Post: #1
Title: أدخل شوف أمبارح الخرطوم كانت كيف
Author: kov_123
Date: 05-25-2003, 09:26 AM
Parent: #0
طبعا الحتة دي من اختصاصات الأستاذ راكوبة ورضا
لكن على العموم دي صورة الخرطوم صباح يوم أمس السبت 24 مايو 2003
الساعة 08:30 وكنت عايز أرسلها ليكم من أمبارح لكن الكهرباء في السودان الله يديها العافية!!!!
وهذا بعد موجة ارتفاع لدرجات الحرارة استمرت لأكثر من أسبوع مع دوام انقطاع التيار الكهربائي في فترة النهار في عدد كبير من الأحياء السكنية في العاصمة الخرطوم.
|
Post: #2
Title: Re: أدخل شوف أمبارح الخرطوم كانت كيف
Author: HOPELESS
Date: 05-25-2003, 09:33 AM
Parent: #1
تسلم علي المجهود
وبارك الله فيك خليتنا نشم ريحه المطر الليها طعم
|
Post: #4
Title: Re: أدخل شوف أمبارح الخرطوم كانت كيف
Author: قرشـــو
Date: 05-25-2003, 09:44 AM
Parent: #2
حبيبنا 1 2 3 كوف
يا سلام عليك ياخى
ويا سلام على السودان
بالله منظر زى ده يسوى العمر كله
الللللله والله الواحد اتخيل نفسه هناك وكما قال هوب ليس يشم ريحة الدعاش ويملا رئتيه من عليل الهواء
يا سلام ياخى الله يسعدك ويفرحك ويبهجك لانك فعلا ابهجتنا
بالله وظف لينا كاميرتك دى ياخى ودائما ادينا صور حية من الوطن الحبيب ..
رجاء بالله داير صورة كده حية من النيل والناس مركلسة فى الشاطى والسماكه شغالين والشماشة يلعبوا فى المويه والبص النهرى يمخر عباب النهر والخضرة الجميلة تكسو ضفتيه وطيور هنا وهناك تطير وتلهو وفراشات جميلة تزين الخضرة.. احلام احلام احلام
لك حبى كله
|
Post: #3
Title: Re: أدخل شوف أمبارح الخرطوم كانت كيف
Author: Elmosley
Date: 05-25-2003, 09:44 AM
Parent: #1
هسع دي وين في الخرطوم بالله
نحن بقينا مسطحين
|
Post: #6
Title: Re: أدخل شوف أمبارح الخرطوم كانت كيف
Author: ebrahim_ali
Date: 05-25-2003, 10:01 AM
Parent: #3
صورتك في السلك ابداع متناهي ومزيد من هذه الروائع التي اعادت لنا ذكريات مضت وايام خوالد وريحة الدعاش بالله ياقرشو شميتا يظهر عليييييييييك مشتاق شديد للبلد
الاستاذ الموصلي حرام عليك من التسطيح دي يظهر لي كده شارع افريقيا بالقرب من الساحة الخضراء وانت كده ماشي على المطار ولا مش صاح
|
Post: #5
Title: Re: أدخل شوف أمبارح الخرطوم كانت كيف
Author: kov_123
Date: 05-25-2003, 09:58 AM
Parent: #1
الجماعة الطيبين الهوووبلس
ليه اسمك دا من النوع البدل على انك من الجماعة
واحد من اتنين
اما مغترب وحالتك صعبة
واما واحد تاني ... وحالتو صعبة برضو
وما تسألني على النقط
وعموما شكرا ليك ياخي
العمدة قرشو
يا خي إن شاء الله بنربطك بي البلد لكن اديني جمة شوية
انا زولا عادي وما من الصحفيين
بس خايف اقوم انفذ وصاياك والقى زول واقف وراي يقول لي
انت ما قريت اليفطة الوراك
يا تو يفطة
"منطقة عسكرية ممنوع الاقتراب والتصوير"
أما زولنا الموصلي القاعد في امريكا
فالصورة دي للعلم هي منطقة تقاط شارع مدني مع شارع واحد وستين
اها كان كدة بتكون عرفتها
لكن العلى يدك اليمين دي منطقة ما يسمى بالساحة الخضراء-اعمال حكومة الانقاذ
وهي بتقع جنوب مطار الخرطوم لكن ما بي صورة مباشرة
|
Post: #7
Title: Re: أدخل شوف أمبارح الخرطوم كانت كيف
Author: Rakoba
Date: 05-25-2003, 10:32 AM
Parent: #5
الأخ العزيز كوف
تسلم على الصورة الرائعة وأنا حسيت بالدعاش مع فتح البوست ده وربنا يجعل الأمطار خير وبركة، وصدق الشارع ده قرب يوصلني الصحافة بختكم والله
تحياتي
|
Post: #8
Title: Re: أدخل شوف أمبارح الخرطوم كانت كيف
Author: قلقو
Date: 05-25-2003, 10:40 AM
Parent: #5
الأخوة خارج الديار
طبعا ليكم حق تتذكروا الهمبريب وريحة الدعاش والذى منه لكن تعالوا شوفوا حالتنا .
