Post: #1
Title: الزائدة (الاسمية)...وتسعةبالاسم سبب أذى البورد.....!!!!
Author: wadazza
Date: 06-01-2003, 06:22 PM
Parent: #0
بى كل هداوة نفس...وتجرد....ومن غير لف ودوران..ومن أجل الفائدة العامة...ومن فهم بسيط من شخصى الضعيف..أقول أن مشكلة البورد ومواضيعه بل وبعض عضويته تكمن فى التالى
1/الانفعال من مجرد عنوان البوست وعندما يتم الدخول للبوست سيد العنوان تكون الحالة النفسية اتبنت على..انفعال العنوان الأولانى..ونية سوء الدخول وتوقع الشر قبل وقوعه ومن هنا تبذر فى البورد بذرة المشاكل وتبدا الردود وردود الردود يضيع الموضوع الأساسى ..وانا أناشد الجميع تجاوز النقطة دى وعدم تبييت النية
2/بعض البوستات فى البورد تتبنى على ردة فعل شخصية وزعل من عضو أو عضوة..وتعمم...لذا نجد بعض البوستات تاخد فى الاعتبار شخصنتها..من موقف ضد مشهور/مشهورة...أو حبيبة ربما ..زعلانة أو ذات شاكوش ومن هنا يتم عمل بوستات ..ضد المرأة بشكل عام أو ضد الفن الأغنية المسرح مثلا..عشان بس يكون فى مدخل لافراغ المكتوم والمكبوت
3/يعمد البعض الى افتعال معارك تشبه مباراة بين البورد ونفسه...أى فى عموميات البورد ومكوناته..قد تكون بافتعال قضايا ضد الادارة...أو العضوية أو الاثنين معا..كما يحدث الآن بالنسبة لتعدد أسماء الأعضاء.وأن الادارة عليها كذا وكذا ..لم تفصل فلانا ولم توقف علانا عند حده ...أو انتقاد موضوعات البورد كل حسب ظنه وتوقعه ألا يعلم هؤلاء أن هذا منتدى حر وليس بالضرورة أن تعجبك كل مواضيعه كما أنه ليس من الحكمة أن لا تعجبك ولو بعض مواضيعه..
4/بعض الأعضاء يحسون بأهميةزائفة..وعلى هذا الأساس يتعاملون مع الغير بكل صلف وعنجهية وكأنهم امتلكوا البورد وماعليه
5/فى ظنى المتواضع أنه حتى تعدد الأسماء ...وكتابة إمرأة باسم رجل أو العكس اذا كان فيه اثراء للبورد ..وأنه سيعطى حرية وجرأة فمرحبا به فى البورد اعترافا منا بأن فضاءات النت ...وبواقعها المعروف والأسماء الحركية...تقدم منتدياتها ودردشاتها...عالما روائيا خاصا...تتعدد شخوصه ...وتتحرك ضمن دراما النفس تعكس حالة نفسية هنا ومزاجا هناك.فاذا كان مسموحا لكاتب الرواية والقصة أن يكتب بلسان راوى أو أى تكنيك آخر..فما الذى يمنع أن يكتب أحدهم باكثر من اسم شريطة أن لاتكون هذه التعددية هدفهافى غير خدمة الحوار وانما لمقتضيات الشكل والنرفزة..واثارة القلاقل...
