لماذا جاءت هذه الخواجيه للسودان بعد وفاة زوجها به؟؟

خطرت ببالي فكرة هذا الموضوع وانا اشاهد الهيلكوبتر وهي تنزل بالمطار الصغير قبالة منزلي حيث تمثل الهيلكوبتر احدي وسائل النقل في منطقتي ..تذكرت حينها مشهد لا زلت اذكره جيدا حصل قبل سنيين عده وانا في منطقة الدندر حينها .. سقطت طائره وهي تحمل بعض السواح الاجانب اثناء زيارتهم لحظيرة الدندر ..والتي لم يراها معظمكم مع انها توجد في بلدنا بينما ياتيها السواح من اقاصي البلاد...سقطت الطائره ومات بعض ركابها واصيب البعض بجروح تم نقلهم عن طريق الطائره الي الخرطوم ..بعد ان مر علي هذا الحادث عام كامل او مايقارب العام حضرت واحده من الخواجات وهي زوجه احد المتوفين للمنطقه...اتعلمون لم جاءت هذه المرأة ؟؟
لقد اتت تبحث عن خاتم زواجهما !!
سؤالي لكم اخوتي المتزوجين والمتزوجات والمخطوبين والمخطوبات العزابه يمتنعون
من منكم مازال يحتفظ بخاتم زواجه او بدبلة خطوبته؟؟

السؤال التاني لم يوضع خاتم الخطوبه في اليد اليمني بينما خاتم الزواج في اليد اليسري؟

اكرر العزاب يمتنعون

لكم تحياتي اجملها واعزبها

والله يابت الجزيزه لكن قفلتينا قفله
عزابه نعمل شنو لو ممكن الواحد ادفع اكراميه
او تسهيلات كما يسموها الكيزان وهى رشوه يسمونها بغير اسمها
كان الواحد دفع ليك اكراميه عشان اشارك لكن الظاهر الخواجيه
دى الخاتم ده وقع ليها فى الورثه عشان كده كايسه ليهو
لانو الخواجيات الشايفنهن ديل ما بعرفن حاجه اسمها وفاء ولك الود

امكن جات تشوف مصالحها بعد ما زولها فات
!!!!

الذ قصة قريتها عن خاتم الزواج قريب دة يا بت الجزيرة

انه فى واحدة كانت لابسة خاتم زواجها فى الاصبع الغلط

ومش فى ناس دقيقين كدة اى حاجة الا يوروك ليها ؟؟؟

ففى واحدة من النوع دة ، قالت ليها : انتى لابسة خاتم الزواج فى الاصبع الغلط

ديك جاوبت بى حدة

عارفة ، للأنى متزوجة الراجل الغلط


وبقول المثل اذا عايز تفرح ساعة ، نوم
اذا عاوز تفرح شهر ، اتزوج

واذا عاوز تفرح العمر كلو ، حب الناس




اها لما قريت المثل دة قلت هو تاريه شهر العسل دة ما كضب؟؟؟ والباقى كلو بصل؟؟

ليه ما كلمونا من بدرى

سلام يابت الجزيرة يابتنا
والله انا ما متأكد لماذا يتحول خاتم الخطوبة من اليمين الى اليسار بعد الزواج....ولكن حسب اعتقادى لانو القلب فى الجانب الايسر وهو رمز للحب وهذا يعنى دوام الحب بعد الزواج للابد....وفى الخطوبه فى اليد اليمين لانو فى احتمال الموضوع يطرشق...والله اعلم

غايتو يا عمك
اول مرة اسمع بي نظرية اسمها نظرية عمك حسبو بتاعت القلب دي
!!!!!!!!!!

