Post: #1
Title: يا ناس قولوا كفارة ادوني شاكوش
Author: انور عمر
Date: 06-03-2003, 08:13 AM
Parent: #0
السلام عليكم ورحمة الله وبركاته
هذه هي قصتي باختصار شديد
في مرة كانت اقف بجوار بنت وهي قريبتنا وهاك يا ونسه وهاك يا ضحك وفي هذا الاثناء مرة خطيبتي بعد ان حملت لها احدي البنات الشمار واول شي بدر منها جدعت لي الخاتم وقالت لي لا بعرفك ولاب تعرفني وحتي اللحظة لم تاخذ اي كلمة مني حتى ابرر موقفي
دلوني يا اخوان ماذا اعمل
|
Post: #2
Title: Re: يا ناس قولوا كفارة ادوني شاكوش
Author: albagir altahir
Date: 06-03-2003, 08:18 AM
Parent: #1
تستاهل وليها حق هي قبيل كان قاصبنها وانت البيوقفك جم بنات الناس شنو
|
Post: #3
Title: Re: يا ناس قولوا كفارة ادوني شاكوش
Author: قرشـــو
Date: 06-03-2003, 08:22 AM
Parent: #2
الاخ انور
صباح الحب والاحباب
يازول انت حقو الليلة تضبح لينا هنا وتعزمنا عشاء على الشواء
الله ما فكاك يازول
وهى يعنى ما عارفة بنات خالاتك ولا بنات عماتك قايلاك مقطوع من شجرة ولا جابوك من وراء الجبل ؟؟؟
يازول الله خارجك وشيك نفسك وقول الحمد لله
امشى بيع الدبلة دى وحضر لينا الخروف
وانسى وعيش
مع تحياتى
|
Post: #4
Title: Re: يا ناس قولوا كفارة ادوني شاكوش
Author: انور عمر
Date: 06-03-2003, 08:58 AM
Parent: #3
الاخ الباقر يا اخي اولا واقف معا بنت من اهلي وهي على علم بذلك
الاخ قرشو في الحقيقة هي عارفه انها البنت من اهلي والمشكلة هي ذاته من اهلي وعارف صلت القرابه بينا وهي البنت قريبته يعني زيتنا وفي بيتنا
لكن بين وبينك الشاكوش حار شديد
|
Post: #5
Title: Re: يا ناس قولوا كفارة ادوني شاكوش
Author: albagir altahir
Date: 06-03-2003, 09:36 AM
Parent: #1
هو والله بني وبينك يا انور الشاكوش حار حتي لو البت كنته مادايرة وغاصبنك عليها وهي ابتك حارة
لكن انت ليه ما وقفته معاها بت اهلك الخاطبة تقوم تقيف مع دي ما يمكن رامية شباكه عليك او رامي شباكك عليها
يا زول دي معاها حق واصلا يمكن دار تنفكة منك
|
Post: #6
Title: Re: يا ناس قولوا كفارة ادوني شاكوش
Author: zola123
Date: 06-03-2003, 01:16 PM
Parent: #1
يا انور خطيبتك دي شينة؟
بعدين من الحكي كدة ممكن اعرفها ما واثقة في نفسها
طبعا معاها حق تزعل وتتغاظ وكويس ما كان في حجار قريب من مكان وقفتك
لاكن بس لو حريفة تمسك نفسها
وتجي تسلم على البت دي وتطلب تعرفها عليها عشان ما توري البت العدو قصدي المتغاظة منها انها زعلت
بعدين لمن تكونوا براكم تبدا العتاب او الشكل او الخصام حسب درجة حدتها
لاكن زي ما قال ليك عم قرشو ان شخصيتها ما قوية وبركة الاتحليت منها
بس اوع تقبل على التانية الكنت واقف معاها
عشان احتمال تعمل هجوم مضاد بحجة التخفيف عليك
فهمتني؟
تحياتي
زولة123
|
Post: #7
Title: Re: يا ناس قولوا كفارة ادوني شاكوش
Author: Ahmed satoor
Date: 06-03-2003, 01:36 PM
Parent: #6
مــن حسع بدت تــعمل ليك كدى والله دى لى قدام كان توريك
ســـهر العلوج ، ربنا حـــلاك منها وامك داعية ليك ،ده لو إنت ما زول لخبات ، - بس لى قدام اوعك تجيب سيرة البحر
|
Post: #8
Title: Re: يا ناس قولوا كفارة ادوني شاكوش
Author: nile1
Date: 06-03-2003, 06:52 PM
Parent: #7
