على عثمان محمد طه .... وقرية الكرقاب

Quote: نقول للذين يظنون اننا رفدنا اهلنا وحابيناهم على بقية اهل السودان ليذهبوا الى قرية الكرفاب في شمال السودان وهي منطقة لا توجد على الخريطة وليروا من أين يؤتى لهم بالماء للاستحمام من الغبار الذي يكون علق بهم عند السفر، انها تجلب الىهم ليس من شبكة المياه وانما من مجرى الوابور الزراعي وبالصفيحة وسيكون تناول العشاء على ضوء الرتينة أو لمبة وهي نفس اللوحة التي وجدناها في دارفور وانني اتشرف بأن انتمي الى قرية هذه حالها»أ

هذا مقتطف من أقوال ذلك المنافق على عثمان محمد طه الابن العاق لشيخ الدجالين ... اذا كان المتشيخ على عثمان خرج عن طوع ولي نعمته حسن الترابي فانه ليس بمستغرب ان يترك اهله على هذا الحال .... سوال بريء جدا : اين ذهبت المال المنهوب من طريق الانقاذ الغربي ؟؟؟؟؟ لو انفقته عشرة بالمئة فقط لكان اهل الكرفاب في نعيم اليوم .... وحسب علمي سيادة نائب الرئيس متربي في حديقة الحيوان مقابل الهيئة القومية للكهرباء سابقا.... سوالي ليك يا محامي فاشل ماذا تعرف عن ذلك القرية لتتحدث باسمها ؟
ماذا يرجى من شخص بهذا المستوي .... اذا كان على قريته حاجد ماذا ترجوا منه السودان .... هذا المسخ ينظر الى جيوبه وحساباته في البنوك .... وشراء ضعاف النفوس وتقديم الرشاوي لتمرير مخططاته ... والوصول الى السلطة بأي ثمن ... حتى ولو على حساب معلمه وولي نعمته ..... ثم يتحدث عن قرى آمنه لا يعرف عنها شيء الا الاسم ..... لنرى وغدا لناظره قريب

بوش
ماذ تتوقع من علي عثمان أن يقول؟
أن كنت حقا من الكرفاب او ما جاورها فأودك ان تسأل عطا عم على عثمان بأركويت او القاضى السابق محمد سالم محمد سالم ابن عمه عن خيبات على الخبيث...
ان ما ألحقه على عثمان بأهله لهو أفدح من ان يتصوره العقل البشرى...
قبل عام أحتفل بسطاء السودان وفقراء الخرطوم عندما علموا ان الثعلب قد انفجر شريانه...
وفي بلد لا يشمت أهليه من موت او مرض العدو، أصيبت العاصمة بالحزن عندما ظهر الماكر على شاشة التلفاز من مشفاه بالأردن...
ولأول مرة يكره السودانيون الطيبون أناسا من طينتهم لهذا الحد الذى يتمنون فيه الموت لكلاب الجبهة ولصوص الأنقاذ..

الكلام لييييييييييييييك يالمنطط عينييك
*
**
***
حذر فذر دا يكون منو ياجماعة ؟؟
انت ما قلت اي زول بس ....م

انتو (2 مليار من مال على عثمان الخاص كان قد تبرع بها للاتحادات الطلابية التي يفوز فيها المؤتمر الوطني ونشرت في الجرايد هكذا )ما بتكفي لتوصيل الموية للقرية - قال اسما شنو؟؟-ولا 11 مليار قال انه رصدا لاعادة امتحانات الشهادة اللي اتكشفت تاني!!!!!ـ
ولا ـ ولاـ ولاـ
قت لي اشتروا ناي النهب المسلح بي كم عشان يقاتلو ا ليه الثوار؟؟؟؟

أبويسرا
أبوعثمان
ياسيكو
ودالعجمي
أليست هذه أحدى كافات النار

باق أخوكم طير صعيد

عزيزى بوش فى الحالتين كان كلا مك بيكون بنفس الطريقه
اقصد لو الاستاذ على عثمان محمد طه جعل من قرية الكرقاب
قريه نموزجيه زات خدمات متوفره من جميع النواحى لكنت قلت كلام كتير فى حق الرجل من ضمنه سرق قوت الشعب وبنا منطقة الكرقاب يعنى الرجل ما ريح يسلم منك فى كل الحالات وجميل جدا ما رفع شان الكرقاب لان السودان ومدن وقرى السودان كلها عنده سواسيه ولقد ضرب الرجل مثال جميل للتفانى فى حب الوطن

