إذن من هو شيري .. تماضر .. رمانة .. غدي .. سومة والأخر

سيكون من المخيف جدا التعامل بتلقائية في هذا المنتدى الذي دخلناه بمحض إرادتنا وتعاملنا مع من فيه بصدق وصل إلى درجة السذاجة في بعض الأحيان . تعاطفنا مع كل الأعضاء مع ما يطرحون مع ما يقولون تعاطفا فطريا طبيعياً . أرجو ألا نندم عليه .

اعتراف بعض الزملاء الذكور بتقمص شخصيات نسائية والتعامل بها والكتابة بأسمائها في المنتدى شي خطير . فقد تكون هناك نساء حقيقيات تعاملن معهم على أنهم نساء

أهل العوض
حقيقى اتلخبطت أمورنا لووول
الرؤيا ما واضحة ...وضعنا بين حرف الواو والنون...
ربنا يكضب الشينة
تحياتى
ودعزة

بت قضيم مسافرة السودان

تمشي وتجي بالسلامة يا رايعة يا عسل

العسل طلع دكين اللعين


ههههههههههههههه

اول شطفة

الناس تجي جارية الداير يشر الهدوم والداير يكوي

كايسين رضا الجميل دكين


ههههههههههههههه

ودي شهادة للزميل دكين بانو كتاب

وعندو مقدرات غير عادية في تقمص شخصية

جكساية وليه قصص وحكايات جميلة

لكن صاحبنا داك الكل ما نفتح بوستات بت قضيم نلقاهو

سبقنا وقاااعد مدلدل كرعيهو

كيف موقفك الان يا......نقط نقط

هههههههههههههههههه

قصة واخرا لسه

أهل العوض .. جهجتنا يعني بت قضيم طلعت وهم .. لست سعيدة بل محبطة لفقدانها .. طيب نتعامل كيف يا ربي؟!!

الأخ اهل العوض

حقيقة الكلام هنا يصبح عديم الجدوى وقد كنت اظن ان الاخ دكين يهرج وما زلت بادعاؤه انه بت قضيم ..

على كل حال ان كانت هذه حقيقة فانا احى شجاعته فهو عندما جاءت المناسبة قال الحقيقة مجردة واضم صوتى لصوت الاخ كبسيبه بانه رجل كتاب وله المقدرة على تقمص شخصية الانثى بشكل بديع..

عموما المسألة غريبة على مجتمعنا السودانى فهذا لم نعهده قبلا ولكن ربما يكون له مبرراته ومن يعيش كثيرا يرى اكثر..

دكين لو سمحت

شجاعه شنو يا قرشويا ولدي ؟؟!! بت قضيم ما عندهاعلاقه بالولد دكين خالص خالص كتباتهم تختلف وانامستعده احلف المصحف انها غير دكين اي دكين زول وبت قضيم زوله
صرحه انا مندهشه!!! بالله معقول تفوت عليكم الحته دي؟؟؟!! دكين كان بهزر فقط اصلوا زول بحب الضحك ليس الا

استاذه دومه لو دكين كان بت قضيم
فهي مصيبه وان لم يكن فالمصيبة اكبر
ومطلوب من الاداره التحرك
للانتهاء من هذه الثنائيه
وان كانت الاداره تعلم حقيقة هؤلاء وهذا مالا اعتقده
فان المصيبة اكبر والمساله تحتاج الي وقفه كبيره

