عيب يا بكري الكلام دا ما بشبهك

الاخ العزيز بكري
وصلني اميل من الاخت بيان (بعد التصافي)زكرت فيه انك قمت بحظرها من الكتابة في المنبر
دون اي اسباب سوي المشاكل التي صارت يومها وانتهت في حينها
اخي العزيز بكري الرجاء
توضيح الامر حتي لا يكون هناك مغبون فينا
او الرجاء ارسال رقم تسجيل للاخت بيان لتواصل الكتابة مع العلم ان اخر مشاركة لها كانت عبر الاميل معي وانا انزلها باسمي وهذا الامر لا يصلح
لم نعهدك دكتاتوريا اخ بكري
وعهدنا عندك طول البال وليس هذا الامر من شيمك
واعرف ان هناك من لهم مصلحة في ايقاف
بيان لا داعي للخوض في زكر اسمائهم
ولكن اخي دعنا نتجاوز كل هذا ونفتح صفحة جديدة
او
سوف اواصل

ازيك يا اساسي

بخير دومة
الحمد لله
الاخ بكري
نرجوا ان نري منك ردا علي هذا الموضوع
فانا اراك حين انزال البوست
اون لاين
وتسلمي ا دومة

حيكون طواااااالي في الصفحة الاولي لمن ترد يا بكري

أضم صوتي لصوت الأخ/ أساسي وأطالب بعودة الأخت د. بيان ولا أود أن أتطاول وأميز الفرق بين صلابة الكلمة وفحشها غير أن الأخت/ بيان لم تفعل سواء أن دافعت عن رايهاوكفى

انا كذلك اناشد بعودة الاخت الدكتورة نجاة ( بيان

كما اعترض علي عنوان البوست ؛ وكان بالاحري تسميته مناشدة الي بكري

عادل

اضم صوتي اليكم واعتقد ان اساسي لم يوفق في صياغه العنوان يعني خانتوا حروفوا لووووووول اها بس ما يجي يشاكلني

الخالة دومة
والله تستاهلي شكلة
انزلت البوست جئتي سلمتي وخرجت
ما ان رايتي البعض يعلق علي العنوان حتي
برزت لديك انزيمات المحاكاة
بالرغم من انك اول من رد في البوست
حتي انك لم تكلفي نفسك
الاشارة للموضوع
لكن المنبر ليس منبر خلاف الان
ومعا لعودة اختنا بيان
وتسلمي لنص المساندة ونص الشجب

الابن اساسي الاساسي
والله طبعا انا ماعلقت علي الموضوع في اول الامر لاني اندهشت من اثارته مره اخري و لاني كنت من الملمين بكل ابعاد القضيه وجاهدت بكل مااؤتيت ولكن فشلت في اخرالمطاف واكد لي الابن بكري بان هذاالموضوع مقفول للابداي ان بيان لن يسمح لها بالكتابه في هذا البورد مره اخري ومهمايكن.

الاخ عادل
شكرا للمساندة لعودة اختنا بيان
الاخ بكري يعرف جيدا قدره عندي
وهو مدرك اني لم اقصد ان احط قدره
بهذا العنوان بقدر ما قصدت به
تلمس روحه الشفيفة
لاني اعلم ان هناك
من لهم مصلحة في عدم عودة الاخت بيان

الاخ صلاح ضرار
عودتنا دوما ان تكون صوتا للحق
ومعا من اجل عودة اختنا د.بيان

ومع إني ضيفة يعني لسة في مقام الغريب والمثل السوداني بقول يا غريب كون اديب (بالمناسبة فترة الضيافة هنا كم؟)
لكني غايتو ح أضم صوتي لصوت الأحباب.. لقد قرأت بعض النقاشات بين الدكتورة بيان والأخوات تماضر وإشراقة والجندرية .. وربما اختلفت مع د. بيان في بعض ما ذهبت إليه واتفقت معها في بعضه، لكنه رأيها، وأشهد أن بهذا البورد درجة حرية عالية جدا في التعبير عن الآراء (نغبط الأخ بكري عليها)
ونسأله أن يواصل جميله بعدم حجب أحد عن التعبير
رباح

