Post: #1
Title: ساقوم بتمثيل البورداب فى سجن كوانتانامو
Author: SAdo7
Date: 05-27-2003, 10:44 AM
اخبرنى جهاز المخابرات الالمانى صباح امس اننى متهم بانتمائى الى تنظيم
القاعده ونشاطى معهم ومازالت التحريات تجرى مع شخصى الضعيف
ولا اعلم الى شئ ستؤول وعلى كل ساقوم بتمثيلكم ايها البورداب خير
تمثيل فى سجن كوانتانامو وساحمل معى لابتوب لموافاتكم بالاخبار
ومعزومين كلكم لزيارتنا على الرحب والسعى فى كوانتانامو
ولا تنسونا من صالح دعائكم
|
Post: #2
Title: Re: ساقوم بتمثيل البورداب فى سجن كوانتانامو
Author: سجيمان
Date: 05-27-2003, 10:47 AM
Parent: #1
يا زول انت بتتكلم جد؟
|
Post: #3
Title: Re: ساقوم بتمثيل البورداب فى سجن كوانتانامو
Author: SAdo7
Date: 05-27-2003, 10:51 AM
Parent: #2
سجيمان والله المشكله انو جد
وخلال اسبوعين حيفيدونى الى
اى واد ساهيم
|
Post: #4
Title: Re: ساقوم بتمثيل البورداب فى سجن كوانتانامو
Author: alfatih
Date: 05-27-2003, 10:53 AM
Parent: #1
سلامsado7
...تعرف شخصك ده لا ضعيف ولا حاجة
وصيتي ليك تقرأ يس ....وتاكل نيم كتييييير
و تحلي بي قرض.....عشان اخوك كان في رحلةترفيهية ،،مع اصحابو هناك
ابو القدح بعرف محل بعضي اخو
|
Post: #5
Title: Re: ساقوم بتمثيل البورداب فى سجن كوانتانامو
Author: Abdalla Gaafar
Date: 05-27-2003, 10:53 AM
Parent: #1
العزيزي
صدوح
لك السلام
وربنا ياخوي يحفظك من كل شر وانشاء الله سليمة يارب
قلوبنا معاك يازول ودعواتنا
عبدالله جعفر
|
Post: #6
Title: Re: ساقوم بتمثيل البورداب فى سجن كوانتانامو
Author: SAdo7
Date: 05-27-2003, 10:56 AM
Parent: #5
الفاتح والله لكن ما بتقصر
نيم وقرض مره واحده
عزيزى عبد الله جعفر
كل الود والتقدير
نعلم انه لن يصيبنا الا ماكتب الله لنا
لك كل التحايا
|
Post: #7
Title: Re: ساقوم بتمثيل البورداب فى سجن كوانتانامو
Author: HOPELESS
Date: 05-27-2003, 10:58 AM
Parent: #5
يا زول ربنا يفرج همك ويزيح كربتك
بس ما عرفنا السبب شنو..؟
|
Post: #8
Title: Re: ساقوم بتمثيل البورداب فى سجن كوانتانامو
Author: SAdo7
Date: 05-27-2003, 11:14 AM
Parent: #7
هوبلس
شكرا لهذه الدعوات
اما السبب فالوضوع طويل
لك ودى
|
Post: #9
Title: Re: ساقوم بتمثيل البورداب فى سجن كوانتانامو
Author: dmoo3
Date: 05-27-2003, 11:20 AM
Parent: #1
خير
كفى الله الشر و ابعدو
؟؟؟
|
Post: #10
Title: Re: ساقوم بتمثيل البورداب فى سجن كوانتانامو
Author: alfatih
Date: 05-27-2003, 11:31 AM
Parent: #1
لا حولةولا قوة الا بالله العلي القدير
ربنا يحفظك من كل شر
ابو القدح بعرف محل بعضي اخو
|
Post: #11
Title: Re: ساقوم بتمثيل البورداب فى سجن كوانتانامو
Author: قرشـــو
Date: 05-27-2003, 11:46 AM
Parent: #10
اخى صدوح
لك السلام والتحية
ياخوى اول حاجة اكان زول قال ليك بزورك فى جوانتنامو يكون كضب عليك عدييييل كده
لكن والله ياخوى بندعى ليك قدر قدرتنا وربنا يتقبل مننا
لكن ارجل منك انا ما لاقانى .. الجماعة يقولوا ليك جاينك وتنتظرهم؟؟؟
تعرف ذكرتنى مثل مصرى
قالوا للراجل نوم لحدى ما نضبحك .. قال ليهم ده شىء يطير النوم..
