لا تؤاخزوا النساء فانهن يكفرن العشير

دوما قناعاتي عن المراة تدور في فلك حديث نبينا المصطفي
قال النبي صلى الله عليه وسلم أريت النار فإذا أكثر أهلها النساء يكفرن قيل أيكفرن بالله قال يكفرن العشير ويكفرن الإحسان لو أحسنت إلى إحداهن الدهر ثم رأت منك شيئا قالت ما رأيت منك خيرا قط
هذا بالنسبة لجحود المراة الملازم لها فهو ليس صفة مكتسبة بل طبع اصيل فيها لذا لا اندهش حينما اري التطرف المفاجي في مواقفها
واحيانا يكون الدافع المحرك لها هو هذه الغريزة من الجحود من غير ان تعي ذلك
اما الجانب الاخر والدافع للإنقاص من القدر وكما ترون في الصفحتين الاولي والثانية اكثر من بوست واضح ان فيهم الهجوم علي اساس الجنس من طرف بعض الاخوات علي الرجال
ولكن ايضا مثل هذا لا يصب في خانة الدهشة وكما قال الشاعر
" إذا أتتك مذمة من ناقص، فهي الشهادة لي بأني كامل "
ولكني لست انا القائل انهن ناقصات عقل ودين
وكما قال المصطفي صلي الله عليه وسلم
ما رأيت من ناقصات عقل ودين أذهب للب الرجل الحازم من إحداكن يا معشر النساء
لذا مثل هذه الاحاديث اي ما تكتبه الاخوات هنا من هجوم تصب في خانة الغرائز اكثر منها في خانة الوعي والادراك
لذا اخوتي فلا تؤاخزوهن فهن اضعف من ان يهاجمن علي اقوالهن

اساسي اخوي

فتحت علي روحك طاقه جهنم

الله يعينك

هسي بتجيك الصواريخ

انشاء الله متاريسك قويه يا اخوي...؟

غايتو بنتابع ونشوف اخر الاخبار

والله يكضب الشينه

**
تحت تحت .. خليك صنديد..ونحن نهمس من خلفك

الاخ هوب لس
التحيات لله
المقصود من هذا البوست ردا علي ثلاث بوستات نزلت تباعا من بعض الاخوات يهاجمنكن فيها ويطلبون عودتكم رجالا حتي تعود اليهن انوثتهن
لذا اخي فالنار فتحت في وجهنا قبلا وهذا البوست بمثابة واقي
الشئ الاخ صديقي هوب لس
اخوك يا هوب
مالي اراك تخشي نارا يراد بك ان تكون وقودها

الصديق العزيز اساسي

المسألة اكبر من المهاجمة
الموضوع له علاقة بمجتمع مسلم بدأ يتاثر بمفاهيم دخيلةعليناو
غريبة جدا و لابد من الخوض فيه حتى يعلم
كثير من النساء خطورة مثل هذه الاقوال والافعال

هل خروج المراة للعمل يجعل منها ندا للرجل؟؟؟؟

ان لابن حنيفة ان يمد رجلة
راجع الحديث

اساسى

ياخوى حديث الرسول ما عندنا فيه كلام

لكن

شيل شيلتك

براك جبتوا لى نفسك

<

قلتي كده ياسودانيه
مافي عوجه تب

القوات المعاديه ترسل صاروخ ارض ارض علي مواقعنا

وقد تتصدي لها دفاعاتنا في وقت لاحق انشاء الله

خليكم معانا
وسو دعاء

لوووووول يا سودانيه قلتي لي هذا الهذيان نتاج شاكوش كارب معليش يا اسوستنايا سويتتناانت ما تتستاهل لكين الع**بد يرضي بي حكم ربه

الابن السنجك انا من قلت ذلك اريد ان اشاركه الواجبات واكون له ندا في الحقوق واقصدبها حق الاجر في العمل

كما قلت صديقي السنجك
ان المسالة اكبر من ارضية للهجوم والهجوم المعاكس
هناك ثوابت اصبحت تضيع او تُضيٌع
والموضوع اكبر من هذه الجوانب التي تناولناه بها
ولكن القحة احيانا افضل من صمة الخشم

