كلها ياني المودياه لراجل الكريمت زي ماقال اخوي انور

لكن هو جانا من وين الملعون دا يكون؟
AWS wheatherBug installer
مش ياهو دا ولا عندك واحد تاني؟

العمدة العزيز قرشو

كدي جرب الوصفة دي كان تنفع

حل لمشكلة (تسبب الانترنيت اكسبلور في حدوث خطأ في)

العمدة قرشو ...تحية
يبدو أن مشكلتك هي من الــ flash plyer
ولكن يجب أن تقطع الشك باليقين
هذا إن كان في إمكانك الوصول إلي ( ملف أحداث النظام )

1/ لوحة التحكم
2/ أدوات إدارية
3/ عارضة الأحداث
4/ سجل النظام
5/ أضغط علي ( النظام )

الآن ستجد تسجيل للأخطاء التي حدثت في النظام ( أمامها علامة خطأ )
وستجد أيضاً بعض التحذيرات والمعلومات الأخري
ما يهمنا هو الخطأ ( مميز بدائرة حمراء ووسطها علامة + مائلة )

أضغط علي سطر الخطأ بزر الماوس الأيمن..ومن الدائرة المنسدلة إختار (خصائص)...
سيفتح معك مربع حوار ..
في وسط المربع ستجد ( الوصف ) وهي تعني وصف الخطأ أنسخ وصف الخطأ وأكتبه لي هنا لكي نحدد سبب المشكلة الحقيقي بعيداً عن التخمين ...
ولو كان الويندوز لديك إنجليزي فعليك بإتباع نفس الخطوات السابقة:
1/start
2/settings
3/control panal
4/administrative tools
5/event viewer
6/system ..... in the left
7/ right click on the error messege
8/ properties
9/description
ولنسخ رسالة الخطأ : قـُـم بتظليلها أولاً ثم إستخدم لوحة المفاتيح...بدلاً عن الماوس
Ctrl+c لنسخ
Ctrl+v لصق