اكيد انت كمان نومك طاير
عموما اخى اهديك الايات التالية وارجو ان تقرأها صباحا ومساء وبإذن الله لن يضروك بشىء لم يقدره الله لك
Quote:
أَلَمْ تَرَ إِلَى الْمَلإِ مِن بَنِي إِسْرَائِيلَ مِن بَعْدِ مُوسَى إِذْ قَالُواْ لِنَبِيٍّ لَّهُمُ ابْعَثْ لَنَا مَلِكًا نُّقَاتِلْ فِي سَبِيلِ اللّهِ قَالَ هَلْ عَسَيْتُمْ إِن كُتِبَ عَلَيْكُمُ الْقِتَالُ أَلاَّ تُقَاتِلُواْ قَالُواْ وَمَا لَنَا أَلاَّ نُقَاتِلَ فِي سَبِيلِ اللّهِ وَقَدْ أُخْرِجْنَا مِن دِيَارِنَا وَأَبْنَآئِنَا فَلَمَّا كُتِبَ عَلَيْهِمُ الْقِتَالُ تَوَلَّوْاْ إِلاَّ قَلِيلاً مِّنْهُمْ وَاللّهُ عَلِيمٌ بِالظَّالِمِينَ (246)البقرة
لَّقَدْ سَمِعَ اللّهُ قَوْلَ الَّذِينَ قَالُواْ إِنَّ اللّهَ فَقِيرٌ وَنَحْنُ أَغْنِيَاء سَنَكْتُبُ مَا قَالُواْ وَقَتْلَهُمُ الأَنبِيَاء بِغَيْرِ حَقٍّ وَنَقُولُ ذُوقُواْ عَذَابَ الْحَرِيقِ (181) ال عمران
أَلَمْ تَرَ إِلَى الَّذِينَ قِيلَ لَهُمْ كُفُّواْ أَيْدِيَكُمْ وَأَقِيمُواْ الصَّلاَةَ وَآتُواْ الزَّكَاةَ فَلَمَّا كُتِبَ عَلَيْهِمُ الْقِتَالُ إِذَا فَرِيقٌ مِّنْهُمْ يَخْشَوْنَ النَّاسَ كَخَشْيَةِ اللّهِ أَوْ أَشَدَّ خَشْيَةً وَقَالُواْ رَبَّنَا لِمَ كَتَبْتَ عَلَيْنَا الْقِتَالَ لَوْلا أَخَّرْتَنَا إِلَى أَجَلٍ قَرِيبٍ قُلْ مَتَاعُ الدَّنْيَا قَلِيلٌ وَالآخِرَةُ خَيْرٌ لِّمَنِ اتَّقَى وَلاَ تُظْلَمُونَ فَتِيلاً (77)النساء
وَاتْلُ عَلَيْهِمْ نَبَأَ ابْنَيْ آدَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِن أَحَدِهِمَا وَلَمْ يُتَقَبَّلْ مِنَ الآخَرِ قَالَ لَأَقْتُلَنَّكَ قَالَ إِنَّمَا يَتَقَبَّلُ اللّهُ مِنَ الْمُتَّقِينَ (27) المائدة
قُلْ مَن رَّبُّ السَّمَاوَاتِ وَالأَرْضِ قُلِ اللّهُ قُلْ أَفَاتَّخَذْتُم مِّن دُونِهِ أَوْلِيَاء لاَ يَمْلِكُونَ لِأَنفُسِهِمْ نَفْعًا وَلاَ ضَرًّا قُلْ هَلْ يَسْتَوِي الأَعْمَى وَالْبَصِيرُ أَمْ هَلْ تَسْتَوِي الظُّلُمَاتُ وَالنُّورُ أَمْ جَعَلُواْ لِلّهِ شُرَكَاء خَلَقُواْ كَخَلْقِهِ فَتَشَابَهَ الْخَلْقُ عَلَيْهِمْ قُلِ اللّهُ خَالِقُ كُلِّ شَيْءٍ وَهُوَ الْوَاحِدُ الْقَهَّارُ (16) الرعد
|
يازول انت اقراها واكان ما نفعتك ما بتضرك والله
اسأل الله ان يوقيك شر الاعداء وان يحميك سيدى واجعل لسانك رطبا بذكر الله فلن يضيعك ابدا
نرجو ان تطل علينا كل يوم لتطمئننا انك بخير
مع تحياتى لك
|
Post: #12
Title: Re: ساقوم بتمثيل البورداب فى سجن كوانتانامو
Author: SAdo7
Date: 05-27-2003, 11:56 AM
Parent: #11
العزيزه دموع
لك كل الود على هذه الكلمات
العزيز قرشى
لك منى اطيب تحيات مصحوبه بالدعوات
والله عاجز عن االشكر على هذه الاريحيه
وتلك الايات لكن انا قلت انت تكون اول الزوار
تجى تنط من الاول بعدين ماتخاف هناك مابقبلو اى عمود جاى من الزوار
يعنى تجى وايدك فاضبه بس مااظن ترجع بيها فاضيه
