Post: #1
Title: بقية حلم
Author: raheemsudani
Date: 05-18-2003, 05:35 PM
يوم في المنام القي
اني صلاح ادريس
وانا حالي اتغير
واتغيرت قمصان
وخليت سراويل طوال
ولبست زي سلطان
وخليت اكل الملاح
كيف يعني ابقي صلاح؟؟
وكل الشقق مرقت
واتلاشت الحيشان
وعرست تاني كمان
ومليت كل الكون
ارض وشقق وبطان
وبقيت استني
يوم فيهو ابقي رئيس.
v
دايما علي انشغال
اهرب دوام لي سفر
من هذه الاشكال
ومن يوم سفر لي سفر
الكاش علي منهمر
والمال علي جبال
وعندي سكرتير حريف
قاعد في مكتب نضيف
بيوزع الانذال
ويجيني" دكتور" عزيز
وتجيني دكتورأمال
ويزورني منصور كتير
وابيل ورمز الجمال
ومنعم وعبد المجيد
هاتفين بذكري دوام :
يسلم جميل الخصال
يسلم جميل الخصال
ويجوني فنانين
من ودي قربانين
ويجوني كل النجوم
يا سيد السادات :
يا ريت هواكا يدوم
ونسيت صحبي القدام
الكانوا جربانين
الفقر اصبح تمام
في ذمة التاريخ
واصبح حضورو محال!!
v
الباب يدق فجاة
ناس الادارة هناك
جايين علي نية
ليقطعوا الاسلاك
الما دفع ممنوع
من اي استهلاك
تاري الحلم كضبة
سواها لي ابليس
لا يوم بقيت رئيس
ولا حتي حتة وهم
من جاه صلاح ادريس.
|
Post: #2
Title: Re: بقية حلم
Author: almohndis
Date: 05-19-2003, 10:11 AM
Parent: #1
يا أخوى
raheemsudani
ضربك هواء شديد
|
|