Post: #1
Title: مدخل7
Author: dabeep
Date: 05-14-2003, 06:32 AM
Parent: #0
كثيرا ما أنسى
أنى صعلوك وغبى وفقير
أضحك فى سرى
ألبس ربطة عنق
وقميصا مكويا
وحذاءا لماعا لا تصفر فيه الريح
تمتد الطرقات أمامى وتحينى
وأسير مثل أمير
ولكن
مرايا الصالونات الفخمة تفضحنى
وتصيح بأنى صعلوك وغبى وقبيح
مراية
|
Post: #2
Title: Re: مدخل7
Author: HOPELESS
Date: 05-14-2003, 06:35 AM
Parent: #1
كسر المرايه ... وامورك يمشي حاله
|
Post: #3
Title: Re: مدخل7
Author: dabeep
Date: 05-14-2003, 12:31 PM
Parent: #1
العزيز/ هوب لس
رغم إنو إسمك له صدى ورنين
لكنى لا أملك هذه المرايا
مرايا الصالونات الفخمة تفضحنى
وتصيح بأنى صعلوك وغبى وقبيح
تسلم يا حبوب
ويكفينى أن أعرف هذا ليس مدخلك
دبيب
|
Post: #4
Title: Re: مدخل7
Author: esam gabralla
Date: 05-15-2003, 12:16 PM
Parent: #1
talented-------------
up
|
Post: #5
Title: Re: مدخل7
Author: Malaz_Afkarna
Date: 05-15-2003, 09:42 PM
Parent: #1
انت شرف لكل الصالونات التى تدخلها
دوما تمتعنا باضافاتك المميزه وكلامك المتمرد
المرايا تعكس الشكل الخارجى وليس دواخلك الراقيه. ليس مهم الجزمه اللماعه وربطة العنق، ممكن تلبسم لى شافع البحر(عذبناهو عذاب شافع البحر بس عشان بنعزوا شديد
الكثير من الاحترام
|
Post: #6
Title: Re: مدخل7
Author: dabeep
Date: 05-16-2003, 05:45 AM
Parent: #1
العزيزعصام جبرالله
فمثلك من أخافهم وهم يشتعلون بما يحدث, ويواصلون البحث عن صوتى لأشهد , لأننى لا صوت لى
أعجبنى جدا ماكتبت
فتقبل ماأعتبره شحيح شكرى
دبيب
|
Post: #7
Title: Re: مدخل7
Author: dabeep
Date: 05-16-2003, 05:48 AM
Parent: #1
العزيزة ملاذ أفكارنا
من وين أجيك
وأتفرجك
من وين أفوت وأتخرجك
يامالية أكتر من كتاب
فسحة فطورك والوطن
ومشيت عليك إتأترك
مدن .... مدن
صدق لقيتك أكثرك..
فى الشوق سكن
وحزنت لمن آمنت مدن الحزن
إتأوهت قاع المدن
من وين أجيك
يامالية قلبك باللبن .........
زيتونة التحايا داقة شلوفتا والشوق مشلخ
تسلمى ياشديدة
وأظنك ستجدى لى العذر فى فقرى للكلمات الرقيقة
والتحايا لى لمح
دبيب
|
Post: #8
Title: Re: مدخل7
Author: coolcom
Date: 05-16-2003, 10:21 AM
Parent: #7
العصي علي مثلي حرفه
والبخيل علينا بحرفه
لك ولها ولك الدنيا اجمل الحب
|
Post: #9
Title: Re: مدخل7
Author: Tumadir
Date: 05-16-2003, 10:28 AM
Parent: #8
دبيب
انت اجمل من يكتب بالعامية
واجمل من يحب
بالخاصية
يا بخت من احببت
يا دبيب
يالها من انسانة ، على الاقل هكذا صورتها ، انت
ببساطة متعمدة وعميقة
فيلسوف هذا الشعر الذى تكتبه يا دبيب
|
Post: #10
Title: Re: مدخل7
Author: dabeep
Date: 05-17-2003, 07:31 AM
Parent: #1
الأخ / كول كم
ياخى والله أشكر حفاوتك
وأن تشملنا بهذا الحب كرم منك يوكد عمق هذا القلب البرازى
نورة تقعد صاحي تحلم
بي بيوت بنور ودش
وبالمحبة تشق دروبا
ولي قلوب الكل تخش
نورة تحلم بوجود ........... حميد
منتهى الروعة تعكس إختيارك لنورا
ومايمنعنا من الكتابة إلا ضيق الوقت
تسلم
دبيب
|
Post: #11
Title: Re: مدخل7
Author: dabeep
Date: 05-17-2003, 07:35 AM
Parent: #1
تماضر الجميلة
طبعا شكرا على الكلام البخلى الواحد يضاحك براه
فروعتك بتكمن فى شفافيتك وحسك الماعادى فىألتقاطك للمعلومة
