Post: #1
Title: أنا وهبصه؟؟؟؟؟؟؟؟
Author: أنا وهبصه
Date: 05-18-2003, 07:24 AM
Parent: #0
بسم الله
بعدو سلامنا ليكم واحد واحد.....ا
انا وهبصه لينا زمن شابين ليكم بالحيطه....نتاوق ونقرا ونتعلم من عمايلكم البتعملو فيها فى حوشكم العامر ده......المسكينه الا خاته ليها حجر عشان تشوف كويس ..باقى هى قصيره شويه.....وانا شابكه ليك الزول داك انا بعرفو..التقولى قرا معاى....والزوله ديك بعرفها....شايفه غايتولكن ماعارف وين.....النجيضه طلعتنى غبيان....وطلع الحوش مليان بالناس البنسمع ليهم الغنا الصاح...والبنقرا ليهم الكلام الصاح وال..وال..وال....كدى ردو سلامنا نحن لينا زمن من جنس كلامكم ده.....اخونا بكرى ماقصر معاناوالحمد لله دخلنا عليكم وحادقين لينا بكان فى طرف البرش...عشان مانغلط على زول....عاوزين نسمع ونقرا ونستمتع ....بس مابنقعد الا بعد تسلمو علينا......انا وهبصه داخلين بى سهمين..عاملين فيها روح واحده فى جسمين...هبصه حسى مافيشه كان جات وهرشتنى بقلبها واعملها(هبصه وانا) نظام دميقراطيه وكدا ..سلامنا تانى ليكم ويابكرى طلعت انا العجوز....فى ناس فى حوشك عاملين صورهم وهم صغار قالو نظام التمويه وكدا....انت ماتتعب......لانو كده كفايه
|
Post: #2
Title: Re: أنا وهبصه؟؟؟؟؟؟؟؟
Author: garjah
Date: 05-18-2003, 07:41 AM
Parent: #1
هبصه وانت
كيفكم يا حلوين
الدار داركم ....
بس اشرح لينا هبصة
|
Post: #3
Title: Re: أنا وهبصه؟؟؟؟؟؟؟؟
Author: Ahlalawad
Date: 05-18-2003, 07:58 AM
Parent: #1
مرحب بيكم الاتنين
ان شا الله بس ننستر معاكم
وانتو كمان ورونا من المدخور والمعتق
والجديد لنج
|
Post: #4
Title: Re: أنا وهبصه؟؟؟؟؟؟؟؟
Author: زهره
Date: 05-18-2003, 08:09 AM
Parent: #3
الف مرحب بيكم وحبابكم عشره
البيت بيتكم كان انت أو هبصه
الا مسؤل من الخير هبصه دي يعني شنو
ودمتم
زهره
|
Post: #5
Title: Re: أنا وهبصه؟؟؟؟؟؟؟؟
Author: اسامة الخاتم
Date: 05-18-2003, 08:13 AM
Parent: #1
مرحب بى هبصة و بيك انت زاتك
الف مليون سلام و شرفتوا
|
Post: #6
Title: النور بى وجودكم
Author: أنا وهبصه
Date: 05-18-2003, 08:26 AM
Parent: #1
الاعزاء
قرجه
اهل العوض
زهره
ودالخاتم
شكرا ليكم كتير على الترحيب....الدار منوره بى وجودكم...وياكم انتو اهل الستره.....ويازهره هبصه ماهبصه؟؟؟؟
سلام
|
Post: #7
Title: Re: النور بى وجودكم
Author: HOPELESS
Date: 05-18-2003, 08:31 AM
Parent: #6
انت وهبصه
السلام عليكم ومرحب بيكم
عفيت منك جاي طابق حاجتك يا معلم
وعضلات الظاهر تبش
والبورد بورديكم
وخلي حفصه قصدي هبصه تسمعنا صوته
ويلا سلام
|
Post: #8
Title: Re: النور بى وجودكم
Author: abuguta
Date: 05-18-2003, 08:34 AM
Parent: #6
الاخ والاخت الاخت والاخ
انا وهيصة هيصة وانا
تحياتى
مرحب بهيصة وانا
فهى الشعاع وانت السنا
وعشان تنورو وتضوو لنا
خليكم دايما جنبنا
|
Post: #9
Title: Re: أنا وهبصه؟؟؟؟؟؟؟؟
