Post: #1
Title: زول جديد طالب الاقامة معكم
Author: Ahmedain
Date: 05-21-2003, 11:06 AM
Parent: #0
حبابكم يا ناس المنبر الحر. داير اوريكم انو انا زول جاى جديد لبيتكم العامر ده. فهل تسمحوا لينا بالقعاد معاكم ولا رايكم شنو...
سلامى للجميع
احمدين
|
Post: #2
Title: Re: زول جديد طالب الاقامة معكم
Author: Ahlalawad
Date: 05-21-2003, 11:09 AM
Parent: #1
إن شاالله أكون أول المرحبين
حبابك والدار دارك وورينا الزين المعاك
اتوهط
|
Post: #3
Title: Re: زول جديد طالب الاقامة معكم
Author: Ahmedain
Date: 05-21-2003, 11:23 AM
Parent: #1
العزيز Ahlalwad,
مرحبتين حبابك يااول من استضافنا . الف شكرا على حسن الاستقبال و الضيافة .
|
Post: #4
Title: Re: زول جديد طالب الاقامة معكم
Author: layon
Date: 05-21-2003, 11:32 AM
Parent: #3
مرحب بيك في بيتك
|
Post: #5
Title: Re: زول جديد طالب الاقامة معكم
Author: بدرالدين شنا
Date: 05-21-2003, 12:00 PM
Parent: #1
بسم الله الرحمن الرحيم
أهلالالالالالالالالالالالالالالالان أحمدين
هازول قاعد برة مالك أدخل لي جوة
مرحب مرحب مرحب يا أخوانا دا أحمدين الكلمتكم عنو
متين ياربي أنا كلمتهم؟
|
Post: #6
Title: Re: زول جديد طالب الاقامة معكم
Author: almulaomar
Date: 05-21-2003, 02:05 PM
Parent: #1
أخي أحمدين
ترحيبي مشروط بي ترجمتك لتوقيعك ، ومشروط دي ما ينط لي بدر الدين شنا بعد منحه الجنسية البريطانية ممثلة في صورة مستر بين التي تتصدر ملفه الشخصي ويقول لى شرطو السلك ولا باب التكل ولا المزيرة.
|
Post: #7
Title: Re: زول جديد طالب الاقامة معكم
Author: Ahmedain
Date: 05-21-2003, 04:10 PM
Parent: #1
الاختLayon,
لك منا انبل الود على هذا الاستقبال الكريم, و دمت لنا جميعا.
,الاخ بدر الدين شنا
عشرتين حبابك يا زول, و شكرا للضيافه.
الاخ الملا عمر
تسلم با عزيز.
نحن خلينا المدرسه, البحث عن الشغل, السياسه, الزواج, و حتى البندر عشان الشروط الكتيره دى.
|
Post: #8
Title: Re: زول جديد طالب الاقامة معكم
Author: فتحي البحيري
Date: 05-21-2003, 04:33 PM
هازول اتفضل
(انتا ليون دا راجل ولامرة)
واعمل حسابك
في ناس هنا متخصصين في اصطياد الناس الجداد
واسي واحد يقول ليك دايرين رسوم الدخول
الملا عمر
الزول دا مالك عليه
اول مايجي خاشي تلاقي باسمك الشين دا
كان ماقد يقرا
مشكلة
وكان قراهو مشكلة!!!ـ
واوعا من الشروط
لاكين آجنا
صحي توقيعك دا معناتو شنو؟؟؟
|
Post: #10
Title: Re: زول جديد طالب الاقامة معكم
Author: قرنفل
Date: 05-21-2003, 06:35 PM
Ahmedain سلامين
مرحب بيك فى بيتك
الخير وارد شايف كل حاجة اتنين
|
Post: #9
Title: Re: زول جديد طالب الاقامة معكم
Author: abuarafa
Date: 05-21-2003, 06:20 PM
Parent: #1
الاخ/ احمدين
شجرة كن هوززتك يا ابلانج يا هبوباى
الف مليون مرحب و انا ايضا مقيم جديد و اتمنى لك اقامة سعيدة
ودمتم
وفقا لقانون الضوء و الظل ، بياض العاج قد يعنى شيئا و سواد الابنوس قد يعنى شيئا ، و لكن تحفة من الابنوس مطعمة بالعاج قد تعنى كل شئ.
