في الخرطوم: أسرة تتقبل العزاء في هرتها

الخرطوم : ياسر المساعد

في سابقة نادرة من نوعها اقامت عائلة سودانية تسكن ضاحية الرياض الراقية شرقي الخرطوم ، مراسم عزاء حزين لهرة تطلق عليها اسم" روني" كانت تعتني بتربيتها ابنة الاسرة الصغيرة وكانت قد جلبتها العائلة قبل سنوات من العاصمة البريطانية لندن وان اهل الحي فوجئوا قبل ايام بصيوان صغير للعزاء في منزل الاسرة المعنية علموا فيما بعد ان كل ذلك كان من اجل نفوق " روني" الهرة المدللة للعائلة.

المصدر
صحيفة الخليج
يونيو 4

في الخرطوم ياالبابو جاز
توستي بالقدوم باالبابور جاز

تعيش رجبا ترى عجبا

الخرطوم والاجر على الله

يا سيدى من يعيش كثيرا يرى اكثر

ومن ناس ديل وااااااااسفاى

يا جماعة العنوان
كديستي اتأثرت وقالت الا تمشي تعزي

تحياتي
زولة123

يا زولا

كديستك لو ما من نوع القطط السيامية ، ما بيدخلوكم الصيوان ، حيقولوا ليك البطاقة و شهادة المنشأ و الشهادة الصحية للتأكد من خلو كديستك من ( جنون الناس )

يا ربي الكديسة دي تركت ثروة تقدر بكم؟

السودان بلد عجائب والله، لكن ده مؤشر جيد لقرب يوم القيامة الذي اعتقد انه سيريحنا في حسم كتير من القضايا أمثال مشاكوس والمؤتمرين الشعبي والوطني والكيزان و....الخ من الأشياء التي احترنا في حلها

اسع يا رجاء الدخل مشاكوس في صيوان العزاء الفي الرياض ده شنو ولاساكت كده لو ماتت كديسة يحشرو السياسة
دي سوات بتاع الشرطة السعودي الجنو جن سواقين اللموزينات والمصرين
اها قامو اتصلو عليهو وهو راقد في بيتو مع مرتو قالو ليهو في حادث في الشارع الفلاني طوالي قال ليهم غلطان بتاع اللموزين
قالوا مافي ليموزين
طوالي قال غلطان المصري
وتعازينا
لجميع الهررة والكدايس داخل وخارج الميدان
عنيزتنا الدوام لله
عنيزتنا البتسوي الشاي
كانت عادية
عنيزتنا
وتملا الكورية
عنيزتنا
الدوام لله

أخي الكريم
إذا كان هناك ملح إنجليزي وفيلم إنجليزي ومدرس إنجليزي وحصة إنجليزي وفريق إنجليزي ومفتاح إنجليزي فبالضرورة هناك كديس إنجليزي وهو دون شك لا يشبه كدايسنا ، فإذا كان هناك أسباب جعلت من الخواجات يقيمون مع قططهم وكلابهم وحيواناتهم الأليفة علاقات حميمة يأكلون معها ويشربون معاها وينامون معاها ولا أزيد بسبب فتور العلاقات الإجتماعية فما بال قومنا يفعلون مثل ما يفعل الإنجليز ، هل الحضارة والشطارة تتمثل في تلك القشور والتي لها ما يبررها لدى الغرب أما أن في الأمر بد ولابد مما ليس منه بد.

عجيب ياوطني بلد التناقطات ، وصحيح من قال ماضاقت بلاد باهليها ولكن اخلاق الرجال تضيق

يخوانا كديسه مهمه..... انتو قايلنها كديسه من كدايس الشكابه شاع الدين..........

وعبركم...كدايسنا ..ترسل التعازي ....في الكديسه...المهمه....
ويخوانا كل واحد عندو كديسه خلوها ترسل التعازي....في فقيدة الوطن والخرطوم....الكديسه المهمه...