Author: حسن الجزولي
Date: 05-18-2003, 08:38 AM
Parent: #1
يا مراحب بيكم انت وهى
|
Post: #10
Title: Re: أنا وهبصه؟؟؟؟؟؟؟؟
Author: قرشـــو
Date: 05-18-2003, 08:54 AM
Parent: #9
الاحباب هبصة وانت
Ladys First
الف مرحب بيكم والدار داركم وطالما تاوقتوا ونقشتوا الشغلة كلها يبقى انتو اهل بيت وعارفين حبة الكفتة فيها كم رزة بالذات حفصة دى عارفها تكون هسع عارفه بت قضيم لابسه اسكيرت لونه شنو والجندرية توبها لونه شنو وفيه كم رسمة واهل العوض طاقيته كيف طابقين ولا ثلاثة ويعنى ما فى شى يخفى عليكم دحين ابقوا لى جوه واتوهطوا فى نص الدارة وخلوا بناتنا السمحات ديل يقدمن ليكم العروض وادونا كلامكم السمح الراجينو..
الف اهلا بيكم
|
Post: #11
Title: Re: أنا وهبصه؟؟؟؟؟؟؟؟
Author: جدو
Date: 05-18-2003, 09:23 AM
Parent: #10
مرحب بي هبصة وانا
اتفضلوا لا داخل
البيت بيتكم والبورد بوردكم
|
Post: #12
Title: دى الحارنيها
Author: أنا وهبصه
Date: 05-18-2003, 10:00 AM
Parent: #1
هوبلس
ابوقوته
حسن الجزولى
قرشو
الاحباء الاعزاء
ياكم انتو الامل...وبى كلامكم الصادق بنبنى سوداننا الاخضر.....ابوقوته ياخ بى كلامك وشعرك اخجلتنا...جنبكم شنو....بنبقى لصقه عديل.....هوبلس حليل زمن العضلات التبش...باقى ليك لو فى عضلات تبش كان جيت مقطور...انت ماسمعت بالنكته القديمه...واحد عندو هبصه اسمها منى...نظام طوالى هارشاه....اى محل يمشى ليهو يقيف جنب الباب وشابكه ليك..اتقدمى منى....اتقدمى منى....مره الجماعه عاوزين يقدموه للصلاه...شبكهم لا اتقدمى منى....حسن الجزولى مراحب بتاعتك دى بالدنيا....قرشو ياخوى انا لسه ماهرشونى انت الهارشك منو وخلاك تقدمها....ا
سلام
|
Post: #13
Title: Re: أنا وهبصه؟؟؟؟؟؟؟؟
Author: maia
Date: 05-18-2003, 10:10 AM
Parent: #1
الف مراحب بيك وبهبصة او بهبصة وبك
|
Post: #15
Title: Re: أنا وهبصه؟؟؟؟؟؟؟؟
Author: منعمشوف
Date: 05-18-2003, 10:49 AM
Parent: #13
العائلة هبصة
والله دى نجرة بالجد شحمانة، وابتكار ما حصل من قبل واحييكم عليهو
لكن كمان لما تقوم العركه فى طرف البرش والكاسورى يقع، نرميها فى منو، فى هبصه ولا فى بعل هبصه، مرحبتين حباب العائلة هبصة وسلمو على الوليدات
|
Post: #14
Title: Re: أنا وهبصه؟؟؟؟؟؟؟؟
Author: شرووم
Date: 05-18-2003, 10:35 AM
Parent: #1
انت وهبصة اللتنين اهلا بيكم ومرحبا
اتفضلوا بجاي
الناس في الدارة اتنين
كل خطوة تشيلا عديل وزين
أو كما قال حميد الله يمتعه بالصحة والعافية
شروووووووووووم
|
Post: #16
Title: Re: أنا وهبصه؟؟؟؟؟؟؟؟
Author: ايهاب
Date: 05-18-2003, 10:59 AM
Parent: #14
مليون حبابكم سلامات
انت و هبصتك شرفتمونا
والله دي بالغتو فيها
هسه يعني لو كتبتا بوست حا تكتب تحت انا و لا حا تعمل شنو
بالجد جديده دي
|
Post: #17
Title: Re: أنا وهبصه؟؟؟؟؟؟؟؟
Author: shiry
Date: 05-18-2003, 11:01 AM
Parent: #14
سلام مربع
هبصه وانت
كل الناس اتنين
فرح ....