Sorry ladies and gentlemen i cant write in arabitc because I just bought a new computer and I could not instrall arabic languge in it because i couldnt find the softwear.


any way can you tell me what hppend bettwen bayan and tamadur/ ia have a great curiosity
to find out what happend I also enjoy looking at women when there is a hot discution

and finally if ther is any one lives in England would He pleas tell me from wher can I find a arabic languge softwear so I could install it

than so much in any case

the impore motaz

الاخ معتز
لا يوجد خلاف بين تماضر وبيان في هذا البورد كما اعتقد

ويمكنك استخدام هذا الرابط للتكابة بالعربي (ان اردت)حتي يتسني لك العثور علي البرنامج الداعم للعربية
http://www.naseej.com/text/key/key.html

الاخت رباح
من قال انك ضيفة
بمجرد ما ارسلت اول بوست لك صرتي صاحبة الدار فمابالك باربعة وستون بوست تؤهلك لتكوني من قدامي الكتاب في المنبر خاصة وان نهجك الواعي يرفعك درجات
وتسلمي علي الكلمات في شان عودة الاخت بيان

اساسي

اسمح لي ياخي اقول ليك انك راجل غريب ياخي وبتاع مشاكل

ياخي المنبر ده للالفة والمعرفة والتعلم والتواصل وبعدين

انت ما وكيل الله في ارضو بيان لو عندهاموضوع تكتب لي اخونا بكري

راسا ياخي علي الاقل ما بكون المانشيت صارخ بالشكل ده يعني بس

جاء يكحلها عماها انت اليوم داك ما قالو ليك يا اساسي يا بتاع

المشاكل بقيت مشهور للعلم وحقو تغير من نهجك لانو بضر ما بنفع

وبعدين انت بكري بتعرف شنو للمعاناه البعانيها عشان يقيم لينا

صرح زي ده نجي نردح فيهو بالصاح والغلط حقو يكون عندنا دم

ونكتب كلام موزوزن لو عايزين نحترم من قبل الاخرين ولينا تقدير


سلام

الاخ معتز

What the operation software are ya using right now?

Thanks

الاخ فراس
شكرا للنصيحة وباذن الله ساحاول ان اعمل بها

حبيبنا اساسي الرزين وراسي

ياريت تدخلوا جوه الاوضه انت وحبيبنا بكره
وتتناقشوا بهدؤ وتحلوا المشكله بعيد من عيون الماره
لانكم اخوان واولاد بيت واحد واسره
ياريت مافيكم زول يعلي حسوعشان هنا في ناس بتبدع ومابتحب الضجه

تقبلوا فائق حبي واحترامي


ويلا سلام

الاخ هوبلس
تحية واحترام
معظم الاعضاء لا يعرفون مجريات الامر ولذا ساوضحه الان هنا
لست طرفا في خلاف شخصي مع الاخ بكري ابو بكر ولكن هناك اخت عضو معنا في هذا المنبر ومنذ نشاته اي قبل الكثيرين كانت تكتب باسم مسارات وحدثت بعض الخلافات لها مع بعض الاخوة في المنبر مما دعي بها لتغير اسمها الي بيان ولكن استمر الاخوة الذين تربصوا بها في معاداتها وان كان لي في يوم من الايام خلاف في بعض ما كتبته ولكن تجاوزنا ذلك
ظل الاخوة في عداء سافر معها مما استدعي تدخل الادارة اكثر من مرة لفض الاشتباك بينهم وايقافهم لمدة كما انزل اعتزار من قبل الاخوة في حقها ولكن انتهي ذلك الامر وهي ماذالت لا تستطيع الكتابة بل ان اسمها يظهر محزوفا من المنبر
لذا انا هنا بصدد اعادتها الي الكتابة في المنبر مثلها مثل جميع اعضاء المنبر ولو تحت اسم جديد
هذا كل الامر
لذا اخوتي كان بالامكان ان يكون اي واحد فيكم في موقفها فلا تستنكرون حقكم وحريتكم في التعبير من هذا المنبر الذي نفترض فيه ارض للحريات التي افتقدناها في واقعنا حالمين بها في عالم اثيري وظل الاخ بكري رافعا شعار الحرية المطلقة في المنبر متخذا اسم المنبر الحر لهذا المنتدي فمن نفس باب هذه الحرية الاولي اعطاء جميع الاعضاء حقهم في التعبير والدفاع عن انفسهم
ولكن قصر النظر لدي البعض يفهم ان لدي مشكلة شخصية في الامر يؤدي الي خلل كبير في فهم مثل هذه المواضيع
وقد اردت الشفافية لهذا الموضوع لذا ناقشته مجردا تحت بصركم وتحت بصر الاخت بيان حتي تعلم ما لها وما عليها
سؤال خارج النص للاخت بيان
هل فعلا زاملت عدد من اعضاء هذا المنبر في المعهد؟؟؟
ان شاء الله ما زملاني