الليله والليله
وباصات ابورجيله
والتكسي ملاكي
الليله يا اساسي ما بخلو رحتك طير طير
في زمتك الوداك تلمس الجنس الناعم ده شنو
نصحتي ليك تلبس دروع واقيه وتنزل الى اقرب ملجئ
ولا اقول ليك سيب البورد ده جري
غايتو حسي تلقاهم بيكوسو في مقالاتك وردودك السابقه عشان يعرفو يردو عليك
ولا بفتشو في كتب الدين عشان يقنعوك بي الحجه
اسمع ما يغفلوك وجوك من الضهر
خليك متيقظ ومفتح عينيك
والله يرحمك مقدمأً
و والله كنت عضو فعال وياااااااااااااحليلك

يا استاذ اساسي والله حقيقي مابقول غير سبحان الله احاديث شريفه استدليت بيها ماعندنا فيها اي شك بس فاتك ياعزيزي ترجع لي كتاب تفسير عشان تشوف تفسير الرسول عليه الصلاة والسلام في قوله ناقصات عقل ودين لانه حدد مفهوم نقصان العقل والدين في كلامه ومن فضل ربنا علينا ماخلاها مفتوحه من غير توضيح عشان نجي في يوم سياتك تقول فينا الكلام ده اما ناقصات العقل ديل يافاضل فهم امهات وحكيمات وبصيرات استدلت بهم البشريه وبي عقولهم الناقصه على مر التاريخ فمن اعظم من سيدنا عمر بن الخطاب حينما قال اخطأ عمر واصابت إمرأة
اما كلامك اذا اتتني المذمة من ناقص الى اخر موقلتك
فما في داعي الواحد يرد على عظمتك مادام النقص كامن فينا
مع احترامي

وابل من القنابل تصيب مدينه الرجال

ومضاداتنا لا تحرك ساكنا


وياسوبا جاك الخراب








*

لووووول اها يا الصحاف شنو اخر مؤتمراتك الصحفيه اين يوجد علوج الامريكان الان؟؟؟؟

علي مشارف الشنبات







*

يا أساسى يا أخوى


مالك ومال جنس الكلام ده .... ديل ناقصات عقل ودين وديل وديل أكثر

أهل النار .... سيبم فى حالهم




والله الــــــــــــــــله يعينك بس

خيانه في صفوف الجيش

الضابط كليل يسرب معلومات لل***ج

قد تساعد في شن المزيد من الضربات الموجعه

يسو ليه شنو ياجمال ياخوى

الراجل بدا يهبش فى الحتات الضيقة دى

الناس عارفة الكلام دة

لاكــــــــــــــــن الله يعين

لو قال الروب عندى لية حل

الضابط كليل

يطرح مبادره قد تساهم في احتواء الازمه

اهم ماورد فيها تخلي القياده عن الافكار التي تسميها الاطراف الاخري هداااامه



+

الله يكون فى عونك يا أساسى

غايتو انا ماشى أجيب المويه البارده

غايتو لو مالقى لية ذولة ترد على كلامو دة
الواحد مجبور يجيب لية أموة

Quote: اخي اساسي عن ابي هريرة رضي الله عنه قال جاء رجل الي رسول الله ص قال يا رسول الله من احق الناس بحسن صحابتي قال امك قال ثم من قال امك قال ثم من قال امك قال ثم من قال ابوك

