Post: #1
Title: الحصة التانية - محفوظات
Author: Ahlalawad
Date: 05-06-2003, 11:23 AM
Parent: #0
هذه دعوة للمخضمرين والقدامى للتسميع .. توجد لجنة لرصد الدرجات - وواحد يتبرع يجيب السوط - وحا نبدا من سنة تالتة التي تاكل الكسرة البايتة
برز الثعلب يوما في ثياب الواعظينا
ومشى في الأرض يهدي ويسب الماكرينا
ويقول الحمد لله إله العالمينا
يا عباد الله توبوا ، فهو كهف التائبينا
واطلبوا الديك يؤذن لصلاة الصبح فينا
فأتى الديك رسول من إمام الناسكينا
عرض الأمر عليه وهو يرجو أن يلينا
فأجاب الديك عذراً ، يا أضل المهتدينا
بلغ الثعلب عني ، عن جدودي الصالحينا
من ذوي التيجان ممن دخل البطن اللعينا
مخطيء من ظن يوما أن للثعلب دينا
|
Post: #2
Title: Re: الحصة التانية - محفوظات
Author: قرشـــو
Date: 05-06-2003, 11:31 AM
Parent: #1
حبيبنا اهل العوض
لك التحية والحب
ياخوى والله انت بالغت عديل كده
يعنى معقول نحن يكون فينا راس يحفظ الكلام القديم ده ياخى
تعرف لم يتبقى غير شذرات من ذلك تكاد لا تكمل ابياتها اصابع اليد الواحدة منها
دجاجى يلقط الحب ويجرى وهو فرحان
اوووووك
ما قلت ليك ما فضل راس ياخى
لك تحياتى
|
Post: #3
Title: Re: الحصة التانية - محفوظات
Author: Ahlalawad
Date: 05-06-2003, 11:35 AM
Parent: #1
العمدة أطلع برة ، ما حافظ – خمسة سيطان – أربعة ورا
دجاجي يلقط الحب ويجري وهو فرحان
ولي ديك له صوت جميل اللحن رنان
كأن عيونه خرز له في الشمس ألوان
وعند الفجر يوقظنا وطول اليوم شيطان
|
Post: #4
Title: Re: الحصة التانية - محفوظات
Author: almulaomar
Date: 05-06-2003, 11:41 AM
Parent: #1
أخي أهل العوض بمناسبة برز الثعلب يوما في ثياب الواعظينا أحد أبناء بحري تم تسجيله في فريق الأملاك ولعب مباراة تألق فيها فكتبت عنه الجرائد ما لم يكتب مالك في الخمر وأنا بصراحة ما عارف مالك كتب شنو على كل صاحبنا لملم الجرائد من سوق بحري كلها وجا عاوز يقبض بينا الجو ، أها لي التعترو في واحد مسيخ تقول موية ترمس عديل كده قال ليهو قلت مكتوب شنو في الجريدة صاحبنا يملؤه الفخر والنفخة قال ليهو أقرأ يا وهم أهو كاتبين وقد برز ..... صاحبنا قال ليهو يا أخي الثلعب برز يعني شنو.