إنت عارف يا أنور..إنت أحسن حاجه ماتجكس قبل ما تعرس عشان ما تاخد ليك شاكوش تاني ويمكن يكون أخطر من الأولاني ويطير صواميل راسك لا قدر الله..أحسن حاجه تعرس وبعدين تجكس..أوعك تفهمني غلط...أنا قصدى تجكس مع المدام ذاتها...مش تعرس وبعدين تبقي عينك طايره وتشيلني اللوم باعتبار إنك عملت بنصيحتي...أكرر تجكس مع المدام..أقول ليك حكايه على هامش شاكوشك دا...مشينا أنا والمدام نزور واحده قريبتنا مشهوره بخفة الدم والنكته العفويه ..فالأخت راحت تعمل لينا شاي لما رجعت لقتنا بنتونس وبنضحك أنا والمدام...أتهجمت ونططت عيونها وقالت...تتونسوا وبمزاج وآخر إندماج وضحك؟؟؟؟إنتو بتحبوا بعض وللا شنو؟؟؟
أوع تجكس وتمشي تعرس
تاخد ليك شاكوش بيجرس
عرس أول وبعدين جكس
وللا اقول لك
أوع تجكس وأوع تعرس
وتبقى مطرطش
تمشي مدقنس***
زيي مفلس
هادي نصيحتي وإنت مخير
ولو ماكنت مصدق جكس
وأمشي كمان إتشنكل عرس
مدقنس بفتح الميم والدال وتسكين القاف وكسر النون****=رقبتك مقربه تنكسر وتقع في الواطه
وخلي الكلام دا سر بيني وبينك وإدعي ربنا المدام تزيد مشغوليه بي
إمتحانات العيال وما تدخل البورد إلا بعد مايكون البوست دا غطس
منتــــدي النيل
تحيــــاتي
|
Post: #9
Title: Re: يا ناس قولوا كفارة ادوني شاكوش
Author: وجن
Date: 06-04-2003, 02:20 AM
Parent: #8
والله دى الا دايره ليها سبب
تخليك بيه أنت عملت ليها شنو
قول الحقيقه
|
Post: #10
Title: Re: يا ناس قولوا كفارة ادوني شاكوش
Author: abuguta
Date: 06-04-2003, 02:41 AM
Parent: #9
اخوى انور
تحياتى
الايام دى انا خطيبتى زعلانة’ لان الاتصال بقى كل شهر’ البت قطعة قطعة لبطاقة
سوا وعلمتنى الهوى’ واحاديث الجوى ’الله يستر على من شاكوشك
فى واحد اخونا زمان ادوه شاكوش على خفيف كدا’
قمنا قلنا ليه المرة ياخوى زى عربية التاكسى
لو فاتتك الاولى بتجى التانية’ قام ضحك وقال لو جاتنى هكرة اعمل شنو
لو دا شاكوشك الاول مشكلة والله وربنا يصبرك ’ لكن لو دا التانى او الثالث
عادى ياخوى احسن ترتاح وتوفر فلوسك ايام العيد
|
Post: #11
Title: Re: يا ناس قولوا كفارة ادوني شاكوش
Author: albagir altahir
Date: 06-04-2003, 05:28 AM
Parent: #1
يا انور الحصل شنو مافي اجاويد ولا شمات
يعني ناس صلي علي النبي ما دخلو لسه نحن راجين التطورات
بعدين اوعه تدقس تاني تقيف مع واحدة تانية وانت خاطب
|
Post: #12
Title: يا نا سقولوا كفارة 00 ادوني شاكوش
Author: Abd-Elrhman sorkati
Date: 06-04-2003, 12:52 PM
Parent: #1
أخوي أنور
مبروك000 أقصد كفارة
مع انك بي (بي عضمة كيبوردك) 000 علي وزن عضمة لسانك
قلت ( وهاك يا ونسة وهاك ياضحك ) عشان كدة000
بس ما قلت لينا الونسة والضحك كانوا في شنو000
يا زول الجاتك في جكسك سامحتك
وتعيش وتاخد غيرها
|
Post: #13
Title: Re: يا ناس قولوا كفارة ادوني شاكوش
Author: انور عمر
Date: 06-04-2003, 06:35 PM
Parent: #1
الاخوة الاعزاء السلام عليكم ورحمة الله وبركاته
الاخ الباقر والله لسع مافي اي اجاويد قعدة
الاخت وجن الحقيقة انا كنت بونس مع قريبتنا واحده وهي قريبت خطيبتي بس كان الكلام بالليل وقمرات 14 ضاربه في على القيزان يعني الجوء ذاتو كان مساعد للونسه والضحك ريحة البرسيم والنيل والنخيل ضاربه يعني بصراحة جوء ونسه وضحك
الاخ النيل شكر علي نصيحتة
بتحبوا بعض وللا شنو؟؟؟
أوع تجكس وتمشي تعرس