-------------------------------
تري هل الام امراه ام كائن اخر
----------------------------
واليك مثال بسيط من موقفنا نحن كفنانين من المرأة
-----------
استلهام التراث ليس بقضيه جديده في الابداع الفني فهي قديمه قدم
الابداع نفسه والمزاوجه بين الاصالة والتحديث اتبعه الكثير من الادباء والكتاب والموسيقيين وكانت لي تجربه في اغنيتين هما الحجروك عليا بدلا عن الهجروك عليا
وبلدنا نعلي شانا بدلا عن الجمعه الكان معانا
ولقد ساهم معي الشاعر عز الدين هلالي في اغنية الحجورك ليصبح مضمونها الاساسي وقوف الرجل مع المرأة ضد قضية تهميشها
وكان ذلك في نهاية الثمانينيات وعندما علمت بأجراءات مجذوب الخليفه ضد النساء اللائي عملن بمحطات الغاز في نهاية التسعينيات ضحكت لانني كانت لي معارك مع الرجل حينما كنا نتلقي الدراسات العليا في القاهره
فمن المنظور الموسيقي نترك لاذن كل منكم الحكم في نوعية التغيير والتنويع الموسيقي الذي حدث وننوه لمشاركة الرائعه مني في هذه الاغنيه وكانت هذه الاغنيه سببافي ان ألتفتت عقد الجلاد الي صوتها
واليكم النص الشعري كي تتابعوه مع الغناء

الحجروك عليا

الليل ليلين عليا
يالحجروك علياعليا
حبيبي ونور عينيا
محال الحجر ديه

ده حبنا بي جلالو
بي دلو ودلالو
وشعبنا بي جمالو
وعزمنا بي نبالو
متكاتفين
يقيفوا سند معانا
يعززو من قوانا
يصفقوا لي هوانا
ويحلفو انتي ليا

منو القال ليك بسيبك
يسيبك كيف حبيبك
يصيبني القال يصيبك
نصيبي انا ونصيبك
نقيف اتنين
في وجه العوادي
نتحدي الاعادي
ونتهتف يابلادي
غرامك هو المبادي
وريدتك هي الهويه

وكيف بعد اجتمعنا
وحب الناس جمعنا
وللوطن استمعنا
وصار لحياتنا معني
يقولو نعود
للفرقه الاليمه
للفكره القديمه
للعيشه الهزيمه
وحاتكم مافي قيمه
الا نكون سويا
تواجد بينا كامل
للوطن الانامل
وريدنا عفيف وشامل
وفي الحب مابنجامل
نجامل كيف
ده الحب البقودنا
حدودو حدود حدودنا
وجودو امان وجودنا
فداهو جدود جدودنا
فداهو الروح هديه


وتتلاقي الايادي
ونهتف يابلادي
يافخري وعمادي
ودخري واعتمادي
زيك وين يابلد الاصاله
يامهيره ونضاله
ياكرري ورجاله
يالموت البساله
يالعيشه الهنيه

اتحاد الفنانين يلطف الاجواء بإقامه حفل لترطيب الاجواء

وبعلن بكل حزم تعاطفه التام مع القوات المناوئه


وهدؤ نسبي للقارات

ويبدو انه الهدؤ الذي يسبق العاصفه






+

يا أخوي يا أأساسي شن وداك لنفر دا .ز ديل فيهم الأخت .. والم .. والبنت والزوجة .. يعني أنت محاصر محاصر ..
قبيل قعدت تهبش في السادة .. بس دعوت السادة صابتك .. كا مكذبني أسأل ود محجوب

مع تحياتي لود محجوب وتقبل تحيات الخليفة/ محمد عثمان

السلام عليكم ورحمه الله

قال فيهن المصطفى صلوات الله عليه وسلامه

رفقا بالقوارير

وقال أيضا

ما أكرمهن الا كريم وما أهانهن الا لئيم

وقال أيضا أو كما قال

خيارككم خياركم لأهله وأنا خيركم لأهلى

وقال أيضا

أستوصوا بالنساء خير


ويا أخى هداك الله


وفى أمان الله

لا اله الا الله

اخى الفاضل فيصل لا تنسونا من صالح الدعاء0 كان لا بد من ان ارد لأن المقشاشه فوق راسى صاحبك مجبر لابطل لكن اكان النسوان ديل زى ما قال الراجل ده ناس الموصلى ديل يغنوا لمنوا يعنى يسوها اناشيد ساكت وله يجو يمدحوا معانا








ويا فيصل انت قاعد فى بلد علم وعلماء اها يا اخوى ما حكم الدين فى من ينتسب لغير ابيه0 ماذا قال الحبيب صلى الله عليه وسلم فيه؟0