|
Post: #11
Title: Re: زول جديد طالب الاقامة معكم
Author: ABUHUSSEIN
Date: 05-21-2003, 07:41 PM
Parent: #1
اهـــــــــــلا بــيـــك و مــرحـــب بــيــك أخ أحـمـديـن
و ما جاوبت على ســؤال الأخ الملا من أولها بدينا بي الزوغان
من الأسئلة ؟؟؟؟؟؟؟؟ .
|
Post: #12
Title: Re: زول جديد طالب الاقامة معكم
Author: Hozy
Date: 05-21-2003, 08:16 PM
Parent: #1
الف مرحب اخ احمدين
ونحمده على ولوج معنا
تحياتي
|
Post: #13
Title: Re: زول جديد طالب الاقامة معكم
Author: Ahmedain
Date: 05-21-2003, 08:53 PM
Parent: #1
الاخ فتحى البحيرى,
شكرا على حسن الاستقبال و التنوير و التنبيه باحوال الضرا العامر ده.
و الله معك حق, انا لما شفت اسم ليون ده لاول مره قلت انو راجل, لكن قلت لنفسى هوى يا وليدانت داخل دارا ناسوا ما بتعاملوا الا بالتحقيق و المواثيق الموثقه, فاحسن ليك تتاكد من ليون ده كويس, و لما شفنا اللمحه المختصره البقلوه اهل البدر, لقينا ليون دى طلعت مره و ماها راجل عشان كده قلنا ليها الاخت.
بالنسبه للملا عمر, عرفته بالحين لانو حبوبتى مريوماى حجتنا بيه من زمان من قبل مايمشى و يدخل فى كراكير تورا بورا. عشان كده قلنا ما دام مرق و جاء بجاى و داير يسلم علينا قلنا نرد ليوه السلام و نشكر ليوه الاستقبال لكن الراجل ده شروطوا شايفوا قويه بالحيل.
سؤالك عن شرحاالا مضاء بتاعى دة زين و على العين و الراس (هو كم فضل لينا عين و راس)
لكين كدا شوف اخوناابو عرافه هو يمكن يشرح ليك و لينا كلنا معنى الامضاء ده, لانو من اسموا دا احتمال عارف الكتير منى ا نا
صحى و بالمناسبه القاعد فى القفه دا شنوا؟ الواحد شايفوا من زمان من زمن كنت قاعد احلق من بعيد لبعيد لضراكم ده لكن غلبنى اعرفو او اعرفها كلوا كلو, و كمان المحيرنى شايفو خانق رقبتو بحبلا احمر متل المحكوم ليه ولا ليها بلاعدام, و كمان من فلهمتو شايل ليوه زهور كمان. ده يكون شنوا دا يا ربى؟
اوع واحد يجى ناطى و لا واحده تجى ناطه و يتفلفس لى و يسالنى و يقول لى كلام البندر داك " ما هو الجدليه ما بين رباط العنق الحمراء و حكم الاعدام...ووو" انا ما لى درايه بكلامات البندر الكبار كبار المتل دروب الفيله فى الطين دا. لكن لو دايرين المحل الجبت منو الكلام دا, اقول ليكم من حبوبتى حوايتين, هى القالت لينا الزول كم دايرين يعدموه بربطوا ليه شريط احمر طويل فى رقبتو. اها يلا خلاص مش وريتكم المرجع بتاتعى, ما يجينى واحد ناطى و يتفلفس لي و يقول لى لكن... وما... التكانى نظرتو فيها كيت و بلتكانى نظرتو فيها كيد...ولكن...و بشرط.... وووو.
قرنفل,
اى والله الخيرات كتير و يقصر الملح من الملاح. شكرا لكم لعدم تقصيركم معنا فى الاستقبال و حسن الضيافه و انشله عامرين.
Abuarafa
كلامك دى كما الكتاب كلو الا بيتو, شجراى كم هوززت ابدا ولا وحيدوا اما هبوباى او ابلاى.
شايف الاخوات و الاخان هنا دايرين يعرفوا البصمه بتاعتى البقول ابسلمبويتى ولا كديكاى زول, و اليومين ديل انا شويه كدى عينى مكسوره مع الزمن لانى ادينت منو كتير بلحين وما قبلت ليوة, فيخى لو عندك شوية زمن عليك الله فك لى حيرتى دى ووريهم معنى البصمه حقى دى و انشاء الله اول ما نساوق و يفضل لى شويه زمن نقبل ليك حقك على دور الملين.
و ما تنسى كلام حبوبو فطوماى البتقول فيها شجراى كم مالت بتكى فى اخيو او اخيتو.
و انشله نلاقوا فى ساعة خير
|
|