وأنباء أخرى عن هجوم مسلح بشمال كردفان......

تطورات خطيرة للأوضاع في شمال كردفان
مسلحون مجهولون يفجرون محطة لضخ البترول في قرية الحقينة بأم سيالا بشمال كردفان على إمتداد خط البترول الممتد من هجليج إلى بورتسودان
تمكن مسلحون مجهولون مساء يوم الإثنين الماضي 12 مايو 2003م من تفجير محطة ضخ للوقود في قرية تسمى الحقينة بالقرب من أم سيالا بولاية شمال كردفان ، حيث استخدم المسلحون وفقاً للرواية الحكومية عدد من سيارات اللانكروزر و اشتبكوا مع قوة الجيش المرابطة لحماية المحطة
و عندما نفدت الذخيرة من قوات الجيش إضطر الجيش للإنسحاب من المنطقة .
أما الرواية الأخرى فتقول إن المسلحين و بعد إنسحاب الجيش من المحطة قد استطاعوا الوصول إليها و تدميرها تدميراً كاملاً .
و تعد هذه الأحداث تطوراً خطيراً للغاية في فترة تستعد الحكومة لخوض حرب طويلة المدى مع مسلحي دارفور .
و من جهة أخرى تمكن مواطن كانت تحتجزه قوات الأمن في مدينة بارا بولاية شمال كردفان من تسديد طعنات لثلاثة من أفراد جهاز الأمن الذين لاذوا بالفرار و تقدم المواطن إلى قوات الجيش و سلم نفسه هناك .
و على مشارف أم درمان في الحدود مع ولاية شمال كردفان أنشأت الجكومة نقاط عسكرية جديدة لمراقبة أي إختراقات تؤدي إلى دخول مسلحين للعاصمة الخرطوم من ولاية شمال كردفان .
التقرير الذي تم تقديمه إلى وزارة الطاقة لم يستبعد أن تكون العربات التي شاركت في الهجوم هي عربات للإنتخابات .
(نقلا عن آخر لحظة)

شوف كيف الناس هربت
من خبارات الشؤم بتاعتك دي

وشوفوم عليك الله كيف هانت عليهم انقاذك
فاصبحوا يترصدونها كل مرصد
وشوفني عليك الله
مبطل شغلتي
ومعرض نفسي لغضبتك وغضبة من هم من خلفك
انتوا عارفيني انا زول بتاع رياضيات
وما بليد شديد
كان ما حسبتها ما كنت مشيت في الطريق دا
أم تريدون لي الشوف
ولكم العمى
(!!مااااااااااااااامشكلة)

Quote: انتوا عارفيني انا زول بتاع رياضيات

سبب واحد يخليك مقتنع بانك معروف مافي

الخبر اشاعة
وصاحبه من رواج الاشاعات

وكمان فرحان بالله

اخبارك كلها اشــــــــاعه

اختشي يامان

ناسكم الامنجية بتاعنكم الماعارفين اسووا شنو هسا
قالوا انه السبب في مباغتتهم في دارفور خلل في المعلومات الاستخباراتية
واذا كنت انت ما عارفني يا عبدالله يا صغير يامحيرني ومتحير
ابقى اسأل واللي بسأل ما بتوهو
وانا للأسف متاكد من اني معروف تماما زي ما متاكد انه حيكومتكم دا ساقطة ساقطة
وانتا بتقول اشاعة هسا
حتقول شنو لما يبقى صحي
غريبة
انا ما حانسى الشتيمة دي
(رمتني بدائها وانسلت)

فتحي تحياتي لك ولدي سؤال لو سمحت
هل انت راضي عن ما يدور في غرب السودان من عنف وارهاب للمواطنين الابرياء حتى لو سلمنا جدلا بانك ضد الانقاذ؟ الا ترى ان هؤلاء الثوار لا يقدمون شئيا لدافور سوى مزيد الدمار مزيد من الخراب مزيد من العنف والعنف المضاد؟
اتمنى ان اجد لديك اجابة