ود محجوب انتو امدحو لكن نحن بنغني للبنات
واخوان البنات والوطن وبنمدح كمان
اها رايك شنو

صواريخ تصيب مضاداتنا في مقتل

وتتسبب في خسائر فادحه

مما يؤشر باقتراب سقوط مدينه الرجال


وان غدا لناظره قريييييييب








-

اذا قال المصطفى عليه افضل الصلاة والسلام لا تؤاخزوهن لما ذا تفعلوا ذلك الا امتثلتم لقوله صلى الله عليه وسلم0

ياهوبلس سؤال هل انت درست كتابة السيناريو؟
يخيل لي كده

الأخ أساسي
الأحاديث التي ذكرتها صحيحة ولكنها تخاطب إمرأة حديثة عهد بالتجربة الحياتية .. فعندما جاء الإسلام وجد أن حق الحياة نفسه كان مسلوبامن المرأة إذ كانت المولودة الأنثى تدفن حية خوف العار "وإذا المؤودة سؤلت ، بأى ذنب قتلت" "واذا بشر احدهم بالانثى ظل وجهه مسودا وهو كظيم * يتوارى من القوم من سوء مابشر به ايمسكه على هون ام يدسه في التراب الا ساء مايحكمون" ومن قلة هذه التجربة الحياتية جاء نقص العقل ومن ثم نقص الدين والذان لا يقويان إلا بالممارسة .. وعلى ذلك أيضا انبنت أحكام الشريعة ، التي نقلت المرأة نقلة كبيرة من حالة الظلم الشنيع الذى كانت ترزح تحته في أيام الجاهلية ولكنها بطبيعة الحال لم تعطها حقوقها كاملة أذ أنها لم تتهيأ لها بعد حينئذ .. فكانت المرأة ربع الرجل في الزواج ونصفه في الشهادة والميراث .. وقد جاءت آية الشهادة تشرح السبب "واستشهدوا شهيدين من رجالكم فان لم يكونا رجلين فرجل وامراتان ممن ترضون من الشهداء ان تضل احداهما فتذكر احداهما الاخرى" قكانت العلة هي النسيان "ان تضل احداهما فتذكر احداهما الاخرى" وهو أمر مرتبط بتجربة المرأة في معترك الحياة ، وقد كانت تجربة منقوصة كما أشرت ..
أما اليوم فقد انتفت تلك الظروف التي كانت تحد من تلك التجربة ومن ذلك الضعف الذي لازمها .. فخرجت المرأة للتعليم وشاركت في ضروب الحياة المختلفة بل وبزت الرجل في كثير من المجالات فأصبحت عندنا المرأة الطبيبة والقاضية والعالمة مما يجعل انطباق تلك الأحاديث والآيات على واقع اليوم غير ممكن لحكمة إلهية وهي أنه عندما يبعث الإسلام من جديد على بشرية اليوم فلا بد أن ينتقل الخطاب الى آيات المساواة "ولهن مثل الذي عليهن بالمعروف ، وللرجال عليهن درجة" وهي تعني أن للنساء من الحقوق مثل ما عليهن من الواجبات "بالمعروف" وهو ما تعارف عليه الناس من حقوق متساوية ..
فإذا جاء الأخ أساسي اليوم بمثل هذا الخطاب المتخلف فذلك لا يطعن في الدين بقدر ما يطعن في العقول المتحجرة التي ارتأت أن تنقل فهمها القاصر وتظهره كأنه مطلب الدين .. وقد وجدنا أمثلة صارخة لمثل هذا الفهم عند الطالبان ..
"المرأة ليست عدوة الرجل .. الجهل هو عدوهما معا"
عمر

سلام

نقص الدين لأنها لاتصلى أيام الدوره الشهرية.... ونقص العقل لان الشهاده لا تكون الا بأمراتين

ولم يحدث تبديل فى الشريعة بعد لتغيير شهادتها ولم يشكك الاسلام فى رجاحة عقلها...بل قال رسول الله صلى الله عليه وسلم خذوانصف دينكم من هذه الحميراء ...يقصد أم المؤمنين عائشه

