Post: #1
Title: قرأت لكــم
Author: solara
Date: 05-09-2003, 10:07 PM
..
.
في الموسيقي......
ترحل السفن الملونه..للفراديس
بالمساكين و اليتامي
ويستعر لهب النبيذ....
ويبتهج عرق ...الحزاني.....
ويرقص الجن المصرم و تهدأ احوال القيامه...
.......في الموسيقي
تنصر الثوره الغبش ..و قوس قزح...
يضحك و يلون للشمس من الدغش
ويصبح الزمن... القديم حاضر معاصر
ويمسخ الشعر الموسد
ويهزم الصبر المدافع ..و يقوي ايمان المدافع
في الوسيقي........
شئ بخسو وما ببين
زي فره بجناح الحلم ..او رفه في الرمش اليمين
زي ضحكه من قلب السماء ..او اه من عمق السنين
......في الموسيقي
يسقط الزيف من تهاويم الحضاره
والمناجم جوه جوه......تغلي بي فرح البشاره
وتلمس ايات المصاحف رنه اوتار الاناجيل و النصاري
هاشم صديق..من الزمن و الرحله
1975..
تحياتي
Solara....
|
Post: #2
Title: Re: قرأت لكــم
Author: solara
Date: 05-09-2003, 10:53 PM
Parent: #1
..
.
كتير بتجد ان الموسيقي ممكن تخاطبك احسن من اي كائن....
كتير ممكن تجد احاسيسك فيها و انت بتغني و انت بتستمع...
لكن اي شي مزاج استماعك للموسيقي في حال انصاتك انت بس مستعد للتركيز لا غير..ممكن تكون بتفكر في اي شي ......فعلا الموسيقي غذا الروح....
بالذات للناس البحبو الخلوه بنفسهم .....
مهما كان السبب ممكن تكون حزنان و لا فرحان او عندك احساس بالوحده او حتى محبط....
..
.
|
Post: #3
Title: Re: قرأت لكــم
Author: بت قضيم
Date: 05-10-2003, 02:39 PM
Parent: #1
سولارا
سألت عنك اليوم لاني افتقدتك جداً
اينك مسجلة غياب؟؟؟
مع اني ما متابعة الفترة الاخيرة بتركيز
بركة الشفتك طيبة
وشكراً على البوست الرقيق
|
Post: #4
Title: Re: قرأت لكــم
Author: solara
Date: 05-12-2003, 07:44 PM
Parent: #1
..
.
تبلد الحس و العواطف
هذا ما يتنافس عليه الان الناس..
مسابقه من الذي قلبه اقسي..........؟
اي شي ما بقي ااثر فينا مهما كان...
مصيبه,عزيز اتوفي لينا,كارثه ,حريقه.....ه
يا كافي البلا الحنيه زاتا مافي
.....
...
..
.
أعزائي......يفقد الانسان اعز احبائه..
في لحظه....
عن نفسي لا اعرف ما اعبر عنه في هذه اللحظه..
احساس صعب تكون متعرف على انسان في قمه الجمال تخليهو مده بسيطه تلاقي الدنيا انقلبت عليهو....وبينت ليهو اسنانا
بكره بالكتير بعدو اتنسي...
نرجع و نقول ده اصلو ما حال الدنيا..
..
|
Post: #5
Title: Re: قرأت لكــم
Author: solara
Date: 05-12-2003, 07:49 PM
Parent: #1
..
.
بت قضيم..(ست البنات)...ه
ما تفقدي عزيز ان شاءالله سؤالك يكفيني
ولله الحمد عايشين نحمدوه لكن الدنيا شغلتنا...
ان شاءالله تكونو كلكم كويسين و شكرا ليك يا عزيزتي
تحياتي
Solara....
|
Post: #6
Title: Re: قرأت لكــم
Author: solara
Date: 05-12-2003, 08:49 PM
Parent: #1
..
.
أصبح لدينا شرخ عميق..
لا بيدده دمعه ردماديه و لا يزيله ضحكه....ولا يضمده كلمه
ولا ادري ان كان هناك اصلا دواء يوقف نزيفه
جرح متقيح نتن.....
وزاده الزمن ألم.......
خبيث...كان مزيف في البدايه..غير مرئي
حتى اصبح يعيش في دواخلنا...اشبه للطفيليات..
