وااااااااااااااااااااي والله انا ما بحب السياسة

تعرفو كان قالوا لي كرهتك (بضم الكاف تسكين الراء) في الدنيا دي شنو .. اقول السياسة
بكرهها شديد ..ولا بحب الكلام في فيها ولا بحب اخبار السياسة ولا بقرا الجرايد ولا بحب البرنامج السياسية البجيبوها في التلفزيون او الاذاعة.. بمل شديد جداً منها
تفتكروا دا شنو يا جماعة. افتوني لاني خايفة ان المسألة دي تعمل حاجز بيني وبين الغير والناس يعتبرو اني انسانة ما مثقفة ولا مطلعة او غيرو وانا شايفة الجماعة هنا في البورد كلهم بيتكلمو بلغة السياسة لكن والله انا قدر ما حاولت اني اتابع الاخبار واطول روحي شديد لكن ما بقدر وتلقاني طوالي اتنرفز واخلاقي تضيق وتجيني حمى من مافي.. وجسمي كله يترعش واحس بي نفسي كدا معلقة بين السماء والارض
انا اتخايل لي دي حساسية من السياسة .. ولا تكون دي فوبيا السياسة
واااااااااي انا عايزة رائكم

المستاءة الزهجانة
دررررررر

دي سحابة صيف يا واااااي سودانية

الحبيبة درررررررر من مغارة على بابا
اولا اى انسان فى الوجود تجده يميل الى شىء اكثر من اخر و لا يميل اطلاقا الى ثالث هذه اهتمامات كل حسب مشاربه
ثانيا اختى الحبيبة اختلف معك فى ان الثقافة مقدار الكم الذى يختزنه الناس من معلومات الثقافة ان تستطيع استخدام معرفتك فى تغيير نفسك وواقعك و ان استطعت تطويع ذلك كله لمحاولة تغيير سلبيات المجتمع من حولك
لكن اختى من المهم جدا للفرد القليل من الالمام بما يدور فى العالم من حوله اما بقراءة الصحف او مشاهدة التلفزيون او اى وسيلة تلائمه المهم الا يعيش الانسان داخل قوقعة و يقاطع وسائل التنوير المتاحة و الانسان فى دنيانا هذه لا يفعل ما يحب فقط بل انه فى احايين كثيرة يفعل المطلوب منه و الواجب عليه فعله
عشان كدة درررر الحبيبة تعالى على نفسك شوية و تابعى ما يدور من حولك و لو باقل قدر
مع محبتى

الحبيبة جداً لنا
سلامي وتحياتي وشكري الجزيل لكي لما افدتيني بيه من كلمات لها وقع الدرر في اعماقي
اشكرك جداً لحديثك الثر
والفت انتباهك بانني اذا لم اكن اتابع السياسة فذلك لا يعني انقطاعي عن العالم او تقوقعي فانا الان احدثك عبر احدث وسائل الاتصال على الاطلاق .. الانترنت.. وانا يا صديقتي اجلس امام الانترنت الساعة تلو الساعة ولا امل ولا ازهج واحمد الله انني بقدر مللي من السياسة وريحتها الا انني لدي اهتمامات اخرى فنية وثقافية والثقافة متعددة الابواب والمداخل لا تنحصر فقط في السياسة
.. لكن انا برضو اوعدك .. ان اغير بوصلتي شيئاً فشيئاً لكن لا اوعدك بان احب السياسة فانا اكرههااااااااا
لكي التحية
درر

...............واااااااااااى يا درر لكن ما بسألك
كيفن يعنى الكلام دا

مـلـكـة الواااااااااااااااااااااي


عادي جدا كراهية السياسة خاصة السياسة السودانية

بس غريب إنو زول سوداني بكره السياسة لأنو السودانيين

بموتوا في السياسة. نشوف ليك عمدتنا قرشو لوجا حايم بي جاي

خلي إكتب ليك حجاب أو محاية تخليك طبيعية مع السياسة.