..
.
مع الاحترام لكل السيدات الموجودين الي اني اطالب بالواقعيه يا جماعه
المراه فعلا هي اضعف مخلوق على وجه الارض و هي فعلا لا تتحمل الكلام القاسي و العنيف لانها تنهار بسهوله و تتمتع بقليل من النكران حيث فعلا عند مواجهتها لاي رجل تقول له لم اري منك يوما جميل و هذه الاشياء موجوده في حياه اي امراه على وجه الارض من زنجيه و اروبيه و اسيويه و لكن نحتاج لقليل من الذاكره
اما بالنسبه للحديث فلا اظن يااخ اساسي انه ذكر بذلك المعني الذي تقصده و هو مشروح من الاعضاء.....بالذات الحديث عن العقل و الدين
نعم الرسول قال فينا رفقا بالقوارير و قال و قال و قال و كثره احاديثه عنا للاننا ضعاف البنيه و ضعاف الشخصيه ولكن هذا لا يعني اننا لا نعي الادراك و الفهم كما قلت لم افهم بصراحه عندما قلت هجوم الاخوات يصب في خانه الغرائز اكثر من الوعي و الادراك...
كما ان جمودكم يعوضه العاطفه الربانيه التي و هبننا لها الله لذلك كل مكمل للاخر..والنساء تستطيع الان النقاش و الجدل والاقناع والاقتناع......والمؤاخده هو شي جميل و دلاله على تفهم الطبع
نحن لن نصبح كالرجال يوما....نتكلم عن المساواه و اشياء كثيره لن تتحقق...........ولكن يكفي ان تعلمنا نتوير العقل

تحياتي

االاخوة قرشو
هوب لس
الموصلي
سودانية 2000
دوما
ابو فاطمة
سولارا
كوليل
بشري
فيصل النعيمة
بنت الاحفاد
ود محجوب
عمر عبدالله
وسولارا ايضا
اولا شكرا للردود الضافية واعزروني بانه شغلني شاغل عن متابعة الردود في هذا البوست
رايت بعض الرودود تميل ميممة غرب البوست لسؤ الحظ اصحابها لم يدركوا ماذا قصدت بهذا البوست وهذا لا يفاجائني ابدا في هذا المنبر فبكل بساطة اخوتي هذا البوست لم اشأ ان اهاجم به المراة او لم اقصد به الهجوم في اي شكل من اشكاله ولكن هذا البوست ردا لثلاث بوستات نزلت بالتحديد وهذه هي اسمائها
عودوا رجالا لكي نعود اناثا
ماذا تعني الرجولة
وبوست اخر علي نفس المنوال نسيت اسمه
هذا لمن يري اني انزلت هذا البوست مهاجما فيه المراة بصورة عامة
اما الاخوة والاخوات الذين تاذوا من استخدامي لاحاديث النبي صلي الله عليه وسلم فلم ااتي هنا مفسرا للاحاديث او داعيا بها او شارحا لها وانما استخدمت لفظ الحديث والمعني الظاهر له بعدم الغوص داخل ابعاد مناسبة الحديث الشريف او تفسيره قاصدا شئ محددا ولكن من واقع البوست هذا اري اني فشلت في اثباته علي النساء وحدهن وان كنت اري من هو احق به منهن
احبائي هلا قراتم ما قصدت مرة اخري فان المنحني الذي نحاه البوست هو الذي لم اكتبه من اجله ولم اقصده به في صدر كتابتي له

..
.
صباح الخير يا اساسي
بالنسبه لي لم اري ان هناك تهجم فهناك ايضا حقائق في الكلام و لكن لم افهم و بما انك عممت لم نفهم ما قصدت لذلك بعض من التوضيح لو سمحت...

