الكتابة (بالفحم) على (بوابة)بورد..مشنوق العبارة!!!

حضرت ولم أجدكم....مشيت زريبة الفحم القريبة ...عشان اكتب كده على بابكم اللبنى وشباككم الأخضر...سيد الزريبة قال..الفحم العندنا كلو أبيض...وبنفسجى....ان درت السواد فتش ليهو...عند الهبرو ملو..
ليه أحضر ولا أجدكم من اصلو؟...خلاص حأعلق..صوتى على بابكم...ولما ترجعى ...اجدعى ...فى أفق الصدى....الجبال حترجعوا هم...عشان جبال الزمن ده ..بقت ما بتتحمل تقلة الصخور ناهيك عن هم زول جا وما لقاك..أيتها الحضرت ولم أجدك...
أميطى اللثام عن دهشة الحلم عندما يصيب نائمة بحمى الإشارة...وتوكأى عصا ترحالناالممعن فى اشتهاءات سواحل تتمطى بحارها...أميرة فى خدرها....ولن تعود عرجاء الى مراحها....فقد حضر ضل الدليب ولم يجدكم ...فارتمى بعيدا بعيدا...كناقم على عصره...لعباءات الأشجار سرها اللعين فى احتواء الأجداث...لأسماكنا البرية قدرة الغوص فى مسام الرمال....فلماذا ...أحضر..ولماذا أجدك أو لا اجدك....هل لأن طباشير (الفحم) يعنى أنك موجودة أم الآخرين حضور...ولا يزال بابك اللبنى وشباكك الأخضر ...مصدر ارتياب حسابات الحقل والبيدر
تحياتى
ودعزة

..وحضرت ...ولم أجدكم للمرة الخمسة آلاف ومائةولما تزل الصحارى نهب بشارات زائفة تبيعها..الأنهار...والنزوح ...و(الترام)....لقد تعبأ بابكم اللبنى وشباككم الأخضر....بخربشات فحمية....الى الدرجة التى يقول فيها ناس الحى ...داك...بيت ناس حضرنا ولم نجدكم...والشافعة ديك بنت حضر...والشويفع داك ولد وجد...
بين الصمت والجهر...نية الحديث أو الصمت...وبين الخطوة والتى تليها نية التقدم أو الوقوف...وبين عتباتك...ونقر أصابعى ....حاستى التاسعة التى تنبىء ..أننى سأحضر ولن أجدك...
فى مطلق الوجود غياب لحضور الأشياء ...وفرق شاسع بين معنى ...الحضور ...ومعنى الاستحضار
تحياتى
ودعزة

للمرة الواحدة بعد الخمسة آلاف ومائة...تظل سيرة الوطن حركة شفاه صامته...لا يقو على قراءتها سوى عتاة الجاسوسية...وقرأء فناجين الزوبعة...و(حلق) الباب...ذلك الخشبى...المتداخل بين الجدار وصيوان أذنيه...سيجد حتما من (يشب) فيه...ماذ يشبه هذا الحنين الى مجالسة خلصاء الوطن ..سوى بوح إمرأة...تقدم (شمسها) على طبق من ..فجر قيام ...
أيتها...المستبدة بأشواقك...لقد تهاوت عروش الفكرة لحظة أن امتزجت بغسق الرؤى ..ومغرب الشتات


تحياتى
ودعزة

ود عزة
لماذا الكتابة بالفحم....حين تكون الكتابة بماء الورد هى سيدة الكتابات...اترك الفحم للردود (المفحمة)..والقوس لبارىء اللقاء المستحيل
تحياتى
ودعزة

وقالت...تلك المؤودة فى فضاءات النشوء....
لا فرق بين (حرف)و (حرف) إلا بالنجوى!
قلت : من المتاح أن يحدث الانسان نفسه ...ويسمى ذلك (جنونا)
وأن يرد على نفسه: ويسمى ذلك عين (عقل التمنى)...

تحياتى
ودعزة

وأخيرا وليس آخرا.....................
ودعناكم الله....
وخلينا البورد ...لأطفال (أنابيب الحقد الدفين)....وهواة التجسس...ومخترقى الأجهزة....وناس شكارتا دلاكتا....والذين لا تستهويهم سوى مستنقعات الفتنة....و(الشلل) التى تقتات المسنجرات...ولا تترك شاردة وواردة...وجكسية ومجكسة...يأكلون لحوم أخوتهم ...بعد تقليبها على (كانون) المواجع...ثم يصرون أن وجوههم لم تنقص مزعة لحم واحدة...فيدلفون عبر بوابات النصائح والمواعظ ..ولا تستحى صنائعهم من أنهم أول المخالفين لما ينادون به من موعظة حسنة
تحياتى
ودعزة

تعرف يا صدقي الاول ود عزة
اعتبار هذا الفضاء السايبيري ارضا وواقع معاش هو اضغاث احلام
ابدا صديقي لا تراهن علي اشباح لا تراها
لا يربطهم سوي (كلك)ولا يلبسون سوي اثواب مستعارة تكاد لا تكشف منهم سوي احلامهم او نزوات لا يستطيعون معايشتها في واقعهم
ستظل تاتي بفحمك مشخبطا علي كل نوافزهم وابوابهم وهم ليسوا هناك