نعم لعوده بيان وكل الاعضاء الموقوفين و المفصولين و الحردانين
و الغائبين
وعلى راسهم بناديها الذي نفتقده كثيرا

داير النصيحه ولا غيرها يامان؟
الزووله دي لو دخلت البورد تاني ياها المشاكل الجاتنا كان السبب هي ولا غيرها وارجع لتاريخها من سودان نت مرورا سودانيز اون لاين
ماكفايه انتا بامان


مالك جايب لينا بلوة تاني
بدون زعل ياحبه

واالله يا بخاف يا مان انت ما بتعرف تمرق النصيحه لانه الناس العملوا معاها المشاكل ما هم الملائكه وهي الشيطان وافتكر اذا ما قادر تنصف نجاة فخير لك ان تصمت. وبعدين البلاوي والكبب الغيرها ما موجوده ولا خلاص هي القندول القلب الريكه؟؟؟

أضم صوتي .. و صوت الزول الصيني الساكن جنبي ده .. فلتعد الدكتورة نجاة .. لا ادري لماذا فصلت أصلاً

و بالمناسبة .. لا باس على العنوان أيضاً .. عيب انها تفصل . و كلمة عيب هنا لا اظنها تحمل تلك الشحنة السالبة

بكري يا شيخ .. عليك الله رجع الدكتورة

up

يا أخواننا .. نجاة دي ما كويسة .. جادعنها ليه؟

الكلام ده ما حقي انا و الله العظيم و كتابه الكريم

ســـلاااام للـجــمـيـع

أتمنى إنـو كـل إنـسـان لـيـهـو الـرغـبـة عـلـشـان إنـضـم للـبـورد ما نقيف

ضــدوا بـيـان أو غـيـر بيان و طالما إنها كانت عضوة هنا أتمنى عودتها

و أتمنى الناس اللي كانو في خلاف معاها إنضموا لي الناس المطالبين بي عودتها

لأنو المشاكل هي حاصلة حاصلة بيان في أو مافي المشاكل موجودة و الخلافات موجودة

و يا جماعة أســاســي دا الليلة و الله هادئ و زول عاقل ما تهبشوهو



و يا دوما لكن أشرحي لي المثل القلتيهو دا القـنـدول القلب الريكة

لا مابصمت يادوما ولا حاجه ؟؟؟
وانا قلت النصيحه وشاهدي علي كده تاريخ الدكتورة في البوردات
watch ur mouth

Hi every body it is me agaimn D/ MOTAZ the one who solve the problems.

but befor I mediatew betwen ASASI and BAKAF and FRAS one of you should help me to solve my probleme

My copputer does not have arabic enabled Could a knolegeable one of you help me to install arabic languge from a web site because I heard that i could do that

and then i will be ablto write in arabic and solve the argument betwen all of you for free I normally charge for that

ok I will be waiting

D/ Motaz ali The problems solver

What truth are U talking about ?? cut the crap short . From now on I gnore U.

