Post: #1
Title: الماجكس او عرس سودانية لا جكس ولا عرس....... ونص عمره ضاع
Author: 3omda4
Date: 06-03-2003, 02:33 PM
احبائي رايكم شنو في العنوان ده؟؟؟
ده رايك ؟؟؟ تمام!! تعال نغوص سوا في اعماق بناتنا الجميلات
قبل ما نبدا انت متفق معاي انو انحنا وجكسينا بنحب بعض من الروضة؟؟ ممكن نختلف في نوع الحب ولكن مهما اختلفنا في الانواع برضو بنسميه حب...مش؟؟
اعذائي تعالو نبداء بالروضة
ما بتزكرو لما كنا نمشي مع بعض الروضة واحياننا نشيل ليهم الشنط بتاعتهم ولما نقرب لمكان الروضة كنا نجري عشان نحجز ليهم مقاعد جنبنا ...ما متزكرين لما كنا نلعب معاهم سلوي مالك تبكي ؟؟؟ كانو بينادو اسماءنا لما يسالوهم عن سبب البكاء ويقولو لها عايزة ايه؟؟ كانت تقول عايزة صديقي صديقك مين صديقي فلان شفتو صلتنا كانت كيف من البداية
وبعد ما نكبر كنا نقعد في ضل الاشجار عشان نشوفهم وهم ماشين وجايين وهم برضو تلقاهم يختو ليهم كرسي بالعصرية ويتفرجو علينا وانحنا نلعب في الكورة ولو واحد اضرب تسمع صوت المهم لانك ضربت وهم هناك... وتلقاهم يزعلو من بعض عشان قالت واحدة منهم عنك شئ بسيط
وحتي بعد ان تكبر تاتي اليك لتزهب معها سوق الخضار ..وبدورك تحمل عنها القفه وتمشي بمحاذاتها وتتداعي التعثر لتمسك بها قبل ان تقع فتكشفك وتعمل انها مصدقة انك كدت ان تقع فتبتسم فتعلم انت ايضا بعلمها فتستحي من غبائك فتقاطع افكارك لتشعرك بان لا داعي للخجل بمدها عجورة لتتقاسموها سوياً وانتم في الطريق
ثم تكبر امام عينك وانت غافل حتي ياتي احد لزواجها فتبدا بعد زلك بالتمعن فيها... ياالاهي كم هي جميلة انظر لها من قرب انظر لشعرها الاسود كالليل وانظر الي تلك البشرة السمراء الجميلة يالها من سمرة وانظر الي تلك الحواجب تلك الحواجب التي تبدو كانها هلال في يومه الثاني ولا يفوتك ان تري تلك العيون السود ولا تلك الرموش ولا ذلك الوجه ..القوام لا يفوتك ان تتمعن في القوام ...اه الم نكن نري من قبل ؟؟؟يا لغبائنا
اعذائي هكذا تكبر امامنا وتقطف امامنا ايضاً وفي هذه اللحظة تبداء اول حلقة في مسلسل الشواكيش ولا نخشي الا ان يكون مسلسلنا مكسيكي فتطول حلقات مسلسلنا
احبابي
مع كل الذي حصل لنا الا اننا نكون ايضاً مسرورين (طبعاً بعد زعلت الحلقة الاولي)لاننا ندرك تماما ان بطل حلقتنا شاهد هو ايضاً حلقة واحدة علي الاقل في حياته ولكنه اصر ان لا لغير السودانية ونحن نقول مثله ايضاً لا لغير السودانية
احبابي لا تحلو كلمت بحبك الا من سودانية لانها لا تقولها الا بعد طلاع روح واذا عايز تسمعها كل يوم الا تسجلها في شريط...وكم حلو ان تسمع كلمة( بعزك شديد) من الجكسوية ..ياه لا استطيع ان اوصفها
احبابي السودانية نعمة لا تفوتوها
بالعربي كدة الماجكس او عرس سودانية لا جكس ولا عرس....... ونص عمره ضاع
لكم التحية
وتحية خاصة لبناتنا في الروم واقول ليكم لو كان سيبعث رسول بعد المصطفي (ص)لكنت اتوقع ان يوصي الامة بكم انتم بالزات
لكم التحية
___
مكان الميلاد: فى أي اوضه مضلمه
تحت السما
على ارض بلدي
من أي دار وسط
النخيل
مطرح ما يجري النيل
ما دام ما يكونش قصر
|
Post: #2
Title: Re: الماجكس او عرس سودانية لا جكس ولا عرس....... ونص عمره ضاع
Author: nazar hussien
Date: 06-03-2003, 03:42 PM
Parent: #1
يا العمده
ما تنسي ست القهوة
اللسه ما حاسبتها؟؟؟؟؟؟؟؟؟
معاهن واللا
???????????لا
|
Post: #3
Title: Re: الماجكس او عرس سودانية لا جكس ولا عرس....... ونص عمره ضاع
Author: 3omda4
Date: 06-03-2003, 10:54 PM
Parent: #1
ههههههههههههههههههههههههههههههههه
دي بالغتة فيها يا نزار
ست القهوة برضو معاهم و حتكلم عنها برضو
لك التتحيه عزيزي
|