أما ترسيخ الفوارق بين الرجل والأنثى ...فى عملية الكتابة باثارة هذا الفارق بشكل اتهام مبطن أو مستبطن فتلك إعاقة متعمدة ..اذا تم جمع المعنى الاخلاقى فيها بالسلوكى بالمحظورات...فالاسم الحركى هو حركى...ويظل صاحبه مجهول الحقيقة ولا نرتبط سوى مع ابداعاته ومدى جودة وفائدة ما يقدمه لنا
6/ مجمل القول نحن فى البورد أو بعضنا ...لا يزال يؤمن بأنك ان خالفت تذكر...وأن زمن فتوات الحى والكلام هو السائد..ونحن فى عصر لا تستعرض فيه عضلات....عصرنا تسوده نيات الخلق والابتكار والابداع والاقناع...قد يقبلك القوم لحين ...وهم يسخرون منك من طرف خفى...قد تجد ألف من يرد عليك ويشاركك غضبتك وانفراداتك بمرمى النفس...لكن ماذا ستستفيد؟ وما حاجة الآخرين لك؟
7/ قد تكون روح الشلة موجودة والشلليات بادية للعيان لدى البعض ..وهى غير ضارة ان لم تكن صف صفوف ضد آخرين
8/لا تزال عملية حقوق المؤلف والكوبى رايتوالاشارة الى المصدر هى السائدة لدى البعض هنا ...وهنالك بعض يستخدمون ذكاءهم...يشيرون الى المصدر نعم لكن بطريقة توهم القارىء بأن العمل له...
9/هذا بعض اجتهاد منى ...ربما يكون صحيحا أو خاطئا...ولكن ها أنا قد كتبت ما رأيته...فاتحا الباب على مصراعيةه للنقاش والاضافة علنا نبلغ مرامينا فى تقديم بورد...يخدم متابعه وليس الأعضاء والعضوات...
بكل تجرد ومسئولية وروح وطنية...وليعلم البعض وهذه اضافة تحت عنوان كبير وقد تشكل جزء من معضلة حوارنا هنا...يبدأ البوست بموضوع...فى الشرق تتحول الردود للغرب...يبدا جاد ينتهى مزاح...يبدا مزاح ينتهى لى شكلة....الخ
تحياتى
ودعزة
|
Post: #2
Title: Re: الزائدة (الاسمية)...وتسعةبالاسم سبب أذى البورد.....!!!!
Author: اساسي
Date: 06-01-2003, 06:36 PM
Parent: #1
|
Post: #3
Title: Re: الزائدة (الاسمية)...وتسعةبالاسم سبب أذى البورد.....!!!!
Author: اساسي
Date: 06-01-2003, 06:38 PM
Parent: #2
|
Post: #4
Title: Re: الزائدة (الاسمية)...وتسعةبالاسم سبب أذى البورد.....!!!!
Author: اساسي
Date: 06-01-2003, 06:39 PM
Parent: #3
عجبني البوست وانفعلت بس
لكن ندمتني زاتو
وانا اسف للمشاركة
|
Post: #6
Title: Re: الزائدة (الاسمية)...وتسعةبالاسم سبب أذى البورد.....!!!!
Author: فتحي البحيري
Date: 06-01-2003, 06:44 PM
Parent: #4
ودعزة
مصداقالي كلامك
انا اول ما سمعتا العنوان اتخيلتا ال9 ديل اشخاص وطوالي قتا 100% انا فيهم
وطوالي بنيت : ايواااااااا يكون ود ال (عزة)دي مستهدفني شخصيا ومستهدف مشروعي الحضاري
وداير يألب الناس علي
قام ختا ال8 التانيين تغطية
وطوالي قعدت ا الخطط الدفاعية
استخدم البرود الانثيالي مع قليل من الروح الرياضية البرانية ومراجعة بوستات ومداخلات ال(عدوالسابقة بحثا عن نقاط الضعف والزلات الكيبوردييييييية
وووو
الله يديك العافية
|
Post: #5
Title: Re: الزائدة (الاسمية)...وتسعةبالاسم سبب أذى البورد.....!!!!
Author: wadazza
Date: 06-01-2003, 06:40 PM
Parent: #3
أها ده نموذج حى لتحويل مجرى البوستات!!!!
|
Post: #7
Title: Re: الزائدة (الاسمية)...وتسعةبالاسم سبب أذى البورد.....!!!!
Author: سجيمان
Date: 06-01-2003, 06:51 PM
Parent: #5
ود عازة......والبوست بتاعك دا تصنفو في اي خانة؟ بكل تجرد برضو.....
|
Post: #8
Title: Re: الزائدة (الاسمية)...وتسعةبالاسم سبب أذى البورد.....!!!!
