Post: #1
Title: نعم انى حزين يا سودان...!!
Author: Ahmedain
Date: 05-25-2003, 08:03 AM
Parent: #0
نعم انى حزين يا سودان...لا اتذكر يوما كانت الاوطان تحترمنى, او الجيران تغبطنى, او الناس كل الناس تعجب منى... لا يوم كانت موادك رخية ندية, و سمائك صافية نقية,رغم ارضك البكر فى الغرب, الجنوب, الشمال, الشرق و والوسط لا خير منه ينبثق...و رغم نيلك ينساب ضاحكا ملء شدقيه, لا خيرات تتدفق بين يديه. حسبت ان الفكر فاض من عقول بنيك, فزهوت ثقافة و شعرا و اينعت رياضك ابداعا و فنا فسموت و علوت, و لكن ما نعمنا بك زمنا...و ما فتنا بك سحرا...
فى احلامنا فخرنا و فخرنا, واسكرنا الفخر فبطرنا...الحال باقى منذ زمن...و لكن شقينااكثر اخر الزمن...و ضاقت سعة الوطن...و حملنا جراحاتناو ارتحلنا و ظننا ان الاتى احلى, و حلمنا واملنا...ان نكون غدا سعداء فى وطن...و اذا الافق سراب.
نعم انى حزين يا سودان...كنا حلمنا و املنا...و رحلنا الى الظل القريب, و هجاجرنا فى الافق البعيد و نحن نردد قول شاعرناالفذ يحى فضل الله:
ياضلنا المرسوم على رمل المسافة و شاكى من طول الطريق
قول للبنية الخايفة من نار الحروف تحرق بيوتات الفريق
قول ليها ما تتخوفى
دى النسمة بتجيب الامل و الامل بصبيح رفيق...
*******
و القبيل راجنو نحنا يوم تبشر بيهو غيمة لما تمطر يوم علينا
الفرح يملا المدينة و البلودات الحزينة
يا ضلنا...
***********************
اين انت يا ضلنا...
لقد تركتنا وقفا على الاقدام و نحن نردد:
اذا الظل حرور و الافق سراب...فتكدسنا فى كركور(جحر) ضب, بعضنا يعمل, و بعضنا يخادع النفس و يمنيها... و الذى يعمل ياتى منهوك القوى, و يخر الى فراشه كطائر مقصوص جناحاه... او تجده يعتصر كابوس الاخبار من الوطن الحزين...و لا نعرف فى غد ما سيكون, و هل سنكون ام اننا من الراحلين...فالى اين...و حتام سنبقى تائهين...و سنبقى غرباء؟
نعم انى حزين يا سودان...ساستنا ما بين مشاكوس, اريتريا, امريكا, اروبا و القاهرة يتسكعون...و نحن يفترسنا المصير المجهول...
نعم...نعم...نعم انى حزين يا سودان
|
Post: #2
Title: Re: نعم انى حزين يا سودان...!!
Author: Ahmedain
Date: 05-25-2003, 02:20 PM
Parent: #1
بالامس كان لقاء القاهرة الذى وقعه المرغنى, قرنق و المهدى...هل هذا يضيف جديدا لايجاد الفكرة الصالحة و المبدا الرشيد و السعى لتقويم الاخطاء و تصحيح الممارسة؟ لا اظن... لذا انى حزين يا سودان...
|
Post: #3
Title: Re: نعم انى حزين يا سودان...!!
Author: Ahmedain
Date: 05-28-2003, 02:06 AM
Parent: #1
بالامس (مايو 26و2003) تحدث الدكتور جون قرنق زعيم الحركة الشعبية لتحرير السودان امام حشد كبير من الجماهير بالعاصمة الامريكيه واشنطن عن مشروعات السودان الجديد. و هل هذا من الممكن الوصول اليه فى ظل و ضع السودان الراهن؟ لا اظن...
لذا انى حزين يا سودان
|
|