!!!!!!!!!!!دعوه للاستماع......اخلع اذنيك..جيدا..قبل الدخول

هاك بعض الشجن....هاك بعض النسائم..
دونك شئ من حفيف الذكريات..واحتراق المنافي...
لا تحتاج اذنيك..كي تسمع ..سكب الذؤابه..في كؤوس الجمال
تفضل ..يا صديق..وافتح خافقيك جيدا
فانت في حضرة..ادريس جماع





علي الجمال تغار منا!!؟
!!?ماذا عليك اذا نظرنا
هي نظرة.
.تنسي الوقار..وتسعد القلب المعني
دنياي انت وفرحتي..
.ومني الفؤاد اذا تمني
أنت السماء بدت لنا....
.واستعصمت بالبعد عنا
هلا رحمت..متيما عصفت به الاشواق وهنا
وهفت به الذكري..فطاف مع الدجي..مغنا فمغني
هزته منك محاسن...غني بها لما تغني
يا شعلة طافت خواطرنا..حواليها..وطفنا
آنست فيك قداسة
..ولمست اشراقا..وفنا
ونظرت في عينيك...آفاقا..وصراعا..ومعني
كم باللقاء..سمحت لنا
كم بالصبابة..ظلمتنا
جمع عهودك في الصبا
واسأل عهودك كيف كنا

شكرا..ناس طابت...شكرا جدا..
شكرا..عمار السنوسي..شكرا جدا ..جدا

دافي الدافي
تسلم للنغم الدافي
وصوت عمار الجميل
ولي ناس طابت اجمل التحايا

لووووول..يا كول كوم...ردك ده..شكلو ..حنيه منك سااااااي
عارف!!؟
انا لقيت ليك الناس تدخل وتمرق...في بوستيني..الليلي ده..قلت لي روحي..يا ربي الحاصل شنو!!؟؟؟
الناس دي ما بتعرف عمار السنوسي!!!؟؟
علي الجمال دي..ما سمعوا بيها!!!؟؟؟
في النهايه ..اقتنعت..قلت اكيد في حاجه غلط..

الغريبه..انا الاغنيه دي..مطرباني جدا...مسكراني عدييييل كده بالطرب
كدي وروني يا اخوانا
الاغنيه دي..زمنها فارق ولا شئ!!؟
فيها عيب لا سمح الله!؟
الشاسيه معووج...ولا الكرونا بتكركب!!؟
كان دايره عمره ورونا
جاملونا يا اخوانا بي تعليق
ما تسكتوا.
!!!!!!.ريسانكم الكبيره دي
ادريس جماع ده..جن من التامل والشفافيه..تجوا انتوا تعليق ساي علي اغنيتو ما عايزين تقولوا!!!!؟
جاتكم الميه لما تتجأر من تحتيكو

الاخ دافىء ياسلام عليك ياسلام
وما اروع الاستاذ الكبير ادريس جماع والاستاذ سيد خليفة عندما تغنى بها ايضا عمار شاب موهوب ننتظر منه الكثير
لكن بينى وبينك عنوان البوست بيدى الناس انطباع انك حتغنى انت خاصة بعد حكاية الخلع دى
اخيرا ايها الرائع وفقت فى الاختيار

دافي ود الشيخ
والله كتر خيرك
سمعتها هنا وفي بوست بت قضيم
بس كيفن عاد غنوة زي تبور
والله حاشاها
انا براي سمعتها من الصباح لي هسه كان خمسة كان ستة مرات

على فكرة يا دافي
أنا البوست دا شفته زمان يوم نزلته بس للأسف ما كان عندي أي طريقة أسمع الأغنية فقررت ارجع مرة تانية
بس يوم جيت أسمعها لقيتها اختفت فتشت عليها ما لقيتها
الظاهر انه الجندرية سحبتها و دستها في مكان ما عشان تستفرد بالاستماع ليها
شكرا كتير على جماع والكلمة الرائعة واللحن الجميل
كما عهدناك ، دائما تتحفنا بالمتميز

أخي دافئ

حقيقه صوت جميل وكلمات أجملب
بس حكايه خلع الاضنين دي خلتني أسمع الغنيه تقيله شويه

وعلي العموم هناك بوستات للاستماع عدم الردود عليها
لا يقلل أبدا من قيمتهامثل هذا البوست
بل العكس فهو يدل علي زوق عال في الاختيار
لك التحيه والتقدير
زهره

دافي - والله انا دخلت البوست دا لعدة اسباب - واحد منها لأنو انت صاحبو ودا دافع قوي يخلي الواحد يدخل بي قلب قوي . تانيا لأنه المسعلة فيها استماع واختيارك أكيد بكون في السلك . لكن للأسف الظاهر نصيبنا من الاستماع أخدوهو غيرنا - الناس البتسمع اكتر من مرة ديل قولوليهم حق الناس حرام ، ما بنفعكم .. رجعوا لينا خمسة مراتنا . عشان نسمع معاكم . ولا ادونا كلمة السر عشان نسمع