يعنى اقل حاجه كلبشات وربنا ما اوريك شينه
ولك خالص شكرى
|
Post: #13
Title: Re: ساقوم بتمثيل البورداب فى سجن كوانتانامو
Author: قرشـــو
Date: 05-31-2003, 03:02 PM
Parent: #12
الأخ صدوح
لك التحية قبل السفر
ياخوى اول حاجة كل يوم انت تجى تدينا تمام انك موجود وترفع البوست ده لى فوق عشان نعرف انت وين..
يا اخونا بتاعين المانيا يا قاهر الشياطين ويا خواض وياعمك حسبو ويا اللى هناك بالله كل يوم الصباح والمساء تدوا الزول ده سلك وتقولوا لينا فى ولا مافى ..
بصراحة نحن قلقانين شديد عليك ولازم تطمنا
تعرف لو ودوك جوانتانامو شفت عمك ابو دقن كاسترو ذاتو يشوف ليه حلل لاننا حانعمل عمليات ارهابية هناك ونفجر المعسكر ونخلى ريحة العلوج طير طير عشان كده احسن يلعبوا بعيد عن ناس البورد ولا عذر لمن انذر ..
ما نفخة حلوة بالله
لك تحياتى
|
Post: #14
Title: Re: ساقوم بتمثيل البورداب فى سجن كوانتانامو
Author: SAdo7
Date: 05-31-2003, 03:18 PM
Parent: #13
العزيز قرشو
لك اجمل تحيات مصحوبه باطيب الدعوات
ولك كل الشكر على السؤال وحتى الان لا يوجد
ما يدعو للريبه فقط هم يتتبعون الاشياء
المحيطه بى من تحويلات خارجيه وعلاقات داخليه
رغم انه لايوجد ما يدين ولكن نسال الله ان
يقينا مكرهم ولك ودى عزيزى قرشو
|
Post: #15
Title: Re: ساقوم بتمثيل البورداب فى سجن كوانتانامو
Author: Hozy
Date: 05-31-2003, 03:25 PM
Parent: #1
الله
الله
الله
ده كلام شنو ؟؟
دايرين يقبلوا علينا عدييل الناس ديل ولاشنو
عملت ليهم شنو؟ عملوك ارهابي يعني خلاص؟
اذا ممكن نعرف السبب
؟؟؟؟؟
وقبل ما نعرف السبب قلوبنا معاك والله
وانشاء الله ما يصيبك شر
يازول مافي طريقة زوغة
كوانتانامو شنو وزفت شنو
انشاء الله ابدا ما يحصل
اعمل ليهم فيها عندك حالة نفسية
مش هم لما يقبضوا على ناسهم بيقولو كده
عندهم نفسيات واعذار واهية
اعمل ليهم كده وانك لاجي سياسي
مش فاهمين انه حكومة السودان دي اسلامية
اعمل ليهم انك ضد الحكومة ومجنون
الله ياخدهم ياخي كان دايرين يقبلو علينا
والله يحفظك
قول امييين
|
Post: #16
Title: Re: ساقوم بتمثيل البورداب فى سجن كوانتانامو
Author: قرشـــو
Date: 06-01-2003, 09:43 AM
Parent: #15
حبيبنا
بس كل يوم ترفع لينا التمام
شايف البوستات بقت تزوغ وسط الكم الكبير من الكلام الكثير
قلوبنا معك دوما
ونتمنى لك السلامة عزيزى
ولك تحياتى
|
Post: #17
Title: Re: ساقوم بتمثيل البورداب فى سجن كوانتانامو
Author: SAdo7
Date: 06-01-2003, 10:43 AM
Parent: #16
العزيز قرشو
كل الشكر على هذا الاهتماام
ولكن حتى هذه اللحظات الامر لم يتعدى الشبهات
والحمد لله الامور لاتدعو الى الريبه
لك تقدبرى
|
Post: #18
Title: Re: ساقوم بتمثيل البورداب فى سجن كوانتانامو
Author: SAdo7
Date: 06-01-2003, 11:54 AM
Parent: #15
العزيزه هوزى
كل التحايا لك محفوفه بحرير الشكر