أهل العوض

ياخوى ما يكونن فى واحدات مضوكرات كمان

سلام مربع

بت قضيم حبيبة البي

هوني عليك اختي .. كثيرون هم الذين لا حيلة لهم ولا شغله غير
تعكير صفو
من
راقت ضمائرهم واستكان طبعهم
بالوان متداخله تكاد تكون باهته ولكنها
تطن وتطن مثل باعوض
زهجه الحر وزهج الخلق بدوره
ما الذي يهم الناس كوني فلانه او علانه
طالما اننا مازلنا على العهد
والود والمحبة نفسها
نقرأ لبعض ونتدارس ونعرف كتابات بعض
واحاسيسنا الجميلة
تكتب نكهاتنا وطعمنا
وتدل علينا
اذن
ماهي المتعة في الهرولة وراء
فضح ماسترته انا ..
لاسباب تخصني انا
عموما ولا اريد ان اكون كمن يحمش في النيران
لكن اري ان الموضوع وصل
الى سقف لا يمكن بعده السكوت
ان يطاطي احدنا
لهذه المضايقات
وان كان وجودنا يسبب ضيقا لاحد
او صرنا غير مرغوب فينا
يجب ان نعرف لنغادر في هدوء
مثل ماجئنا
حقيقي غاظني جدا هذه الموضوع
واوصلني الى حالات من الغضب لم اعرف ماذا اقول
وقررت ان اكتب في ذلك لاقول اقفوا هذا المزاح السخيف
لكن لم اشأ ان اتسبب في زوبعة
وابدو كم شن دخلك يا القاضي
رغم اني اسمي مذكورا بصورة او باخرى

العزيزة دومه

لك التحية

بعد الرجوع للرابط الذى مدنا به اساسى اعلاه وجدت حديثك فعلا صحيح وقد نفت بت قضيم هذه الحكاية جملة وتفصيلا ولكنى عزيزتى خدعت قبلا فى احدى الزميلات التى كانت تكتب هنا واتضح فى الاخر انها زميل وليس زميلة ؟؟؟ هل تصدقى ذلك ؟؟؟

دنيا وفيها العجائب ؟؟

لك شكرى على ايراد الادلة وفعلا كدت احبط تماما لولا نفى الاخت بت قضيم للموضوع..

بس ده هزار ما حلو ابدا والله وليس كل الناس تتقبل الهظار بهذه الطريقة..

الله يهدينا جميعا

لك تحياتى

ياخوى ما يكونن فى واحدات مضوكرات كمان
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله ضحكتني ذي المجنونة
(المجنون)
و انا براي في المكتب
الحاصل شنو
و الله
القصة ما فارقة لاننا في عالم و همي
صغير
انا شخصيا بحب البت دي موت
بس
ما اتوقع ان اشوفها
و ما مهم تكون
بت
و لا ولد
الابداع
لا يحتاج الي هوية
و لا جواز
و اذكر هنا حادثة قديمه
هناك من ارسل و قال لي رمانة رجل
و لحبي للشخصية و اعجابي بها
ارسلت استفسر
و
اقول
تسلمي يا ستو
يا
أهلنا هون عليك

بسم الله الرحمن الرحيم

سلام هوي يا ناس البيت
المدمدم دا منو؟؟ أهل العوض ولا بخيتة؟؟؟؟؟

غايتو في 2 من مجموعتك دي أنا متأكد تب إنهن حريم

بدر الدين شنا

غايتو مابتغبانا
ألا كان غيرت لبدريه شنويه

اتمنى ان يكون هناك تدخل ادارى فى هذا الموضوع
حتى لا يتشابه علينا البقر
وحقيقى
هزار بايخ

الحبيب اهل العوض
حقيقى اصبح بيتناوأهن
بل اكثر وأهننا من بيت العنكبوت
الذى ضرب بها الله مثلا فى الضعف
فهو لا يدفع حرا ولا بردا
صدقت حين قلت التعامل بتلقائية في هذا المنتدى الذي دخلناه بمحض إرادتنا وتعاملنا مع من فيه بصدق وصل إلى درجة السذاجة في بعض الأحيان . تعاطفنا مع كل الأعضاء مع ما يطرحون مع ما يقولون تعاطفا فطريا طبيعياً . أرجو ألا نندم عليه
!!!!!!!!!!