تحياتي
Solara...

teslami solara. wa allah yadeek al3afyah

Regards,

الاخت سولارا
عندما زكرت الوعي والادراك لم اتطرق للعقل والفهم وكما ترين اقرنتهم بالغريزة الانثوية اي عندما تتعامل الانثي بعقلها وفهما تكون مدفوعة بغريزتها الانثوية التي هي الاطار الذي يحكمها في ردود افعالها اي انها الارضية التي ترتكز عليها في كامل تصرفاتها لا اعرف بما امثل لك ولكن ساطرق لمثال غريب نوعا ما ولكن ارجو ان تفهمي فهو ما يحضرني بامكان القطار ان يسافر من نقطة محددة غربا وشرقا وجنوبا فهي اتجاهات مختلفة ولكنه دوما محكوم بقضاب حديدية محددة لا يستطيع تجاوزها ولا يمكن له السفر ابدا خارج هذه القضبان وان اختلفت اتجاهاته _انتهي المثال واعرف انه سياتيني من يقول لي ان المراة كالقطار رادا علي وهذا ما افسره دوما بسطحية الفهم التي لا اقصدك بها.تطرقت لذلك لاني رايتك في ما سبق تطرقين لهذا مستفسرة

يا اخي
انا من البداية فهمتك لكن كنت محبط من شكل المنبر
الناس تطرح قضايا مهمة وتطرح مقترحات لاعمال جميلة للمنبر ولا حياة لمن تنادي
الكل خلف صف الرغيف
وما عارف في ناس مثلا شافت عضو نسائي طرح مواضيع نسائية ولاقت اقبال كبير
وتعال شوف كل واحدة شايلة هموم المراة ولو دخلت عليها مسنجر تلقاها حاجة تانية وتختلف وجهات النظر
الكلام دا عن تجربة
يا اخواتي حاولوا تطوروا عمل المنبر مش تحاولوا تخلقوا خلافات لا فائدة منها
الفرصة التي وجدتها المراة السودانية لم تلقاهانساء من دول كثيرة
حقيقة الواحد لما يشوف المنبر اصبح فرد عضلات وظهور وجنكشة زيادة عن اللزوم دا شي غير حميد
وفي اشكال تدعي الحنكشة لكن اذا عرفتها تلقاها مافي داعي
حقو تكونوا واقعيين شوية
واساسي كلاموا صاح

أساسى

موضوعك واضح الهدف منذ صافرة البداية وجعل الاخوة والاخوات يسهمون بغزارة وعلى عجل واعتقد ان مثل هذه المواضع تنفض الغبار عن كثير من المعلومات التى قد ينساها البعض بسبب الجرى وراء سبل كسب العيش وانت لم تكن متحاملا على القوارير... والنقاش ما زال غضا...شو المشكلة عمو؟

بلاش جبن ...شكلك ناويها زوغة يا عسل

تحيات كتيرات أساسيات

الاخت سودانية
وما عزري ان كنت مصرة علي استخدام طاقتك في عدم الفهم بعد كل هذا التوضيح
لم ازوغ ابدا ولكن ما زنبي ان كنت انت افترضت معني معين لما كتبت وتريدين مني ان انساق وراء ما ادركتيه انت بامكاناتك ولكن لا مشكلة فهذه حدود ادراكك ولا اؤاخزك عليها فانت مازلت مصرة علي انه شاكوش بالرغم من انه لا يوجد ما يشير من قريب او بعيد الي شاكوش او حب حتي وهذا تجديه في المثال الذي سقته عن القطار وقضبانه فسيطرة عواطفك علي ادراكك تصور لك ان كل مرتكز او منطلق لكتابة نابع من ارضية عاطفية او شاكوشية
فمثلا تجدي كل صاحب مهنة يقع بصره اول ما يري علي ما له علاقة باهتماماته فالحلاق اول ما يطالع فيه لاي شخص قادم نحوه هو شعره وكذلك الاسكافي تجده مهوس بالنظر للاحزية وعلي ذلك قيسي الامثلة حتي تصلي الي الشواكيش

