ياشباب نحن عايزين ننفصل....... رايكم شنو

الجزيرة

انى محييكم ياعقولنا النيرة
مرحبا بكم فى ذكرى الجزيرة
واصالة كمنت فى تلك البقاع
فباقية ما بقيت شمس الظهيرة
وبساط موشى للجلوس والممشى
وزغرودة ام عند الضريرة
فانحدر الازرق من تلك الهضاب
بصوته الهادر عند الدميرة
كانه اخت تزف اخاها
ترقص فرحا تحمل الشيلة
والابيض الوادع يسير الهوينى
فى ليلة زفافه لبس الحريرة
فكان العناق عند الخرطوم
وموعد الحب وموكب السيرة
فتدفق الماء فولدت الخضرة
واكتمل الجمال فى بنت مهيرة
فكانت الدنيا وتكون الكون
ووجدت بحار واناسى كثيرا
فصارت قارتنا فى قلب عالمنا
وفى قلب افريقا سودانا شهيرا
وقلب المرء ما دام فى الصدر
فكل الدنيا قد صارت جزيرة

ابوقوتة

كلام جميل زي اهل الجزيره
لكن يااخوي ننفصل كيف وقد كتبت كلاماتقول فيه

فصارت قارتنا فى قلب عالمنا
وفى قلب افريقا سودانا شهيرا
وقلب المرء ما دام فى الصدر
فكل الدنيا قد صارت جزيرة

لذا نحن لن نفصل لاننا كل الدنيا
لك تحياتي اخي
ولكل اهلي الحنان اهل الجزيره


بت الجزيره

مشكورة يابتنا على الطلة.
انا كنت قايل براى من الجزيرة لكن الحمد لله الطلعو لى اهل
انا لو قلت لشباب البورد الحلوين ان الجزيرة هى الاصل والفصل والبذرة والشتلة والشاية والراية والسقدة واللقدة والتقدة بقمومو يقولو لينا اها ياهل العوض انتم ماعرب وبتاعين روب وحلبة وصرة وحاجات تانية مكيفانى.
لكن هذه القصيدة قيلت فى الهند حيث اتحاد الطلاب والروابط والتنافس الشريف:-
اما من حيث المبداء فانا رجل وحدوى كما يقول العقيد جون قرنق عن نفسه.
لانى لا احب الانفصال
حتى بين الجلابية والعمة والشال
والبس العراقى والسروال
واتمنى ان ارى وطنا مثال
ومافى جنوب بدون شمال

نكة
كان معنا اخوة جنوبيون طلعو بيان عن تقرير المصير والشباب الشماليون فهموه غلط وقامت شمطة حصل فيها كلاش وبعد زمن قابلت اخونا ميون (له من الف تحية) وقلت ليه يا ميون نحن عايزين ننفصل قال انتو منو قلت:- ليه نحن ناس الجزيرة قام قال لى والله الا تاكلو كطن (قطن)
ومشكورة مرة اخرى
ابوقوتة