---
أما أنا ففي روضة ست وداد ما كان بدونا زي المحفوظات دي لذلك أمتنع عن التصويت وأترك الكلمة للزميل قرشو
|
Post: #5
Title: Re: الحصة التانية - محفوظات
Author: Ahlalawad
Date: 05-06-2003, 11:46 AM
Parent: #1
يا ملا عمر
أنت والناس السغار كلهم اقيفوا لينا صف وانت خاصة عليك أن تجيب السوظ ، عند الضرورة ، وإن لم تجد السوط فعليك بالعوير وأغصان الكتر
ذلك لأنك وانت في روضة ست ليلى ما أدوكم الحاجات العتيقة دي .. لكن سمع لينا من محفوظات ست ليلى . برضو اللجنة بتفهم
|
Post: #6
Title: Re: الحصة التانية - محفوظات
Author: Ahlalawad
Date: 05-06-2003, 11:54 AM
Parent: #1
أنت سوداني وسوداني أنا
ضمنا الوادي فمن يفصلنا
نحن روحان حللنا بدنا
منقو قل لا عاش من يفصلنا
قل معي لا عاش من يفصلنا
ها هو النيل الذي أرضعنا
وسقى الوادي بكاسات المنى
فسعدنا ونعمنا هاهنا
وجعلنا الحب عهدا بيننا
أيها السودان دم أنت لنا
واسقنا من نيلك العذب اسقنا
وابعث العزة في اشبالنا
واحفظ الشيب كراماً بيننا
يتغنون بأنغام المنى
سوف نحمي دائما سوداننا
ونزيح الستر من هذا الضنى
ونغني بعد ذا من لحننا
ليس يرضى الحر يوماً بالضنى
أيها السودان دم أنت لنا
|
Post: #20
Title: Re: الحصة التانية - محفوظات
Author: أبو شهد
Date: 05-07-2003, 00:09 AM
Parent: #6
سلام يا أهل العوض لك التحايا رغم أني متهمك بأنك ما جمعت كتاب المحفوظات وقاعد تكتب لينا منه .. وعشان تثبت العكس أكمل ما يأتي
(1) رأى الغراب جبنة في دار لبعض قوم من ذوي اليسار
(2)مالي أراك حزينة هكذا يا حمامة
(3)أبو مركوب
(4) عابد الذهب
(5) قد كان عندي طائر
وإذا حليت هذا الامتحان تكون اتأهلت للامتحان البعده وهو من سؤال واحد من هم المليون شهيدبالجزائر
|
Post: #7
Title: Re: الحصة التانية - محفوظات
Author: بدرالدين شنا
Date: 05-06-2003, 12:37 PM
Parent: #1
بسم الله الرحمن الرحيم
المعتق أهل العوض
سلام وإحترام للمخضرمين
إنت أقعد نكت لي في القديم لمن يلم فيك جردقة البوشاني يفرتك شرايطك
إنت عارف أنا مرة إشتكيت لي طالب للأستاذ لأنو كان بردد في محفوظة (ديكي بدري) وأنا قايلو بنبّذ فيني
لي قطة صغيرة سميتها سميرة
تنام في الليل معي وتلعب بأصابعي
وذيلها الطويل .. وذيلها الطويل
وذيلها الط ..تاني شنو يا أستاذ؟
أستاذ عاين داك يرفرف لي
|
Post: #8
Title: Re: الحصة التانية - محفوظات
Author: Ahlalawad
Date: 05-06-2003, 12:59 PM
Parent: #1
يا بدر الدين – اطلع برة خمسة جلدات – خمسة ورا (الخامس لشد الجلابية) ولو عندك ردا اربعة ورا
لي قطة صغيرة
سميتها سميرة
تنام في الليل معي
وتلعب في أصابعي
وشعرها جميل
وذيلها طويل
لأنني أحبها
ولا أريد ضربها
بعدين البرفرف داك قدمو بكرة في الطابور حت لو يكون الرحمابي أو جردقة زاتو
|
Post: #9
Title: Re: الحصة التانية - محفوظات
Author: Raja
Date: 05-06-2003, 01:03 PM
Parent: #1
علمي انت رجائي
انت عنوان الولاء
انت رمز للفداء
انت رمز للوفاء
لونك الأخضر زرع وازدهار ونماء
لونك الأبيض رمز لسلام ونقاء
لونك الأسود وجه السايقين الأقوياء
لونك الأحمر رمز لدماء الشهداء
كم فؤاد هام فيك وحبيب يصتفيك
لم نعش ان لم نفتديك
.....