Post: #4
Title: Re: الماجكس او عرس سودانية لا جكس ولا عرس....... ونص عمره ضاع
Author: altahir_2
Date: 06-04-2003, 02:07 AM
Parent: #1
اقول لك بل عمرو كله ضاع وليس نصفه . قرات العنوان اول مرة وخلته موضوعا عاديا . ولكني استمتعت بهذا السرد وهذا الوصف للعلاقة مابين الرجل السوداني والمرأة السودانية ولا احسبك جافيت الحقيقة . لكني اعود لك لبداية حديثي عن سابق تجربة بل اكثر لك الود اخي ولكل تانساء السودانيات
|
Post: #5
Title: Re: الماجكس او عرس سودانية لا جكس ولا عرس....... ونص عمره ضاع
Author: altahir_2
Date: 06-04-2003, 02:09 AM
Parent: #1
النس______________________اء معذرة
|
Post: #6
Title: Re: الماجكس او عرس سودانية لا جكس ولا عرس....... ونص عمره ضاع
Author: 3omda4
Date: 06-04-2003, 02:32 AM
Parent: #1
تحياتي عزيزي الطاهر
شكراً علي الطلة و الراي
كما قلت انا مهما قلت ما حاقدر اوفي هذا الموضوع حقه
لك الشكر مرة اخري
|
Post: #7
Title: Re: الماجكس او عرس سودانية لا جكس ولا عرس....... ونص عمره ضاع
Author: Hozy
Date: 06-04-2003, 03:04 AM
Parent: #1
مين يفهـــم ياعمــــدة
في ناس بتاخدوهم الصرعة الاجنبية
98% منهم تاني
بيرجعوا يفتشوا بنت بلدهم
طيب ما كان من الاول
بيفتكرو الحب كفاية
بينسوا الاحتكاك اليومي مع بعض والاهل والشارع والاصحاب
وبعدين الاولاد كيف حيتربوا
وكتييييييييييييير هو الاساس
ما بتذكروهو الا بعد يدبسوا تمام
ياسيدي الله يهني كل سعيد بسعيدة
مش بيقولو كده برضو
|
Post: #8
Title: Re: الماجكس او عرس سودانية لا جكس ولا عرس....... ونص عمره ضاع
Author: مارد
Date: 06-04-2003, 05:16 AM
Parent: #7
أنا غايتو ماسمعت حاجة ياجماعة
|
Post: #9
Title: Re: الماجكس او عرس سودانية لا جكس ولا عرس....... ونص عمره ضاع
Author: ولياب
Date: 06-04-2003, 06:27 AM
Parent: #1
أقول سودانية
وإن لم أجدها ،،، برضو بقول سودانية
وفي كل الأحوال سودانية
سودانية
يا
لا
سودانية وبسسسسسسسسسسسسسسسسسسس
|
Post: #10
Title: Re: الماجكس او عرس سودانية لا جكس ولا عرس....... ونص عمره ضاع
Author: 3omda4
Date: 06-04-2003, 10:27 AM
Parent: #1
سلام عزيزتي هوزي
تقولي شنو بس شبابنا لما طلع اتبهر بحاجات تافهة ومن ضمن الحاجات دي
تحرر المراءة الغربية ولكن بعد فترة بيندم علي انبهاره هذا
غربية شنو الخشبه دي مع احترامي لهم لكن دي الحقيقة
تعالي شوفي بناتنا ما بقدر اوصفهم
بس مقارنة بسيطة الاسامي
اساميهم
باتريشيا
نتاشا كاتيوشا
بالله ديل اسامي والله قطع غيار
تعالي شوفي اسامينا
هوزي
درر
عديلة
كل اسم يوزن حروفه من الزهب
يعني بالعربي
بناتنا مافي زيهم
لكي كل الاحترام عزيزتي
|
Post: #11
Title: Re: الماجكس او عرس سودانية لا جكس ولا عرس....... ونص عمره ضاع
Author: 3omda4
Date: 06-04-2003, 10:35 AM
Parent: #1
تحياتي مارد
ماسمعت كيف وانت بتقول للجنبك همساتك
طيب عليك الله في واحدة غير السودانية بتهمس ليك كدة؟؟؟
تحياتي
اما عزيزي ولياب
نحنا متفقون علي كل كلمة وعشان ندي مثال علي انو بناتنا احسن لازم ندي بعض الامثلة
مثلاً
لمن تسمع اسمك(ولياب) ده من هوزي اجمل وله من باتريشيا
التانيه دي لما تقولو لمن ما تعرف اسمك زاتو
مش كدة برضو؟؟؟
لك التحية
|
Post: #12
Title: Re: الماجكس او عرس سودانية لا جكس ولا عرس....... ونص عمره ضاع
Author: aboalkonfod
Date: 06-04-2003, 11:32 AM
Parent: #11
الأخ ....... عمدة الأربعاوي
يا أخوي من اسمك كدة .. شكلك حا تدبل بأربعة سودانيات
مليحات .. سمينات .. دهينات .. ماهلات .. ولودات .. نقاقات
.. مدورات .. مدمرات .. كسلانات .. إتكاليات ..