لك الحلول بتاعتك مغريه هم ديل
ما بحتاجو الزول اعمل عندو
نفسيات لانو اصلا هم بجيبو النفسبات للزول
لكن انتو بس ما تقطعو الجوابات يا هوزى
لك منى كل الود والتقدير
|
Post: #19
Title: Re: ساقوم بتمثيل البورداب فى سجن كوانتانامو
Author: قرشـــو
Date: 06-07-2003, 10:48 AM
Parent: #18
حبيبنا صدوح
كيف اصبحت ياخوى
والله مشغولين عليك
الله يكفيك شر خلقه
لك تحياتى
|
Post: #20
Title: Re: ساقوم بتمثيل البورداب فى سجن كوانتانامو
Author: SAdo7
Date: 06-07-2003, 11:56 AM
Parent: #19
العزيز قرشو
عاطر تحياتى وجزيل شكرى
نحن بالف خير عزيزى
ولا شئ يدعوا للريبه حتى الان
لك منى كل تقدير
|
Post: #21
Title: Re: ساقوم بتمثيل البورداب فى سجن كوانتانامو
Author: قرشـــو
Date: 06-10-2003, 12:32 PM
Parent: #20
حبيبنا صدوح
ياخوى كيف حالك
قول لينا عوووووك عليك الله
الله يديك العافية
|
Post: #22
Title: Re: ساقوم بتمثيل البورداب فى سجن كوانتانامو
Author: شدو
Date: 06-10-2003, 12:55 PM
Parent: #21
ربنا يزيل عنك الهم والغم
فى هذ الزمن الصعب والذى اصبح الاعتداء على الغير يسمونها بالدفاع
عن النفس واصبح المقاومة ارهاب اصبح كل شى وارد فقط تمسك جيدا
بوصية العمدة قرشو
وهذه تسمى
بالقافات
وداوم عليها فان اسرارها كثيرة
|
Post: #23
Title: Re: ساقوم بتمثيل البورداب فى سجن كوانتانامو
Author: SAdo7
Date: 06-10-2003, 06:52 PM
Parent: #22
الاعزاء قرشو وشدو
كل الشكر والتقدير لكما على هذه الطله والامور الحمد لله كلها على مايرام لكما تقديرى مره اخرى
|
Post: #24
Title: Re: ساقوم بتمثيل البورداب فى سجن كوانتانامو
Author: قرشـــو
Date: 06-18-2003, 01:59 PM
Parent: #23
حبيبنا صدوح
وينك يا سيدى
قول عووووووك
لك تحياتى
|
Post: #25
Title: Re: ساقوم بتمثيل البورداب فى سجن كوانتانامو
Author: Yassir7anna
Date: 06-18-2003, 03:44 PM
Parent: #1
هو الكلام ده جد؟ والله انا كنت قايلو هزار
لا حول ولا قوة الا بالله العلي العظيم
نسأل الله العلي القدير ان يزيل كربتك ويفرج همك ويبعد عنك كل شر
آمين
وعليك دايما بترديد
الله لا اله الا انت سبحانك اني كنت من الظالمين
وان شاء الله تنجيك من كل شر
Quote:
كان النبي صلى الله عليه وسلم يتعوذ بالله كثيراً من الفتن كما في حديث زيد بن ثابت عن النبي صلى الله عليه وسلم قال : " تعوذوا بالله من الفتن ما ظهر منها وما بطن " رواه مسلم (2867).
وعن ابن عباس رضي الله عنهما أن رسول الله صلى الله عليه وسلم قال : أتاني الليلة ربي تبارك وتعالى في أحسن صورة فذكر الحديث وفيه قوله تعالى " يا محمد إذا صليت فقل : اللهم إني أسألك فعل الخيرات ، وترك المنكرات ، وحب المساكين ، وأن تغفر لي وترحمني وتتوب علي ، وإن أردت بعبادك فتنة فاقبضني إليك غير مفتون " رواه الترمذي 3233 وقال عنه الألباني في صحيح الترغيب والترهيب (40 : صحيح لغيره .
