Post: #1
Title: ياقصه الحب النبيل
Author: ZARIA
Date: 06-02-2003, 10:32 PM
قصيده أعجبتني وحبيت تشاركوني فيها
مع الإعتذار للأطباء
يا قصّة الحب النبيل *جوّه الفؤاد متحكِّـــره
يا بقعة العلم الرفيع * الكل بيحلم يوصــــلا
يالوحة الشرف العظيم * مكتوبه أصلا من سنـا
يا غاية في عمق النفوس * محروسه بعد البسمله
لوداير أقول عنك قليل * للعامّه في أعظم مــلأ
ماتكفي أطنان من ورق * بعض الشمايل تحملـها
يكفينا بس مهدك عزيز * أغلى المهور تستاهــلا
يازول أقيف لمن تمر * أدّي التحيه لصيدلــــه
لولاها ماكان الطبيب * يقدر يداوي المعضلـــه
لولا العقار مافي ومحال * دا أكيد بيزيد المشكلــه
وريني بس يعمل شنو * لولا علوم الصيدلـــه ؟
داير أقول للناس كلام * وأضرب كمان الأمثلـــه
لو كنتوادايرين العلم * تلقوا العلم في صيدلــــه
أو كنتوا قاصدين الفلوس * تلقوها جد في صيدلــه
أو حتّى كايسين الجمال * برضو الجمال في صيدلـه
الصيدله في كلِّ يوم * يصبح جديد تزداد حــــلا
ناس صيدله خالقين وئام * بين الدفع من أولهــــا
لو جاي من أقصى الجنوب * أو حتى قول من دنقـلا
لا بنتفرق لا بنختلف * لا الكلمه فيها بنقبلهـــــا
بالله بس كيفن نكون * لو ما قرينــا الصيدلــــه
كان لحزن عمَّ الجميع * والإنــــهزام والبهدلــه
لاقدرنا نفرح بالعلم * لا قدرنا ننــسى الإبتــــلاء
لو خيرونا الموت عديل * أو نقرأ غيــر الصيدلــه
إخترنا موتنا بدون جدال * وأظنو واضــحه المسألــه
بالله ياأهل العلم * دعوة حضـــور مستعجلـــــه
مفتوحه للجار والبعيد * حتى القريب لـــو بيقبلهـــا
شان نمشي نضرب إحترام * تعظيم ســلام للصيدلــه
منتصر أحمد
جامعه الخرطوم/كليه الصيدله 1999
|
Post: #2
Title: Re: ياقصه الحب النبيل
Author: ايهاب
Date: 06-02-2003, 10:44 PM
Parent: #1
زاريا شكلك فتحتي ليك اجزخانه
و عايزه تعملي ليها دعايه في البورد
خلاص ما تتعبي نفسك
ورينا العنوان
و انشاء الله ما نجيكم
loOoOoOoOlz
|
Post: #3
Title: Re: ياقصه الحب النبيل
Author: ZARIA
Date: 06-02-2003, 10:58 PM
Parent: #2
ايهاب
أفتح صيدليه بي شنو؟
غايتو حأعمل كشف ونفتح صيدليه المنبر لكن الأدويه كلها
anti depressants , anti hate, anti tears , love n happyness stimulants
pain killers,
loooooooooooooolz
|
Post: #4
Title: Re: ياقصه الحب النبيل
Author: ايهاب
Date: 06-02-2003, 11:02 PM
Parent: #3
loOoOoOoOoLZ
فكره جميله
لكن في الحاله دي
حا نحتاج مستشفى عديل
المشكله حا تكون في ندره الدكاتره
|
|