كنت أود أن أنفعك ياوليد بتصحيح أخطاءك الإملائية عاليه
لكنني خفت من ناس السياسة يقولوا علي انصرافي
والقائمين علي البورد يقولوا رحمة مافي
ومنك تجافي
وذلك لانها أكثر بكثير جدا من أن يحصيها عد
وشككت يا صديقي في انني لو فعلت فانك لن تنتفع بها لانني لا أثق من أنني سأفرغ منها قبل زوال الإنقاذ
وعندها
ألم فيك ويييييييييييييييين ؟؟؟

الاخ ابو علاء

سلام وتحية

شكرا ياغالي علىالمداخلة والتوضيح .... وربنا على الظالم


الاخ ابراهيم على .... اولا لك التحية وانت تباريني كده ولو ممكن توضح كلامك اكتر


الاخ المتألق فتحي لك التحية والاحترام
الى الامام ضد الظلم والظالمين .... وليل الظلم قصير .... والانقاذ زائل لا محالة



الحبيب ندوس2000 تحياتي يا عزيزي

يطرشني لو فهمته حاجة من كلامك

الاخ وليد 500 .... يعني ما نشوفك الا في محلات الضيقة زي دي .... عزيزي ... قالو ال ياكلو وحدو يخنق .... الزول سرق ونسى اهلوا كمان اها رايك فيهو شنو انت خليك من كلامي


ودمتم جميعا

لوووووووووول قال علي عثمان ضرب مثلا في حب الوطن قال!!! يا وليد500 عليك الله ما تفجر فيني شرياني . عليهم اللعنه

شوف يابوش انا وراك وراك لمن تديني معاك من المعلوم
لووووووووووووووووول انا والله بهظر معاك بس شوية كده خفف النبرة وحدتها

up

وليد مليار

يا خي أنا سألتك قبل سنة وشهر بالضبط وقلت ليك عليك الله وخسمتك بالرسول وكل قيادات الجبهة توريني إنك شغال شنو؟؟؟

وشايفك برضك معصلج ما عارف ليه
عليك النبي وكان بتعز شيخ حسن أو البشير وريني شغال شنو.
عليك الله كا ماوريتني

وخسمتك بشيخ حسن ماتكب الزوغة.

الشماسى
وحياة شيخى حسن ما شغال مع ناس حسن
وبعدين انت عاوز تربط شغلى وبقناعتى بالناس ديل ليه
ياسيدى وعشان ترتاح وتريحنى معاك انا شغال فى شركة ال قسم السيد للاستيراد والتصدير اها رايك شنو؟؟؟؟؟؟؟؟؟؟

وليد يديك العافية ويسكنك الصافية
لو ماك ساكنا

قلت لي بتاع استيراد وتصدير
والسنة الفاتت بتطالب في الناس بالعودة للسودان
دايرنا نرجع عشان نشتغل موظفين بخمسمائة ألف جنيه
عليك شيخ حسن قسم لي الخمسمية ألف ديل بين الإيجار والكهرباء والموية وما تنسى الجمرة الخبيثة ، وحق الرغيف والخضار والملاريا والمواصلات .
شفعنا ما دايرين نقريهم حيشتغلوا يبيعوا ليمون وأكياس.
عليك الله قسم لي ماهيتي دي وخليها التظبط وبكرة علي اليمين أجيك ناطي ودقني للصرة وسبحتي ثلاثة أمتار وشايل شنطة تمكننا.
رايك شنو.
لكن ماقلت لي اسم الشركة بتاعتكم.
ما تخاف أنا ما من ناس الضرايب

أول صحيفة سودانية تصدر عبر الإنترنت من الخرطوم - أسسها خالد عز الدين و محمد علي عبد الحليم


--------------------------------------------------------------------------------

رئيس التحرير: طارق الجزولي



[email protected]




Last Update 24 June, 2003 10:28:53 AM

أكد ان البندقية لن تكون وسيلة لانتزاع الحقوق

النائب الاول يحذر: الانقاذ ستقاوم من يحاول تحرير شهادة وفاتها


النائب الأول لرئيس الجمهورية

مروي: الصحافة

أعلن النائب الاول لرئيس الجمهورية علي عثمان محمد طه ، ان الانقاذ لا تدعي انها بلا اخفاقات ، ولكنها ستقاوم من يحاول كتابة شهادة وفاتها.