والله ياجماعة بقينة ماعارفين الحاصل شنو

أساسى يدردق فى الكورة وسولارا تملس

وأنحنا الواحد بقى ذى عوير الفلم


ولاشنو رايك يالموصلى لانو شكلك عارف الكنتا بتاعت الجماعة ديل

عفوا سيدي الرجل
فما انا الا امراة
ناقصة عقل و دين
سحبت كلامي لان الامر كان عندي هذرا
حيث انني لا أعلم من انت
و لا من تحب
و لا اذا كان
شاكوش
بل جعلت الامر هذرا لا الوعي الذي افترضه فيك
و من خلال كتاباتك لا يجعلني أخذ ما كتبت بصورة جادة
عفوا سيدي
قتلت فيك مرة اخري
بس
الان
بصورة اخري
علك تفهمها
سلمت
مع تقديري و حبي

..
.
اساسي كيف تمام؟

المراه مهما علا شانها فهي مخلوق ضعيف و مستكين.....في الداخل لذلك عند تناولها اي نقاش و حتى لو كان هامشي و لا يستحق المناقشه تدافع عنه بكل قواها و تميل احيانا الي الحده و تخلق من الحبه قبه......فيخرج كلامها من نطاق الوعي و الادراك الي نطاق الغريزه الانثويه حيث بداخلها ذلك الشعور بانها غير ضروريه في الحياه واراها ليست مهمه و يتولد لديها حقد داخلي و تريد باي طريقه ان تتغلب على هذا الشعور و لو بسياسه فرض الراي لكي توضح و تبين بان لها المقدره في المناقشه و الاقناع وان مثلها مثل الرجل و كونها تفكر هذا التفكير فهذا يجعلها محدوده التفكير و قصيره النظر حيث تمتد بفكرها لشي معين و عنده تقف و لا تدرك ما بعد ذلك..
ولا تعي ما هي تفعله بالتحديد...لذلك تؤاخذهن!!!!؟؟

هل كنت تقصد ذلك؟اسلوبك مال الي الرمز و الايحاء و لكن اذا كنت تقصد ذلك......فانا اجد هذا الشئ احيانــــــا
و فيني ايضا اجده و لكني اتحامق احيانا لفكره الشخص الاخر و رايه بغض النظر عن جنسه....

تحياتي

الموصلى الحبوب وريحانة البورد ربنا يقويك على البعاديك والسلام للوطن رجاله ونسائه0

سلام عليكم
ياأخوي ود محجوب الكلام دخل الحوش .. وفتواك دي دايراليها خلفاء ضالعين ..
وبعدين أساسي ما فهمنا بحكاية السادة ماهو دا الكلام الأنا قاصده عديل الوداه ينسب نفسه ليهم شنو من غير إذن

ودي معركة قديمة

معليش قلبنا عليك المواجع
الليلة عندي مزاج انكت حاجات قديمة وكدا

اساسي.. لازم كل مرة اقول انو ما في فايدة؟ يا خي لقيت روحي ما قاعدة ارد الا على بوستاتك الاستفزازية

تعرف يا مهاجر.. حقيقي لا أمل فيك.. تاني اوعى تجي تبكي وتقول انك ما معادي المرأة..
ربنا يكون في عون تلك السيدة التي انجبتك.. وتلك التي ارتبطت او سترتبط بك

الاخت العزيزة
لعلك جديدة معانا يعني شهر واحد وكدا

هنا كانت في معركة ابتدت جادة وانتهت في شكل فكاهي من اخونا هوبلس

وكان في بوستات هاجمتنا بصورة عجيبة جدا وانتي متزوجة طبعا حسب البروفايل بتاعك وتعرفي وزن وقيمة الرجل السوداني بالذات
هنا في ناس عندها ازمات وودونا لحتات حساسة عشان كدا لابد من الهجوم وانا مع المراة الملتزمة بحقوقها وواجباتها وان تعرف قيمة الرجل ليس الا

والله الولدتني تجيبي مدينةبحالها ما تلقي زيها
واحمد الله علي ذلك
وخطيبيتي انشاء الله تشوفيها وتشوفي مدي ثقافتها وتفهمها
مش دعاة حقوق المراة وهن ما عارفات حقوقهم في الاسلام شنو