يا رجاء بتتذكري (قبوض)

راوية مالو "قبوض".. ده يا دوب لما مات ابوي الله يرحمه عمل ليهو قصيدة عشان تخفف علينا موته

عندما قراءت هذا البوست قبل فترة تعجبت وصدقت ولم اصدق
الا انني عندما ذهبت الي الخرطوم دخلت احدي المتاجر لاجد قسما مخصصا لاكل القطط وهو عبارة عن معلبات مستورده.... فتذكرت هذا الخبر ولولا ضيق الوقت لذهبت لاداء الواجب رفقا بالحيوان

سؤال هل الكديسة كافرة لانها انجليزية ولا شنو الحصل

ياجماعة فيها شنو ! دى مش دلالة على إنه بقينا متحضرين جداً زى ناس لندن !؟ عموماً لاعزاء لحيوانات حظيرة الدندر بما فيها أبو السباع ملك الغابة

هل تنبأالفنان العبقرى العميرى بذلك منذ وقت مبكر ! حينما قال:

تنتهي الدهشه
وتموت الشفقه
في عين الكديسه
؟
مع الإعتذار لعبقرية الراحل العميرى ولأستاذنا الكريم الموصلى الذى اعتمد هذا التوقيع بالبورد

في البدء أحب أن أعزي هذه الطفلة المسكينة في كديستها التي من الواضح أنها
أقامت معها علاقة حميمة جدا كانت مثال للعلاقة الصحية بين الإنسان والحيوان ، وقديما الف ابن المرزبان كتابا كاملا في تفضيل الكلاب على بني البشر .

كما أعلن تعاطفي مع الكديسة المسكينة ....
مسكينة الكديسة ماتت في المنفى دون وجيع أو قريب يبحث في أسباب موتها . هسع الكديسة دي كان في بلدها أو في بلد بتنشط فيهو جمعيات الرفق بالحيوان وحماية البيئة ما كان الأبحاث البيطرية اشتغلت تش ، أسباب الوفاة ، سن المرحومة ، وهل أخذت كل التطعيمات اللازمة ضد أمراض المناطق الحارة طبعا لأنها نزعت نزع من بيئتها ، وهل المرض الذي أصابها معد أم غير معد ، خاصة ونحن في بلد بيعتمد على الثروة الحيوانية بصورة كبيرة فهل المرض الذي أصاب الكديسة يمكن أن ينتقل لثروتنا الحيوانية ( طبعا في هذه اللحظة انت تتجاهل انه الانسان نفسه سلطة الأنقاذ رفعت ايدها عن علاجه ويقع يموت بالجوع وبالمغصى والغبينه وهو ماشي في الشارع وما أحد يسأل عن سبب وفاته ) و أسئلة كتيرة كان بتاعين الأبحاث حيطرحوها حول المرحومة بت القبايل الما خمج .

من ناحية ثانية ومع إحترامي لخصوصية العلاقة العاطفية الحميمة بين تلك الطفلة ووكديستها التي نفقت ، ألا يعكس هذا التطرف في التعبير عن تعاطف الأسرة مع طفلتهم - والذي وصل حد إقامة سرادق للعزاء - الحالة التي وصلت إليها الفوارق الطبقية في السودان . خمسة في المائة عايشين وينهبوا في خيرات البلد ، ويعلقون الذبائح على أبواب منازلهم كل جمعة دون أدنى مراعاة لمشاعر جيرانهم المعدمين ونجد بينهم هذاالمثال الذي يقيم المأتم للكديسة ، وخمسة وتسعون في المائة يعيشون تحت خط الفقر وبعضهم لا يجد غير وجبة واحدة في اليوم وتكون سخينة أو بوش يعيش عليه أربعه وعشرون ساعة .

ورحم الله الشاعر إسماعيل حسن زماااااان قال :

بين الديوم والامتداد شارع زلط للعين يبين
لكن دي آلا السنين
....
.....
ليل المطر في الإمتداد بتشم عبير الياسمين
ليل المطر في الديم شنو ما موية ماصت ليها طين
ليل المطر في الامتداد تسمع رباب وتسمع سماح
وعجب العجيب شوف أهلي سامين اليقين .

