ياجماعة السودانى دا ودعمى عديل....شكرا لبكرى وشباب البورد

الاخوة والاخوات
ديل ابواتى ياغاندى وديل اجدادى يانهرو
انا ما بحجيك وبقول تكذيب..
وزى ما بقيتو انتو دروس تروى
وتحكى فى التاريخ وسكنتو انتو الهند وعشتو فى قلوب الناس
وحررتووا انتو شعوب..
كان لاجدادى دور عظيم ..مايحصيوه ليك
مكتوب..
وكلم بتك الماشة ست الشعر والجيد
وكلم شعبك الوهم الطلعونا نحن عبيد

قول ليهم
السودانى زولنا عديل
والسودانى عبد السيد

ياشباب
الولد السودانى
حبو فى قلبى وجنانى
هو من ابوقوتة الحى الورانى

والشاب دا طلع ودعمى عديل كدا
وما كنت بعرفه ولا حاجة
الله يلعن الغربة
وياحليل السرحة والسربة
وزولا خت الجبال غربه
الشكر موصول لبكــــــــــرى وناس البورد
على لم الشمل
وانا ما بقدر اعبر حاليا لانى خلاص بدات ساعات الدوام
وياليت شعرى كابى تمام