وكان النبي يتعوذ من الفتن لأنها إذا أتت لا تصيب الظالم وحده وإنما تصيب الجميع ..
ويحسن بنا التعرف على أحاديث الأذكار المتعلقة بالفتن والكروب للدعاء بها ونشرها وحفظ ما تيسر حفظه منها .. وإدراك معاينها للتعبد لله بذلك إذ هي أعظم ما يقال في هذه الأحوال :
1- حديث أَبِي بُرْدَةَ بْنِ عَبْدِ اللَّهِ أَنَّ أَبَاهُ حَدَّثَهُ أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ إِذَا خَافَ قَوْمًا قَالَ اللَّهُمَّ إِنَّا نَجْعَلُكَ فِي نُحُورِهِمْ وَنَعُوذُ بِكَ مِنْ شُرُورِهِمْ " رواه أبو داود 1537 وصححه الألباني في صحيح أبي داوود 1360 .
2- وعن ابن عباس رضي الله عنهما أن رسول الله صلى الله عليه وسلم كان يقول عند الكرب : " لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السموات ورب الأرض ورب العرش الكريم " رواه البخاري 6345 ومسلم 2730.
3- قال صلى الله عليه وسلم : " كلمات الفرج لا إله إلا الله الحليم الكريم ، لا إله إلا الله العلي العظيم ، لا إله إلا الله رب السموات السبع ورب العرش الكريم " صحيح الجامع الصغير وزيادته (4571) .
4- كان النبي صلى الله عليه وسلم إذا غزا قال : " اللهم أنت عضدي وأنت نصيري وبك أقاتل " رواه الترمذي 3584 وصححه الألباني في صحيح الترمذي 2836
5- وقال صلى الله عليه وسلم : " ألا أخبركم بشيء إذا نزل برجل منكم كرب أو بلاء من أمر الدنيا دعا ففرج عنه ... دعاء ذي النون : لا إله إلا أنت سبحانك إني كنت من الظالمين " وفي رواية " لم يدع بها رجل مسلم في شيءٍ قط إلا استجاب الله له " صحيح الجامع الصغير وزيادته (2065) .
6- وكان رسول الله صلى الله عليه وسلم يعلم صحابته من الفزع كلمات : " أعوذ بكلمات الله التامة من غضبه وشر عباده ومن همزات الشياطين وأن يحضرون " رواه أبو داود 3893 وحسنه الألباني في صحيح أبي داوود (3294) .
7- قال رَسُولُ اللَّهِ صَلَّى اللَّهُ عَلَيْهِ وَسَلَّمَ دَعَوَاتُ الْمَكْرُوبِ : اللَّهُمَّ رَحْمَتَكَ أَرْجُو فَلا تَكِلْنِي إِلَى نَفْسِي طَرْفَةَ عَيْنٍ وَأَصْلِحْ لِي شَأْنِي كُلَّهُ لا إِلَهَ إِلا أَنْتَ " رواه أبو داود 5090. وحسنه الألباني في صحيح أبي داوود 4246 .
8- وكان إذا كربه أمر قال : " يا حي يا قيوم برحمتك أستغيث " وفي رواية : " إذا نزل به همٌّ أو غمٌّ " صحيح الجامع الصغير 4791
9- وقال رَسُولُ اللَّهِ صَلَّى اللَّهُ عَلَيْهِ وَسَلَّمَ لأسماء بنت عميس أَلَا أُعَلِّمُكِ كَلِمَاتٍ تَقُولِينَهُنَّ عِنْدَ الْكَرْبِ أَوْ فِي الْكَرْبِ ( أي المحنة والمشقة ) اللَّهُ رَبِّي لا أُشْرِكُ بِهِ شَيْئًا " رواه أبو داود (1525) وصححه الألباني في صحيح أبي داوود (1349) وفي رواية في صحيح الجامع : " من أصابه همٌّ أو غمٌّ أو سقمٌّ أو شدَّة فقال : الله ربي لا شريك له كُشف ذلك عنه " .