عزيزي اساسي
اولا ان الدكتوره نجاة عزيزه علينا جميعا وان بكري يحترمها غاية
الاحترام وهو الذي اعطاها اسم بيان ابنته الصغيره
الي هنا يمكنك ان تعرف كيف كان الاحترام متبادلا بينهما
انا شخصيا نزلت بوست كامل ومعاهو اغنيه مهداه للاخت نجاة لانها عزيزه جدا ولي اخر الزمن ولكنها لم ترد حتي علي البوست
وانت ايضا مدخلك الي حل الموضوع لم يكن موفقا
فقد اخترت كل او جزء من العنوان الذي كان سببا في المشكله ذاتها
وهنا وكأنك تذكر بكري بالمأساه وماحدث فيها
عموما نساندك في عودة الاخت نجاة ونتمني عودتها سريعا ونتمني ان يتم تغيير هذا البوست باخر منك حتي تكون الدعوة لعودتها بلا الام للمخاض
لك ودي

أنا شخصيا ضد الإدارة الجماعية لموقع تعود في النهاية ملكيته لفرد – واعتقد ان الفكرة أثبتت فشلها – على الأقل في شكلها الحالي. وهذا بالطبع لا يعنى ان البديل هو إدارة تتسم بعدم الشفافية أو عشوائية مقصودة، ففي موضوع الأخت العزيزة بيان – على سبيل المثال - لم نأخذ علم بالمنع أو أسبابه مما كان سيسعفنا في تقييمنا للأشياء

على العموم أضم صوتي لكل الأصوات المطالبة بعودة الأخت بيان إلى المنبر الحر

وشكرا

=========
Sudan for all the Sudanese ..السودان لكل السودانيين

اساسي صديقي العزيز كيفك
قبل ما اقول اي حاجة سياسة البتر دي
ما بتنفع نهائي واتمنى عودة كل الذين تم فصلهم
وليس الدكتورة وحدها


بالمناسبة يا اساسي ده شمار من اخوك ساااي
الدكتورة دي هي مسرات ولى تشابه البقر على اخوك يا مان

شكرا لجميع الاخوة المناشدين

وشكرا للماسنجرات الكثيفة من الادارة

بيان الله يخلف عليك بي منبر تاني

الادارة قالت يا المنبر يا بيان

منه العوض وعليه العوض

دمقراطية _ حرية _ منبر حر

مع الضباح في السلخانة

بيان قالوا ما قصرتي معاهم

يعني حقك اخزتيه تالت ومتلت

اعتزر للجميع في مناطحتي للحائط

والازعاج العام الذي سببت

سيرة وانقفلت

والبوست اتنازلت من حقوق ملكيته

الان الادارة حرة في حزفه

ان وجدت ادارة

لاتياس من رحمة الله يا اساسي
بيان يمكن ان تعود ودعنا نواصل النقاش
وبلا انفعالات اراك قد اصبت بالياس
لك الود

ها ناس السودان .. عووووك ..

السلام عليكم ورحمة الله وبركاته،،،


رغم أنني أنني لم أقرأ البوست موضوع النقاش ولم أتابع مسارات الكماش .. ولكني أنصح بعدم خلط الأشياء الشخصية بالشأن العام ..

على سبيل المثال أعلم أن هناك خلاف في الرأي بيني وبين بعض الأخوان .. ولكني على يقين أننا إذا قابلتهم سيكونون من أصدقائي المكرمين دون أن يغير ذلك آرائنا شيئاً ..

يعني أنا أعتبر مثلاً مشاكل دافور خيانة للوطن وطعنة في الظهر الغربي لبلدنا الحبيب .. وأعلم أن الأخ بوش يؤيدهم ويرى غير ذلك .. بس أهو اختلاف في الرأي والرؤى .. بس أيضاً سيكون صديق إذا قابلته وسوف يكون هذا البورد واحد من الأعمدة المتينة لتقوية هذه العلاقات ..

تحياتي للحبيب أساسي .. وأسانده ضد الحجب .. وضد ترجيح كفة طرف على حساب الآخر.

ناقشوا القضايا الشخصية بالمسنجر .. واقترح يا أساسي تغيير عنوان البوست إلى مثلاً:

1/ ما عهدناك هكذا يا بكري
2/ نطمع في عفوك سيدي
3/ لك العتبى حتى ترضى سيدنا
4/ نرى والرأي الأتم لك سعادة المشرف

وهكذا عناوين مثل العناوين التي يحبها القادة العرب .