Author: wadazza
Date: 06-01-2003, 07:01 PM
Parent: #7
اساسى
بحيرى
شكرا
سجيمان...
بصنفو فى خانة زول ما عاجبو الحاصل هنا.وعايز يساهم بجهد المقل..كده كويس؟
وبصنف ردك فى خانة تسقيط حجر البوست وتحويله كلو لمجرد سؤال منك
لوول
تحياتى
ودعزة
|
Post: #9
Title: Re: الزائدة (الاسمية)...وتسعةبالاسم سبب أذى البورد.....!!!!
Author: سجيمان
Date: 06-01-2003, 07:12 PM
Parent: #8
ودعازة ...... بس الخانة دي ما مذكروة اعلاه....... عدد اتنين لوول
|
Post: #10
Title: Re: الزائدة (الاسمية)...وتسعةبالاسم سبب أذى البورد.....!!!!
Author: wadazza
Date: 06-01-2003, 07:17 PM
Parent: #9
سجيمان
اعترف انك بتقدم لينا سخرية نافعة.وهادفة..وبترمى بعيد..لغاية شريعة أمبدة...وواضح ماك فاضح...الا جرأتك دى ما عارفنها هنا ورا الشاشة بس واللا فى كل مكان
لووول
تحياتى
ودعزة
|
Post: #11
Title: Re: الزائدة (الاسمية)...وتسعةبالاسم سبب أذى البورد.....!!!!
Author: سجيمان
Date: 06-01-2003, 09:58 PM
Parent: #10
ود عازة............... انت باقي لك شنو؟
|
Post: #12
Title: Re: الزائدة (الاسمية)...وتسعةبالاسم سبب أذى البورد.....!!!!
Author: wadazza
Date: 06-02-2003, 06:20 AM
Parent: #11
من جماعة قوة عين الاسكرينزم..لووووول
تحياتى
ودعزة
|
Post: #13
Title: Re: الزائدة (الاسمية)...وتسعةبالاسم سبب أذى البورد.....!!!!
Author: wadazza
Date: 06-02-2003, 07:11 AM
Parent: #12
اتذكر زمان ناس اتهمونى بأنى بكتب بى اسم مسيحية...غزال المسالمة...عشان كنا بنشتغل على كومبيوتر واحد...ولأن العارف عزو مستريح..استرحت..غير اننى استغربت من حركات البعض وتجسسهم على الآخرين وللأسف شارك أعضاء من الادارة ممن يمتلكون سرية المعلومات والايبييز والتى يجب عليهم المحافظة عليها....فأيهما مخطىء...صاحب الاسم الحركى ...الذى هو حر فى اختيار اسمه؟...أم شلليات التجسس على الآخرين؟
وبعدين فى حقيقة منطقية فى النت والبوردات ...يا تكتب باسمك الحقيقى ...وهذا هو ما يشكل الحقيقة الواقعية أو تكتب باسم حركى.قابل لكل شىء طالما أنه ليس بالحقيقى..وحتى ولو كتب أحدهم باسم أنثى أو أنثى باسم رجل على مستوى الاسم الحركى فليس هذا تقمصا بالمعنى للأنثى على المستوى الأخلاقى التقاليدى السلوكى..فعلى مستوى الابداع ..كثير من الروائيين والقصاصين يروون ..حكاياتهم على لسان أنثى ..للتعبير عن قضايا...وأفكار ورؤى..وفى مسرحنا السودانى مثل خالد أبو الروس شخصية عجوبة الخربت سوبا والفاضل سعيد بت قضيم....الخ...وغنى مطربون مثل الكابلى للمرأة ..انه صوتى أنا ولم يقل انه صوتها هى...هنالك ضرورات حوار ومثاقفة وظروف أخرى تحكم الأسماء الحركية والا لكان كل شخص كتب باسمه الحقيقى....فلماذا هذا التباكى على مجرد أسماء حركية ..والتخلى عن فائدة تلك الأسماء ابداعيا لنا بهذا البورد
تحياتى
ودعزة
|
|