وبعد سنتين حا نسمع اسمك في خبر الوفيات ... ونجي بيتكم
ونشيل الفاتحات ... ونشرب الشايات .. ونكب الكشحات
الكلام دة طبعا .. ما حقي وأنما لعرافة البورد ،، سوسو
السمينة ،،
...................................................
موضوعك يا عمدة، جد شيق وحلو ومفيد، ومسرود بسلاسة
صحي .. الذكرى المُحكرة في الحشا .. من أيام زماااان
حلوة وبتدغدغ .. لكن الواقع اليوم يختلف عن الأمس
صحي .. الشاكوش في .. وكلنا طرف حديتو وصلتنا،
ودي حالات استثنائية (الحب)، وبرضو في أجنبيات،
من الروائع،
صحي .. زي ما قال صديقنا ،، السودانية ما حنا ودلكة
ورقصة عروس ،، الحاجات دي الواحد بفقدها لو تزوج بغير
سودانية .. وبرضو صحي الأجنبية .. ليها نكهتها وظرفها
وتربيتها المفتوحة .. إتخيل شكل العلاقة والمعاشرة
الزوجية الصريحة .. وما تنسى ظاهرة الختان والحرجمة
الموجودة في السودانية.. أنا ما مقتنع إتزوج السودانية
عشان هي فقط سودانية .. صحي .. لو عشان شئ تاني أنا معاك
وتعال شوف الاهتمام بالقوام والمحافظة عليهو .. الأجنبية
طبعا مهتمة جدا بوزنها .. أما السودانية بتترك مسألة
الوزن للظروف .. صحي .. السودانية إبنة بيئتك وبيناتكم
عادات مشتركة .. في الأجنبية الحاجات دي غير متوفرة ..
البعوض دة مستوى التفكير الناضج والرؤية الواضحة للمستقبل
عند الأجنبية .. الأجنبية ما بتلبس دهب، ولو كانت مليارديرة
أما السودانية بتلبسو .. حتى لو كان راجلها عاطل عن العمل
صحي .. السودانية طيبة وسهلة التعامل .. الأجنبية رسمية
لكن .. حكمة الأفعى أفضل من رقة الحمامة .. زي ما بقولو
الحياة لا تستقيم ولا تؤتى بحسن النوايا .. وإنما بالتدبير
والتفكير السليم ورجاحة العقل .. ودة متوفر في الأجنبية دون
السودانية
،، الله يستر علي لو " بتي " قرت الكلام دة حا تديني الكرت
الأحمر ،، الله يجازي الكان السبب، فتح الله علينا بالكلام فقلنا
ما شئنا، وليضع الله الأمور حيثما يريد ويبتغي ،،، ولتهنأ
السودانية بسودانيتها وسمرتها، ولتفتخر الأجنبية بأجنبيتها
وبياض بشرتها ورسميتها، وكل ميسر لما خلق له
الله يدينا المرة الصالحة ،، قول آمين يا العمدة أخوي
صحي .. قولك حقيقة .. كتير الطفش الجنا من طريقا
|
Post: #13
Title: Re: الماجكس او عرس سودانية لا جكس ولا عرس....... ونص عمره ضاع
Author: 3omda4
Date: 06-04-2003, 12:25 PM
Parent: #1
تحياتي ابوالقنفد وشكراً علي توضيحاتك
عندي كلمة قبل ما اعقب عليك
انا اذا مت زي ما وصفت بسبب السودانية حاخت وصية انو يوزعو في فراشي بارد
او يعملو حفلة شاي تكريماً لها
عزيزي توضيحاتك مفيدة بس اعتقد انو الاجنبية اسواء من ما زكرتها بيها وهذا لا يعني انو في وفي
وكمان نسيت انك ممكن تجد يوما صديق زوجتك في بيتك وامام عينيك
لك التحية عزيزي
وتعال هنا منو القال ليك اني حاتزوج 4
سودانية واحدة تكفي
مع احترامي ليهم البيكترو في الزواح ديل ماعارفين ما هو معني الزواج
|
|