أهل العوض

أيها الرجل الراقي جداً ، وصادق حد السيف

تحية صادقة

وأتساءل هل اللوحة الجميلة شاهت؟؟؟؟

ومنذ فترة طويلة اكتشفت أن هناك بنتا تكتب (باسم) المذكر

وتعاملت بكل صدقة مع اسمين (لكاتبتين) فتبين لي بما لا يدع مجال للشك أنهما وجهان لأنثى واحدة

فزادت جرعات الإحباط عندي .. أن الزيف والخداع اصبح صنعة

ومنذ فترة طويلة نبهني الأخ ياسر حنا لشخص (قيادي ) بالمنبر
ينتحل إسما آخر وتأكدنا بالدليل،

منذ ذلك الوقت أصبحت وكأنني أتعامل مع شخصيات كرتونية، لا أحس صدق مشاعرهم،
اللهم الإ الذين تعرفت عليهم عن قرب وتواصل، وكان لي شرف معرفتك الطيبة والصالحة

وإن كان لي تنبيه بسيط هو :
أن الأخ اساسي وإن كان معظم الناس يصنفونه في خانة المشاكس
إلا انه ظل ومنذ فترة طويلة ينبه لهفوات وتجاوزات كثيرة
وإن إختلفنا معه في طريقة عرضه للأمور..

والله من وراء القصد


عبدالرحمن عبدالله

لعن الله المتشبهين من الرجال بالنساء والمتشبهات من النساء بالرجال.
حديث شريف

خالتي قالت لي : لا تدسس أنفك فيما يعني جارك
لكنّي أسألكم أن تعطوني أنفي
وجهي في مرآتي مجدوع الأنف
كده أعطونا الحقيقة يا عالم

الأنثى أنثى ولو طالت أشنابها
والذكر ذكر ولو مشط الضفائر
ولعن الله المتشبهين من الرجال بالنساء
ولُعنت النساء المتشبهات بالرجال

مبروك يا شيري طلعتي ولد.... هو مش كان نفسك تكوني ولد؟؟؟
اسمع يا ود يا شرشور رجع لي المسينجرات بتاعتي وكل زول اياكل في خشم باب بيتو

يا روبنسون

شامي فيك ريحة واحدة


اسالني قول لي منو؟؟؟؟

يا شرير

بس انشاء الله تكون ريحة واحدة حلوة..لاني ما ناقص شنا

اهل العوض

لك التحية والود
انا لا استغرب ولكني اتعجب

لماذا لا يستعمل الجميع توقيعهم الحقيقي
فعلا حالة تدعو الا الاحباط

انا داخل ليك من بوست اساسي ولا زال الشك يسيطر علي الجميع

دعوة صادقة للصدق مع النفس
ومع الاخرين

واخر الكلام
اياكم والمسينجر

يديك العافية يازول يازوق

عبدالله جعفر

استاذ موصلي
لو دكين كان بت قضيم
فهي مصيبه وان لم يكن فالمصيبة اكبر
ومطلوب من الاداره التحرك
للانتهاء من هذه الثنائيه
وان كانت الاداره تعلم حقيقة هؤلاء وهذا مالا اعتقده
فان المصيبة اكبر والمساله تحتاج الي وقفه كبيره
انتهي

*فهي مصيبة
وان لم يكن فالمصيبة اكبر
وهذا ما لا اعتقده فالمصيبة اكبر
وتحتاج الي وقفة كبيره
ده كلو يا استاذ يا كبير..اكبر شي هسع عندك شنو ؟؟؟
دي كلها كبارات..
بالمناسبة كبر وينو؟؟

استاذ حمزة
قلتا
اتمنى ان يكون هناك تدخل ادارى فى هذا الموضوع
حتى لا يتشابه علينا البقر
وحقيقى
هزار بايخ
انتهي