انا لسة لابس الدبلة

نظريتك سليمة يا عمك حسبو.. فعلا الدبله هي من أيام الفراعنه.. كانو يعتقدوا أن الأصبع في اليد اليسار الذي توضع فيه دبله الزواج يتصل بصورة مباشرة (عن طريق شريان) إلى القلب.. هذا إن صحّت نظرية ربط القلب الحسي بالعواطف... يكون في البداية في اليد اليمنى ليس دلالة (الطرشقه) بقدر ما هي دلالة دليل على التزام هذا الشخص بعلاقة جادة بأحد ما... وما يتم الزواج يتحول معناها إلى حافظ للود بين الزوجين..قرأت هذا في مكان ما في زمان ما...


تماضر الرائعة... لك التحية.. دوماً...

بنت الحسين

سلام عليكم اخوتي

صادوح ولا صادوه اخوي
اهلا بيك ادخل ماعندك مشكله
لكن انا اعتقد ان الخواجات عندهم وفاء اكتر مننا
عندي صاحبتي كانت دائما تقول الخواجات ديل لو اتشهدوا
واسلموا ياهم الدخلوا الجنه قبالنا
وفعلا نلاحظ انهم يوفوا بالوعد ويحفظوا الاسرار ووو

عشان كده فتكر انه الخواجيه دي جات وفاء لزوجها
كما اعتقد ان خاتم الزواج يعني عندهم الكثير وليس مثلنا

لك تحياتي

kov 123
اهلا بك

اعتقد هي جات تشوف يمكن يكون مامات وغشوا عليها
ولا يكون عرس في السودان واحدة غيرها

لك تحياتي اخي

اخيتي الحبوبه تماضر




وبقول المثل اذا عايز تفرح ساعة ، نوم
اذا عاوز تفرح شهر ، اتزوج

واذا عاوز تفرح العمر كلو ، حب الناس




مثل خطير جدا
لكن الذ شئ تزوجت الراجل الغلط دي
دائما الرجال يخبوا الخاتم والنساء يظهرنه
لان الرجال بيكونوا عايزين دائما يكونوا محط اعجاب من حولهم من الفتيات لكن النساء يحبن ان يظهرن انهن متزوجات حتي تكتمل الصوره الاجتماعيه والفشخريه

لكي تحياتي اخيتي

أهم شيء
إنشاء الله بس بعد التعب دا كلو تكون لقت الخاتم

الاخت العزيزة

جزيرة دوتر

تحياتي

طبعا الرجل بيخلع الدبلة من يدو اليمين ويختها في الشمال

آملا في دبلة اخرى يضعها مكان التي ذهبت لليد الاخرى

صاح والا ما غلط


والمراة افتكر انو الدبلة لما تلبسا في الشمال بتعمل صوت طق طق طق

لمن تكون شغالة بالمفراكة

صاح في زمتك ما صاح

There are 43 users online, » 16 Members, 27 Guests

»3bdo
»Abdelaziz
»abuguta
»AlRa7mabi
»bint algazeira
»EMU إيمو
»garjah
»nazar hussien
»sentimental
»tmbis
»yasiko
»Yassir7anna
»المريود
»سودانوبس
»فجراوى
»ولياب
This page reloads every 120 seconds.
السلام عليكم انتوا زايقين من الشغل ولا شنو انا افتكر معظمكم مفروض يكون هسي في الشغل

عمك حسبو اخوي وعليكم السلام والرحمة
هههههههه قلت لي باليمين عشان يمكن تطرشق
دي نظرية بتقول ادي قلبك نصو وماتديهو كلو عند الخطوبه
كلام تمام

لك تحياتي

العزيزة بنت الجزيرة
الغربيين في أوروبا و أمريكا و من ذهب مذهبهم ، يلبسون الدبل في اليد اليمنى بعد الزواج بعد كتابة تاريخ ذلك اليوم السعيد و الأسماء أو الأحرف الأولى من الأسماء لتذكر ذلك اليوم الميمون.
عندنا في السودان كيف كان يتذكر آباءنا و أمهاتنا هذا اليوم ؟
يا إما الواحدة تقول : أنا و خديجة عرسنا كان في أسبوع واحد . طيب خديجة عرسوها متين ؟ تقول ليك قبال ما يعرشوا ( بالشين ) بيت ناس بخيتة. و بيت ناس بخيتة عرشوه متين ؟ تقول لك : نفس السنة الراحت فيها الزلال بت الطيب و عملت عملية الزايدة.
و يستمر مسلسل الأحداث دون الوصول للتاريخ.