..
شوية شوية وسكت المركب
واتمنيت لو كنت معااااي
شرفتنا ياانت وهبصه
اصلي فجأة لقيت الغنوه دي على لساني
وقمت غنيتها ليكما
|
Post: #18
Title: Re: أنا وهبصه؟؟؟؟؟؟؟؟
Author: abas
Date: 05-18-2003, 02:26 PM
Parent: #1
ديني انا يا هبصه
مرهب بيك ولالك تيبه وكويسه
والماك ده برضو بنسلم عليه ونقول ليه مهب بيك في هلتنا العامره بي اهلها
والتعشا تعشا والما تعشا العريس جاب لوري شعيريه
|
Post: #19
Title: Re: أنا وهبصه؟؟؟؟؟؟؟؟
Author: Elmosley
Date: 05-18-2003, 02:36 PM
Parent: #1
مرحب بيك انت وهيصه يلا هيصوا معانا
|
Post: #20
Title: Re: أنا وهبصه؟؟؟؟؟؟؟؟
Author: Yassir7anna
Date: 05-18-2003, 03:19 PM
Parent: #1
مرحب مرحب بالثوار
ابقو لا جوه
|
Post: #21
Title: Re: أنا وهبصه؟؟؟؟؟؟؟؟
Author: ABUHUSSEIN
Date: 05-18-2003, 03:25 PM
Parent: #1
أهـــلا بــيــك و بــي اللي مــعــاك
و الــدار داركــم
|
Post: #22
Title: سلام
Author: أنا وهبصه
Date: 05-18-2003, 03:37 PM
Parent: #1
جدو
مايا
شكرا ليكم وان شاء الله نكون سوا ولى قدام.....ا
منعمشوف
طبعا اكيد سمعت النكته القديمه بتاعة الوليدات الخلاهم ابوهم فى الدكان وراح السوق...لمن رجع لقى صفيحة الطحنيه فاضيه مرميه برا الدكان...دخل قال ليهم ماشاء الله بأتو(بعتو) قالو ليهو لا فترنا (فطرنا)...فياخوى هبصه مسكينه لكن ناس الكاسورىحارسين العقاب فى البيت....ا
شروووم وشيرى كيف حالكم والله امنياتنا انو الناس كلها تصبح اتنين اتنين وتتدوم الموده...ونكون كلنا سوا...ا
ايهاب ...الايام دى بتفسح انا....لكن لو ظهرت فى الخط بقلبها هبصه وانا....ا
عباس سلامك حق حلتنا ده ذاتو نوع الكلام القلناه زمان لى هبصه واهو شايف بقينا انا وهبصه....ا
الموصلى الزول الانسان الرايع...ليك الف سلام....غايتو الله يستر من صورتك علينا...ا
سلام
|
Post: #23
Title: Re: سلام
Author: ebrahim_ali
Date: 05-18-2003, 04:06 PM
Parent: #22
انت وهبصة الف مرحب بيكم ويظهر هبصة دي الدخلتك
ويلا كدي ابداعتك وابداعاتها وابداعاتكم المشتركة
|
Post: #24
Title: Re: سلام
Author: غدى
Date: 05-18-2003, 04:26 PM
Parent: #23
مرحب بيكم ... ياخى والله انتم لذيذين
وهبصه دى وين لغايه اسه ماجات عاوزين نسلم عليها
تحياتى
غدى
|
Post: #25
Title: Re: سلام
Author: anwar abu gaidaa
Date: 05-18-2003, 05:41 PM
Parent: #24
سلام ياجوز يا لوز؟ اوعه تشتتو يا فرد ؟
بعدين هبصه دى الجلك ما عندو معاها مشكله؟