هن ما لقيت حاجة تسفرك
تعال عندنا وسيلة ساهلة
اطلب من بكري يلغي اشتراكك وبس

ياخي خليكم وطنيين هناك من يريد تفتيت هذا المنبر
بطلوا يا اخي هذه الشياء
الانهزامية مرفوضة عندنا

ود عزة موجوع
وجع شديد
قبل ما تقبل لي غادي يا ود عزة
دعني أقول ليك
لا وجود للكمال
لا هنا في هذا المنبر
ولا خارجه
قد نكون قلنا هذا الكلام أو لغة شبيهة له في السابق
أمشي أشرب وجيب لي معاك

مرات كثيرة بتحبطنا
عدم جية النوارس
ساعة ان ترقبانها
وتأتي في الاتجاه المقلوب
لمكان احتشادنا لها
يعني لا المكان هو المكان
ولا الزمان هو الزمان
وبتهزمنا اكتر طنيش الناس
لينا رغم انو نحن بنعرف كويس قدر نفسنا
بس ياود ياعزة دائما ما في ايدك انك تخلي الناس
تتلفت ليك اذا القمر ماسلط ضوءه عليك
قد تكون مستعدا وقد تكون افضل من كده بكثير
وتحتاج الى انصاف اكتر من كده
ومع ذلك
لم نعرف قيمة الكاشف الا بعد ان مات
كذلك ابو داؤد
ماقصدي انو اقول ليك موت وح نعرف قيمتك
لكن بقول ليك استمر في الشخبطه والدق على الابواب
حتما ح تجي لحظة يسمعك فيها الجيران واسياد الباب

حبيبي ود عزة
فقط كن هنا
فقط لا تنسحب
فقط ... قف ولا تتراجع
فقط ..كن بخير

ود عزة
سلام ....يبرد حشا المغبون...
سلام يطلق سحابات الالفه..في فضاءات الدبرسة فيرديها
فرحا....
لا تتشعبط في نسيج البعد...هذا الذي يجعلنا نمتطي سبحه
بعد عنها الخيط......كيف لها ان تكون
.....قف
ستجد من يتواري خلف الباب ضاحكا
لا توليه الادبار .....اضحك له وتبسم إن جادت تلكم اللحظة

لكلكم...يامن كتبتم أعلاه..وحضرتم.وجنبتم أبوابكم..جرجرات طباشير (الفحم)
أعتز بصداقاتكم وردودكم....وهذا يدل على انكم مثلى تكابدون..مشوار البورد بين الافتراضى والحقيقى...عبر هذه السايبر سبيس...وعلاقاتهاالملتبسة...
أعزائى
أساسى
مهاجر
أهل العوض
خالد عويس
الفاتح

المشوار طويل وقد تمر خيول ركضه من هنا


تحياتى...
ودعزة

ملحوظة: لم يهن على بعد إعلان خارطة طريقى....أن اتجاهل ردودكم أيها الأعزاء

ود عزة
ولان المشوار طويل
ابقى معنا
فنحن نحتاجك
ولرفقتك
فى المشوار


لا تذهب رجاءا

بعد المشاوير البقت
ممدودة في نبض التعب
بتعود و تلقى رجاك زول
حفظ الوداد زمنا صعب
و الباقى من ليل الهوى
و عطر الصبابة الما انسكب
و الباقى من كل الغناء
و سيل الكتابة الما نضب
........واقف براك

حضرنا ولم نجدك

بى فحمة
فى بابك
بس ما تصب مطرة

وترمى الحيطة
قبل ما تجى

الاخ ود عزه
سلام وتحايا
قبل ان تذهب اقرأ كلام اهل العوض دا مره أخري..
لا وجود للكمال لاهنا ولا هناك
صدقنى سوف ترتاح فقد كنت مثلك احسست كثيرا بأنهم غير صادقيين ومنافقين ويجاملون بعضهم البعض ..لكنى عدت وقلت لماذا تتوقعيين الكمال انتى فالكمال لله وحده ونحن بشر عادى وبس..
تحياتى
حليمه2

ودعزه جينا ولقيناكم وسعدنا بلقياكم خليك هنا وبلاش تفارئ

سلامات
انت سيد الحرمان ان فعلت فالابواب التي توكأت علي حروف فحمكم الاغبش غسلتها مياه السماء وماعادت تشتهي شيئا سوي خربشاتكم الحنينة ..تري كم مرة اختلفنا ..او كم مرة اتفقنا..سل صوابع يديك فان لحقهم شبه تأكد اني موافق علي ابتعادك
ياسيد الحرمان
ليس من حقك تركنا
فان تركتنا بالله كيف بنا ان نجد من تسوح عباراته في صفاء الروح وعكرها
حدثني بسوءك وبخبثك كيف
ان كنت نظيف فابقي ولاتهزك ريح
وان كنت غير ذلك
فجدير بك الرحيل
تاكد اني اختم
بـ
خالص الحب
وان كنت علي النوعين فانت ابن أم
وخالص الحب
وهذه للتوكيد
خالص الحب

ما تمشي يا ود عزة

وشمعة من هنا واحدة من هناك
تجعل الظلام يذوب خجلاً