المرأة المصرية تقول لزوجها : فاكر يا أبو حمادة يوم زواجنا ؟ و تنتظر منه إجابة رومانسية و لكنه يفاجئها قائلا : آه فاكرو ، كان يوم إسود و منيل على عينو.

اخي العزيز ابو جهينه
اهلا بيك ومرحب
نورت البورد

طبعا كما ذكرت نحن السودانيين لانهتم كثيرا بالمناسبات
ولا نحتفل بها ولذلك لا احد يتذكر حتي تاريخ ميلاده كيف يتذكر يوم زواجه
وايضا يربطون الاشياء ببعضها كما ذكرت
المشكله ( الرابط والمربوط) مابيتذكروا تاريخه متين
الامور عندنا ماشه بالبركه
تعرف عندي جدي مره سالته من عمره كم سنه
قال لي 40 سنه ..قلت ليه هو ولدك عمره 50 سنه كيف تكون انت 40 سنه
قال لي انتي قايله نحن سنينا زمان زي سنينكم المجنونات ديل

لك تحياتي اخي

شلاقه يااخوي كيف حالك

قلت لي لسه لابس الدبله

تكون لابسه لانك لسه لاخطبت ولا عرست
غايتو مبروكه عليك ان شاء الله
نشوف حتلبسها لمتين
قالو في واحد زوجتو معزباهو بالدبله لازم يكون لابسها
اها قرر يخلعها عشان يحس بنفسه حر وقاعد مبسوط في مكتبه
جاتو زوجتو فجأه في المكتب عاينت اول شئ للدبله وسالتو منها
قال ليها وديتها للصائغ عشان يجددها لي عشان اشعر بتجديد حبي ليك

قال تجديد حب
لك تحياتي ياشلاقه



اخيتي الكريمه مريم بت الحسين
نورتي والله واهلا بيك

قلتي لي نظريه عمك حسبو صحيحه
اذا تكون صحيحه قالو كان اتنين قالو ليك راسك مافي اتحسسوا

لك تحياتي اخيتي

ابوحراز اخوي اهلا بيك
نورت
مالقتو يابوحراز الخاتم
ومن يومها داك ليوم الليله قاعده حارسه زوجها يظهر
قالت هي متاكده انه مامات لانه كان مات بتعرفوا من الخاتم

يعني مارديت علي سؤال خاتم الزواج


لك تحياتي


قرجه اخي العزيز جدا
كيفنك وعساك طيب

قلت لي عشان يلبسوا واحد بدلوا في اليمين
كان كده احسن يلبسوك من الاول اتنين واحد باليمين وواحد بالشمال

لك تحياتي اخي

المهم يكون خاتم قدر الاصبع و مريح فى اللبس
و قادر على تحمل الظروف المناخية و عوامل التعرية
اسالونى انا
مش انا ود الخاتم

ود الخاتم اخوي العزيز
اهلا بك

لابد ان نسالك انت فعلا ود الخاتم ولذلك ادري بالخاتم مننا
المهم يكون خاتم قدر الاصبع

انا افتكر ان الخاتم في الاول بيكون قدر الاصبع لكن بعد شويه يعني كم سنه كده يصير اضيق من الاصبع عشان كده حقوا من الاول يكون اوسع شويه
طبعا الاشياء التي تضيقه تحتاج لكثير من التفصيل

لك تحياتي

الاخت بنت الجزيرة

صبحك الله في رضاه ،،،

اختي بعد التفحيص والتمحيص اتضح لي بما لايدع مجال للشك ان هذه الخواجية ذهبت الى منطقة موت زوجها لخطف زوج بديل من ابناء المنطقة

