Post: #1
Title: ساااااااااااااااااااااااااااااااااااااااااااااااااافر
Author: منوت
Date: 05-12-2003, 07:11 PM
Parent: #0
تتقمصني رغبةٌ سفرية ذات (شخير) مرعب إلى عوالم لا تنتشي بالورود
و لكنها تنعم بالشرود .. هي تلكم المدارات (الطفشية) التي لا أرض تستوعبها ، و لا سماء
يا منوت لا تحزن ، فالأمس يغري بالسفر
و ها أنا ، و النجم و السفر المغيب في تجاويف الزمن
لذا ، لا .. ثم لا .. و ألف ، بل مليون لا .. لا .. لا تحزن
منننننننننننننننننننننننننننننننننوت
|
Post: #2
Title: Re: ساااااااااااااااااااااااااااااااااااااااااااااااااافر
Author: خالد عويس
Date: 05-12-2003, 07:30 PM
أوووووووه صديقي الرائع منوت
انت وين يا اخي ؟!
والله مشتاقين
والى اين تنوى الرحيل ؟
لك الود والتحية ، وقليلا من الحزن (لن يضر) !!
|
Post: #3
Title: Re: ساااااااااااااااااااااااااااااااااااااااااااااااااافر
Author: منوت
Date: 05-12-2003, 08:00 PM
يا بن ليموني المحاصر بين ضفاف نهر (الجور) ، و قبب الحجاز .. أحبك بقدر نقاء حرفك الشافي لجروح الطفش
نية السفر تتلبسني حتى آخر أحلامي الليلية
أنوي الرحيل إلى حيثما يورق الليمون إنساناً بقامة عشقنا
إلى أين ..؟ هذا هو السؤال الأبدي
أرسل لي رواياتك كي أسافر فيها باحثاً عني
و لكنني أنوي السفر .. و أحب أن يكون سفراً بلا عوده
آآآآآآآآآآآآآآآآآآآآآآآآآآآآآه يا نهري الأثير
منوت المسافر
|
Post: #4
Title: Re: ساااااااااااااااااااااااااااااااااااااااااااااااااافر
Author: solara
Date: 05-12-2003, 08:18 PM
..
.
لا تحزن...
لكن سافر وين ما يكون سافر....
|
Post: #5
Title: Re: ساااااااااااااااااااااااااااااااااااااااااااااااااافر
Author: منوت
Date: 05-12-2003, 08:32 PM
سولارا ، أو سِلاّرا
لك عاطر أريج اسفاري
نعم ، ساسافر .. إلى أين ..؟
الله أعلم
بلغي الأحباب صافي ليموني
منوت المسافر
|
Post: #6
Title: Re: ساااااااااااااااااااااااااااااااااااااااااااااااااافر
Author: yasiko
Date: 05-13-2003, 05:02 AM
Parent: #5
ياحبيب
كدى خفف شوية واسمع الاغنية دي ولاقيني في الماسنجر
|
Post: #7
Title: Re: ساااااااااااااااااااااااااااااااااااااااااااااااااافر
Author: Shinteer
Date: 05-13-2003, 05:29 AM
إن لم يكن سفر إنكفاء .. فلا شيء اجمل من السفر .. سافر يا منوت .. و لا تحمل معك شيئاً .. لعلّ ما تتركه خلفك يحملك على العودة
و أنا زاتي مسافر
|
Post: #8
Title: Re: ساااااااااااااااااااااااااااااااااااااااااااااااااافر
Author: الجندرية
Date: 05-13-2003, 06:28 AM
Parent: #7
منوت
شفقتني
مالك المرة دي طولت معاي
راجع بريدك
تحياتي
|
Post: #9
Title: Re: ساااااااااااااااااااااااااااااااااااااااااااااااااافر
Author: dreams
Date: 05-13-2003, 11:45 AM
Parent: #8
منوت الليمونى
سافر فوق وهاد المستحيل
ورك فى حضرت الزمن الجميل
تسلم
|
Post: #10
Title: Re: ساااااااااااااااااااااااااااااااااااااااااااااااااافر
Author: منوت
Date: 05-13-2003, 06:25 PM
ياسيكو يا حبيب
الريل بلاير بتاعي يبدو أنه مساااااااااااااااااااافر ، لذا لم استمتع بغناك الجميل
شانتير ، .. هو سفرٌ للإنكفاء على كتف التمرد .. فأنا أحمل امسي .. لذا لا بد من العوده
جندريه ، يا تراثيه ، معليش ، شفقناكم علينا ، و هكذا حال الأحباب
يا دريمز البورد الليموني ، ما زال (الكابتشينو) المعادل الموضوعي للدبرسة و السفر الخراب .. و المستحيل هو الرحيل على درب الزمن المغيب في تجاويف الهزيمه
منوت المسافر عبر كله ، أو بعض منوته
|
Post: #11
Title: Re: ساااااااااااااااااااااااااااااااااااااااااااااااااافر
Author: abuguta
Date: 05-14-2003, 06:19 AM
Parent: #10
اخى
منوت انشاء الله فى سفرك اموت
وياكلنى الحوت بس لازم الوطن يكون حاضر
تحياى ياخى واليك البلد المهاجر
البلد المهاجر
بلدا فيها نيل للموية دافر
وارضه مسطحة زى اوراق الدفاتر
تزرع تفتح فى الجداول
والخضرة زى ابتسامات البشائر
الحقول جابت ثمار
ما عرفنا الجوع والدمار
صدرنا للبلد البعيد والبلد المجاور
بس الليلة جاتنا المشاكل
منها الغيوم صارت تسافر
حتى الطيور هجرت وكور
عند المغارب والبواكر
ولو ولد طفلا جديد
يسال امه وين الجواز
عايز يسافر
عشان الزواج كان بالرسائل
وابوه لسع مهاجر
عايز الضمان كايس الامان
عايز ما يسمع دبابات العساكر
والامهات خرجن حفايا
وين البنيات الصغائر
حتى الجماعة صارت تهاجر
عشان ما تجمع من المغتربين
الضرائب وتكدس فى بنكوك
البلد المجاور
عشان السودان عايز يسافر
حتى النيل عايز يهاجر
وترك مجراه القديم
عشان حكومة العساكر
انا ذاتى داير اسافر
حتى للظلمات والدياجر
بس لمنو نترك المساكين الحيارى
المكافحين الضوامر
الما بعرف وين ينوم
غير رواكيب فى الهواجر
الما بملك رسوم الجواز
ولا بعرف حجوزات التذاكر
وشكرا
ابوقوتة
|
|