*بقر ؟؟
بقر عديييييييييييل كده
شنو يا خوانا كتيره علي بتكم دي يعني؟؟

اهل العوض والمهندس

دخلنا فيه بمحض ارادتنا دي ..بتفرق كتير؟؟؟مثلا قول دخلتا بي ما محض ارادتك؟؟البحصل شنو؟؟
المجبور ودخل هنا ده غايتو الله يمرقو ساي..
قصدي
يعني هل محض الارادة دي نقطة منتجة في ما يدور من حديث حول الهوية الدكينية..
وبعدين انتا بتندم علي الكلام ولي على الزول القلتا ليهو الكلام
يعني قصدي فيما يتعلق بالندم المشار اليه في مقامكم:-
انتا اديت الدوز بتاع الكلام على حسب الجندر.. ولا الكلام كان في حد ذاتو بندم ولا طبيعة المخاطب ممكن تندم ولا وين انحنا؟؟انا لخبطا الظاهر..غلبني اوصل ليك ..
ياخي نهايتو
انتو قاعدين تقولو شنو اصلو؟؟؟

ود عزة
لووووووووووووووووووول
خليتو فيها شينة انتو والله الا بدر الدين اخوي داك


دومة العزيزة
والله انتي تعبانة سااااااااااااي
الم اقل لكي ان راسك حيلف
تلفي وتلفي ..
وما تلقي غيري
لي ناس عوج الدرب نسيب

بالمناسبة انا حكاية انك حبوبة دي ما واقعة لي ودايرا ليها بوست كبير قدر الكبارات الفوق دي ..
ده لو الله ادانا معاكم عمر في بوردكم غريب الناس ده.

ود العجمي ايها المنقة

ياخي ولا تزعل والله هسع ارسل ليك رسالة مني ولا يهمك..والبنية المنكشة دي تخيل .. ما كانت بتقولي شي غير بكرة انشا ء اللله لحدي ماجيت اخطبا قالت لي: هسع دي ..تخيل ؟؟
اساسي

صاحب الفضل في التنوير
قلتا
عموما دافي صديقنا جميعا وما ارتكبه بكري معكم لا يبيح لك واد الاخرين فبكري موجود فلما تطعن في ظله
انتهي


دافي
اخي وصديقي
وستري في اقربائي وضيقي..

يعرف كيف يدير الصداقة
حمل عني عبء الاحبة والضيوف.. الاهل والقبيلة...
ظلموه وهو يبحث عن كسلا والحلفايا في ولايات الارض الجديدة ونورث كارولانيا ...فذاده الرجال هما على هم ..

واحسرتا عليك يا صديقي

كبيدبا
تنام مهموما وتصحو متعبا ...

اخوي يا دافي ان كنت بالجوار ..

هاقد عدنا كما كنا قبل اعوام خلت....
اختلف القوم واجتمعو علينا...

لم لا تقل لي مرة اخرى
تف يا دنيا تف



شباب
واصلو هنا او عندي بي هناك وماتبددو مجهوداتكم لسبر الحقيقة في اماكن عدة كدابكم دوما..
فالحقيقة بدت تبين

هوبليس
قلتا لي :
والله على ما تقول شهيد؟؟

شهييييييد ..شهييييد ..انا انا.... شهيييييد
شهييييد... شهييييييد... انا ولن احيد
ترممممممم .. ترم ..ترم.. ترممممممم
ترمممممم.. ترم.. ترم..ترممممممم
وانا جالس اراقب قال
حليلك يا هوبليس
جالس تراقب قلتا لي؟؟؟

يا ايها الذين يعتقدون في الديقتال
ما تقرضو على الشي دا كتير...
نهاية العالم ليست خلف مونيتور..
بتهلكو

يعني صراحتي دي ما عجبتكم
ارجع ليكم تاني
بت قضيم
بي جهة ودكين بي جهة
اجهجهكم تاني؟؟؟

