الاغتراب

الاغتراب يا سادتي مصطلح مشتق من الغربة وفي نفس الوقت يعني (الاستلاب) المشتق من السلب وهو تعبير عن حالة الانسان العقلية عندما يدخل في اي علاقة اجتماعية تجبره على أن يسلك لا وفق ما يريد بالفعل بل ما يريد الطرف الاخر من العلاقة, متوهما احيانا أن ما قد سلكه نابع من ارادته الحرة ومن هنا يصبح سلوكه ووعيه الظاهري غريبا ومنفصلا عن ارادته ووعيه الباطني بمعنى اخر يصبح الانسان المغترب مسلوب الارادة والحرية والوعي زما هو أسوأ في الاغتراب ليس في تلك الحالة من القهر الخفي قثط, بل في القبول به وسعي الانسان الحثيث للوقوع فيه والدفاع عن العلاقات الاجتماعية التي تخلقه, مدحها وقبولها وحبها والخوف من التحرر منها واعتبارها الوضع الطبيعي السعيد والمرغوب فيه, ومن ثم عدم الاستياء منه ولا الاحساس ببشاعته, برغم أن واقع الحال يؤكد ان هذا القهر الخفي يفجر بدوره رفضا خفيا عند نفس الانسان المتكيف مع هذا القهر, يتجلى لدى الانسان المغترب في سلوك مضطرب ووعي زائف ومنطق معوج, كما يظهر هذا الرفض في صور مختلف الاضطرابات النفسية والعقلية وشتى الانحرافات السلوكية والاخلاقية المختلفة

للأسف يا أم سها الغربة برغم الامها الا انها اصبحت الملاذ و الخلاص المؤقت من جحيم الحياة في الوطن و انتي عارفة و أنا عارف و الاغتراب يا ابونا ما طول الغياب

الغريب ليس غريب السند والهند
إنما الغريب غريب القلب والقرب

الاخت ام سهى ياذات النهى
تحياتى
والله الغربة دى موضوع طويل تعرفى ممكن انا اكون اصغر واحد معاكم على البورد فى عمرى الاغترابى 4 سنين عاشهن اغتراب
ولسع الواحد مفكر مفتش الحاجة ويعمل ليها استقدام..وهاك ياعوازيم ومجاملات وخروج يوم الخميس والجمعة واقفلة فى الشقة عشان امشى الدوام
وشوية شوية تتعرف على نسوان الشمارت ..وتقوم بعد الساعة 12 تواصل هواية
الاتصال ..وفاتورة التلفون البتخرب الراتب..وبعد كدا نبدا فى موضوع البذورة وكل يوم ماشة دكتورة وجاءت البنت الاولى وهاك يادلع بس دى بتخفف فاتورة التلفون شوية..وبعدين امها عايزة تجى زيارة وتقعد لما الحج يجى وتقوم امى برضو تزعل لكن نرضيها برضو تجى تقعد مع مراة ولدها 6 شهور...وطبعا ما تنسى عايزة تشترى دهب عشان ترجع السودان
وبعد ما تجى ..تبدا فى زيادة البذورة وبعد كدا يدخلو المدرسة والصباح لازم اوصلهم المدرسة زى مندوب المبيعات دا شغل قبل الدوام وهى نايمة
ما بتصحى الا الساعة 2
خلاص البت الكبيرة امتحنت ودخلت الجامعة ودا هم تانى
لسع ما بنيت بيت ولا وضع اتصلح
دا كله انا بتذكر فيه وبقراء موضوع الغربة على بوستك
وشكرا على الونسة

الاخت ام سهي........مني ليك ...مليون تحيه.....