ويا جماعة الشكابة نحن محتاجين لآلاف السنين عشان نستوعب انه موت الكديسة ممكن يعملوا ليه هيلمانة .

ولكم التحايا والود .

الغريبة أنا سمعت أن هناك أحد سكان حي الرياض حمل صينية الغداء إلى بيت جاره الذي توفي والده ظنا منه أن الفراش مفروش والناس جالسة ومالية البيت ، ولما وصل وجد باب الجار مغلقا ، فنقر ، فخرج إليه جاره ، ولما رآه يحمل صينيته قال له :
خلينا ليكم أمدرمان لحقتونا هنا بي صوانيكم دي

وقد كانت الفقيده روني رحمها الله تمر بازمه نفسيه بالغه بعد إنهيار علاقتها العاطفيه مع الكديس زعموط احد دونجوانات المجتمع الكديسى

المرحومه رونى تخرجت من الجامعه الانجليزيه العريقه
University of Cat-bridge
ومن ثم التحقت بشركة
Cat-erpillar
حيث تدرجت بالسلم الوظيفى حتى تم تعينها مديرا لفرع الشركه بالشرق الاوسط

يشاع ان اول لقاء لها بزعموط كان فى افتتاح معرض الشركه بمدينة هر-ارى حيث كان زعموط حينها مندوبا لاتحاد اعمال القطط الصناعيه

زعموط كما يشير اسمه كديس عصامى من اسره فقيرة الحال كانت تقطن كرتون سته حيث ترعرع فيها زعموط واتقن بها فنون الكدسنه واحترفها مع رفيق عمره كدوس
كانت الفقيده رونى تنظر إليه ككديس احلام قل ما جاد به الزمان فهو شاب طموح جرئ له تاريخ سياسى مشهود ابان دراسته الجامعيه وله صولات وجولات مع كلاب الامن انذاك...لم تكن تدرى حقيقته ومغامراته العاطفيه الملتهبه

فى الحلقه القادمه سنرى كيف تسلل زعموط الى قلب رونى واحتله فابقوا معنا

ونحن في الانتظار....

ولد دا قال ليك عزاء لكديس اقصد قط
( بعدين ولد دا تعبير يعني ماانت ) لوول

يارجاء كان من بدري عارفين الخبر
كان رسلتي قصيدة الرثاء بتاعتكم مع شوية تغيير
كي تناسب المرحومة روني
كان هسه رسلوا ليك 6 الف دولار مثلا في مصر نفعتك هسه

او انا متبرعة بعمل قصيدة رثاء
لاني تأثرت فعلا بس للطفلة اكتر من الكديسة
ورضيانة ب 3 الف دولار بس ما مشكلة