حليلكم ياالنايمين على حيلكم

اهل العوض قلتا لي من المخيف
آآ؟

.زمان كانت المراة حين تكتب باسم مستعار اسم رجل بالذات في الغرب لانها كانت مهضومة الحقوق وتخشى الفشل لو صرحت باسمها اما في هذا البورد المسالة معقدة شوية اذا بررنا لجنس النساء فكيف نبرر للرجال هل يطرحون افكارا غير شخصياتهم الحقيقية ام يخافون مشاكل اسرية وزوجيه اما ان المسالة جات بعفوية ومن اجل الكوميدية لاغير ولا الله يكدب الشينة زي بت قضيم مفهومة الاستعارة لان اساسا الفاضل سعيد ممثل بهذا الاسم وقبل ابو الروس . ما علينا يا اهل العوض انا شخصيا احبذ التعامل بالاسم الصحيح وبعدين يا اهل العوض ما ممكن تشك في تماضر وهي علم على راسو نار ؟ سلام

الأخ دكين

إنت عامل زي الواحد لما يمثل إنّو عيان ولما الناس تكتر ليهو من كفارة وسلامتك يقوم يصدق إنو عيّان

حقيقي ضحكت كتير لما قريت كلامك الأول في بورد أساسي وقلت والله دكين ده زول ما نصيح وبتاع حركات وزول دمو خفيف شديد

لكن الظاهر إنك صدقت إنّو إنت بت قضيم وبت قضيم إنت ... معقولة بس

طبعاً ما متوقع من متابعتي لي كتاباتك إنك ترجع تطمّن الناس وتقول ليهم إنّو بت قضيم دي شخصية إبداعية قائمة بي ذاتها وصفاتها بس أنا حبيت أقشر بيها يوم ولا يومين وأرجعها ليكم تاني ... بس يا دكين مافي داعي للفتنة والمشاكل خصوصاً إنو في ناس كتيرة نفسها قصير في الهزار والكوميديا السوداء بتاعتك دي ... بت قضيم إنسانة قمة في الإبداع ومعبّرة عن كل بنات البورد ومفروض الناس تعمل ليها تمثال صغير

يعني إنت يا دكين ما لقيت غير بت قضيم ... كنت تقول إنت بدر الدين شنا ولا أي زول تاني ... كده كل بنات البورد حيكونوا أخدو منك موقف خصوصاً العندهم شمارات مسنجرية مع بت قضيم ... وإستعد تاني للصرصرة والحدرة وكلام كتير صدقني ما بتقدر عليهو

الأخ دكين
بي حركتك دي زرعت بذرة شك في كتير من النفوس وياريت ما تتمادى في سقايتها أكتر وأكتر وخليها تموت أحسن

الفاضل اهل العوض
سلام واحترام


كلنا كان دا حالنا

Quote: . تعاطفنا مع كل الأعضاء مع ما يطرحون مع ما يقولون تعاطفا فطريا طبيعياً . أرجو ألا نندم عليه

ولو طلعت النتيجه وري اخوك الحاصل بالله


-

بسم الله الرحمن الرحيم

العزيز/ محمد المبارك
سلام وإحترام

كنت تقول إنت بدر الدين شنا ولا أي زول تاني

هوووووووووووووووووووووووي يا ود المبارك أخير ليك

والله أحرش عليك صاحبي اساسي يرزعك بي بوست يخليك ترجف

أقوم هسع أبقى ليكم وجن؟؟؟

إتفضلنى طوالى يا بدر الدين
أنا لاقيك وين

بسم الله الرحمن الرحيم


الغالية وجن
سلام وإكرام

أشكرك جداً يا محترمة

تقديري

الاستاذ حمزه

نعم التدخل مطلوب قبل فوات الاوان حتى لا يضيع الهدف الاساسى

الفاضل سعيد مثل بت قضيم
خالد ابو الروس مثل..ما بتذكر هسى!!!!
انتو لسه ما مقتنعين البورد ده مسرح...والأدوار موزعة بين ادعاء الفضيلة...وادعاء الحب والغزل ومن يكن منكم بلا مسنجر فليرمه بحجر
لووول
لو العمليات دى أثرت الإبداع ما مشكلة ..لكن أن يكون الراجل بى اسم أنثى عامل القصة دى مصيدة نساء ومسنجرات وصور تبقى المشكلة هنا..
ولو كان دكين بت قضيم أو العكس...فالاسمين بقدموا لينا بوستات فى صميم حياتنا وهمومنا وسوداننا...
وفضوها سيرة بقى...
تحياتى
ودعزة