وغيرها من الأحاديث التي لها أثرها الإيجابي الكبير في أوقات الفتن والخوف ... من تهدئة للنفس وسلامة في البدن وقرب من الله عز وجل .. مع الاكتفاء بما صح عن النبي صلى الله عليه وسلم ففيه غنية عما لا يصح .. وفيه الخير .. والله أعلم
فضيلة الشيخ /محمد المنجــد
|
|
Post: #26
Title: Re: ساقوم بتمثيل البورداب فى سجن كوانتانامو
Author: sudania2000
Date: 06-18-2003, 04:50 PM
Parent: #25
العزيز
د.صدوح
هل لي ان اعرف اخبارك
ابكيتني ايها الرجل
قلبي معك
اللهم اكفينا شرهم بما شيئت
|
Post: #27
Title: Re: ساقوم بتمثيل البورداب فى سجن كوانتانامو
Author: shiry
Date: 06-18-2003, 05:09 PM
Parent: #26
سلام مربع
صدوح
ياجماعة انت بتتكلموا جد جد
ولا دا هزار
يا الهي
نسال الله يفرج عنك كربتو
والله جد حد قلبي وجعني شديد
ياجماعة طمنوننا
عليكم الله لو ماشفتوا الحاصل شنو
يا الخواض
واديتونا خبر
لا حولة ولا قوة الا بالله
|
Post: #28
Title: Re: ساقوم بتمثيل البورداب فى سجن كوانتانامو
Author: Raja
Date: 06-18-2003, 05:24 PM
Parent: #1
عاد يا صبوح لو الجماعة ديل اتشبركو فيك وشحنوك لي جواتانامو.. تبقى المصيبة كبيرة بجد.. وانت ما قلت لينا "ملابسات" الاستدعاء بالكامل شنو؟ هل ممكن تكون يوم فلست وما عندك بتاع الكهرباء عشان ماكينة الحلاقة ولا مارك عشان موس من دكان عمك هيملر.. واستحليت الحكاية قلت تربي دقنك لغاية ما نسيتها وبقت قدر بتاعت بن لادن.. أو مشيت مع اصحاب ليك من مصر ولا السعودية ولا جوك قرايبك من السودان طلعو الشارع قبل ما ينجموا من تراب وحر السودان وكان شكلهم مقلق..
انت لازم تراجع كل الحاجات دي حصلت ولا لأ؟
لكن عاد زي ما قال العزيز قرشو جواتانامو دي بعيدة ما بنقدر نشيل ليها عواميد ونجي نزور.. لكن ممكن الجماعة ديل هسع يكونوا مراقبين البورد ده ومترجمين كلامناكلو.. وختونا كلنا في اللستة.. عاد كان حصل كده ما تقلق كلنا معاك
|
Post: #29
Title: Re: ساقوم بتمثيل البورداب فى سجن كوانتانامو
Author: Yassir7anna
Date: 06-19-2003, 08:01 AM
Parent: #1
يا اخوانا
ويا ناس المانيا والدول المجاورة
الزول ده وين
طمنونا الله يطمنكم دنيا وآخرة
|
Post: #30
Title: Re: ساقوم بتمثيل البورداب فى سجن كوانتانامو
Author: SAdo7
Date: 06-19-2003, 09:46 AM
Parent: #29
الاعزاء جدا
قرشو
ياسر حنا
سودانيه
شيرى
لكم مى كل الود والتقدير على هذا الاهتمام
والموضوع تقريبا انتهى على خير وجزاكم الله منى الف خير
ولكم ودى
|
Post: #31
Title: Re: ساقوم بتمثيل البورداب فى سجن كوانتانامو
Author: قرشـــو
Date: 06-19-2003, 10:03 AM
Parent: #30
حبيبنا صدوح
الحمد لله انه الموضوع انتهى على خير ودى يا صاحبى عاوزه ليها كرامة عدييييل كده ..
كده اطمأنينا عليك وربك يهون كل امورك وما تشوف شر يا حبيب
لك التحية
|
Post: #32
Title: Re: ساقوم بتمثيل البورداب فى سجن كوانتانامو
Author: Yassir7anna
Date: 06-19-2003, 10:09 AM
Parent: #1
الف الف حمدلله على السلامة
وان شاء الله ربنا يكفيك شرهم دائما
قادر ياكريم
|
Post: #33
Title: Re: ساقوم بتمثيل البورداب فى سجن كوانتانامو
Author: زوربا
Date: 06-22-2003, 04:12 PM
Parent: #32
انا جيت متاخر كدى عليك الله قول لي الحاصل شنو اسه .
والريد نيلين
|
|