هل يمكن أن نخطب أربعه ؟ كحد أقصى

طبعا ما قصدي باللف ومن ورا ورا ، جكسويه في أمدرمان وواحده في بحري و خرطوميه و رابعه من مدني
قصدي عديل عينك عينك زي ما في العرس . في زول سمعتو عملها قبل كدا ؟
السؤال هل يجوز ذلك من ناحية شرعيه- في ظنكم ؟
لماذا نعم و لماذا لا

وأناالحمدلله مكتفي تماما بواحدتي

عادي يا زول اخطب تمانيه ونقي اربعه وعرس تلاته
طبعا الرابعه تخليها لزوم التجديد وكدا

بس انت بطل جبن
شنو انا مكتفي بواحدتي دي
من هسي بدينه الجبن..؟

انت يا أبي ناوي علي شنو بالظبط كده.....عينك في عينك كده و ابقي قولها

عساك طيب يا راجل

اوبي تحياتي
انا بعرف لي ترزي ستاتي عرس اربعه في يوم واحد
اتنين في يمينو واتنين في شمالو
لكن تخطب اربعه دي جديده ما مرت علينا

بحرررررى يا نفر

يا زول والله مشتاقيين .. وليك وحشة
كدى نرجع للموضوع ..مالك انت جنيت ولا عضاك كلب - مع المعذرة
انت نسيت البورد دا فيهو منو معانا هنا ...

اعمل ساتر .. بس يا ربي يجوز ؟؟ لمن تلقى الاجابة ادينا خبر

سلام
بجيك بهناك

سلامات أخ obay_uk

طبعا ممكن وليش لا؟ أى واحد فارغ وعيونو ذائغه وما بملاها الا التراب ممكن يعمل كده وأكثر!

بس أيه النتجه..ممكن تخطب عشره وفى النهايه تعيش عانس طوال العمر..وربما بعاهه مستديمه كمان

يعنى الأربعه البتخطبهم وبتجهذ عشان تتذوجهم..ممكن يدوك بمبه..شاكوش يعنى ويرحوا يتذوجو ويجيبو أولاد ويجعلوك محل للسخريه بين أذواجهم وأطفالهم وأنت المسكين قاعد تتمنى وتمنى النفس بالأربعه والعشره يمكن

أو حتى يمكن يتفقوا عليك يسببوا ليك عاهه مستديمه..

وفى النهايه سيظل صاحب العين الفارغه بدون ذواج..ربما يبحث عن أربعه أخروات بينما الكان خاطبهم متذوجات وسعيدات ويضحكن كلما تذكرن الرجل اللقطه القال عايذ يخطب أربعه قال

حظا سعيد وعليك الله لو عملتها أبقى أحكيى لينا تجربتك حتى يتعظ الجميع منها وحتى تكون عبره لمن لا يعتبر


وفى أمان الله

لا اله الا الله

وعلي نفسهااااااا جنت براقش

مش قلنا خليك عاقل وبلاش الشغل البجيب ضرب المدافع دا
اها هاااك قول واحد

الأخ هوبلس يا فاقد الأمل
مش لي حق أخاف ؟ يعني دي الحاله موضوع عام و قلنا نحن ما بنبدل ، هاك المدافع دي ، والله راسي سخن ، دا الكلام بس سخن لينا راسنا
وبعدين انتا الجبتا لي الهوا ، تقول لي أعمل و أعمل ؟ قاللوك عني هوبلس
أخونا mohdy
والله أنالا ناوي لاحاجه ، أولا احنا واحده ما بنقدر عليها و لا بنقدر نوفيها حقهاو بالذات مع العندي دي محتاج لتمانيه و أربعين ساعه في اليوم