وحذر الذين يحاولون جر البلاد الي الماضي بكل صوره القبيحة ودعا الي شراكة عادلة مع الاخرين. وقال طه لدي مخاطبته احتفالا جماهيريا اقيم امس بالقرية 3 في مدينة الملتقي القريبة من خزان مروي ان مشروع السد وما انجز منه خاصة مدينة الملتقي يقدم نموذجا طيبا في البذل والعطاء كما بذل من قبل اهالي حلفا الذين ضحوا من اجل مصلحة وطنهم والاشقاء في مصر.

وذكر ان القرية ضربت المثل للاخرين في ان الارض كلها وخيراتها لابناء السودان جميعا دون تنازع او عصبية ولا قبلية . موضحا ان هذه المعادلة تسعي الحكومة لتأسيسها من خلال مفاوضات مشاكوس حتي تكون المشاريع القومية لصالح عموم اهل السودان علي ان يكون لاهلها نصيب منها.

واضاف ان خزان مروي سيوفر طاقة كهربائية لكل اهل السودان وزاد ولم يقدم لنا اهلنا في الشمالية مطالب حول كيفية التصرف في هذه الثروة القومية.

واكد النائب الاول ان البندقية لن تكون بعد الان وسيلة لانتزاع الحقوق .. ووصف الذين ينتهجون هذا الاسلوب بانهم نهابون وقطاع طرق .. وقال ان الحكومة لا تعترف بالنهابين وقطاع الطرق ولكنها تعترف بالمنطق والحجة والعدل . وفي اشارة الي متمردي دارفور الذين يحملون السلاح.

واضاف طه ان الانقاذ لاتدعي انها بلا اخفاقت ، ولكنها لن تقبل وستقاوم كل من يحاول كتابة شهادة وفاتها لاننا احياء وقادرون علي العطاء... وعلي الذين يريدون ان يجرونا الي الماضي بكل صوره القبيحة نقول لهمن : افيقوا واعطوا فرصة للشباب لكي يقول كلمته في بناء السودان الجديد ولا تقيدوهم في سجون الماضي او اقبية التاريخ...

وتابع : اننا نثق في انفسنا ونمد يدنا ونتعامل مع الاخر ، نأخذ ونعطي في حوار يحفظ الاحترامن ويحفظ الذاتية والشخصية القومية، ونعمل من اجل شراكة عادلة بيننا وبين الاخرين، تقوم علي قيم التراحم والتواصل ولكن لابد ان يعلم الاخرون اننا لسنا صفرا ، فنحن بخيرنا ومواردنا وبانساننا وشبابنا ، وبخدمتنا واجهزتنا الفاعلة.

وكان النائب الاول قد زار مدينة الملتقي امس في اطار الاحتفال باستقبال الفوج الاول من المتأثرين بانشاء مشروع سد مروي ، وتفقد البيارة ومحطة الكهرباء وقنوات الري والمباني السكنية وبعض المواقع الخدمية.

عمري ما سمعت زول قال بيحب على عثمان محمد طه

بالله اللي بيحيوا بالجد يرفع ايدو

وليد
أرفع إيديك الاتنين

بوش ياخي أنت وين كدي بقت تطلع في القديم ..الجديد عندك شنو .. علي عثمان بقي ‏يتحدي عديييييييييل كده وبحمرة عين ..لكن الزول دا بقي يمشى بعكاز ما لو وكمان ‏قرب يقع في لقطة كده اثناء الاحتفال ولا تكون دي لعنة العراب الشيخ الكبير عليهو لانو ‏عاقه . ‏