اخوتي بالبورد
يا ايها الغبش الذين تشربو من نيل وطننا الحبيب فناً وابداعاً
يا من تمنيت دائماً ان انضم الى كوكبتكم الفريدة الرائعة وقد خانتني الظروف ولكن في نهاية الامر انتصر الحظ وسمحت لي الظروف ان انضم اليكم
اسمي درر السودانية
ابوي النيل وامي سودانية .. بحب بلدي.. ونيل بلدي.. وتراب بلدي .. وناس بلدي
عشمي كبير في اني ساجد منكم الترحيب لاني بصراحة .. حبيتكم شديد.. كلكم بدوووووون فرز
سلااااااااااااااااام مربع

أهلا وسهلا بى درر السودانية

مرحبا البيت بيتك

نحن برضو حبيناك

شديييييييد


مرحبا

اهلا بك ايتها الدره ونزلتى اهلا وحللتى سهلا

حبابك عشرة في حوش ود البكري من زول جديد سبق بي يومين لكن حاس وكأني لي سنين

أهلا ومرحبا يا درر
ونتمني ان يطيب لك المقامبين اخوتك

اهلا بى درر الدرر
ويلا احساسك معانا

مرحب ببنت النيل

باين عليكى ما درر بس
لاكين مغارة على بابا بى حالها
وواضح انو دمك خفيف
شربااااااااااااااااااااااااات

مرحبتين حبابك مش عشرة بس دي كانت زماااااااان ايام القرش والتعريفة حبابك مليون وارجو أن يطيب لك المقام

مرحبتين حبابك واليوم السعيد الليلة جابك

الف مرحب بالدرر

وانشا الله الدار ترحب بيك

عبدالله جعفر

اهـــلا بـيـك و مـرحـب بـيـك يا درر


الـدار دارك إتفضلي


لـكـن ســـلاااااااام مـربع دي بوظتي بيها أعصابنا أوع تكون شيري البراية

قريبتك أو حتى صاحبتك ؟؟؟؟؟؟ علشان نعمل حسابنا من أسـي


ســــــــلااااااااااام

اهليييين بيك
وعشرات حبابك
وفي انتظار الدرر
اتمنى لك اجمل المنى
خالد العبيد

المنبر ده شكلو كده حايبقى زي داخلية الإحتلال ، كلو بنات ،والخوف كل الخوف على الأشناب ،وتبقى علينا حكاية تالتن المخالتن ،، غايتو اهلآ بيك وإتفضلي

قلناها يا درة
لا خير فينا إن لم نقلها
يلا أعطينا درة

اهلين وسهلين انا قايل نفسي جيت
سلمت معليش كنت جوة بغسل العدة

مراحب درر
ويا ابو ساندرا مالها داخلية الاحتلال عيبها لي
انت تحديداً ما بقدر افوت ليك بعد كل ما ابديته من نصرتنا

1- الجندرية

كل الموضوع انني محاصر بنون النسوة !! وذلك كالتالي
بناتي الخمس،إتصلن بالأمس وشنن علي هجوم حاد ومباغت ،،ووصفني بالدكتاتورية ،عشان امهن الأحلى منهن شاورتني في أمر وابديت لها رأي ،وأخذت به ،وكان على غير رأيهن ،وهي نفسها يبدو إنها أخذت برأي على مضض ثُم حركت أدواتها ،النجمة الخماسية صارت سداسية ،ومثلما تفعل إسرائيل تباكن على الديمقراطية وإحترام الرأي الآخر وحقوق الإنسان ،التي شيدنا عليها بيتنا ،وإدعن إن كل القيم والمكتسبات تتعرض الآن لهجمة من جانبي وردة ،حتى الفنطوطة الصغيرة وبكل بجاحة قالت لي والله يا بابا ما كنت قايلاك ديكتاتور كدة

وزميلاتي في العمل،مشكلة أخرى ،الطابق العلوي يضم مكتب المدير يليه مكتب الكمبيوتر وبه 4 زميلات ثم مكتبي يليه مكتب الارشيف والطباعة وبه ثمان زميلات 3 منهن زولات 2منهن تقليديات كل اليوم في أجي وسجم خشمي ،ويتبرين جميعآ في إعلافي بالساندوتشات الدسمة وانا أعاني من إرتفاع الكلوسترول بسببهن ،،،ألآن أطالب بنقل مكتبي إلى الطابق التحتاني حيث الرجالة ،وبالمناسبة بعض أصدقائي من الريياييل التحت يحسدوني ويقولو لي مين زيك؟ وهم ما عارفين درجة إستيائي من هذا الوضع ،الذي يسيء للجعلي الكامن في الاعماق ولو عرف ابي ذلك{الف رحمة تغشاه} لأطلق لضحكته العنان وقال متلازمته{خد} صدف ان وجدني كم مرة مع بعض الزميلات أو بنات الخالات فقال : والله انت في صلاة الجنازة حا تكون وسطهن ،انا خايف يوم يختفي شنبك و

وكل ما أطالع المنبر ألقى واحدة بتكورك رحبوا بي رحبوا بي

والتحية والإحترام لكل زميلاتنا في داخلية الإحتلال ،،و لن اتنازل أو أتراجع عن موقفي الداعم لقضية المرأة ولك العتبى

2- درر
مرحب بقدومك ونشيلك فوق رموش العين ،وفي إنتظار دررك

سلام درر السودانية

مرحب بيك يا درة

سلام شديييييييد

والله ما عارفة اقول شنو
يخونني التعبير
والعبرة واقفة لي في حلقي
لاني فرحانة بيكم شديد ويوماً ابيض العرفني بيكم يا اغلي الناس
دررررررررر

أختي الرائعة دررر السودانية

مرحب بيك وحبابك ألف منورة البورد

أتمنى أن يطيب لك المقام بيننا


الجعلي

درر الدرر
حبابك في بيت الدرر
وانشاء الله نشوف منك درر
ابقي لي جوه البيت بيتك
ونحن اخوانك في البارده والحاره
وعلى الود نبقى
ابويوسف

ربنا يخليكم
الجعلي وابو يوسف
وانشاء الله ما اعدمكم
والله الدار منورة بي اهلها
وتاني مبروك البنية يا ابو يوسف والله جيتكم من امبارح بي غادي وباركت وزغردت ليك كمان
اظن تكون سمعت زغرودتي يا الجعلي
والله فرحانة شديد بي يمنى ربنا يخليها
دررررر