ســــــلاام بدون وااااااااااااااااااي

السياسة وفقا للمفاهيم العصرية...وواقع الحياة ومعتركاتها تدخل فى لحم حى كل كائن حى..ولا فكاك...وكاذب من يدعى بأنه بعيد عن السياسة ...فالسياسة..تصرخ مع الطفل فى مهده...لأن المستشفى مرتبط بسياسات حكومة وكذا القابلات...عندما يحبو وتتآكل أو تهترىء ركبتيه فهو يحبو على تراب أو بلاط تحكمها ظروف والدية المرتبطة أيضا بحكومة وعندما يدخل الروضة المدرسة...الخ..العلاقة بين المجتمع والإقتصاد .والسياسة...الخ.هى عبارة عن علاقة أفراد بأفراد فى المقام الأول ثم أفراد بمجموعات...بنظام سياسى ...لا الواقع ولا التاريخ يفسر هكذا علاقات بأنها من طرف واحد...أن تعشقنا السياسة ونفتح ليها...ليست كل السياسة هى التشاجر..والتناحر والندوات عالية النبرة..ان لم تكن السياسة تصالحا تهذبه الديمقراطية وحقوق التعبير..
وحتى وااااى القلتيها دى ...تعبير عن حالة سياسة لووول


تحياتى
ودعزة

درر

والله مريحة روحك

مالك ومال وجع القلب

خليكى فى وااااياتك دى

وبعدين انتى مسقفة نفسك بى حاجات تانية

والمسقفين ما كلهم سياسيين

واااياتك دى هردت فشفاشنا .. كل يوم نجى

نلقى لينا واااى نتلب وراها

وواصلى واااياتك دى ولا يهمك

يديك العافيه

لا حولى ولا قوةال باللة
اه مرة اة ما تقولى بسم اللة
باللةجبتينى ناطى من اخر الحلة انا قلت المرة دى نطة عليها حرامى نطة عليها اسد
واللة اللة ستر ساى ما كسرتة كراعى

باللة المرة الجاية ويويى فى حاجة بتستحق عشان ما تبقى زى محمد الولد الكذاب الذى مات نتيجة الويوية اليوميو الكثير المنغير سبب
واللة يكفيك شر الويوية

ازيك يا درر واااااااااااااي
حب الناس مذاهب ولولا اختلاف وجهات النظر لبارت السياسه

(y) دررررر معاك دكتور
اها قلتي ليه الاعراض شنوووو...؟

Quote: وتلقاني طوالي اتنرفز واخلاقي تضيق وتجيني حمى من مافي.. وجسمي كله يترعش واحس بي نفسي كدا معلقة بين السماء والارض

ايووواه
طيب لما تجي تنومي في قحه متقطعه
....

تعم نعم ..طيب كان قرصتك نمله بتقولي واااااي
....

ايوه ايوه كدا المرض واضح والاسباب واضحه

(الرشته)

تصحي الصباح بدري بالتوقيت السوداني يعني حوالي عشره وتلاته وتلاتين دقيقه .. تركبي ليك اي رقشه تقابلك تأشري ليهو بيدك علي كبري شمبات
توقفيهو في نص الكبري
تنزلي
تاخدي نفس عمييييييييييق
وجمبلق تنطي في المويه
وبعده كان جات الحاله دي تعالي اسأليني

حبوبه شروق

ربنا يحفظ ليك الاموره الفي الصوره دي
وماشاء الله تبارك الله

وحجزناها خلاص

لووووووووووووووووووووول يا هوب لس دا راجل لوعندكم اموره نحن حاجزنها. قلنا نحجز يمني من ابي يوسف لكين خفنا يقول لينا انتوا كبار ولدي عمره 9 سنوات الان