خالدا طول البقاء
العزيز أهل العوض، يتخيل لي احتاج لجلدتين لأني نسيت البيت الأخير
رجاء
|
Post: #10
Title: Re: الحصة التانية - محفوظات
Author: Ahlalawad
Date: 05-06-2003, 01:14 PM
Parent: #1
العزيزة رجاء ، كان يسعدني أن أقول لك عشرة من عشرة ، لكن أترك الحكم للجنة . ولا جلد عليك حسب ظني ، بل على اللجنة أن تنظر في التعديل الذي أدخلتيه حتى تلبس هذه الأنشودة علمنا النميري الجديد . حيث أننا أدونا ليها كما يلي
لونك الأخضر زرع
لونك الأزرق ماء
لونك الأصفر أرض يفتديها الأوفياء
وبعدين
كم فؤاد هام فيك
وشهيد يرتديك
لم يمت من يفتديك
خالدا طول البقاء
|
Post: #11
Title: Re: الحصة التانية - محفوظات
Author: Raja
Date: 05-06-2003, 01:17 PM
Parent: #1
العزيز أهل العوض
شكرا، لكن اظن ما ذنبي لو قريت الابتدائي في زمن نميري، بالمناسبة هذا يعني انني ما زلت صغييييييرة
ابدا والله هذه هي الألوان التي اعطونا اياها وبالمناسبة كان نفسي أرفق اللحن فقد كنت متخصصة في تلحين المحفوظات.. صوتي ما حلو بس كان عندي ثقة شوية
دمت
|
Post: #12
Title: Re: الحصة التانية - محفوظات
Author: ود عقاب
Date: 05-06-2003, 01:21 PM
Parent: #1
نحن ان اشرق صبح نترك النوم ونصحو
ثم نمضى فنصلى ان تقوى الله ربحو
ونحيا ابويا فرضا الاباء فتحو
ولنا كل صباح امل فى الله سمحو
يااهل العوض انا داير الدرجه الكامله ان شاء الله كيس دقه او ملوص
الملوص دا عندنا العجور بالشطه
ودعقاب
|
Post: #14
Title: Re: الحصة التانية - محفوظات
Author: Ahlalawad
Date: 05-06-2003, 01:31 PM
Parent: #12
ود عقاب
شكيت محنك على الله
انت حافظ آ سايب
معليش عفيناك المرة من الجلد
بنديك طباشيرة ملونة
أمش شيلا من العمدة دا
أختار اللون العاجبك
أسمع - طباشيرة واحدة بس ، سامع؟
|
Post: #13
Title: Re: الحصة التانية - محفوظات
Author: zola123
Date: 05-06-2003, 01:22 PM
Parent: #1
ياخوانا البرجلة العلي الليلة شنو
ما عارفة اكتب بوست زي الناس
المهم
القصد نقول
ناس البورد مالهم الايامات دي مواضيعهم مدرسة وروضة ومحفوظات
نسيمه شنو؟
واحلى حاجة في الموضوع انها قصص وحكاوي من ازمان عجيبة
تكون زمن فحتوا البحر يا ربي؟
تحياتي
زولة123
|
Post: #15
Title: Re: الحصة التانية - محفوظات
Author: شرووم
Date: 05-06-2003, 01:33 PM
Parent: #1
اهل العوض مقيل العافية انشاء الله
ده شنو يا زول بحتة الكلام ده من وين ،،،، ياخي بالغت عديل ،، قدر ما نحت راسي ونفضت غباره ما لقيت لي قصيدة كاملة بس بجتهد معاك
هاك من تالتة :
بلدتي بلدتي بهجة النظر
اي منظر فيك لايسر
كل ساعةانظر الرباانظر الشجر
........... اظنها كانت كدا ،،،،،
وهاك دي من رابعة :
تدفق ايها النيل
وفيض بالخير والرزق
وطوف بالزرع عطشانا
وروي حقوله واسقي
.
.
.
.
والله راحت زي ماهي
وهاك من خامسة :
* صباح الخير مدرستي مدرستي
صباح الخير والنور
اليك اشتقت في امسي
* بيض الحمائم حسبهن اني اردد سجعهن
.
.