ولدا دا ( المرة دي انت زاتك )
واصــــل بالله
عمل شنو زعموط ؟؟؟

تطلعت رونى ذات اليمين وذات الشمال وهى تعبر قاعة المعرض بدلال قططى مدروس. كان لطقطقة الكعب العالى وعبير كديستيان ديور دورا كبيرا فى لفت انتباه زعموط الذى كان حاضرا بدوره وبوسامته انذاك
"دينى انا ودين ابو ما كده زاتو" غمغم زعموط بتلك الكلمات وهو يلتهم رونى بعينيه متفحصا قوامها الممشوق وعينيها الخضروان ثم ارجع البصر كرتين وهو يتطلع ذلك الذيل الذى طالما حسدنها فيه صويحباتها فانتفض قلبه وزادت دقاته متجانسه مع طقطقة الكعب العالى
"واى جنيس ده ما بنقدر عليو" صرخ بهذه الجمله فى اعماقه فقط ولكن انفاسه المتصاعده وإضطرابه الملحوظ حملا إعجابه الى رونى، هكذا اخبرته رونى لاحقا بعد هذه الليله المشهوده بشهر
واخبرته ايضا بانها شعرت بإضطراب وكبكبه خصوصا بعد ان اقترب منها هامسا :
"Good Evening"
تطلعت اليه بغنج قبل ان ترد تحيته باحسن منها
Good evening, how are you
- Have we ever met before
لم يدرى زعموط حينها لماذا سأل هذا السؤال والذى يعتبره من اغبى بل واتفه انواع الحنك وهو دونجوان وبلير خطير
"الله يازى الكبكبه وسنينها وشهورها زاتو"
وتذكر فجاءه تلك النكته التى سمعها فى شريط فرقة كدسو الفكاهيه عن قطة الحله التى يتكبكب كدايس الحله كلما رأوها قادمه من مدرسة ابوهريره الثانويه بنات. تقول النكته "كلو ما تفتح باب البيت ويشوفها واحد من كدايس الحله يتكبكب ويقول ليها آآآ اخوك طوجود مطروش؟ وهو يقصد اخوك طروش موجود المهم واحد لملم روحو وقال ليها آآآ اخوك طروش موجود؟ فاجابت بى دلع لا مرق مع ابوى قام الكديس قال ليها طيب لمن إجى نقول ليهو منو؟؟"
عند هذه النقطه تبسم زعموط وتمالك نفسه وعرفها، اى نفسه، لرونى بانه مندوب اتحاد اعمال القطط الصناعيه بالسودان
حينها صرخت رونى : "Oh My God
دادى ومامى برضو من السودان"
هنا ارتسمت دهشه حقيقيه فى وجه زعموط وتسأل كيف لهذه "الجكسويه الشرط"، على حسب تعبيره السوقى طبعا، ان تكون من اصل سودانى بل هى كما غنى المطرب الشعبى ابشنب متسأئلا امن حور الجنان ام انت كديس الكمال
- والله ما بصدق معقوله الحلاه دى كلها وتقولى سودانيه؟
- Oui بس ما قلت لى اسمك منو
هنا تحرج زعموط هل يخبرها باسمه الحقيقى؟ زعموط؟؟ الله يديك العافيه يا حاج كدباس ابوى ما لقيت لى غير اسم زعموط ده؟؟ مكلفين روحكم وضابحين خمسه فيران فى الاسم الفقر ده؟؟
قطعت رونى حبل افكاره متسائله مره اخرى
Excuse me, what's your name again
تنحنح زعموط وهو يرد بحذر
- احم احم آ احم اسمى زع زع مو ؤو ؤط، زعموط لاكين ده ابوى...آ
قاطعته بصرخة اعجاب ساذجه تدل على هبل فطرى
- WOW, thats a coooooooooool name
"البت دى عبيطه يا الله ولا ياها دى سماحة جمل الطين البتقول عليها امى حاجه كديسه؟؟"
هنا ادرك زعموط سذاجة رونى وتحفذت نفسه الاماره بالسؤ للايقاع بها فى شباكه

كيف وعدت رونى زعموط بلقاء اخر وماذا دار فى ذلك اللقاء وكيف اقنع زعموط رونى بالعوده الى السودان والعيش هناك، هذا ما سنعرفه فى الحلقه القاده فابقوا معنا

ابطال القصه...وتسلم يا ولد ده....

سامر وهوزى معليش على التاخير
ياها دى الحلقه التانيه
يا رب ما اكون قصرت معاكم
الاخ
sympatico
سيد البوست
معليش اعذرنى احتليت بوستك بدون مقدمات
لو متضايق ممكن اشيل عفشى واشتت
ولك العتبى حتى ترضى
ولك الود
ولك الشكر اجزله

ولد ده.... لا بد من الحلقه الثالثه.....

والله يا اخوانا دي بسيطة ..

القصة دي شوف عيني ما حكوها لي ..

