خبر غريب ...من الخرطوم

في خطوة تعّد الأولى من نوعها في السودان، اهدرت جماعة اسلامية متشددة مجهولة الهوية، دماء تسعة من السودانيين بينهم قضاة ورجال دين وصحفيون ورصدت مبلغ عشرة ملايين جنيه سوداني لكل من يأتي برأس أحد هؤلاء التسعة. وقالت الجماعة في بيان صادر عن الفئة التي اطلقت على نفسها «كتيبة الفرقان، الجناح العسكري لجماعة المسلمين» ، أنه بعد أن ارتفعت أصوات اهل الباطل المحاربين للإسلام والطاعنين في الشريعة الإسلامية الغراء كان لابد من تضحية وفداء يرفع أهل الحق إلى اعلى العليّين ويسكت ألسنة أهل الباطل وأئمة الكفر والضلال.


تعليق -هذا الخبر نشر فى صحيفة البيان الاماراتية الثلاثاء 5-6- ا سوف تاتينا بثوب جديد ملطخ بالدماء فى غيبة السلطة اللاهية فى التمكين وسرقة الاموال وفى غيبة الاعلام الواعى الذي يبصر امثال هؤلاء بخطورة مثل هذه الافعال الاجرامية 2003

والجماعة المهدرة دمهم هم
النيل ابوقرون
فاروق كدودة
الحاج وراق
عصمت الدسيس
الطاهر حسن التوم
ايلي حداد
عبدالله فريد
محمد سرالختم -قاض

قالوا يا حبيبنا يتكلم المجنون ويسمع العاقل

هل يعقل ان تنشر جماعة خبر كهذا وتدين نفسها ؟؟

من الذى يسلم الاموال واين مقره؟؟؟

هل نشرت الاسماء صراحة لهذه الجماعة ام انه كلام هلامى ؟؟

بعدين سؤال جاد جدا والله..

كم هى دية الانسان فى السودان ؟؟؟

دة سؤال برضو يا قرشو!!!!
انسان شنو العندو دية في السودان دة برضو وكت هزار؟؟؟؟؟خليك جادي شوية او طلع برة

الاخت مياده


كررررررب

ده صوت الباب

خلاص طلعت بره


مع تحياتى

هي الفرق المنحرفة التي يفرزها الاسلام السياسي
قفوا ضد الاسلام السياسي بجميع صوره وانحرافاته

من الاسماء المذكورة اعلاه المرحوم الطاهر حسن التوم الذى انتقل لوجه بارئه من حوالى عام وهذا للعلم

الطاهر حسن التوم المعنى هنا ابن الصحفى حسن احمد التوم ..كان انصار سنة وتخلى عنهم يصفونه فى البيان بانه تاجر العقيدة
كما يصفون النيل ابوقرونبالرافض الخبيث الذى يسب ابوبكر وعمر
كما يصفون كدودة ببقية ال فرعون الماركسي الضال
ويفون الحاج وراق بطليعة الاستعمار الغربي
وايلى حداد بصاحب الدواء المسموم اما فريد ومحمد سرالختم من رموز الطواغيت الحاكمين بغير ما انزل الله

ياساتر استر على بلدنا
باب وانفتح ولو ما حصلناهوا بتصفية الانقاذ(قطع راس الحية)
اللة اعلم يكون فى سودان, مخابرات الحكومة واجهزة الجبهة غير بعيدة عن هذا الخطل

الاخ الكيك عذراً على الغلطة المتوفى هو والد المذكور الصحف حسن احمد التوم رئيس تحرير مجلةالشباب سابقاً وشقيق الشهيد الطاهر احمد التوم احد شهداء حادثة قصر الضيافة ايام اب عاج

غريبه ياجماعة في اسمين ناقصين في القائمة دي
تضيفوهم ولا انا اضيفهم
والمليون من عندي انا
بس للنفرين ديلك
معاها دومه للكده بعد انطلاق الرصاصة الاولى

طيب عصمت الدسيس وهو صديقي ما له ومال القتل بعد ان استقال من الحزب الشيوعي ثم من حركة حق واصبح انصارياً وحزب امة

والله يا جماعة أنا لمن قرات الخبر دة الصباح اتعكر دمي
يعني بعد شوية حيقبلو علي التجمع الوطني والكيزان بس على ما اعتقد الموضوع دة فيهو ريحة حكومة وكيزان بس دايرين زول يكون عسكري سابق ولا بتاع استخبارات يحلل الموضوع دة كويس

ولكم التحية

الراس بي عشره مليون ثمن قطعة ارض في امبدة والحارات يعني ترش ليك خمس رؤؤس وتشتري ليك بيت جاهز اوضتين خلف خلاف وبلا اغتراب بلا لمه الان المغتربين ممكن يرجعوا فورا مادام ظهرت شغلانه جديده ومربحه جدا عشره مليون خمس طاشر الف ريال او درهم000بس ما معروف لو نفذنا الشغلانه ناس الضرائب والزكاه برضو حا يشيلوا حقهم والا الحكايه فيها اعفاء

بالله راجع اللسته دى كويس اوعى يكون اسمى فيهم على الاقل الواحد يكتب وصيته0

الاخوان المشاركين
اشكركم على الردود التى تنم عن الاهتمام بامر وطنكم المغلوب على امره .
نتمنى الا يحقق هؤلاء الجهلاء مبتغاهم ..الذين يريدون تطبيق شرع الله بالمقلوب اقتل لتطبق شرع الله هو منطق المضللين ..
اكيد هنالك جهة ما تقف وراء هذه الجماعة المارقة ...هذه الجهة تريد خلط الكيمان فى وقت حساس مستغلة التدين الخطا للبعض لتنفيذ ماربها ..
وهذا ما احس به بعضكم ونوه اليه وهذا مؤكد ..
يبقي على القوى السودانية المحبة للحرية والديموقراطية التنبه واليقظة لان خسارة روح واحدة من ارواح هؤلاء فية خسارة للوطن كله واساءة لنا جميعا ..

النيّل أبوقرون كمان معاهم .. أنا مستغرب جدا

لا تستغرب اخى المارد من سلطة ايلة للسقوط اى شىء
اسلوب علي وعلي اعدائي الفناه منهم وحرق الارض امام المنتصر هو اسلوبهم واثارة النعرات الجهوية وخلق الكيانات الانفصالية هم مشجعيه ..
لا تستغرب اخى مارد
لنعمل جميعا ضد هذه السياسات