Post: #1
Title: المرة دي من غير وااااااااااااااااي والسمحة قالوا مرحلة
Author: درر السودانية
Date: 05-26-2003, 02:21 PM
استاذة تماضر
سلااااام وحب شديد
سلام بردو اليك
يا روحي سلام عليك
شنو يا غالية يعني كراعنا حارة ولا شنو
يا دوب جينا لينا كم يوم كدا وما صدقنا لقيناكم تقوموا تفوتونا وكمان سنة كاااااااملة والله نقوم نعزل نحن زاتنا
المهم عزانا الوحيد بس في الدلقون دا والله طلع ود ناس وجابك لينا وانشاء الله كل يوم تتحرق يا دلقون
معليش يا شباب انا ما عايزة اقلد زول لكن هي مجاراة لما فعلته تماضر نفسها بجمع الاصوات لنصرةاستاذنا الكبير محمد الحسن سالم حميد انا كمان عايزة اصواتكم وهمتكم معاي وبنفس واحد عشان تماضر ما تفوت البورد
وحياتكم السنة كتيرة ولا شنو يا رباح
يلا البداية تكون عندي
1- درر السودانية .. لا يا استاذة تماضر لا تبارحينا وتمسخي علينا البورد لان طلتك براها بالدنيا
|
Post: #2
Title: Re: المرة دي من غير وااااااااااااااااي والسمحة قالوا مرحلة
Author: سودانوبس
Date: 05-26-2003, 02:30 PM
Parent: #1
سلام يا شباب...معليش الشي بالشي يذكر...الغريبة انا من زمان شديد كل ما يذكر إسم تماضر بصورة عامة وليست تماضر أختنا هنا...كلما يذكر اسم تماضر يقفز الي ذهني...او تقفز...طماطم الجيلي ديك الحمره المطاولة... كان زمان قاعدين يجيبوها يبيعوها في زنك الخضار بالخرطوم.. والحكاية دي عالقة في ذهني من زمان واحدة جارتنا كان اسمها تماضر..كل ما أشوفها بتذكر الطماطم بتاعة الجيلي دي...
|
Post: #3
Title: Re: المرة دي من غير وااااااااااااااااي والسمحة قالوا مرحلة
Author: alfatih
Date: 05-26-2003, 03:07 PM
Parent: #1
درررررر
سلام
للمبدعة..الفنانة
تماضر شيخ الدين
يعني زي ما قالت دررررر ...كراعنا حارة ولا شنو ؟ كنت بتمني حضورك الينا في الفترةالماضيه..عند قدومك الي اسبانيا
وكنت تواق ان اري المسرحية الجديدة
و يشاطرني منعم شوف في ذلك
لكن بعد ده كلو فات ..بقول ليكي إنت بشحمك و لحمك ما
تفوتينا..يا دابو جينا من الدبرسة
لي لحوش الابداع
مرة تانية و تالتة
يا تماضر
ابو القدح بعرف محل بعضي اخو..
|
|