التى تخلق الأرضية ليس فقط المشتركة ولكن الودية فى تواصلك مع الأخرين بمختلف إتجاهاتهم , وماأظن فايتة عليك الحاجة دى بإعتبارك فنانة وكبيرة
لكن ماذهبت إليه هو( حاجة فيك) ما بتصدرإلا من زولة حسمت كثير من الصراعات وتوازنت بالوعى والقلب الكبير
وأوكد الموكد أن فيك الكثير
وطبعا مابقول الكلام ده لانو قلتى الدبيب ده فقرى وبتاع
لأننى أوكد فقرى أدامه الله علينا نعمة
فقط أفرغ شكرى وإمتنانى للإهتمام
والكلمتين المطر , طيبت الخواطر
تسلمى ياطيبة
وبالمناسبة حبيبتى فعلا رائعة
وجميلة حد القيرقان فى دائرة تتسع لتشمل الوطن
|
Post: #12
Title: Re: مدخل7
Author: بدرالدين شنا
Date: 05-17-2003, 02:11 PM
Parent: #1
بسم الله الرحمن الرحيم
المهذبة الحزينة/ هوزي
سلام وشفقة
لما هذا الحزن
الصورة حزينة
الكلمة حزينة
النغمة حزينة
هوني على نفسك شوية
|
Post: #13
Title: Re: مدخل7
Author: shiry
Date: 05-17-2003, 02:41 PM
Parent: #12
سلام مربع
بدر الدين شنا
يا بدر الدين اسمع لو ماعندك حق مواصلات تاني
حقك راااح
لانو البص الانت راكب فيهو دا
بص المزاد
حنك الكمساري ولا دبيب خليهو يرجع ليك
قروشك
دبيب
بس جيت اقول ليك
سلمت يازوق لهذا الكلام الحلو
انا غايتو شوية شوية بلادغ اولاد شمش ولغتهم الرندوق
صليلها الجرسي يحرك عوالمي ويواقعها بتناغم
لو ما انا غلطانه
دبيـــب دي بتعني الضهب بتاع الحفلات
ولا عندها معني تاني
بس عايزه اعرف الشمار كتلني
|
Post: #14
Title: Re: مدخل7
Author: HAMZA SULIMAN
Date: 05-17-2003, 03:22 PM
Parent: #13
يا شيرى
ضهب الحفلات اسمهم بعامات
وعلى ما اعتقد
دبيب
فى اللغه
تعنى طويل العمر
طبعا يا شيرى
قلت اكتب لوووووووووووووول
لكن ما عارف هنا صاح ولا لا
ويا ريت تفهمينى
معناها او مقصده
عشان الشمار كتلنى
|
Post: #15
Title: Re: مدخل7
Author: Abdalla Gaafar
Date: 05-17-2003, 07:31 PM
Parent: #1
dapeep
التحية والتقدير
ولا زلت تنثر الدرر من مدخل لاخر فعلا كما قالت تماضر وازيد من الشعر بيت انو من اجمل مايكتب من شعر بالدارجي او الفصحي بلا مجاملة.ليتك تكتب من مدخل واحد ما يعيد الينا بريق الاحساس بجمال الحرف.
اكتب مااستطعت ودعنا نقرأك مرات ومرات لا ادري ولكن حين قرأت (كثيرا ماانسي)احسستها بصدق وانا اري في عيون الناس ببلاد ليست لنا
ماعكسته مرايا الصالونات الفخمة
لك الود والشكر
عبدالله جعفر
|
Post: #16
Title: Re: مدخل7
Author: dabeep
Date: 05-18-2003, 06:55 AM
Parent: #1
الاخ العزيز بدرالدين
loooooooooooooooooooooooooooooooooooooooooooool
ودى والله الجير مابجيبا
و(الجير بجيبا) لغة بنايين , لمن تبنى الأوضة وتبيضا بتكون فى حتت منقرة فبيقوم البناْء بيقول ليك (الجير بجيبا
أها الوصلة العملتها دى مايعملها إلا فنان قدير ذى الأستاذ حمزة سليمان والخبيرة شيرى
أولا أشكرك على الزبائن التمام شيرى كلها والأستاذ حمزة سليمان ديل ناس مروقيين, وطبعا دى ذكرتنا سواقيين السفريات بيكونو متفقين مع بتاعين المطاعم فى المحطات يجيبو الزبائن وعضتم برا
أها يابدر الدين ما بنختلف , وكلما تكتر من الزبائن بنشيلك الكوارع
وأم فتفت
الأستاذة شيرى
والله جيتك مقدرة (والمعلم دقس يافردة ) وأنا ماخد راحتى لأنك قلتى بتتكيفى للرندوق والفارات , فأولاد شمس هم نحن ونحن أولاد شمس, بل بالعكس أنا بأخد المسائلة الى أبعد من مجرد تناغم بل هى ظاهرة إجتماعية فى مجتماعنا كونت طبقة ولغة وأى تجاوز لهذه الطبقة هو قصور فى فهمنا