يطفئن حر .... بغمسهن رؤوسهن
عوووووووك خلاص راح كل شي بس بقى الاطلال
ولك تحياتي
شرووم
|
Post: #16
Title: Re: الحصة التانية - محفوظات
Author: Ahmed satoor
Date: 05-06-2003, 03:24 PM
Parent: #15
اهــل العوض وكل الحلـــوين
غايتــــــو نحن فى كمبـــونى ماشـــفنا شيى من ده.
|
Post: #31
Title: Re: الحصة التانية - محفوظات
Author: doma
Date: 05-07-2003, 08:20 AM
Parent: #17
استاذاستاذ ورورووك داغشاش عنده بخرات بالقصائد كلها لما شافك اكل منها جزءوجزء جدعوا بالشباك
|
Post: #18
Title: Re: الحصة التانية - محفوظات
Author: حسن الجزولي
Date: 05-06-2003, 10:27 PM
Parent: #1
الولد يحاكى اباه
________________
قالها شاعر مصرى
__________________
مشى الطاؤس يوما باختيال
فقلد شكل مشيته بنوه
فقال : علام تختالون ؟ قالوا
بدأت به ونحن مقلدوه
فخالف سيرك المختال واعدل
فأنا ان عدلت معدلوه
وينشأ ناشئ الفتيان منا
على ما كان عوده ابوه
--------------------
يا اهل العوض ياخوى مالك تثير فينا مثل هذه الشجون .. طبعا ولا جلده واحده , لانو الحفظ ميه فى الميه!! .. ولى قدام
|
Post: #19
Title: Re: الحصة التانية - محفوظات
Author: حسن الجزولي
Date: 05-06-2003, 10:28 PM
Parent: #1
الولد يحاكى اباه
________________
قالها شاعر مصرى
__________________
مشى الطاؤس يوما باختيال
فقلد شكل مشيته بنوه
فقال : علام تختالون ؟ قالوا
بدأت به ونحن مقلدوه
فخالف سيرك المختال واعدل
فأنا ان عدلت معدلوه
وينشأ ناشئ الفتيان منا
على ما كان عوده ابوه
--------------------
يا اهل العوض ياخوى مالك تثير فينا مثل هذه الشجون .. طبعا ولا جلده واحده , لانو الحفظ ميه فى الميه!! .. ولى قدام
|
Post: #21
Title: Re: الحصة التانية - محفوظات
Author: Tumadir
Date: 05-07-2003, 01:17 AM
Parent: #19
غنمى طرعى
|
Post: #22
Title: Re: الحصة التانية - محفوظات
Author: ولياب
Date: 05-07-2003, 04:54 AM
Parent: #1
أهل العوض والرفاق وكل صديق هنا من الناس الكبار شويتين ، جاكم السلام ،،، وهاكم نشيد قبل الفطور
===============================
يوم حاربناك يا جهل
بعزم من حديد
أيها الجهل المخيف المعتدي
طال مثواك بهذا البلد
لن يظل الشعب مكتوف اليد
ووداع ووداع أبد
كل جيل سوف ويغني ويعيد
يوم حاربناك يا جهل
بعزم من حديد
|
Post: #23
Title: Re: الحصة التانية - محفوظات
Author: ود عقاب
Date: 05-07-2003, 06:27 AM
Parent: #1
عساكم عافيه شباب
سنه تالته
انا الصبى الصغير انا فتى المستقبل
انا لخير بلادى ولنصرها سوف اعمل
فعلمونى فعقلى للعلم والدرس يقبل
فالعلم للعقل نور والعلم شى مفضل
سنه رابعه
اننى طفل صغير اتخذت العلم نورا
ياترى ماذا اصيرو عندما اقدو كبيرا
هل ترى اقدو طبيا ام وزيرا
ام طرى اقدو سفير او صحافيا شهرا
سوف اسعى غير وانى اطلب العلم الكثيرا
رانى نيل الامانى عندما اقدو كبيرا
سادسه
ونخله قضا الافنان باسقه قالت لاترابها والصيف يحضر
انى اكلف نفسى فوق طاقتها وليس لى بل لغير الظل والثمر
لاقصرن على نفسى عوارضها فلا يبين لى طول ولاقصر
.
.