اولا ياسادة سبقت تلك الأمطار كتاحة تقول ياليل وبعدها جات الأمطار فى توقيت لم تتعود عليه الخرطوم امطار انا قدرتها ب 30ملم والكهرباء كانت كالعادة مقطوعة والموية شرحو والتصريف فى الشوارع صفر كبير وتعال شوف الحالة وسط الخرطوم عربات وحافلات وركشات وفراشين على الأرض وطين وخمج والناس بقت بهلوانات تنطط زى القرود والأحذية ولا مؤآخذة على الأيدى والبناطلين مكفكفة والجلاليب بين الأسنان والسراويل فوق الركبة وتعال شوف دخان الجنريترات مع الضوضاء التى تسببها والسخانة والذباب.
غايته صوره سيرياليةللعاصمة الحضارية كانت تحتاجة لقلم الأستاذ يحيى فضل الله حتى يصفها.
قال همبريب قال
|
Post: #9
Title: Re: أدخل شوف أمبارح الخرطوم كانت كيف
Author: shiry
Date: 05-25-2003, 10:48 AM
Parent: #8
سلام مربع
قت لي دي الساحة الخضراء وتقاطع ش 61
عشان كده مافيش شفع بخوضوا في موية المطره
..
الف مليون تحيه للخرطوم
وناسها
والله مشتاقين كتير
|
Post: #11
Title: Re: أدخل شوف أمبارح الخرطوم كانت كيف
Author: Elmosley
Date: 05-25-2003, 03:31 PM
Parent: #5
شكرا ليك خلاص دي منطقة معهد الموسيقي سابقا
يديك العافيه ويوفر اسباب عودتنا ليها
|
Post: #10
Title: Re: أدخل شوف أمبارح الخرطوم كانت كيف
Author: Mayada
Date: 05-25-2003, 12:11 PM
Parent: #1
لكن ما قلبت علينا المواجع
|
Post: #12
Title: Re: أدخل شوف أمبارح الخرطوم كانت كيف
Author: coolcom
Date: 05-25-2003, 03:53 PM
Parent: #10
مصدر الصور
الراي العام
|
Post: #13
Title: Re: أدخل شوف أمبارح الخرطوم كانت كيف
Author: motaz
Date: 05-25-2003, 04:12 PM
Parent: #12
ااااااااااه يا بلد
والله رجعتنا البلد عديل يا كوف الله يديك العافية وكتر من الحاجات دي
العمدة قرشو لكن كيف يرسل لينا الصور مع الكهرباء القاطعة دي
رايك شنو نرسل لي كوف جننيتر عشان نضمن الصور تصلنا يوميا
مع السلامة
واقعدو عافية
|
Post: #14
Title: Re: أدخل شوف أمبارح الخرطوم كانت كيف
Author: almulaomar
Date: 05-25-2003, 04:16 PM
Parent: #1
دي مطره حدها النخره وكيه على الإدارة المركزية التي أبدعت الجمرة الخبيثة وبقت تأخذ مقدماُ وبرضو كهرباء ما في تكون شايل كرتك والعداد واقف برضو في حر الصيف الفظيع لهذا العام والذي جعل الكديسة تلهث زيها وزي أى كلب صيد ، ورحمة بالعباد أهو الأمطار بردت البلد شوية ولطفت الجو لكين المشكلة إنو بعد يومين فرقة الضفادع سوف تبدأ في العزف المزعج لموسيقاها وبالسلم السباعي والخماسي وإحتمال تبتكر السلم العشاري ده غير الباعوض لمن يلقى ليك موية راكده كده بعمل عمايل في البشر ومن هنا نناشد الصليب الأحمر والهلال الأزرق وجميع المنظمات الإنسانية بالدعم العاجل والفوري لسكان العاصمة وضواحيها وبإسم جميع منسوبي وأعضاء المنبر الحر في سودانيز أون لاين أعلان العاصمة القومية منطقة كوارث. اللهم لا نسألك رد القضاء ولكن نسألك اللطف فيه
|
Post: #15
Title: Re: أدخل شوف أمبارح الخرطوم كانت كيف
Author: Ridhaa
Date: 05-25-2003, 05:22 PM
Parent: #1
ااااااااااه يا بلد
ااااااااااه يا بلد
ااااااااااه يا بلد
ااااااااااه يا بلد
ااااااااااه يا بلد
|
Post: #16
Title: Re: أدخل شوف أمبارح الخرطوم كانت كيف
Author: sari_alail
Date: 05-25-2003, 08:05 PM
Parent: #1
انا جاييكم يوم 18/6
يا ناس الخرطوم
UP
|
Post: #17
Title: Re: أدخل شوف أمبارح الخرطوم كانت كيف
Author: abdel abayazid
Date: 05-25-2003, 08:26 PM
Parent: #16
مع احترامي لكم جميعا
يا سلام علي الوطن وياسلام علي الدعاش والامطار لكن في نفس الوقت
اتذكروا صحة البئة
اتذكروا ان هذه اواسط العاصمة وحتي الان مافي تصريف
للمياه
تذكروا الناموس