يمتص منا ما اكتزناه...حتى الذكريات..
|
Post: #7
Title: Re: قرأت لكــم
Author: solara
Date: 05-12-2003, 10:18 PM
Parent: #1
..
.
مساحه حره....للنفس
مربع محدد..وانت بداخله لا يسمح لك بان تتجاوز خط من خطوطه
ومساحه حره....للنفس
تعابير مكتومه....وحزن مدفون و غبينه
لحظه الصدق بقت مفقوده.....
بس الله كريــــــــــــــــــــــــــــــــــــــم
|
Post: #8
Title: Re: قرأت لكــم
Author: Rose
Date: 05-12-2003, 10:25 PM
Parent: #1
الغالية سولارا...
سلام مربع ، ومعاه أجمل وأعذب نغمات موسيقية
يعني بعد الكلام الموسيقي الجميل اللي ذكرتيه ، مالك قلبتيها نكد كده؟
رغم كل الرمادية وأحيانا السوداوية التي تكتنف حياتنا ، يبقى دائما أمل أو حلم جميل ننشده ، وقد تأني عليناأحيانا لحظة معينة نحس بأن الدنيا رائعة ولا أعذب ولا أجمل ، فابحثي عزيزتي عن الشيء الذي سبق هذه اللحظة المعينة بالتأكيد ستجدي إما إيمان صادق ، أو حب صادق أو كلمات صادقة أو ... أو ...... أو موسيقى عذبه .
لك خالص ودي
|
Post: #10
Title: Re: قرأت لكــم
Author: HAMZA SULIMAN
Date: 05-12-2003, 10:39 PM
Parent: #8
يا سولارا
لك منى السلام
الاحساس بالجمال تنبئه الوطنيه اى الاحساس بمدارك البيتى
الكبير والصغير وما تتخلله من تفاصيل حياه يوميه صغيره وكبيره
الموسيقى اثيريه اصواتها والوانها تتخلل المسام عند الاستماع
حقيقى عندما اغنى بحس بى الاكتفاء من كل شى
وعندما اخلو بنفسى واسمع موسيقى احس بى اشتهائى للغناء
اعمل شنو كلمينى يا سولارا
|
Post: #9
Title: Re: قرأت لكــم
Author: بت قضيم
Date: 05-12-2003, 10:30 PM
Parent: #1
لا ادري لماذا اصطبغت كلماتك بهذا الحزن اليوم
ولو اني اشعر بتكييف معك لا عادي
يجعلني احس اني لي رغبة شديدة في البكاء والجوعير
كما الأطفال الذين وحدهم إن بكوا لما تسرب الشك في النفوس أن هناك ضعف ما
ولا امتدت مع دموعهم الف يد ويد ترغب في استثمار حالة حزنك ،،، لمشروع رابح جميل
انا لا احزن لمن يموتون
بل احزن اكثر على من يحمل هوية الحياة وهو في الأصل لا يدركها ولا يشتم الفرق بين شتاء وخريف وربيع وصيف حراق
متى التقيه ذاك الحب الأبدي؟؟؟
الله اعلم
تسلمي من كل شر وحزن يا سولارا
|
Post: #11
Title: Re: قرأت لكــم
Author: solara
Date: 05-13-2003, 08:22 PM
Parent: #1
..
.
والله ليست سوداويه والوان كحليه.....مني.
وبمناسبه السوداويه اتذكر لي شخص عزيز كان مسميني ابوالعلاء لاني متشائمه؟؟؟؟!؟؟؟
كل مافي الامر هو فقد انسان بتعزو جدا في لحظه...بدون سابق انذار
وتكون باني معاهو أمال جميله...لكن هذا هو القدر..وهذا ما امر به يا عزيزتي...
تحياتي لك وشكرا يا
Rose....