استعير كلام منعم شوف واقول ليك مرحب شحمانه
انور
|
Post: #26
Title: Re: سلام
Author: الجندرية
Date: 05-18-2003, 07:17 PM
Parent: #25
هي يا انا وهبصة
الرسول عليك كان ما لميني في هبصة
عشان اوديها للفكي اليهودي الجنبنا في ( ريده ) وتاني لو اشوف جنس
الفصاحة دي
اتنطر
قال هارشاني قال
ا
|
Post: #28
Title: Re: سلام
Author: bint algazeira
Date: 05-18-2003, 08:34 PM
Parent: #25
وعليكم السلام ياناس هبصه
عافيه منك ياهبصه الراجل قدرتي عليه بقي مابتكلم بدونك
اهلا بكم وابقوا داخلين لجوه
|
Post: #27
Title: Re: أنا وهبصه؟؟؟؟؟؟؟؟
Author: KOSTA
Date: 05-18-2003, 07:51 PM
Parent: #1
حليل زمن الثنائيات الريانة
ثنائى العاصمة
ثنائى الجزيرة
ثنائى النغم
تيمان عطبرة
اولاد الموردة
ميرغنى المأمون و احمد حسن جمعة
ثنائى المحيريبا
الثنائى الوطنى
اها
جابت ليها " ثنائى البورد
هبصة و حاج ابكر
و قال ليك " غريب ما يجاسف " و الا ؟؟؟
نقول عشان اليدين " السبّه " اهلآ بيكم
|
Post: #29
Title: Re: أنا وهبصه؟؟؟؟؟؟؟؟
Author: filan
Date: 05-18-2003, 08:39 PM
Parent: #1
أهلا بيـــكم...
لا أدري لماذا خطرت ببالي ( كســلا )..؟ ربما الإجابة عنــد هبصة ؟
|
Post: #30
Title: Re: أنا وهبصه؟؟؟؟؟؟؟؟
Author: Hozy
Date: 05-18-2003, 09:04 PM
Parent: #1
مرحب بالثنائي انت وهبصة
الواحد ماقادر يقول اسمك المستعار
طيب تاني مرحب ب
انا وهبصة
وشرفتو بالجد كتير
لذيذة الحركة والله
تحياتي
يلا نشوف ابداعات روحين في نفس الحساب
تسلمو
تحياتي تاني
شكلكم لذيذين من اولها كده
|
Post: #31
Title: Re: أنا وهبصه؟؟؟؟؟؟؟؟
Author: BousH
Date: 05-18-2003, 10:53 PM
Parent: #30
حبابكم عشرة بلا كشرة انت وهبصة .... نورتو المنبر .... دايرين اخبار المطاوقة والشمارات دي .... ودمتم
|
Post: #32
Title: Re: أنا وهبصه؟؟؟؟؟؟؟؟
Author: tabaldy
Date: 05-19-2003, 00:24 AM
Parent: #1
سين سؤال: إسمك في شهادة الميلاد والبطاقة التموينية انا ولا ده من الإلزامية ؟؟؟
ده خاص بي هيصة ما تقرا يا انا
مرحب بيكم وبلغيهو بين قوسين انا ده سلامي برة القوسين انا ده
تيب اوف تو داي
التبلدي نوع من الشدر
ابنوسي
|
Post: #33
Title: سلام
Author: أنا وهبصه
Date: 05-19-2003, 07:58 AM
Parent: #1
ياسر اخوى
سلام
وماعندك تب مشكله بشيلك فوق كتفى..وبنحرقو اصبر ساى...ا
ابوحسين
شكرا ليك ومابتقصر والدار عامره بيكم انتو....ا
ابراهيم
سلام بالله الحكايه بقت ظاهره كده.....ا
غدى
سلام