تاخد ليك شاكوش بيجرس
عرس أول وبعدين جكس
وللا اقول لك
أوع تجكس وأوع تعرس
وتبقى مطرطش
تمشي مدقنس***
زيي مفلس
هادي نصيحتي وإنت مخير
ولو ماكنت مصدق جكس
وأمشي كمان إتشنكل عرس
مدقنس بفتح الميم والدال وتسكين القاف وكسر النون****=رقبتك مقربه تنكسر وتقع في الواطه
وخلي الكلام دا سر بيني وبينك وإدعي ربنا المدام تزيد مشغوليه بي
إمتحانات العيال وما تدخل البورد إلا بعد مايكون البوست دا غطس
|
Post: #14
Title: Re: يا ناس قولوا كفارة ادوني شاكوش
Author: bint_alahfad
Date: 06-04-2003, 10:04 PM
Parent: #1
الأخ انور عمر
جدعه الخاتم ده بسيطه..وده أبسط شئ ممكن تعملو..بعدين خت نفسك فى مكانا..أنت لو فى مكانا حتعمل شنو؟ قريبتك ولا لا ده ما بتفرق ووقفتك ده فيها عدم أحترام للبت..لو باقى عليها أعمل المستحيل عشان ترضيها وهى ما غلطانه أبدا..ولو ما باقى أتعلم من الدرس
وفى أمان الله
لا اله الا الله
|
Post: #15
Title: Re: يا ناس قولوا كفارة ادوني شاكوش
Author: obay_uk
Date: 06-04-2003, 10:14 PM
Parent: #1
سبحان الله ، بالله تقريبا كلكم واقفين معاهو ؟ والله أنا متأكد لو هي كانت بتتونس مع زول قريبكم بالطريقه دي ، كان لطختها كف وسمعتهاالجواك كلو و قومت شكله نضيفه مع الزول الواقف معاها،وهاك يا مستشفيات
ودا أقل من اللازم ، يعني بس حق القرابه ساكت
|
Post: #16
Title: Re: يا ناس قولوا كفارة ادوني شاكوش
Author: albagir altahir
Date: 06-05-2003, 05:47 AM
Parent: #1
الاخ انور
والله وقعتك سوده انت تلقاها من منو ولا من منو
خطيبتك ورمت ليك الدبلة
اها ناس البورد قاموا انقسمو بقو فريقين
معاك وضدك
والموضوع الظاهر عليهو حيجر
احسن حاجة تعملة تقوم تتكي راسك وتمشي لي خطيبتك وتراضيها وتعاهده تاني ما تقيف مع اختك زاته
حتي لو جاتك ريحة البرسيم والمنقة الاتنين
وتجي تقول للجماعة ديل يا جماعة المياه عادت لي مجاريها وكتر الله خيركم
|
Post: #17
Title: Re: يا ناس قولوا كفارة ادوني شاكوش
Author: كوليل
Date: 06-05-2003, 07:57 AM
Parent: #1
ياخى ربنا فكاك
مالك ومال البرنامج الماجيب همو دة
الناس بقت تفكر فى العرس بعد عملية الشلوقة
لاكن اقول ليك الف مبروك
|
Post: #18
Title: Re: يا ناس قولوا كفارة ادوني شاكوش
Author: HOPELESS
Date: 06-05-2003, 08:16 AM
Parent: #17
يا زول كرامه الفكاك بتين..؟
عقبال البقيه
يلا بلا جكس بلا هم
الدايره تعرس تقيف في الصف لمن يجيها الدور
وانا في رأيي يقسموا البنات مع كوته السكر للزول الراغب في العرس يمشي يستلمه يوم دخلتو
قال حب قال اها خم وصر
ديل بنات حواء الواحده منهن ترمي الدبله وترميك انت زاتك بس ربك ستر مافي زول عرض خدماتو قبل الموقف بتاعك دا
تاني يا زول حمد لله علي السلامه
*انشاء الله الكلام دا ما تقراهو زولتي*
|
Post: #19
Title: Re: يا ناس قولوا كفارة ادوني شاكوش
Author: انور عمر
Date: 06-05-2003, 09:10 AM
Parent: #1
الاخوة الاعزاء
السلام عليكم ورحمة الله وبركاته
يا جماعة الخير الحكاية كان ونس ساكت
المشكلة التاني الدبلة طلعت نحاس ومصدي يعني الظاهر الزعل من الدبله الطلعة نحاس
بعدين هي لا راعت شعور ولا ضميره استح
يا ناس كدي اتفقوا على شي واحد وقولوا لي الحل انا طبعا محتار شديد
|
Post: #20
Title: Re: يا ناس قولوا كفارة ادوني شاكوش