|
Post: #12
Title: Re: قرأت لكــم
Author: بت قضيم
Date: 05-13-2003, 08:52 PM
Parent: #1
وهناك من الأحاسيس ما لا يدركه الإنسان ولا يتخيله لذا يحسب أن مصابه أكبر من الاحتمال
فلما يجد مصيبة غيره يهون عليه مصابه كما تقول الحكمة
ولو أن لكل حكمة وجها يغاير وجهها الآخر وينافقه
فنفس الحكمة قد تزيد جوفنا متراً إضافيا للداخل فتزيد الهوة بين الوجه والقلب،،،
إذا رأينا مصائب غيرنا ومعها لم تهن علينا مصائبنا بل ارتفع سلمها
إما انانية منا أو إيثارا وبؤسا
ونكدا وسوداوية على رأيك يا سولارا
عندما تفصحين عن الحزن يتساءلون لماذا لا تتفائلي
وفي رأي أن شعور الحزن شعور متوحد معه يصعب رؤية أي الوان إضافية
الاعتيادية على الحزن تولد الشعور بالسكن معه وبالتالي التعايش ولا مجال هنا لأي سوداوية،،، فالعين البصيرة هي من تعتاد الرؤية في الظلام
|
Post: #13
Title: Re: قرأت لكــم
Author: solara
Date: 05-13-2003, 08:56 PM
Parent: #1
..
.
Hamza
تحياتي اولا...
رجعنا للنغم الموسيقي كل ما اشوف واحد موسيقي اتحسر لانو للاسف كان عندي ميول موسيقيه كبيره لكن اضمحلت مع الزمن..
الغناء و الموسيقي مرض يا استاذ حمزه وادمان عديل كده...
والزيكم ما بقدر اعيش بدونها....
انا عجبني كلام (هاشم صديق)شديدعن الموسيقي...
تحياتي و كل سنه و انت طيب و كل مولد و انت سالم
|
Post: #14
Title: Re: قرأت لكــم
Author: KOSTA
Date: 05-13-2003, 09:18 PM
Parent: #1
سولارا
شكرآ على التناول الحزين جدآ للحياة
اضيف
اننا فقدنا الاحساس بطعم الفرح
و لم نعد نجده او نحسه حتى و لو تجسّد واقفآ امامنا
جينات الفرح اصبحت متنحية لسيادة الحزن الرفيع
فولد جيل اكل من مأدبة الحزن
و شرب من ينبوع البؤس
|
Post: #15
Title: Re: قرأت لكــم
Author: solara
Date: 05-13-2003, 09:24 PM
Parent: #1
..
.
بت قضيم..
الحزن شعور متوحد لا ينافسه اي شعور اخر
يحجب عنك اي رؤيه و اي منفذ واي فتحه تطلين بها للخارج
عارفه انا اتاكدت من حكايه التعايش مع الحزن بطبيعه الحال يميل الشخص(انا)للعزله قد لا يكون معنى هذا اني انطوائيه او حزينه او و لكن طبيعتي جعلتني احب الخلوه..
بشعور لا ارادي بقي عندي نوع من الحزن المزمن بقيت اتعايش معاهو..
........
ولكن لا ادري ان كنت بصيره...
ومجرد ردك هذا تذكرت ركن المحبطين......وعندما رايت ردك بانك متكيفه للكلام..........
والله اعترف لميولي النكديه احيانا و لكن طالما كانت تتفاعل بالداخل...لا تخرج خوف من الاشعاع النووي
شخص ما قال لي ان الانسان يقاس بمدي حزنه.....
ولكني لا اعترف بمعني هذا الكلام على قولك..من شاف مصيبه غيرو تهون عليهو مصيبه نفسو
والموت ما مصيبه الموت حق على الخلق .....
...
..
.
موضوع استثمار الدموع ده كيف معاك يا ست البنات...
روز و بت قضيم كلو سنه و انت طيبين...
واقول ليكم نفسي في حلاوه مولد...........الله اجيب لينا زول من السودان بس
|
Post: #16
Title: Re: قرأت لكــم
Author: solara
Date: 05-13-2003, 10:08 PM
Parent: #1
..
.
عفوا
افسدت لحظه الفرح الموجوده.....
..تذكرت درس اخذته في الاحياء عن النباتات و السياده التامه و المتنحيه.....ولو ان التنحي اتلغي نهائي و بقت السياده ظاهره وانعدمت الطفره الجينيه...
وارجو اني لم افتح هذا الموضوع لانه يجر سلسله طويله من الالم كما ان اهداء الابيات الموسيقيه اتلغى.....
والله نحن برانا تناسينا ...
لكن منو البشجعك ...الناس ملهيه كلها
والحياه ليست بالياس ده.......والله الحياه جميله و ممتعه
بس كيف نحن نقتنع.....
نحن زاتنا بنجيب لروحنا النكد...
هي موجه كده و حتعدي ان شاءالله بس قولو يا لطيف..
|
|