حكمة قالها دكين

ليتنا نعيهـــــا


يا ايها الذين يعتقدون في الديقتال
ما تقرضو على الشي دا كتير...
نهاية العالم ليست خلف مونيتور..
بتهلكو

اتذكر زمان ناس اتهمونى بأنى بكتب بى اسم مسيحية...غزال المسالمة...عشان كنا بنشتغل على كومبيوتر واحد...ولأن العارف عزو مستريح..استرحت..غير اننى استغربت من حركات البعض وتجسسهم على الآخرين وللأسف شارك أعضاء من الادارة ممن يمتلكون سرية المعلومات والايبييز والتى يجب عليهم المحافظة عليها....فأيهما مخطىء...صاحب الاسم الحركى ...الذى هو حر فى اختيار اسمه؟...أم شلليات التجسس على الآخرين؟
وبعدين فى حقيقة منطقية فى النت والبوردات ...يا تكتب باسمك الحقيقى ...وهذا هو ما يشكل الحقيقة الواقعية أو تكتب باسم حركى.قابل لكل شىء طالما أنه ليس بالحقيقى..وحتى ولو كتب أحدهم باسم أنثى أو أنثى باسم رجل على مستوى الاسم الحركى فليس هذا تقمصا بالمعنى للأنثى على المستوى الأخلاقى التقاليدى السلوكى..فعلى مستوى الابداع ..كثير من الروائيين والقصاصين يروون ..حكاياتهم على لسان أنثى ..للتعبير عن قضايا...وأفكار ورؤى..وفى مسرحنا السودانى مثل خالد أبو الروس شخصية عجوبة الخربت سوبا والفاضل سعيد بت قضيم....الخ...وغنى مطربون مثل الكابلى للمرأة ..انه صوتى أنا ولم يقل انه صوتها هى...هنالك ضرورات حوار ومثاقفة وظروف أخرى تحكم الأسماء الحركية والا لكان كل شخص كتب باسمه الحقيقى....فلماذا هذا التباكى على مجرد أسماء حركية ..والتخلى عن فائدة تلك الأسماء ابداعيا لنا بهذا البورد
تحياتى
ودعزة

يا اهل العوض

ازيك وماك شديد آ ضراعي

ما فهمت شي من البوست ده؟؟؟


بتقصدو انو في واحد ينتحل صفة
واحدة
ومع اني اجهل تماما الطريقة التي يمكن بها تدقيس الاخرين بهذه الصورة

لكن لا اري ان هنالك ثمة مشكلة طالما الجسمين المنتحلين موجودين

خليهم يفضوا هذا الاشتباك

وعموما لا افتكر انو هذا البورد يمكن ان يكون
وسيلة لخلط الانساب

فنحن هنا نتعامل مع كلمات من اي
قلم او كي بورد صدرت اهو مذكر ام مؤنث
فهذا لا يعنينا كثيرا بقدر ما تعنينا القيمة
لمثل هذه الكتابات

كنت في سفرة قصيرة لذلك تاخرت عليك
فالجابودي سيصلك انشاء الله

بكلامك هذا

انا اقتنعت بانك بت قضيم يا دكين

العزيز / أهل العوض
السلام عليكم ورحمة الله وبركاته ،،،
حقيقة فقدنا مصداقية التعامل و أعتقد بالمقام الأول و الأخير بأنها سلوكيات مشينة ودخيلة على هذا المنتدى
سؤال ؟؟ هل " شاخ البورد"
أم هناك دوافع أدت إلى الجوء إلى تقص الشخصيات النسائية و من هنا أختلط الحابل بالنابل ووقعت المصيبة و الكارسة .
و لكن نحترم جميع هؤلاء بأعتبار تم أعترافهم بذلك فقط نريد أن نتعرف على الدوافع و الأسباب و التي أدت إلى ذلك و نستمع إلى وجهات النظر لكى يكون هناك طرح هادف و نقاش بناء نستطيع من خلاله التوصل و الوصول إلى حلول نستطيع من خلالها تخطى مثل هذه المستجدات مستقبلاً
و لكم منا ارق و عاطر التحايا