هبصه طبعا عارفين الحركه تقيله شويه....اخوك مرق قدامها ...باقى كان جات زوله ربرابه..ومابلقى لى طريقه تانى علا اقعد ساكت...ا
سلام فنانا الرايع انور
شكرا على سلامك الشحمان...انت كيف حالك وصحتك...وان شاء الله تكون سويت ليك جضيمات وشحمته...ا
الجندريه سلام
هبصه جايه لكن سوى صبر شويه....تعرفى الذ حاجه الواحد يكون ضيف....الجماعه داخلين مارقين سلام مراحب.....الصباح يقوم يدخل ياخد ليهو دش يرجع يلقاهم زحو السرير على ضل الضحى...الشاى اللقيمات....الفطور الفول زيت السمسم الشمار...جبنه الدويم..الكبده السجك....وبعدو الغدا الماخمج....ويستمر المسلسل.....لكن اليوم الينزل كرعيهو من السرير ..ويلقى واحد من الجماعه كشت سفنجته...يعرف خلاص الجماعه عاوزين يقلبو البساط احمدى ....وبعد ده بيضبحو ليهو الصهريج.....الزوله دى كان ظهرت مابلقى لى طريقه معاها....فشويه القى لى طريقه اتونس واحوم هنا وهنامادام مافيشه....بعدين راسه بيقوه على عشان كده...غايتو انت وبت الجزيره مابوريها مكانكم.ا
كوستا
سلام
دخلنا عليكم اتنين....لكن الليله معاكم بقينا قبيله شكرا ليك....ا
فلان
كيف ده كلامك ...انت ماسمعت الشاعر الكسلاوى قال شنو
ياروضة الروح الطليقه وعروسة القاش العريق
ياسحر دنياى المفرهد وخلاصة الحب العميق
اشتقت للشمس فيك وللبدر الرقيق
اشتقت للتاكا وتوتيل والجبل العتيق
فطرقت باب الذكرى فالذكرى عصفور طليق
ياسحر دنياى المفرهد وخلاصة الحب العميق
انى سئمت الغربة واللحن الكئيب
وسئمت لذع الشوق والدمع السكوب
هوزى
سلام
ناس حوشكم ديل تانى مافى زول بيلحقهم فى ابداعهم شكرا ليك كتير
بوش
انت كان مقبل غادى مع جهازك ده الشمارات مابتفوتك كيف
تبلدى
سلام
الحكايه شنو بدينا فى الخاص وشى بين قوسين وشى بره القوسين...انا كنت خايف بس من ناس بت الجزيره.....تظهر انت كمان فى الخط....ا
سلام
سلام
|
Post: #34
Title: Re: سلام
Author: قرنفل
Date: 05-21-2003, 11:12 AM
Parent: #33
سلام هبصه سلام انت
مرحب بكم فى داركم
|
Post: #35
Title: Re: سلام
Author: aboalkonfod
Date: 05-21-2003, 06:14 PM
Parent: #34
الهبيصة .. وفردة الهبيصة ......... حبابكم
ها زول أماني ما قصرت تب !!
عيلا يا خوي كت في بيكاين كدي، رفعتلي فاتحتا مع ود الأرباب،
البطان كلموني بي جيتك مع هبصتك .. ها زول ابشر ألف، وحبابك
ولف، دحين المطرح هولك. عيلا الواجب ما بنقصر فيهو طب !!
الجمعي الجايي تعال إتغدي معاي، صحي مراحي فاضي ما فيهو بهم،
لكن على الطلاق عندي بنيتن صغيرة يقولوله" شيري " بضبحا ليك.
|
|