Author: انور عمر
Date: 06-05-2003, 10:23 AM
Parent: #19
الاخوة الاعزاء
والله دا بس جات بسيطة بجدع الدبلة لكن تعالوا شوفوا قصة القتلة دي
تحويل اوراق قضية قاتلة خطيبها لمحكمة الاستئناف
حولت اوراق قضية المتهمة بقتل خطيبها الي محكمة الاستئناف وذلك بعد ان اصدرت محكمة الموضوع قرارها بالسجن والدية ضد المتهمة وتعود تفاصيل الحادثة الي ان المتهمة وخطيبها كانت تربطهما علاقة وكان من المنتظر ان تتوج هذه العلاقة بالزواج بعد عودة المجني عليه من الاغتراب الا ان الاقدار لم تجمع بينهما فقد عاد المجني عليه وقرر الارتباط بفتاة أخري غير المتهمة فلم تتحمل المتهمة الصدمة وفي يوم الحادث كان الشاب يقف مع شقيق الفتاة يتجاذبان اطراف الحديث فحضرت المتهمة وغافلتهما وسددت طعنة للشاب فسقط مضرجا بالدماء وتم حمله وارساله للمستشفى لاسعافه الا انه لفظ انفاسه الاخيرة بالمستشفي وتم توين بلاغ في مواجهة المتهمة تحت المادة 130 من القانون الجنائي لسنة 91 القتل العمد.. وبعد اكتمال الاجراءات تم تحويل اوراق البلاغ لمحكمة جنايات الثورة امام مولانا عمر سليمان وقد استمعت المحكمة لاقوال المتحري والشاكي وشهود الاتهام والدفاع ومن ثم اصدرت المحكمة حكمها بالسجن والدية.
نقلا عن جريدة النباء
الحمد لله انا وقفت بالساهل وجدع الدبله
|
Post: #21
Title: Re: يا ناس قولوا كفارة ادوني شاكوش
Author: Ahmed Poison
Date: 06-06-2003, 12:31 PM
Parent: #20
شباب هدووووووء لو سمحتم
انا الايام دي مشغول باختراع معادلة حقيقية عن الموضوع ده .. عارف كثير ح يعارضوها لكن كل واحد لو قعد مع نفسو ونزل من العالم الوردي بتاعو ح يشوفها صحيحة:
باختصار موضوع الشاكوش (وانا ممكن األف كتب في الموضوع دا) يكون عند عدم رضاء احد الطرفين.. كويس لغاية هنا؟.. طبعا الراجل ماعندو مشكلة (بافتراض مبدا الاقتناع بالاخر).. اها بقت المرأة::
المعادلة بتقول : مفهوم الفتاة (في العصر الحالي) للزواج هو:
بافتراض الثوابت:
س= صبحية، ص= شيلة متينة، ك= ترطيبة بعد العرس، ن= زمن انتظار الفتاه لتحقيق هذه الاشياء
والمتغير هو: و= الزوج..
تصبح المعادلة كالاتي:
س + ص + ك - ن = و
يعني المتغير و اذا لم يحقق الثوابت ببساطة تجرب واحد تاني .. اها لو ما حقق المعادلة تشوف غيرو برضو
انا عارف انو في ناس ح يقولو لا .. وفي البنات الما بيحسبوها كدا وووو
لكن بي عقل لو عندي فرصة اعيش احسن ح اخليها؟ اكيد لا.. والحب ياتي بعد الزواج.. هاها
|
Post: #22
Title: Re: يا ناس قولوا كفارة ادوني شاكوش
Author: DR.NET
Date: 06-06-2003, 06:00 PM
Parent: #1
|
Post: #23
Title: Re: يا ناس قولوا كفارة ادوني شاكوش
Author: انور عمر
Date: 06-07-2003, 04:32 PM
السلام عليكم ورحمة الله وبركاته
الاخ دكتور نت شكر ليك يا اخي دي ما كان المحريه فيك
|
Post: #24
Title: Re: يا ناس قولوا كفارة ادوني شاكوش
Author: raheel
Date: 06-07-2003, 10:00 PM
Parent: #23
الاخ انور عمر
ايووووووووووووى البركة الجات منها نحنا جاهزين ولا اهمك بس اوعك تجيب دبلة نحاس
قرشو
كويس برضو تقول للولد البركة لى مالك حاصل ليك شنو بطلت تتجكس وتعرس ولا شنو
|
Post: #25
Title: Re: يا ناس قولوا كفارة ادوني شاكوش
Author: AnwarKing
Date: 06-08-2003, 00:42 AM
Parent: #1
البركه فى الخاتم والله...