الملاريا
الذباب
النزلات المعوية
طالبوا بان يوجد حل نهائي لمشاكل تصريف المياه في السودان
|
Post: #18
Title: Re: أدخل شوف أمبارح الخرطوم كانت كيف
Author: فيصل النعيمه
Date: 05-25-2003, 08:30 PM
Parent: #16
شكراً ليك كثير .. وخلبتنا في الصورة معاهم .. بس ناقصنا نقوم نغرف المويه ونفتح المجاري عشان الحيط ما تقع
|
Post: #19
Title: Re: أدخل شوف أمبارح الخرطوم كانت كيف
Author: kov_123
Date: 05-28-2003, 09:49 PM
Parent: #18
السلام عليكم ورحمة الله وبركاته
طبعا يا جماعة ما ناسيكم لكن الكهرباء في الخرطوم اليومين ديل زفت خالص
وامكن تكونوا ملاحظين الناس المن السودان كتاباتهم قلت
شكرا للجميع الذين شاركوا
والذين تذكروا البلد
والذين تمغصوا من الغربة وعقبال عودتهم عن قريب ان شاء الله
وان شاء الله ح نكتر ليكم من النوع دا
لكن حقيقة اليومين ديل انا مشغول شديد بالإضافة إلى الكهرباء والحر المبااااالغة الإحنا فيهو الله يستر
وعلى العموم شكرا
للملا عمر: ووين ناس حقوق الانسان
وقرشو: حالتو قريب وفي السعودية امال ناس الموصلي يعملوا شنو
والهوووب لس: اتفائل يا أخي
وابراهيم علي: لفظة السلك وقد السلك دي بتاعت عساكر اللاميك معاهم شنو بالضبط
وراكوبتنا: ذلك بعض من هوايتكم في البورد
ومعتز : شفت الكهرباء، بس ياها زاااااااااتها الحامياني
وميادة
والموصلي
ورضا: بتاع الخبارات
وساري الليل: وبي جيتك في الشهر الجاي
وفيصل النعيمة: موسم الغرف لسع عليهو بس جهز الجرادل والمتاريس
وقلقو: أهلا بيك يا جديد
وشيري: وعليكم السلامات المربعات والمثلثات
وكوول كوم: الصورة بتاعتي وحقوق الطبع محفوظة
|
Post: #20
Title: Re: أدخل شوف أمبارح الخرطوم كانت كيف
Author: kov_123
Date: 05-29-2003, 10:46 PM
ودي للناس الما قرونا امبارح مرة تانية فوق
|
Post: #21
Title: Re: أدخل شوف أمبارح الخرطوم كانت كيف
Author: HOPELESS
Date: 05-29-2003, 10:53 PM
Parent: #20
ما في صوره جديده يا كوف
عليك الله اجتهد في الموضوع دا
وانا متبرع ليك بالكاميرا
رسل لي عنوانك علي الايميل دا وانشاء الله تصلك
[email protected]
وورينا ابداعاتك بصور مختلفه من البلد
واااااه يا بلد
|
Post: #24
Title: Re: أدخل شوف أمبارح الخرطوم كانت كيف
Author: kov_123
Date: 05-29-2003, 11:10 PM
Parent: #21
الخرفان في الحر الله يسهل علينا وعليها
|
Post: #25
Title: Re: أدخل شوف أمبارح الخرطوم كانت كيف
Author: kov_123
Date: 05-29-2003, 11:17 PM
Parent: #21
تسلم يا هووبلس
الحمد لله الإمكانات متوفرة عندي
وشكرا على شعورك
ونأمل أن نكون عند حسن ظن الجماعة بتوعين البورد
ونوفر ليكم المزيد من الربط بي البلد
|
Post: #23
Title: Re: أدخل شوف أمبارح الخرطوم كانت كيف
Author: Badreldin
Date: 05-29-2003, 11:05 PM
Parent: #20
الاخ كوف لك الصباحات الجميلة
شكرا على المجهود المقدر وارجو الايتوقف هذا البوست كما ارجوك ان تجعل من هذا العمل هواية صورة كل صباح لهذا الوطن الجميل ويمكن ان نساهم معك في توفيراحدث كميرات الديجيتل ذات السعة التخزينية العالية واسرع اجهزة الكمبيوتر والاسكنر لان صور مثل هذا ترد الروح للطيور المهاجرة كما علق احد الاعضاء
|
Post: #22
Title: Re: أدخل شوف أمبارح الخرطوم كانت كيف
Author: Hozy
Date: 05-29-2003, 11:00 PM
Parent: #1
ياسلاااااااااااام عليك
الصورة اكثر من رائعة
صحي جاتني ريحة المطرة
غايتو الله يصبرنا
|
Post: #26
Title: Re: أدخل شوف أمبارح الخرطوم كانت كيف
Author: قليبى المهضلم
Date: 05-29-2003, 11:17 PM
Parent: #1
تشكر يا كوف
المناظر فعلا اكثر من رائعة
P.S.
رسل عنوانك بسرعة الى
HOPEFULL
اصلو ربح ليه كم جائزة كده
وغير اسمه
مرة تانية تسلم
|
|