أنا أويد الأخ / همزة سليمان بضرورة تدخل الإدارة
تدخل الإدارة يعني زي انه جبت ناس الأمر بالمعروف ولا شنو الحكاية
مع التحية لأهل العوض .. ما تنسوا تشيلوا عسلكم

كارثة بالثاء وليس بالسين يا خالد زمراوي
اول مرة اشوف لي زول الدغ بالقلبة

مساء الفل
شاكرة حسن ظن كل من وثق في كلمتي وصدقني ،، وبعضكم قال في كلام،، لو جينا لموضوع اعترافات،، فالأولى أن اعترف اني نصه لا استحقه،، يا جماعة سويتوا لي أهميات من مافي،، لا انا لا الغبيان دكين يستحقها

رغم اني اعتقدأن من أفضل ما فعل دكين أن تقمص اسم انا نفسي تقمصته من سيده الفاضل سعيد ،،، فقد فتح افاقي الضيقة لأشياء كثيرة في مجتمعنا السوداني الطيب
رغم ان الموضوع تافه ولا يستحق لكني فوجئت بابعاده الكبيرة
ليس في شخصي المتواضع بل في العموم

واشكر ايضا حسن ظن كل من صدق دكين وكلامه،،، فكوني اكون شخص بقوة عين دكين شي ما هين

كنت قررت أمس أن لاافتح هذا الموضوع من جديد،، لكنني لم استطع ان اتحمل رؤية كلمات تنساب في كماء بارد في عز الهجير واسكت دون أن اعبر عن شعور الامتنان الذي شعرت به
والله يا دكين جدا شكرا،،، استطعت أن تريني كيف اكون في بعض عيون الناس الطيبة

تسلموا لكل شئ

العزيزة / بت قضيم
السلام عليكم ورحمة الله وبركاته ،،،
أنا لست ألدغ و لا شيئ و على العموم شكراً ليك على التصحيح
" فمن جهلنا نخطأ و لكن من اخطائنا نتعلم
و لكم منا أرق التحايا

ايها الناس

ايها الشفافون

انا لم ادعي النبوة
ولم اقل ان الارض مسطحة....
او تخرجوني من رحمة الله ملعونا بنص حديث شريف لان حلما لكم قد اجهض؟؟
اتكذبوني لان خوفا جندريا اندلع في نفوسكم ؟؟
خوفا قديما انا لست طرفا فيه..
اشغلتكم هذه المحنة كثيرا؟؟
هل ارقتم وتحدث بعضكم عني في المجالس والصوالين ؟؟
من منكم اصابه الهلع مؤخرا؟؟
بالله قولوا لي
من منكم اصابه الاحباط مثلي؟؟؟


احبتي انا لست دكين
دكين كان اكذوبة..

اها اكوني منو؟؟؟؟
بالمناسبة مسالة انك تقفل اللاب توب وتفتحو دي مزعجة
حد تاني فيكم عندو لاب توب؟؟

ايها الناس

سلام دكين

شفافون يا شفاف ........؟؟

نحن فى انتظار البلى.... البلى بتعرفو

هو شنو ؟؟ في شنو؟؟؟
أنوم لي كم يوم كدا
أقوم أصحى القاك يا أحمد عملتني راجل؟؟
والله حالتكم تحير يا ناس بيت بكري
أنا زمان قلت بيوت النت دي بتاعة مشاكل
مع تحياتي للأخت بت قضيم
والود الشكال دكين
والعزيز دافي
والسكرة وجن
و
كل الناس الحلوين
سودانية
اموت واعرف داك كان منو عشان اسلط عليه بت الجيران العضاضة ديك
تحياتي