انا ما كنت عاوز افتح نقاش تاني لكن قلت اذكر الناس بهذا الموضوع انوا قديم في المنبر من كلام بعض الاخوات الغير مؤسس

اساسي معليش اطلع منها انا نكت البوست دا خلي لي

يا مهاجر انا لا جديدة ولا حاجة.. قديمة ومتابعة كل ما كتبت عن شيطانية المرأة وكل الخترفات دي.. ورفعك للبوست ده ما هو الا دلالة على ما تخفيه نفسك التي تحاول تجميلها، لكن زي ما بيقول المثل: مرمي الله ما بترفع

خرجتي الي زاوية اخري
ما حارد عليكي لمستوي النقاش

مهاجر
تعيش وتاخد غيرها
تعرف كنت داير أرد وأقول ليك تمشي تبحت لامن يوم تلدغ
وأها داير تحفر لي أساسي وقعت فيها إنت

ابا والله ما داير احفر لاساسي
انا وهو اصلوا شايلين وش القباحة من زمان
وانا اليوم قافلة معاي لدرجة وجالس شغال براي في الشركة دوام ليل

ةقمت قعدت انكت في البوستات القديمة ولقيت البوست دا
وقلت اذكر الامة دي انوا الموضوع دا كان قديم وناقشناهوا لسبب انوا في والله لو بنات ولا جكس ولا اي حاجة تانية برضو بقوموا فيني
المهم الشغلة كل فترة اصلوا في المنبر تجيك واحدة ولا اتنين نافشات ريشن وهاك يا هجوم علي الرجل

عشان كدا انا غايتوا ما برضي اي كلام في الرجل السوداني
لانوا الواحد داخل بيهن الجنة بالطريقة حقتن دي وتعاملهم لما نعجز خاصة

والله انا عشت في الهند اقول ليك شنو يعني وابدا ليك من وين

لو نظام الاسرة من عفش للاولاد للاكل لكلوا حاجة ما توصف
خليها الحنية

وبرضو رضيانين نزوجهم وعاملات فيها عشرة بقرش
اكبر نشبة للبشرية الان النساء وماشات في زيادة عجيبة
عليك تعال شوف الخليج
كل واحد عندوا اقل حاجة بلابل

وبرضو لو اتكلمت فيهن واحدة ما عندك اخوات ولا انتا ولدوك كيف

ياخي اصابع اليد ما واحد وحواء والدة كمية من الانواع والاشكال

وخليهن يقانوا بعضهم في البورد هنا ويشوفوا مثلا الدين والعفة والرزانة وين ولا الحنكشة والدلع الغير معروف داك
وانا كان مغصتني واحدة لاخمانا نوعية من البوستات ولما شفناها في الطبيعة والله تفتقر لاساسيات الموضوع الكانت طارحاهوا

غايتوا كل الشغلة كوبي بست يا حبيب وهن ذاتن كوبي بيست
الليلة بشيل وش القباحة للطيش

مهاجر
يا أخوي كدي قول بسم الله وما تدخل في حوار وإنت غضبان الكلام البتقولوا بيرقد زي ما بقولوا أهلنا وتذكر يا إبن عمي( ما أكرمهن إلا كريم ..) وخلي نفسك طويل وأنا أعرف إنك زول ودود يا أخي والجكس ما تزعلو

انا ما داخل حوار والله
هن ذاتن عرفن مهاجر كويس هسي
لكن دي ذاتا غائبة ليها زمن وجات فكتا فيني ساي اظنها قافلة معاها زي كدا

وانا ما غضبان لكن في ناس هنا مغلفة شخصيتها بدون اي سبب وجيه والله

وعشنا وشفنا كتير


صدق انا كنت اكثر عضو اطرح واجلب كل المواضيع التي تخصنهن لكن اصلهن ما بحفظن معروف غايتوا الا من رحم ربي

عشان كدا انا ما بشارك في بوستات الجماعة خلاص حرم ما بشارك الا غايتوا عندنا كومن ضغير بشاركن بوستات لانهن نعم البنات ونعم الاخوات