الله يديك العافيه
brother coolcom
ترزية النسوان ديل خطرين جدا ، بس زولك دا حيتعب في الخياطه ، يخيط لمنو و يخللي منو ، وكل ما واحده تشوف لبسه و نقشه تقول دايراها ، العجب كان لخبط يوم في مقاسات واحده مع التانيه
:]
وبعدين عندي سؤال
ليه الرجال أحسن من النسوان في الــخــيــاطــه والــطــبــخ ؟ وأشهر منهم عالميا ، حتى ملوك الديزاينات والفاشن في أوروبا و ايطاليا هم من الرجال
النسوان يجو يلبسو بس
أخونا ورفيقناتبلدينا
كيفك يا باشا ؟ والله ما نسيت أنو البورد دا فيهو معانا ملكة الملكات وست البنات ، لاكين والله الموضوع ما لغرض شخصي أبدا ، بس بسخر من حاجه معينه ، و في نفس الوقت قلت نعرف رأي الشرع كنوع من التفقه ليس الا ، وناديت الوالده و أختي فقرو الموضوع ، و تعرف حصل شنو ؟ الساعه هسع اتناشر ونص ظهرا و ما قادر أمشي الشغل لسه !!! يازول دا كان جنس نقاش و مدافع
الكريمه المكرمه بنت الأحفاد
انتي أعرف الناس أنا مربط من كل الجهات حتى يوم الدين وأحمد الله على النعمه العندي ، يمكن غيري يقدر يعملها لو بجوز شرعا ، أما أنا فلا بقدر ولا داير و حتى نسيت الموضوع زاتو كان عن شنو

ياخواني كان شنو ؟؟

فراشاتي البوقع بيها نسيتا
!!!!!!!!!!!!!!!!!!!!!!!!!

يا جماعة الزول ده سأل جادي وماف واحد جاوب ليو عن سؤالوا لكن مااظن ممكن الواحد يخطب اربعة انا ما بفتي لكن السمعت عنوا اشنوا الخطوبة فترة مناسبة لمعرفة الاخر وما اظن في زول بقدر يعرف اربعة مرة واحدة

واذا عرفتوا حاجة جديدة قولوها

شفت فيلم سيداتي انساتي لاحمد زكي؟؟؟


تحياتي
زولة123

يا اوبى انا خطوبة مابعرف لكن الجكس فى السودان على حسب رواية خطيبتى بين قوسين الوحيدة المهم قالت لى الجكس فى السودان بقى خمسه انواع ودا من جهة البنات يعن البت
لازم يكون عندها خمسة واحد للسف واحد لللف واحد فى الرف
وواحد فى الكف اها قلت ليها الخامس وين قالت لى الخامس
دا ما الوهم الزيك كدا وابت تشرح لى
يااخوى هوى اعمل حسابك ودى نصيحه اخوية اتقى غضبة
الناس الاتقياء والله زعله واحدة يسببو ليك عاهة مستديمة
والله يخلوك تضحك بلا عجب بطريقتك انا حزرتك واحسن ليك
تسحب كلامك دا والله اقوليك اعملو اديتنق ويا دار ما
دخلك شر يمكن يسامحوك والله اناما فتان ولا حاجة

الاخ اوبي
تمام والله
ماله؟
تخطب 4 او 8 او 10
كويس تفك بورات كتيرة
بس المشكلة لمنو في الاخر
انت بتقدر على الراجيك ده السؤال؟؟؟؟؟؟
فاكر انه في واحدة فيهم بتكون تعبانة اكتر منك
ما اظن
انت حتشوف الويل وسهر الليل
والنجوم عز الظهر
لا حولا
نويت تموت بدري ولا شنو؟؟؟؟

