أحفاد أبكدوك وفاروق جبرة .. التوموا بالمرة
قبل البدء .. هذه العبارة قرأتها صباح السبت تعليقاً من الأمير / عبد الرحمن بن سعود رئيس نادي النصر السعودي في رد على سؤال أحد الصحفينن إن كان النصر يفكر في تسجيل أحد مدافعي الهلال السعودي الذين تجاوز عمره الخدمة الوطنية فأجاب : لايصح أن يلعب هذا اللاعب مع احفاده في نادي النصر .. يعني المقارنة بين عمره وعمر لاعبي النصر المعروفين بصغر السن . (الرياضية ، عدد السبت 10/5/2003)
ورغم أنني هلالي وهلالابي .. لكن جاءتني تلك الخاطرة وأن أتابع نتيجة هلال / مريخ وأسماء اللاعبين بالفريقين ففعلاً مقارنة أعمار فاروق جبرة وأبكدوك مع أعمار محمد علي وعمر بخيت وعلاء الدين وهيثم طمبل يعتبرون أحفادهم ..
ليلة المولد يا سر الليالي
يعني شنو ليلة المولد اذا كان جسكا عملها قبل أربعين سنة وسمعنا بيها سمع .. الحمص والسمسمية طعمها في المولد غير طعمها في باقي المواسم ..
بعدين ناس الهلال ديل كل مرة عاملين لينا طريقة يدخلوا لينا فيها أجانب يغلبونا بيهم بداية بالغندور والهدف المشهور وعبد الرحمن الزيد وقسيم الريد .. وعلي بوجسيم واللعب تقسيم .. ولا تنسى عدنان جنى حمد .. والحنبق في السوق رقد ..
يعني لازم الهلالاب يكون عندهم فقير مغترب .. < أعوذ بالله .. فقير شنو آ زول ..> ؟؟؟؟؟؟
عليك أمان الله ده شغل درافين نفسهم طويل ومافي أي تفسير .. أو تأويل ..
طيب خليني أفهم شوية >>>>> الــررررروب أير يو .. دي شنو .. جايبنو من بلاد الانديز ..
قصدك روبيريو البرازيلي .. داير تقول لي البرازيل فيها فقراء ؟؟ بنسمع إنهم سحرة السامبا .. لكن ده شغل كورة في الميدان ..
خلينا أن نقول فهمنا حكاية الروب البخليني أفهم الباقي شنو .؟؟؟.. وحتى الروب ده برضو عندوا معنايين ... الشي البشربو داك .. والبتظهر شُخـبُـو بيّـض وفيهو درارم صفر.. ولا التاني البخلي الجعلي يبلع الفأس بى عودو وما يجيب الكلمة دي في خشمو ..
بنقول للنجوم اصلوا البطل سواي
وما برجى الصغير يفتل معاهو الراي
أولاد بخيت جابو الخبر بى جاي
والشافع طمبل كسّـر كبابي الشاي
أوعى بالكم الشاي أحمر .. مجيّه مُو حَمار لون وبس.. بل حَمار .. ناقع في صفار
معليش يا أخوانا طولنا عليكم .. لكن أصلو المراضنين زينا ديل ما بسكتو ساكت
ممنوع الدخول : لمن يأتي ليقول لنا أن السودان ما فيهو كورة .. ديل من حجج التوالي الأسدي
ممنوع الدخول : لمن يأتي ليقول أن الحكم ظلم الفريق الفلتكاني
ممنوع الكلام .. إلا لمن يريد أن يتكلم .........؟؟؟؟؟؟؟؟؟ّّّّّّّّّّّّّّّّّّّّّّّ!!!!!!!!!!
هذا النصر .. إهداء خاص إلى روح الوالي الغالي في ذكرى رحيله الثانية 14 مايو 2003م
وببساطة أكثر عشان ما يزعل أخواننا المريخاب بنقول :ـ
جامعة الأحفاد تهزم كلية غردون التذكارية 2/0 وبس
http://www.sudanhosting.com/upload/protected/8s.jpg