Post: #1
Title: رسالة من واحد طفش وقع في حوش بكري ....الجميل
Author: alfatih
Date: 05-25-2003, 05:29 PM
بسم الله الرحمن الرحيم
الموضوع ؛
رسالة من كرضمة الي البورداب
اخواني و اخواتي ، إنشاالله تقوموا قودمورنج،اما إذا سألتوا عن حالنا فبغض النظر عن الجدري و التتانوس و التيبي و شلل الاطفال و قطن مافي ، فنحن بخير شولةاعرفكم بأنو حبوبتكم نفسا اتقطع ووقعت كسرت نضارتا باقي الاهل طيبين ...جدكم المر إشترالو عربية بيجو ليلي علوي سيكو فايف يعني قالوا سرعتا كان 150 كيلو ولا رطل ما بعرفا ..اها يا زول مركب فيها خوالكم الكجاجيين ديل في الكنبة الورا ويوم الخميس ما جابم دغري غشوا المدارس العليا بنات و عارفين خطر العربية من شاف البنات بقي يولع براه ...مركزين علا مدرسة البنات العربية تنقشط منهم وين ؟ ..تحت قندران العمدة.. اعرفكم بإنو الجميع ركبوا عمايمم ..باقي الاهل طيبين ..بقراتنا التلاتة ماتن ..كانن ساكات تور حمبير ..جنون بقر ..تور حمبير قطع السكة حديد وهن الطير مبارياتنو ..لحقن امات طه ..باقي البقر طيبين ،،وعلي ذكر بقراتنا ،،،اخواتك السبعةالبايركس ،،ما عرسن وما اظن إنو يعرسن بعد 13 سنة ...الرجال البيجو كلهم قالوا البنات ديل بيشبهن لاعبين زامبيا ....حبوبتكم شغبة بلعت السفةفي عينا حنكا إتعوج..فرحين ود نفيسة،،جايبنو كشة من السعودية متل الشافع الرايح .. والآن تركته يبيع بضاعه في سوق ليبيا ،،هذه البضاعة ليست قمصان ولا بناطلين ...اسكت خليها ساكت....علي الطلاق فارشن يسوي فيهن بي 200 بي 200 يعني لامن لستكن دا برد ...باقي الاهل طيبين ،،اها يا اجوانا يا داب اقول ليكم السلام عليكم يا بورداب
يا العسلكم فاض وانحني...
انا جيت جاري بكوس لي في ناس زيكم كدي
لامن عترت في بكري ... الله يديهو العافية و يسكنو ناصية
....و بقول ليهو ما بقدر اجازيك الا اكتلك
و ابو القدح بعرف محل بعضي اخو
|
Post: #2
Title: Re: رسالة من واحد طفش وقع في حوش بكري ....الجميل
Author: ABUHUSSEIN
Date: 05-25-2003, 05:35 PM
Parent: #1
أهـلا الفاتح أبو عضلات
مرحب بيك و حوش بكري نور بيك
و الظاهر أهل العوض زادوا واحـد في البورد
تحياتي
|
Post: #3
Title: Re: رسالة من واحد طفش وقع في حوش بكري ....الجميل
Author: alfatih
Date: 05-25-2003, 06:11 PM
Parent: #1
ابو حسين
انا فرحان جدا إنو إنت اول واحد رحب بي
بعدين انا ما من اهل العوض
لكن بحبهم كتير ...عشان هم ناس عسل خلاس
ابو القدح بعرف محل بعضي اخو
|
Post: #4
Title: Re: رسالة من واحد طفش وقع في حوش بكري ....الجميل
Author: 3omda4
Date: 05-25-2003, 06:23 PM
Parent: #1
ممكن اكون التاني يا حبيبنا؟؟؟؟
مرحباً بالفاتح
لك التحية و الاحترام
|
Post: #5
Title: Re: رسالة من واحد طفش وقع في حوش بكري ....الجميل
Author: 3mk-Tango
Date: 05-25-2003, 06:45 PM
Parent: #1
.....
مرحب بي الفاتح وشرفت الدار
اتفضل تشرب شاي ولا تقعد خفيف ؟
لك الود
تنقو
|
Post: #6
Title: Re: رسالة من واحد طفش وقع في حوش بكري ....الجميل
Author: alfatih
Date: 05-25-2003, 07:38 PM
Parent: #1
3omda4 - 3maktango
سلام من الله عليكم يا احلي ناس
اشكركم شكرا يفوق الاندهاش
ابو القدح بعرف محل بعضي اخو
|
Post: #7
Title: Re: رسالة من واحد طفش وقع في حوش بكري ....الجميل
Author: alfatih
Date: 05-25-2003, 07:51 PM
Parent: #1
عمك تنقو..
ممكن ادخل بي باب الراكوبة ؟
بعدين انا بشرب شربات عشان جديد
وبرضو بسعلك سعال ...ممكن اقعد معاكم هنا في الحوش دة ؟
ابو القدح بعرف محل بعضي اخو
|
Post: #8
Title: Re: رسالة من واحد طفش وقع في حوش بكري ....الجميل
Author: بكرى ابوبكر
Date: 05-25-2003, 09:03 PM
Parent: #7
|
Post: #9
Title: Re: رسالة من واحد طفش وقع في حوش بكري ....الجميل
Author: Elmosley
Date: 05-25-2003, 09:05 PM
Parent: #1
مرحب يالفاتح
|
Post: #10
Title: Re: رسالة من واحد طفش وقع في حوش بكري ....الجميل
Author: ahmad almalik
Date: 05-25-2003, 09:19 PM
Parent: #1
مرحبا بالفاتح، الانسان الفنان، الذي سيسعد كل اهل هذا الدار بحكايات ترحاله واهازيج فنه، وسيشعرون قريبا بأنه كان موجودا حتي قبل ان ينضم الي هذا المنبر لأنه سيصعب تصوّر بأنه لم يكن موجودا هنا منذ الازل، ازددنا نورا وألقابوجودك، لك المودة.
|
Post: #11
Title: Re: رسالة من واحد طفش وقع في حوش بكري ....الجميل
Author: alfatih
Date: 05-25-2003, 09:20 PM
Parent: #1
المتألقان
بكري ابو بكر
الموصلي
بقول لي بكري مرة تانية ...ما بقدر اجازيك الا اكتلك ..فالواحد عندما يريد التعبير عن مدي فرحه ..لا يستطيع...اقصي درجات التعبير للطفل ،،إنك تعضيهو او تجضمو فالإحساس مختلف
الموصلي
يا يا يا رايع
بقول ليك
متل ..رجعة صدي الاحساس
( سهم)
دي اغنية من شريطك ...سفر العيون
فرحي بيكم فاض ملا حد الكبابي
ابو القدح بعرف محل بعضي اخو
|
Post: #12
Title: Re: رسالة من واحد طفش وقع في حوش بكري ....الجميل
Author: alfatih
Date: 05-25-2003, 09:33 PM
Parent: #1
الاستاذ الكبير
الكاتب
احمد الملك
لك الاهازيج...و انت تتألق في دنيا الابداع
شكرا علي الطلة
بعدين اهنئك
علي الرواية الجديدة
( الخريف يأتي مع صفاء)
التي صدرت في المؤسسةالعربيةللدراسات و النشر
مزيدا من التقدم
في إثراء حركةالثقافةالسودانية
|
Post: #13
Title: Re: رسالة من واحد طفش وقع في حوش بكري ....الجميل
Author: alfatih
Date: 05-26-2003, 01:00 PM
Parent: #1
up
ابو القدح بعرف محل بعضي اخو
|
|