اشكرك لانك رفعت هذا البوست لتشهد وتشهد الناس على الشتائم التي تكال لي
لا لشيئء الا انني حريص على أن اقول يا اخوانا انا قريت الخبر الفلاني في الحتة الفلانية
ومعلوم انه النظام ما نزيه في مسألة الاخبار دي لحدي اسا ولحدي اشعار آخر
يتقال علي مروج اشاعات
الاخت الاستاذة رباح كانت سألت مرة عن خبر أوردته وقالت انه فعلا يحتاج الى تاكيد
وفعلا خبر الاحاد يحتاج الى تاكيد
اتفقنا معاها
لكن قولنا ليها انه الخبر دا بالذات الجرايد السودانية ما حتنشروا
لانها مورعة من ان تجيب سيرة الامن
لي حدا هنا كويس
كويس
بعدين لقينا خبر في الجرايد السودانية يوم الجمعة (عن هجوم مسلح في دنقلا)جبناه وقنا لي صباح اكدي لينا
صباح قالت هي الليلة مجمعة وما شافت الجرايد
كويس لي حدهنا
كويس
طيب قامت صباح لقت الخبر دا وقالت بالمناسبة انا لقيت خبر تاني
وجابت لينا اللنك
كويس
وبعدين جانا الخبر بتاع
الشمالية قالوا ناس الدبة فعلا كانوا متوقعين
والثوار كانوا فعلا على بعد 45 كيلو
والمرة دي من جريدة الخليج
اها
في شنو في الحكاية دي استحق بيهو انا رتبة : مروج اشاعات
عليكم الله خليكم شاهدين على هذا المستوى
والشي التاني
كلامك عن انه الثوار في دارفور
انتا ماجيت من هناك
ومن الظلم انك تحكم من بعيد بجهل
ووالله العظيم
ومن مواطنين عاديين ومحاديين كانوا هناك
وحتى فيهم ناس ما غرابة
الناس ديل مثاليين وراقيين ونزيهين في تعاملم مع المواطنين وممتلكاتم
بينما طغمة الجبهة تمارس اللإبادة الجماعية الان لاعراق باكملها
وتنتهك حرمات البيوت والمساجد
والثوار الما بختشي الاعلام المحلي وبسميهم نهب مسلح
شالوا القروش من البنك في مليط ووزعوهاعلى المعلمين في القرى والفرقان
المعلمون يا سادتي
التي تعجز خزينة الدولة عن سداد مرتباتهم اعواما واعواما
اعطاهم الثوار من المال الذي هو حقهم
مليون ونص لكل معلم
نعم يا صديقي
بهذه الصورة
يعجبني ما يحدث في دارفور الان
وليته يحدث في كل مكان من السودان
وليكن في علمك
زوال الانقاذ هو أولوية غالبية الشعب الان
اولوية مقدمة على كل ما سواها
فهمت
فالذي لايريد عنفا ودما ودمارا
فليعمل على ازالة هذا الاذى عن الطريق
بالطرق الأخرى
واشكرك مرة اخرى على رفعك للبوست

اخى فتحى
سلمت و شكرا على تنويرنا بما يحدث
الخليج و البيان اكثر جريدتين توردان اخبار السودان البيان فى صفحة السياسة و الخليج فى عربى و عالمى
و لعموم الفائدة هاك موقعهما على الانترنت
ليتاكد غير المصدقين ان ثمة ما يحدث فى البلد من اشياء تهدد حتى وجود الوطن
www.albayan.co.ae
www.alkhaleej.co.ae

شكرا لنا
الله ينصر دينك
لكن عليك الله رايك شنو في الوصيف دا
غريبة قال انا مروج اشاعات
وبخاف قال انا اخباري كلها اشاعة
انتو ما في محكمة عمد في البورد دا
؟؟؟؟

اخى العزيز فتحى
اليك القصة المعروفة التالية
فى بداية الانقاذ - اسما -كتب المبدع السودانى العالمى الطيب صالح مقاله الشهير : من هؤلاء و من اين جاءوا ؟؟ و كان المقال ممتلئا استغرابا و دهشة من ما فعله الانقاذيون - اسما - بالوطن و كانت المعاملة برد الفعل صودرت رواية موسم الهجرة الى الشمال و منع تدريسها فى كليات الاداب بالجامعات المختلفة بحجة انها قصة اباحية ...و وجه احد اعمدة الحكومة الدعوة الى الطيب صالح ليجىء الى السودان و ليرى بنفسه الطفرة الحضارية و الاعجاز و الانجاز لان الطيب - فى نظر المسئول الحكومى -اعتمد على الاشاعات -زى سيادتك -و كتب ما كتب وهو الذى لم يرجع للسودان منذ مدة
اوتدرى بماذا اجابه مبدعنا ؟؟؟
اجابه بمقالة اخرى ان العالم الان فى عصر الميديا و ان ثورة المعلومات ووسائل الاتصال و الملتيميديا تجعل اى مكان فى العالم بقعة مكشوفة لا يمكن ستر ما يحدث فيها ، فزمن حبس الاحداث داخل جرار مغلقة داخل مغارة الكنز الكثيرة التلافيف اضحى من الماضى اخى فتحى
و العالم عيونه محملقة لنا
ولا مجال للغلاط
ايها الرياضى الاشاعى
مع محبتى

الاخوة الافاضل .... سلام

ارى انكم تركتم الموضوع الاساسي وتتحدثون عن شخص الاخ فتحي ... لماذا لا ادري ... عموما المسالة اكبر من يكون في اطار شخص واحد نقل الخبر ... وهو لم يكون المسئول عنها انما نقل الخبر وابدى وجهة نظره .... وهل من حق الاخ فتحي ان يعبر عن رايه ام لا ؟؟؟؟ اذا كان الاجابة : بنعم ...اذن لماذا يتحول الموضوع من وطن الى شخص ؟؟؟ ارجو ان نكون قدر الاحداث ونناقش الامور بموضوعية بدلا من اضاعة الوقت والجهد فيما لا ينفع

اما الخبر فهي صحيحة وبامكانكم الرجوع الى بوستات المنتدي ومواقع الاخبار وكما ذكرت الاخت لنا العالم اصبحت قرية وبارك الله في التكنوهاي وبامكان اي شخص متابعة كل المعارك تلفونيا ونشرها عبر النت لحظة بلحظة كما حدث مع احداث الفاشر .... اذن ليس بالضرورة ان ينشر الخبر في الجرايد ليكون موكدة انما هناك وسائل اخري .... ودمتم