من لم يسخو بما تسخو الحياه به فانه جاهل بالحرص ينحر
المره دى داير طراده عديل
وبرضو بتاع دروس خصوصيه
وتسلمو يا شباب
وانا ماشى المتمه واجى القاكم ما كملتو تسميع جلد شديد
ودعقاب
|
Post: #24
Title: Re: الحصة التانية - محفوظات
Author: Ahlalawad
Date: 05-07-2003, 06:43 AM
Parent: #1
زولة 123
انتو يا ناس الشهادة العربية ؟ عفيناكم لأنو نحن قرايتنا فيها جلد .
وبعدين نحن قالوا لينا البحر حفروهو ما فتحوه .
تماضر
فعلا غنمي طرعى .. وكذلك دجاجي يال غيتول حابة
شرووووم
صباحك عجوة معطونة في عسل ، بس بكرة تجي مدبل ، الدنيا ما معروفة
يمكن تقع عليك جلدات
وبعدين نحن ادونا ليها في الروضة كالاتي
يا حمام الأيك سجعة
أسألن الله رجعة
النسيم عاودني هجعة
زال لي علة
وزادني وجعة
اشتهيت من بعدو ضجعة
يا نسيم بالله رجعة
عمك ود الرضي
ورورووووك
انت تستاهل صندوق الطباشير كلو
بل تستاهل تقيف مكان العبد الفقير – خلاص حا نعينك المدرس المناوب
الاستاذ حسن : عشرة على عشرة على عشرة
على وزن عظمة على عظمة على عظمة
أحمد ستور
فعلا ناس كمبوني ما عندهم الشغلات دي .. لكن ما عندكم علموني؟ أنا الصبي الصغير أنا فتى المستقبل .
ولياب : مية مية
بس ما تنسى كتاب سبل كسب العيش
|
Post: #43
Title: Re: الحصة التانية - محفوظات
Author: zola123
Date: 05-07-2003, 12:59 PM
Parent: #24
فحت
ف ح ت
فحت مش فتح اقراها كويس يا اهل العوض
قلنا مبرجلين لاكن متذكرين العربي
لاكن هي يمكن ما عربي مية المية عشان هو مثل مصري
احنا ما بيجلدونا لاكن بيعاقبونا بطرق اخرى
ومازلت مصرة, دايرة بت توريني بيضربوهم كيف في مدارس البنات المدرسين المتوحشين حقينكم ديل
تحياتي
زولة123
|
Post: #25
Title: Re: الحصة التانية - محفوظات
Author: ولياب
Date: 05-07-2003, 06:55 AM
Parent: #1
هيهات هيهات لا جن ولا سحره
بقادرين على أن يحلقوا أثره
هذي المنازل قد مرت على عجل
كأنها ومضة للبرق مختصره
سنه خامسة يا ودعقاب
|
Post: #26
Title: Re: الحصة التانية - محفوظات
Author: ولياب
Date: 05-07-2003, 07:01 AM
Parent: #1
أخوي أهل العوض بدور أسعلك ،، أخونا الهمباتي نعلوا بي عافية
|
Post: #27
Title: Re: الحصة التانية - محفوظات
Author: Ahlalawad
Date: 05-07-2003, 07:27 AM
Parent: #1
الأخ ولياب .. تحية لك .. والله أنت تسأل عن إنسان عظيم .. الهمباتي ، مثلك تماما سألت عنه بعض الزملاء هنا .. لكن يبدو أنه لم يسجل في هذا المنتدى . آخر مرة تصادفت معه في بوست خيمة الحردلو في الموقع الآخر ، وكان ذلك قبل أكثر من سنة . نرجو أن يكون بخير وعشمنا أن نسمع منه شخصيا أو من أحد أحبائه هنا .