ولك التحايا

والسلام بالكوم من شرووم

يابتنا
تحياتى

العذابة جووووكم ولا حتى حديدة ما لابسنها
لكن ندلى بدلونا

قراءت مقالا لاخونا عبد العال السيد

عن اليد اليسرى من اقوى الايادى حتى الاضان اليسرى

ولو عايز تكلم خطيبك وكانت نافره خليها تضع السماعة الاذن اليسرى

عشان قلبها يحن
وعلى هذه الوزنة ياتى خاتم الزواج يضع فى اليد اليسرى عشان
يكون اقرب للجهة اليسرى ومن يومها المرة تلصك فى الراجل ولو كان
خاتمها كبير ما ملابس قوى احتمال تتطلق وتجيها ضرة وكل ما كان الخاتم
ضيق كلما كانت الاستمرارية اكبر
ايه رايكم فى التنظيرة دى

اخي العزيز ابوقوته
اهلا بوداهلي

ماعندك حديده وجاي تنظر والله ياهوو

قالو اليدو في النار مازي اليدو في المويه
طبعا دا اذا افترضنا ان لبس الخاتم مثل النار
عشان كده التنظير سهل ياابوقوته
غايتو نظرية اليد اليسار دي انا ماسمعت بيها لانه اليد اليمني هي الاقوي لكن اهلنا بيقولوا ليك ماتضرب باليسار لانه فيها الشيطان

لكن اظن نظريه عمك حسبو اصح عشان قريبه من القلب

لك تحياتي ياو اهلي الحنان

اخي شروم سلام مني بالكوووم

ودعوه جميله والله ربنا يتقبل ان شاء الله

تكون الخواجيه جات لخطف زوج بديل دي لذيذه
لكن مااعتقد دا السبب لانه مابتكون غلبها تلقي ليها واحد في بلدها
دا طبعا لو ماكان اساسا عندها واحد من زمن المرحوم حي

لك تحياتي بالكوووم اخي

الأخت بت الجزيرة

تعرفى خاتم الزواج بيتلبس فى اليد الشمال تقريبا فى كل العالم إلا فى ألمانيا يلبسونه فى اليمين والخطوبة فى الشمال...ربما بعد الزواج عشان يبعدون الزوج أو الزوجة عن القلب سريعا إذا حدث الطلاق

أما وفاء الخواجيات دا زى الكبريت الأحمر يعنى نادر جدا.....معظمهن خائنات وبكل سهولة تخون زوجها والخيانة عندهم مثل شرب الماء لكن معظمهن يبلغن الزوج بالخيانة ليس كما يحدث عندنا فلا تجرؤ سودانية لا قدر الله إن خانت أن تصارح زوجها بذلك...فيعيش الزوج بخيانتها مرتين طول حياته !!! وهذا لا يمنع من وجود بعض الحالات الإستثنائية من الوفاء لكن فى الغالب الخيانة
وفى ألمانيا كل ثالث زيجة تحدث فيها خيانة فأين الوفاء هنا ؟؟؟؟

والسلام

اختنا بت الجزيرة

على الحرام زولتك دى ما عندها شغلة تقضيها
نفرض هسع لقت الخاتم يعنى شنو ؟؟؟

تعرفى انا مافى حاجة بتضايقنى قدر الدبلة دى عشان كده ما عارف دبلتى ذاتها وين وهى اصلا كانت فضة عشان كده يعنى قيمتها المادية ما كبيرة لكن انا لو المرأة فى رقبتها معاى وباقى لى فى رقبتى اسوى شنو بى دبلة العرس ياخى..

