دة كلام يا اخوانا بيقولو البنات بقو مبرقعات ذي البقر الفريزين

سلام احبائي
ياسفني ان اسمع انو بناتنا الحلوات القيل فيهم احلي الكلام .... اللون الاسمر دوبة شبابي ... معقول القيل فيهم هذا الكلام يعملو كدة ؟؟؟ والله الف خسارة انا محتار في امرهم هل عندهم عقدة في اللون ؟؟ اذا كان هذا صحيح فالمسالة دايرة قعدة اما اذا كان الموضوع متعلق بينا انحنا الرجال اقصد انو البنات بيحاولو يغيروا من لونهم عشان الرجال اصبحت مواصفات شريكة حياتهم اللون الفاتح فتبقي المشكلة اكبر
احبائي
انا مامصدق الكلام دة مع انو في ناس بتاكدو وعلي كل حال اتخيل المنظر دة اليدين والوجه و القدمين فاتحين و ما دون ذلك لا.... بالله دة كلام الواحدة بالله بقت ذي بقر الفريزين مبرقعة
والمشكلة انا في منطقة الفريز زاته يعني بشوف يوماتي النوع دة من البرقيع لحدي ما قربت اسحلب من التشبيه السئ دة علي العموم كلموني قولو لي انت غلطان الكلام دة ماصحيح

________
مكان الميلاد: فى أي اوضه مضلمه
تحت السما
على ارض بلدي
من أي دار وسط
النخيل
مطرح ما يجري النيل
ما دام ما يكونش قصر

للاسف انت ما غلطان والكلام دا صحي

ومن فوق مصريه .. وتحت عباسيه

بس كلنا ساهمنا في الشئ دا

يعني البت لو ما حست انو نحن الرجال عندنا عقده مع الالوان ما كانت جرت شوهت روحه

نحن مذنبون
وهن جاهلات

التحيه لكما
الابن هوب فل قفز الي لب المشكله وهي التجهيل ا لذي ضرب باطنابه في المجتمع السوداني فقد تراجع الوعي بين الفتيات كثيرا عماكان عليه جيلناوبقي كل الهم هو ارضاء تطلعات الرجل وقد نشطت حركات دعوه ان المراه خلقت لارضاء الرجل وانهامجرد تابع له وينسحب هذاالقمع الفكري علي كل ممارسات المراه الا من رحم ربي اذا فلا عجب ان يتبرقعن او يفعلن اي شئ يرضيه فقد سلبن حق التفكير واهلنا بقولوا كان المخ غاب الجته بالخراب

لكم الشكر احبابي
المشكلة في اعتقادي انو بناتنا بقو ماعندهم ثقة في نفسهم

وربك يرحم

__
مكان الميلاد: فى أي اوضه مضلمه
تحت السما
على ارض بلدي
من أي دار وسط
النخيل
مطرح ما يجري النيل
ما دام ما يكونش قصر