|
Post: #28
Title: Re: الحصة التانية - محفوظات
Author: HOPELESS
Date: 05-07-2003, 07:43 AM
Parent: #27
إن الكريم لكالربيع تحبه للحسن فيه
وتهش عند لقائه ويغيب عنك فتشتهيه
وتراه يبسم هاذا في غمره الخطب الكريه
واذا الليلي ساعفته لايدل ولا يتيه
والباقي لمن اشوف
انت عارف دي مانسيته ليه؟؟ والله ماخد فيها كف لهسي اضاني صانه كنا بنسمع فيها وانا حافظه طشاش ولما وصلت اخر البيت دا اخوك مسح خاااالص تميته ببيت من قصيده تانيه طبعا من مبدأ انو كلو كلام من كتاب ومقرر واحد يعني بعد ما قلت في غمره الخمر الكريه واصلت حتي مطلع الفجر ولا اتذكر اسم القصيده هذه جيدا بس مستنيك تسمعه لينا
جمال عبدالرحمن
-------------
وارموا لقداااام
|
Post: #40
Title: Re: الحصة التانية - محفوظات
Author: Ahlalawad
Date: 05-07-2003, 11:01 AM
Parent: #28
شكرا يا جمال صفقوا ليه بالله
بعدين ماعندكم محفوظة تانية أدوك فيها كف ولا سوط تسمعا لينا؟
بعدين أنت جمال عبد الرحمن منو؟ بتاع اشلاق بوليس كوستي، البقى فنان داك؟
|
Post: #29
Title: Re: الحصة التانية - محفوظات
Author: Shinteer
Date: 05-07-2003, 08:05 AM
Parent: #1
نحن الطيور أيها الإنسان .. بذا الجمال خصنا الرحمن
سبحانه جملنا فلا عجب .. إن حبنا أهل العقول و الأدب
نطير بالليل إلى النجمة أم ضنب .. و نقطع النيلين في فركة كعب
و ناكل الحب مع الحزين مالك .. و نختبي في العش من عصير (عصيراً) هالك
و كم شرك لنا أهل العوض .. و لم يجد عن تعبه أي عوض
و هكذا الدنيا معانا فارقة .. برانا عكرانين و روحنا مارقة
انقطعت و انشطبت .. و أنا جاهز للّبع
|
Post: #30
Title: Re: الحصة التانية - محفوظات
Author: Ahlalawad
Date: 05-07-2003, 08:20 AM
Parent: #1
والله يا شنتير وبا كلك أدب
جبت كلاما شامة في الأدب
دحين تعال نلملم اللعب
ونشتري بذا الحديث نص طلب
ندنكل المزات ونقعد فوقو تب
لامن تسيل أنوفنا لي الشنب
والله بهذه المناسبة عنت لي هذه الأنشودة :
جاء إسماعيل تبدو بسمة في شفتيه
حاملا صحن طعام ورغيفا في يديه
جاءه هر صغير ومشى في قدمية
حاني الظهر بشوشا رافع الذيل عليه
قال اسماعيل لما وصل القط لديه
يا صديقي أنا أدري بالذي تسعى إليه
لي بعدين عليك ما عليك من الجلدات حيث أنك لم تجاوب على سعال الزول الواقف فوق راسنا دا
|
Post: #32
Title: Re: الحصة التانية - محفوظات
Author: Shinteer
Date: 05-07-2003, 08:24 AM
Parent: #1
الزول منو؟ و سعالو شنو؟ أنا غايتو راسي ده ما فوقو زول تب
|
Post: #36
Title: Re: الحصة التانية - محفوظات
Author: ombadda
Date: 05-07-2003, 10:36 AM
Parent: #32
what all you mean by the main topic in this thread?