لوووووووووولين يا حبوبه

وانا اقول شافعتي لاصقه في الشاشه وتعاين في الصوره كدا ماله
اتارينها فوق رأي

الظاهر كبرنا
بس جيبوا قوله الخير وحييييياكم

صاح يا أستاذة درر...هذه ليست ظاهرة مرضية...بقدر ما هي ظاهرة صحة...ولو قدر المشاركون رغبتك المقدرة جداً أن يتوقفوا ولو دقيقة واحدة.عن السياسة تعاطفاً معك.ليس لشئ.ألا مشاركة لزميل أو زميلة...تقديراً لمشاعرها..وعدم تسبيب الأذي لغيرهم بالقول الجسيم وإن إختلفنا أو إختلفوا معك حوله...هذا من ناحية.. من الناحية الفيسولوجية...تعتبر هذه الظاهرة منك قلت ظاهرة صحة وحب وظاهرة نفس تعتمل بالخير وليس اليأس وكل هذا المدي الذي يعتمل عندك الآن وليس سرمداً كل هذا المدي قد يشحن عندك في طريق الأوبة مرة أخري قد يشحن من جديد بمحبة السياسة مرة اخري ولكن على نمط جديد...أو قد تظل الحالة ردحاً من الزمان.أو قد تختفي وتختفي معها جروحها..قد تكون هي من تخلف الواقع المرير والكلام في السياسة الكثير الذي يلوكونه هنا ولا يغير شئ في ارض الواقع ولا يرفع الواقع الى مستوي الحدث..فتصاب النفس بالإحباط مثل حالتك الصحية.. أو قد تكونين مارست يوماً ما معضلة السياسة حتى المشاش...وحتي النخاع واصابك منها ما أصابك.. هي حالة صدمة صحية كما قلت لنفس مثل نفسك خيرة تعتمل فيها وسائل الخير.. وهذه النفس التي مثل نفسك هى عندي نفس مشحونة بعاطفة إنسانية كبيرة.. وبفكر دقيق وبخيال خصب. فإذا شحن مكان بغض السياسة هذا بمحبة صديق مثلاً أو أب أو أخ.. أو الله.. أو السياسة نفسها على نمط جديد وسياق جديد.إذا شحن بذلك فإنه قد يأتي عندك بالعجب العجاب.. وهنئياً لمن يعرف نفسك هذه التي تعتمل بالخير وتنم عن شخصية حاضرة.. وقد يكون أول من يعرف ذلك ويستفيد منه هو نفسك المنسلخة من تلك الحالة القديمة بنفس جديدة.مترقية في مقامات القرب السرمدي...

الاخت درر
تحياتى
الرجال ذاتهم بقو يقولو واااى من السياسة
عشان كان مروقين وبعدين دخلو السجن
وهاك يامحن
كدى شوفى
دا واحد برضو صرخ زيك

مالى وساسة
وحب السايسة
وهذا التمرد
وفعل الخباثة
ونيل المكارم بجهود اناس
وبلوغ المعالى وكرسى الرئاسة
فالله خلقنا من نفر واحد
كلنا بشر ... وكلنا ناسا
فدبت الفرقة فى انفس القوم
فصرنا معادن فى اعين الساسة
فهذا من ذهب واولئك من فضة
وانا من حديد والباقى نحاسا
فمنهم قوم ولدو فى السلطة
فامهم سوسة وابوهم ساسة



--------------------------------------------------------------------------------

درر بتي
كيف حالك
السياسة عمل يمارسه البعض على الآخرين ، وأنا اتصور بما انك بتكرهيها فأنت من الآخرين ولست من البعض ، ويفرض هؤلاء البعض أراءهم وأفكارهم وأتاواتهم على هؤلاء الآخرين ، فيحس هؤلاء الآخرين بثقل ما يتحملون من جراء عمل البعض ، وتكون النتيجة مشادة بين البعض والآخرين ، هؤلاء يسعون لوضع مزيد من الحمل ، وأؤلئك يسعون للتخلص من الحمل ، وبالتالي يكون الجميع ممارسون للسياسة ، الذين شاءوا والذين ابوا

فأين محلك ؟