العزيز ابي
يا زول انت جنيت والا شنو000 دة كلام شنو البتقول
فيهو دة0000 غايتو انا بقترح تسمي نفسك شلاقة
والله تتورط جنس ورطة0000 بعدين ياخي عشان احسم
ليك الموضوع 000 يبقي الرد علي سؤالك 00انه ماممكن
تخطب اربعة 0000
انتهي

bint_alahfad again !
والله خفت عديل مع أني بتكلم عموما ، والله العظيم ما في زوله خوفتني زيك ، ويقولو الجعليين وما بعرفو ، لكن والله لو الجعليات شبهك كدا ... أخير ماأكمل
كفاي واحده ، وللا أقول ليكي حاجه ؟ أربعة شنو ؟؟ كفاي منك ربــع
بعيشني غايتو

hopeless again,
أنا لاخفت من كلامها لا حاجه ، بس سوء فهم يعني :] ما أكتر

الأخ خالد
لا والله في ناس بتعرفوا على أكتر من أربعه ، انت قلت دي فترة تعارف ، صدقني الشباب والشابات كتير منهم بعرفوا عن بعض دقايق الأمور وبتكون الشغلانه زي الكمونيه ، عليك الله أبدأ أحسب في السودان براو وفي جامعه واحده وكليه واحده ، كم حفلة تعارف في السنه أو ترحيب بالجدد ؟ والله ديل بتعارفوا جنس عرفه


الأخت زوله 123
أبدا والله ، مختصرو شنو ؟

ودالجعلي
أولا يا آكل البيدق أنا منتظر ردك هناك عشان لو البطوله معتمده نخت اسمك مع أخبار اتحاد الشطرنج السوداني السنويه
نرجع لموضوعنا ، أولا البنات عندهن خمسة أولاد ولاحظ كمان حرص البنات الشديد وخوفهن على سمعتهن والخبر يطلع من هنا أو هناك ، طيب رأيك الأولاد يكون عندهم كم واحده ؟ مع جرأتهم وعدم خوفهم على سمعتهم زي البنات ، بالاضافه لتسامح المجتمع معاهم على أخطائهم؟

أما عن غضبة الأتقياء ماتخاف ياخوي أنا من هسع بقيت أضحك ساكت من الكلام الكتبتو فوق دا وما عارف مالي بضحك

لكن الحمدلله في ثقه تامه بيناتنا ، ومع ذلك أصابنا من الرشاش فيض

sister Hozy,
أنا أفك بوراتهن ؟ وطيب أصحابنا و شبابنا البايرين يمشوا على البنات العربيات والغربيات ؟
وبعدين أنا عندي بحمدالله البت اللي حتى حجزتها للآخره بدل
الحورالعين ، أربعة شنو و تمانية شنو
الله يرزقكم


brother Abdorrahman Sorkatte,
قسما بالله ياجماعه ما عندي أي نيه زي دي ، انتي قاصديني عديــل والله ، أنا بس داير أعرف رأي الشرع شنو ، عشان في ناس بيني بينك ببحو لنفسهم يكون عندهم أربع شكسويات بحجة أنو مباح ليهم أربع زوجات ، بس عشان نعرف نرد عليهم كيف

غتوا انا ما بعرف حكاية خطوبة أربعة .. لكن مكن تزوج أربعة .ز والشرع حلل ذلك .. وبعدين أنت مالك ومال خطوبة الأربعة بس ما تتوكل وتعقد المساجد راقدة
.. بس كا بتقدر أبقى راجل واعملها ..
غايتو جدي طوالي أبو أبوي عملها وجابن أربعة وسكنهن في بيت واحد ..
لكن ما أظن نحن تاني نكررها .. بس واحدة وبا الله لينا

عارف يا اخ اوبي
الواحد لما يقول كلام في البورد ده
قاصد بيه هزار او مزاح لازم يعلن عن كده
عشان يتفهم كويس
ويكون الرد عليه في محله
والله يرزق الجميع ياسيدي
فهمي ده كان فهم الناس كلها بوروك اذا اذا كان ده في بالك
فبنقول ليك انه العواقب وخيمة يعني الهدف
تحذيرك مش تشجيعك ، الكلام ده موجود في صياغ الكلام
تحياتي لك