والله عندك غايتو جنس محن

بسم الله الرحمن الرحيم

المحترمة/ بت الجزيرة
سلام وإكرام

عجبتني ترجمة إسمك عند الأخ قرجة ... جزيرة دوتر

طبعاً الدبلة هي عادة فرعونية وكونها دائرية قصدوا بها دائرية الحياة وإستمرارية العلاقة بين الزوجين ودوامها

أما قصة الخواجات وتمسكهم بها فلا أظن ذلك وأذكر أنني إنزعجت مرة عندما فقدت دبلتي ورأى الخواجة إنزعاجي فقال لي

هل عدم وجودها يعني أنك لا تحب زوجتك؟؟؟؟

وبعدين يا أختي أنا لازلت متمسك بدبلة زواجي صحيح أنها ضاعت مرة ولكني أبدلتها بأخرى ولكن طلبت من زوجتي أن تلبسني الجديدة في لحظة رومانسية جداً ... والدبلة الجديدة مكتوب فيها إسم المدام وتاريخ الزواج كمان ... يا بهية وشباب الزمن جنية وعرس مافي


بياع الخواتم وين .. يلا نشوفوا يا حلوين
يختار كل زول خاتم.. وننقش بالفرح فرحين

أما الخواجية دي بتكون جات عاملاها دبلة جحا

لا حوله يا بدر الدين

بالله اتاريك كده وانا ما عارفك

حكمممممممم

الخواجية دي وفية وبت حلال
انا مرة قرأت عن واحدة خواجية كانت تتفسح مع زوجها في شرق افريقيا فهجم عليهم أسد وخطف الراجل وقعد يأكل فيهو
المسكينة بسرعة شالت ليك كمرة الفيديو وطلعت في ضهر العربية وهاك يا تصوير

طبعا باعت الفلم بالشيء الفلاني

ٍسلام مربع

بت الجزيرة

وحات نظري القصة دي جدجد
خطيبي رافض ومتعقد جدا من لبس الخاتم
لا في اصبعو ولا حتى في جزلانو
قال دي حركات بتاعة مصاروه
بس الليلة جبت ليك قصة
اشمعنا انا لع
الليلة ياالنقه ماجاتك زوله زعلانه
يا انا يا هو
يا يلبس الدبله ولا انا ازوق
بس انا مامتأكده من النتيجه؟
اهدي اللعب ولا اقلبها معاااي
وزي ماتجي تجي ؟

شيري يا خيتي..
الزمن ده ما مضممون.. بلا دبله بلا قصص.. موش لابساها انت.. خلاص كفاااااااااايه... :P

مشتاقين يا صديقتي

بنت الحسين

بنت الجزيرة...... والله انا كنت مفتكر المرا جاية تزور قبر راجلها...... انتي عارفة الراجل السوداني المتزوج ممكن تعرفيهو بدون خاتم وبدون اي حاجة............... تعرفيهو كييييييييييييييييييييف؟

أختى الكريمة بنت الجزيرة
إجيب عن السؤال الأول وأقول مستعيناً بالله أن خاتم زواجي لا أدري أين هو وإن كنت ألبس خاتماً الآن إلا أنه ليس الأول. عانيت الأمرين وأنا ألبس هذا الخاتم لأنها المرة الأولى في حياتي أن ألبس خاتم ، لم ألبس ساعة أو خاتماً وربما ربطة عنق قبل الزواج لذلك تملكني إحساس بأن هناك جسم غريب لا بل أجسام فعندها لبست ربطة العنق والساعة والخاتم دفعة واحدة ومن يومها إلى يومنا هذا وأنا أشبه بزازة الأطفال عند ما توضع في كيس ، فأنا مربط ومشمط من أخمص القدمين وحتى موضع تفاحة آدم في حلقي وبالعكس.
أطرف ما قرأت عن موضوع خاتم الزواج ما يلي:
خاتم الزواج هي اكبر خدعه في تاريخ البشرية لأن الزوج يلبسها وهو يضحك ويبقى طوال عمره ينظر اليها وهو يبكي. وفي ذات الموضوع تم طرح التساؤل هذا إلى بنات حواء : لولا قصة التفاحة - بعد مشيئه الله - أين من المفترض ان نكون نحن معشر الرجال.

ملاحظة

في شعوب كثيرة نلبس دبلة الخطوبة في اليسار وعند الزواج تنقلها لليمين

اكتشفت القصة دي متأخرة
لاكنها ملاحظة جديرة بالتفسير
اكون شاكرة لو لقيته عندكم

تحياتي
زولة123