أما عن الدبيب فجاكاتك صحيحة (الجاكات هى المصادر) ومايقدر يغالتك فيها أى معلم, فالدبيب أول ما عرف بضهب الحفلات وفى بعض المصادر الحديثة ورد أن الدبيب هو النحل والنحل نوع متطور من الضهب أحينا تجاه المراءة الجميلة ولكن أغلبه تجاه السفاسف وهذا نوع غير محبب من الدبايب
تسلمى ياستنا وأسف إذا أخدنا راحتنا شديد
أستاذنا حمزة سليمان
ياخى شكرا على الطله ,وإحتمال من حسن حظنا أن المعلم دقس وفتح
لينا مدخل أعتبره المدخل الثامن8
وأشكرك على تعريف الدبيب فى اللغة (طويل العمر) ودى طبعا معلومة جميلة سوف نستعملها للمخارجة, أضف اليها كلمة الأخ الرحمابى (دبيب النمل
ياخى تسلم وأنا تقريبا مصنف نفسى زول ظريف فقول لوووووووووول والبيت بيتك
والغريبة كان معاى الفنان أسامة الشيخ قبل ما أراجع البوست , شغال قريب مننا ومرات بجى بضهب وكنا بنتكلم عن بعض الفنانين وعقد الجلاد وذكر فيما ذكر حمزة سليمان وبالضبط كانت الجملة
حمزة سليمان ده فنان وملحن قدير
وطبعا بقول الكلام للأمانة والتاريخ و لأنو بنحترم الفنان أسامة الشيخ و دايرنك تتوصى بيه فى أى عمل فى المستقبل, وكده نكون حبايب
وأنا زولكم ده برجعوا ليكم لحدى بيتكم, لكن قروش ما برجعا
ولوما راضيين أرجعوا إلى خارطة الطريق عند هوزى
التحايا وخالص الود
والتحية للأستاذة هوزى
والتحية لأستاذنا بدرالدين
دبيب
|
Post: #17
Title: Re: مدخل7
Author: dabeep
Date: 05-18-2003, 07:00 AM
Parent: #1
الأخ عبد الله جعفر
طبعا الرد عليك مرهق وأنا أحاول أن أتصيد أجمل كلماتى لشخص الكلمة عنده كائن حى
تسلم والله ونتمنى أن نكون حسن الظن
وفعلا القصيدة كلها تجتمع (فى كثيرا ما أنسى)
وماذهبت إليه يسعدنا
خالص الود
دبيب
|
Post: #18
Title: Re: مدخل7
Author: بدرالدين شنا
Date: 05-18-2003, 07:24 AM
Parent: #1
بسم الله الرحمن الرحيم
دبيبي يا حبيبي
سلام وإحترام
كنت عارف إنو دا المدخل7 ولكن كانت عبارة عن كاميرا خفية مارسناها أنا والشفيفة تماضر ولكن فطنتكم يا أهل البورد فضحت خفاء كاميرتنا
بمناسبة الجير ما بجيبا دي
عندنا واحد بتاع سطلة وشغال نقاش فالجماعة جابوهو عشان يلون ليهم قبة أحد الشيوخ
فرد عليهم
أنا الجزء المربع دا بلونو ليكم لكن الجزء الفوق دا إلا تأجروا ليهو ضب
تحياتي يا جميل
|
Post: #19
Title: Re: مدخل7
Author: HAMZA SULIMAN
Date: 05-18-2003, 11:11 AM
Parent: #18
يا طويل العمر
دبيبنا
لك السلام
ولى الاخ الفنان اسامه تحياتى
واتمنى ان تكونا بخير
|
Post: #20
Title: Re: مدخل7
Author: moniem2002
Date: 05-20-2003, 00:42 AM
Parent: #19
دبيب الشديد
كان البحر بلا شطان
والظلمة كانت اكبر من عينى انسان
اعمق من عينى انسان
ورصيف الشارع كان
خلو الا من صوت حذائى
طق طق طق
اجمع ظلى فى مصباح حينا واوزعه حينا
وضحكت لانى ادركت بانى املك ظلى
وبانى اقدر ان ارميه ورائى
ان اغرقه فى بركة ماء وحل
ان اسحقه تحت ردائى
ان اخنقه بين ردائى
طق طق طق
والظل ورائى ورائى
ما اكبر ظلك انسان يملك عشر هويات
فى زمن فى بلد لا يملك اى هوية
غنيت صفرت صرخت ضحكت
ضحكت ضحكت
واحسست بانى املك كل البحر وكل الليل
... ... ...
كانما الشاعر العراقى بلند الحيدرى
يحيك بهذه المقاطع
وانا بدورى اهديك كميات من الشوق و الود
يا كثيف المعانى
وتحياتى عبرك للصديق الرائع اسامة الشيخ
والسلام امانة
|
|