اهل العوض
نبدا بيك..انت الاول
الاغنيه منزله علي الريل بلاير..بس الظاهر الفيرجن بتاعك..ما مقسم كويس معاها..قصة الفيرجنات دي..ناس تماضر ..وزمراوي ..مسكوها معطوها معيط جد..وفي النهايه قالوا..الفيرجنو ما شغال..يتصل بالفرجوني..ولا يمشي فيرجينيا
ولو الاتنين قاسيات..انا بديك حل تاني
الاغنيه دي من موقع لطيف ..تبع ناس طابت..وهاك صفحة الاغنيه..وطبعا الموقع فيهو مدائح واحاجات ظريفه جدا
http://www.tabatpeople.com/songs/ammar/
اها انت اتصرف...اسمع بالطريقه التعجبك ..في كانونك العندك ده
وشكرا علي الاطراء...دي علي وزن ..سلمت للطله..بتاعة شيري وبت قضيم الفالقننا بيها دي....
اتخيل ..قبل يومين..زاروني..شباب كده..اها..وهم متخارجين..قلت ليهم...شكرا يا شباب ..سلمتوا للطله!!!!!؟
الشباب عاينوا لي كده!!!قالوا لي..انت بقيت هناي ولا شنو!!!؟
شنو اللي سلمتوا..وطله..والكلام الحنين البتقول فيهو ده!!!؟
اها يا حبيب
فتك بي عافيه..واللنك عندك..اتصرف بعد ده
ا

عديله..يا متوهجه
يا حلاة البسمه ..لمن تصفي تفرح
ويا حلاة الريده لمن تبقي ..صح ..صح
ويا حلاة ليلا معاك..ما درنا يصبح
ويا حلاة صبحا تكون فيهو المصبح
ومشاويرك عديله..عديله عليك
عديله ان كان قصيره ان كان طويله
عديــــــله عليك

شكرا ..كتير يا عديله...وربنا يزيدك توهج..كمان وكمان
بعدين تعالي هنا...!!وفيها شنو كان غنيت انا!!؟
غنااااااااااي لو بتعرفيني...بس ماسحين بي السبوره سااااي والله

الجندريه
بي عافيتك يا طيبه....
اصلو..النغم الرقراق..داير ليهو...وجدان براااااااح..عشان يتحكر
بي عافيتك..يا طيبه..يا بت الناس الطيبين

رمانه
لو قلت ليك...شوفة اسمك ساي...بتفرحني!!حتفهميني كيف!!؟

زهره
انتي برضو لك التحيه والتقدير..
ده بالرسمي رسمي
وبالما رسمي رسمي
بت اختي اسمها زهره...مقطعه السماحه والبراءه
الاسم الحلو ده جبتيهو من وين؟؟

دافي .. قال ليك في واحد عندو عربية قديييييمة زي كانوني دا .. وهو زاتو زول سغيل (ثقيل) زيي كدي . لي بعدين الزول السغيل زيي دا كل يوم الصباح يقوم يكركب عربيتو المكركبة دي وينادي الجماعة الماشين علي شغلهم يقول ليهم ياخوانا لو سمحتو دفرة صغيرة كدي .. وينطقها كلآتي : يا خوانا جفلة شغيلة كدي (لأنو بيكون سافي والسنون نصهن مافي) . أها في زاتي يوماً الجماعة دفرو وزهجو ومشوا . جو جماعة تاني دفرو وزهجو ومشوا والعربية حلفت ما تقوم . في النهاية ربك ربك الخير ألهمو أن يفتح الكبوت ويهمبش بي جاي بي جاي لي حدي ما لقى سلك الكويل واقع . فا قام قعد (لاحظ لي قام قعد دي) يكورك .. اتشو ما تشقولو لي شلك الكويل واقع .. آند هي واز توكنغ تو نو بودي

أها ، أنا بقول ليك إت ما تقول لي دي أعلى الجمال .

وبعدين كان الله قسم بجيك لي ناس طابت .

يا اب نضمنا بريح اخلاقي
ينجيك الله وازرق طيبة عبد الباقي

دافي ود الشيخ
قلت لي انت البلمك في ناس طابت شنو ؟
ديل ناسي واهلي انا مولودة هناك بعد ما امي وقعت ناس طابت يلحقونا وينجدونا ويدوا اهل العوض دفرة كان يسمع الغنوة السمحة دي
اهل العوض
وانا بسمع في الغنوة للمرة التاسعة
ما نفعتني والله ودعيت من كل قلبي تقدر تسمعها وتبطل حساده

والله مشكلة الفراجن معاي مشكلة
الفرجوني زاتو غلبتوا
ما خايفة إلا اكتشف ان المشكلة في الأضان ما الفيرجن

فوق

لك الشكر وانت تعطر هذا المنبر بكل هذا الجمال

عبدالله جعفر

دافي ود الشيخ

يعني لحدي متين حتخاصمنا
عليك الرسول كان ما جيت
اتذكر الناس البتحبك ووحشتهم شديد
اتذكر الحاجات الحلوة الفي البورد دا
عليك ابوك الشيخ كان ماجيت

يلا ياجماعة نخلع تعالوا نعتصم في البوست دا ونخليهو عالي لحدي ما يرجع دافي الدافي

والله يا دافي إنت راجل فنان .والله انا لو ما سبقتني كنت عايز انزلها بي صوت عمار وبعدها كمان انساني . خلاص قوم بالمهمة دي

فووووووووووووووق

ياسلام يا دافي..على الجمال..الذي نستشفه الى حد التصوف..يا ترى اين عمار الذي عطر سماواتنا بالابداع في
خضم الثمانينات..ثم غاب..