الجاتك فى غيرو سامحتك...
عارف يا انور عمر
زى ما قال أحد الأخوة داره سبب زولتك دى... لأنو حكاية ما تديك فرصة تشرح دى معناها متأبطة شاكوشاً... وبعدين أقول ليك Welcome to the hummer club
LOOL...
Yours
أنور
AnwarKing
|
Post: #26
Title: Re: يا ناس قولوا كفارة ادوني شاكوش
Author: انور عمر
Date: 06-08-2003, 06:38 AM
Parent: #25
السلام عليكم ورحمة الله وبركاته
الاخت العزيزة والله ماب تقصير لكن المشكلة في الدبلة عارفه في السودان كلها نحاس بس قدي نشوف ناس قرشو كان كان يرسلوا لينا دبله
الاخ انور
والله الجات في الخاتم بسيطه لكن والله بيني وبينك الشاكوش حار حتى ولو انت كنت مجبور عليها
|
Post: #27
Title: Re: يا ناس قولوا كفارة ادوني شاكوش
Author: albagir altahir
Date: 06-08-2003, 06:49 AM
Parent: #1
انور
البت يمكن دار تقراء انت سالتها
بعدين انت ماشي لي الحداحيد مالك ماكان تشتريها من مكة المكرمة الدهب هناك صافي مافيهو غش
اها النقول ليك تعال والله انا عندي سبعة اخوات الدايرة فيهن اعرسه ليك كيتا ليها كدي
بس جيب رقبتك الدبلة زاته ما تجيبها
|
Post: #28
Title: Re: يا ناس قولوا كفارة ادوني شاكوش
Author: انور عمر
Date: 06-08-2003, 02:55 PM
Parent: #27
الاخ الباقر
السلام عليكم ورحمة الله وبركاته
يا اخي طبعا انا اشتريت من السودان زي ماقلت لكها شغل حدادين
وانت مشكور تقيت صدرك اها انا جايك بي رقبتي واسمعت انت قالوا معاك اخوك ماشتي تزوج في عيد رمضان اقولك انا كمان معاكم بس شاور اخواتك والموافقه انا موافق عليها
بس حضر الشيله معاك
|
Post: #29
Title: Re: يا ناس قولوا كفارة ادوني شاكوش
Author: الفاتح يسن
Date: 06-08-2003, 03:02 PM
Parent: #28
الأخ أنور كفاره ليك يازول الشاكوش مابكتلو زول
|
Post: #30
Title: Re: يا ناس قولوا كفارة ادوني شاكوش
Author: Raja
Date: 06-08-2003, 03:07 PM
Parent: #1
انور
اولا
Hard Luck
كفارة الشاكوش
تانيا انت لسة خاطب وهاتك يا ونسة وقرقراب، مع الجكس، يعني لما بعدين تعرس حتعمل شنو.. يمكن تعمل زي (كل) الرجال!! المهم بركة الجات في رمية الدبلة ما زادت من كدى
لكني برضو اقول ليك كلمة منك، كلمة من أجاويد من ناحيتك حتصلح ليك الأمر
Good luck
|
Post: #31
Title: Re: يا ناس قولوا كفارة ادوني شاكوش
Author: انور عمر
Date: 06-08-2003, 03:25 PM
Parent: #30
الاخ الفاتح يسن
السلام عليكم ورحمة الله وبركاته
يا اخي كفرة الله سيئاتك صحيح انو الشاكوش ماكتل زول لكن كتل كل المشاعر والامال والشاكوش اقسي من السيوف يقطع الامال يبتره
الاخت رجاء شكر على ردك الظريف
المشكله انا كنت واقف مع واحده قريبتي وقريبت خطيبتي ذاته ولي زمن طويل ما شفتها يعني كانت ونسه عاديه واذا كان خطيبتي معانا كان تكون نفس الونسه لكن بس عندها شي في نفسها
حتي هذه اللحظة ما دايرة حتى انا اقابلها
وشايف الاخ الباقر قدم عرض كويس شديد بالنسبة لي يعني زواج بالمجان
|
|