Post: #1
Title: أفـارقِك يا بلاداً لسَّـا ما عِرفَـتْ هَـويتي أنـا
Author: yasiko
Date: 05-31-2003, 05:38 PM
4×1
قريب لو في العمر باقي
سافر للكنيسة وعد مساوي
اجمل الحلوين وين عهودك وين
سمحة فوقا العافية سمحة
|
Post: #2
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: ابو يسرا
Date: 06-01-2003, 06:31 PM
Parent: #1
تشكر اخي ياسيكو
والتحيةللرائع صديق احمد
|
Post: #3
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: ابن النخيل
Date: 06-01-2003, 06:40 PM
Parent: #2
ياسيكو
يا بعض اهلى
اتيت بعد غيبة
فقابلتنى فى خشم باب البورد مرحبا
حلقت بى فى سماوات
خلعت كل تعبى وحملى
وارتحت
شكرا ياعزيز
|
Post: #4
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: Ahmed satoor
Date: 06-01-2003, 07:00 PM
Parent: #3
ياسيكو يا جميل
انا غايتو الإيقاع الشايقى ده بموت فيه ،واتذكر مرة حضرت حفلة فى مروى غنى فيها فنان شايقى ما بتذكر إسمو لانو والله الرقص الجماعى مع حلو الوصف ، والشوايقة بطبيعتهم وصافين ،ما حاولت اعرف منو اللى بيغنى لانو العمل كان جماعى ومتكامل ، بالله أدينا من الحاجات دايما.
والتحية لكل الحلوين والحلوات
|
Post: #5
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: yasiko
Date: 06-02-2003, 00:07 AM
Parent: #4
يا ابويسرا وابن النخيل
ارحب واياكم باحمد ساطور
لكم الود جميعا
يا ابن النخيل شايفك مسجل غياب من مروى ليك فترة
لعل المانع خير
|
Post: #6
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: فنجري
Date: 06-02-2003, 05:40 PM
Parent: #5
اعيش بينكم حياتي أمان ...
أمانا كت مو لاقيه .....
و لاخوفا معشش فيّّ و لا شي يعكر اخلاقي ...
قريب لو في العمر باقي .....قريب تلقوني بيناتكم ....
العزيز ياسيكو ..ليك و حشة ......شكرا لامتاعنا بالباقة الحلوة دي ....
كلام صديق ده سرح بي بعيد ...ووداني لتنقاسي السوق ....لسوق التلاتاء ... و تقمست شخصية عجيبة توفت .....الله يرحمها .....شخصية البلك ...او محمد زين العابدين ... و لقيت نفسي حايم البلد زي حوامتو .... بديتا بالمقابر ....و قبة الشيخ محمد ود عدلان ....القبة المشرومة ..... مرقت ضارب الصي ...حدي الجبل الازرق .....رجعني العطش ....مريت بحوش الحمير .... لقيت الشفع ملمومين .... شافوني جو جارين علي ... حبسم عني ود البقادة عشان ما يبهدلوني .....مرقت مريت بالدكاكين .... ود حمودة اداني شلن ....... لقيت دكان ود حجار مليان صبيان ......مشيت بي بعيد ...و الحمد لله ما شافوني ....رجعت دخلت بيت حاجة اليمن ......اصلو بيتا بيت كرم و عمري ما مرقت منها يديني فاضية ... اصلها متوسمة فيني الصلاح ......و بتقول البلك ده ما ساهل .....
غيبت الشمس حايم .....حمت تنقاسي بي رجل كلب ....و كان قصدي اصل لغاية المسيكاب في تنقاسي الرويس ..الا لمت فيني حاجة الشاتي بت نسيم نهرتني .....البلك وين ماشي الليل هجع هسع اخيتك ديك بيكون قليبا عليك مهرود ....
شكرا ياسيكو للامتاعنا ...و اطلاق العنان لمخيلتنا
|
Post: #7
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: Abdalla Gaafar
Date: 06-02-2003, 06:07 PM
Parent: #1
yasiko
ايها الاصيل والجميل ربنا يديك العافية ويزيد نفسك جمال وجمال والله البتسوي فيهو دا مرات يوقف القلب في الغربة الجنس نحنا فيها
وكالزهرة استطعت جمع اجمل الفراشات حولك ابن الخيل والفنجري وباقي الناس البدور
وكفاي سروال وعراقي
لك اقصي الود والشكر
عبدالله جعفر
|
Post: #8
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: yasiko
Date: 06-03-2003, 11:32 PM
Parent: #7
الفنجري
سلام
وبركة الجيت
اصلو الخطوبة قاعدة تسوي كدي!!!!ه
ها زول اتقونن
وانا سوف امسك باقي الرحلة واللواجة من ود ابحوتي مرورا بعلى الله وود البحر وحرازة الحداديد وصولا الى العريان
لك الود
ود جعفر سلام
ربنا يقدرنا على ارضائك
والقناعة كنز لايفنى
ما اجملك بالسروال والعراقي
تصحبك السلامة اينما حللت
|
Post: #9
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: AL GURAIR
Date: 06-04-2003, 07:20 PM
Parent: #8
ياسيكو...الرجل الفنان ..كان لا بد من هذه النغيمات ,,ونقرات الدليب ..لنسافر عبر الخيال ..وذي ما قال "محمد سعيد دفع الله "
مشتاق اشوف لعبة عرس مجتمعة فيها الناس عموم
نقارة ..والطمبور يرن ..وزّين نزل دفّر يعوم
الصف ينط ..والكف يدق لامن تطير منو الدموم
التحية لك اخونا "ياسيكو"
|
Post: #10
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: yasiko
Date: 06-05-2003, 02:54 AM
Parent: #9
Quote: مشتاق اشوف لعبة عرس مجتمعة فيها الناس عموم
نقارة ..والطمبور يرن ..وزّين نزل دفّر يعوم
الصف ينط ..والكف يدق لامن تطير منو الدموم |
القرير
ليت الزمان يعود يوما واحدا
لك الود
|
Post: #11
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: albagir altahir
Date: 06-05-2003, 04:31 AM
Parent: #1
الاخ يا سكو
لك التحية يا مبدع حقا
والله الاغنية الفنان صديق زاتو اظن ما متذكرة مع انو اغنية جميلة
وحلوة وفيها كلمات معبرة
هويتي وطن علي دين الله ديمة ولادو صباقي
ومابفوتوهو لو ماشافو نار العيشة حراقي
وده الحاصل
التحية مجددا للفنان صديق احمد
والشاعر عبد الله محمد خير
بشرو يا رفاقة متي السنابيك اتملت بالخير وكان حاديها شراقي
|
Post: #12
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: yasiko
Date: 06-05-2003, 02:59 PM
Parent: #11
Dear
Albagir
Heartiest greetings to this great man
|
Post: #13
Title: Re: أفـارقِك يا بلاداً لسَّـا ما عِرفَـتْ هَـويتي أنـا
Author: awadnasa
Date: 06-09-2003, 11:22 PM
Parent: #1
uuuup
|
|