تحياتي ,,,

اضم صوتى لصوت المطالبين فورا عودة الاخت الغاليه بيان.
لها ولكم التحايا

اساسى
تغير اسمائك لكن طبعك ثابت
لو ما ولعت النار...بتذيد حطب
جاد
حسي الجاب موضوع دارفور وبوش هنا شنو

بلير
سالتك بالله من الذي يزيد الحطب الان
هذا بوست مفتوح من اجل موضوع محدد الجميع علق علي الموضوع المنشور في البوست اما مؤيدا او له تحفظات
ولكن تاتي انت ايها القيم علي الجميع لتضع بصماتك منصبا نفسك في موقع الناظر للجميع من علو هذا طبعه وهذا فعل وهذا ترك
هل انت مسؤل عن تربية احد هنا ام هل انت ولي امر احدا هنا ليتساعده علي تغير طباعه من اجل ارضاء سيدنا بلير
ان ما يملاك من عقد تعرفها انت كافي جدا لتضيع فيه وقتك لايجاد طريقة لحلها
هذا البوست فتح يا بلير المنزه من كل عيب فتح هذا البوست من اجل عودة بيان اما انت تعلق في الموضوع او تكتفي بالصمت وتتادب جالسا
ما بالك بي اغير اسمي او ادعه اغير طبعي او انزل الي الاسوا هل ستحاسب معي
ام لا يهدا لك بال حتي تحرق اسماعنا بما تنفثه من سموم
استاذي الفاضل سيدي المبجل عزيزي المحترم هذا طبعي شئت ام ابيت وانت في حل من متابعة ما اكتب حتي لا يتكد صفوك وحتي لا تتعب نفسك بتصنيفي وتقيمي
هل فهمت ام ازيد

اساسى
زيد كما يحلو لك...اصلك لما تشوف البورد هادئ ورايق مابترتاح
لازم تخلق مشكلة...او تعمل فتنة او تنقل سواطة
حسى خطتك بتاع بيان فشل داير تقبل تشاكلنى
بعدين بيان غيرك فى زولن كرهها البورد... الليلة عامل فيها حمل وديع و طفل برئ
اتقي الله ...
طالما بتكتب فى المنبر الحر عندى الحق اعلق
ان شئت ام ابيت

Quote: منفلة

الأخ بكري

بلا شك أن الأخت دكتورة نجاة كانت أحد أعضاء هذا البورد الذين أسهموا مساهمات مقدرة،
وأعتقد أن جميع أعضاء هذا البورد وبورد سودانت القدامى يعرفونها ويعرفون مساهماتها ويقدرونها لها

وكلنا نعرف أن مشكلتها في البورد الآخر لم تكن سببا فيها بل هي المعتدى عليها كقد طال
الإعتداء كثير من الأصدقاء والصديقات أعضاء بورد سوادنت فكان لنا حوش بكري ملجأ وملاذ، وكان وقتها لم يتم تشطيبه بعد.
ودخلنا إلى هذا الحوش زرافات ووحدانا، وكعادة سودانية ظل بكري كبير الدار
يكمل تشطيبات هذه الدار، حتى الملايات ما قصر فيها
وإنطلاقا من هذا الكرم الحاتمي والروح الديمقراطية التي حكمت هذا البيت،

أضع يدي مع الأخ أساسي
وبقية الأخوان
وأتفق مع رأي الخالة دوما في أن العنوان قد جانبه الصواب
وفي نبل الهدف ما يغفر للأخ أساسي

ونناشد الأخ بكري
بعودة الأخت
نجاة أو مسرات أو بيان

معاك يا أبنوسة
وعهدنا ببكري ديمقراطي اصيل

الى الذين نوهوا بحدوث مشكلة بينى وبين بيان

اؤكد

ان الحوار بينى وبين بيان ظل مفتوحا ووديا الى آخر يوم من مشاركاتها

كانت فى مناقشات بينها وبين آخرين لا اذكرهم


لا يهم ، المهم بينى وبين دكتورة نجاة ، صافية لبن



اتمنى عودة بيان ، حتى تملأ البوردبمشاكساتها الادبية ، وحواراتها السخنة
فهى صديقة ولها معزتى

"وعمة اولادى"

لها التحية

ويا رباح البيت بيتك خلاص ، ما فى ضيافة ، نحن هنا من تانى يوم ، غسلنا العدة وقشينا الحوش

ويا اساسى

اسمع كلام الببكيك ، انت طبعا عايز خير، مافى شك

لكن البوست عنوانو ناشف