مرة مشيت دغيشاً بدري الكلية، خشيت عندنا حتة كدا قاعد نقعد فيها نشرب الشاي، لقيت ست الشاي لسع تهبب في الفحم، قلتا آخد لي لفة في الجامعة واجي، مشيت يا سيدي جهة اللابات بتاعت الكمبيوتر لقيت ليك واحدة زميلتنا قاعدة في ركن قلتا أمشي أسلم عليها.

مشيت لقيت الدموع الما خمج والبكا، دا الكلام الما بقدر عليهو، ووالله الواحد خاف جد يكون مات ليها زول ولا حاجة، قعدتا قريب ساعة أسألها الحاصل شنو، وهي تعاين لي وتاني ترجع تبكي.

وكت خلاص زهجتني وسلت روحي، سألتها للمرة الأخيرة المات ليك منو ؟ قالت : .....، قلتا ليها ودا يطلع منو ؟ قالت لي : الحصان بتاعي، همممم حصان !! أيوه الحصان مشيت المزرعة مع .... (حاجة كدا بيقولوهوا للأبو) ولقيناهوا راقد، قمنا مشينا جنبوا لقيناهو مات.

بالللاي .. طيب بالله يا .... أرجيني هنا هسع أنا بجيك.

ولليلة تاني ما مشيت بي هناك .. كلام فارغ.

لكن والله ياخوانا البكا على الحيوانات دا جد والله مرات بيحصل، خاصة لمن تكون الموتة حارة، أتذكر مرة في الشمالية كان جدي عندو حمارة، وكلما تلد يدوا ولدها لي واحد من خيلاني.

المهم المرة الكان دور خالي الكامل (هسع الراجل دا طبيب أد الدنيا) ولدت الحمارة : دحشاً أبيض اللون وأعمى العينين، آي والله عميان.

وكبر الدحش، وطبعاً الدحش ما بيشوف، ونشات علاقة محبة بينه وبين خالي، وفي ذات يوم وقع الدحش في بير، واتكسر عضمة عضمة، فقاموا ردموا البير فوقو.

جيت لقيت خالي يتنخج ويبكي وكان عمروا الوكت داك زي 10 سنة وانا عمري 11 والدحش عمروا سنة واحدة، مالك يا صاحبي ؟ قال لي الدحيش، قلتا مالو ؟ قال لي : وقع في البير، ومات.

بس الفرق بينو وبين ست الكديس، إنو ما عملوا ليهو صيوان.

.

اهاااااا والدافنة وين؟؟؟

لنا الرحمه والمغفره

يخوانا الليله...عاملين حوليه......في خمستاشر الكديسه..... ..... والدعوه عامه......

يا شباب

سلام

من منكم اطلع على المرثية التي كتبها الفرجوني في كلبه الذي نفق قبل فترة ، من يحتفظ بها نرجو أن يعيد نشرها لنا ، وتسلموا.

فوق..... في صباح ... خمستاشر الكديسه....... فقيدة ...السودان....

سلام للجميع
يا يا ابوقصى رايكم شنو فى مرثيتنا نحن واتذكر انها نظمت بعد ان قام احدهم ويدعى انور اليمنى بصدم قطتتنا غير المدللة فى احدى الامسيات المقمرة بقريتنا وكنا نتبارى فى نظمها انا وابن عمتى وكنا حينها صغارا وحكاية الكديسة دى الليلة هيجتنى وجرت الشريط دا قدامي وان كنت نسيت معظمها وتقول :

حرام يا انور اليمنى
كتل القطة المنى
برة البكت الجيران
سريرا معانا فى الديوان
اكلها معانا فى السفرة
ابدا مابتكوس فيران
***
انت ماقدرت فى اللفة
اكيد مشغول مغ السفة
وحرام دم برة يتصفى
***
وختمت بقول
ولو ما الطيبة والاهلية
كنا ندفعك دية

المهم كان مجرد لهو وعبث طفولي لكن الشايفنو اسى دا برى منو ومن دا زمن وعالم مفارقات

الملكه.......