فراغ
|
Post: #33
Title: Re: الحصة التانية - محفوظات
Author: Shinteer
Date: 05-07-2003, 08:28 AM
Parent: #1
الزول منو؟ و سعالو شنو؟ أنا غايتو راسي ده ما فوقو زول تب
|
Post: #34
Title: Re: الحصة التانية - محفوظات
Author: Shinteer
Date: 05-07-2003, 08:33 AM
Parent: #1
الزول ياتو و سعالو شنو؟ خبرني بيهو بلحقو ليك تب فوق جملاً اصهب
|
Post: #35
Title: Re: الحصة التانية - محفوظات
Author: ابوحراز
Date: 05-07-2003, 10:30 AM
Parent: #34
لأني كنت بخاف مووووووووت من الجلد
لهذا فقد حفظت كل القصائد المقررة والغير مقررة
ولكن لا استحضر اي شيء منها الان
إلا أنني كنت اكاد أن استفرغ
ليس عندما يسألوني عن حفظ نشيدة
بل عندما يقول لي الأستاذ : إعرب ماتحته خط
يومها أكره كل شيء 00 المدرسة والفطور والبيت
وحتى السلام على الناس
لدي عقدة في مجال الإعراب هذا لاتتصورها
وأنا أحسن من صديقي الجزولي
فهو يموت عندما يقال له أعرب ماتحته خط
وتشاء الصدف انه تخصص في الرياضيات
وذهب لمعاينة في الخرطوم
ودخل على اللجنة التي كانت تضم الى جانب أساتذة الرياضيات مجموعة من فطاحلة اللغة
فكان يجلس على اليمين بروفيسر عبد الله الطيب
والى جواره فراج الطيب
ودخل الجزولي ولم يترك فيثاغورث وجماعته 00 حفظ كل شيء
ثم ولج الباب قائلاً : السلام عليكم
رد عليه فراج الطيب : وعليم السلام
لكن قبل ان تذهب اعرب لنا السلام عليكم
طبعاً اعتبروه سؤال في المعلومات العامة
شوف الدنيا دي مرات ساعة ماتديك
اين يقع المحيط الهادي يعتبروها من المعلومات العامة
والسلام عليكم يعتبروها من المعلومات العامة
طبعاً الراجل لم ينجح
والله حتى الآن اذا قابل اي أحد في الشارع نهايئ مايقول ليه السلام عليكم
شغله كلو كيف حالك وزي الحال
قال لسان العرب قال
|
Post: #37
Title: Re: الحصة التانية - محفوظات
Author: DEEK_ALJIN
Date: 05-07-2003, 10:48 AM
Parent: #35
اهل العوض سلام
لانو زمنكم مافىروضه عشان كده فطيتها
لما كنت سعيير بلعب بالتولاب
ماما لاباستنى الجمه والشلاب
مسيت للمعلم ادانى تتاب
دال لى اتب علبى تتبت حساب
اسرب ايه اسرب دهوه
اتل ايه ... اتل عدوه
ادحك تيف هاهاهاهاها
مش اضحك لووووول
لوووول
مع تحياتى وقبلاتى
ديت الدن
اقصد
ديك الجن
|
Post: #38
Title: Re: الحصة التانية - محفوظات
Author: maia
Date: 05-07-2003, 10:49 AM
Parent: #1
يا اخوانا الحصة التالتة بتعت المطالعة ما جات لسه؟
عشان ناخد قصة امل وبدر
|
Post: #41
Title: Re: الحصة التانية - محفوظات
Author: DEEK_ALJIN
Date: 05-07-2003, 11:05 AM
Parent: #38
مايا ازيك
انت مستعجله على الحصه التالته ليه ؟
عندك شنو فى الفسحه ؟ عايزه تزوغى
اها نبداها ليك
بدر وامل
بدر كتب .... الحب .. الحب .. الريده
وامل كتبت ... العرس ... العرس ... العرس
بدر خت القلم وكبه الزوغه
لوول
ديك الجن
|
Post: #39
Title: Re: الحصة التانية - محفوظات
Author: Adrob wad Elkhatib
Date: 05-07-2003, 10:56 AM
Parent: #1
صحت الطبيعة فنتبه ما بال عينك ناعسة
هذي جبيت و قد بدت في فتنة متجانسة
و هنا الأراك و عنده قصص الغرام الدارسة
دجاجي يلقط الحب ويجري وهو فرحان
ولي ديك له صوت جميل اللحن رنان
كأن عيونه خرز له في الشمس ألوان
وعند الفجر يوقظنا وطول اليوم شيطان
نحنا الدجاج دا لا شفناه لا اكلناه لامن مرقنا من السودان شفناه فى السوبر ماركت لا هو يجرى ولا فرحان
ادروب
|
Post: #42
Title: Re: الحصة التانية - محفوظات
Author: Ahlalawad
Date: 05-07-2003, 11:36 AM
Parent: #1
أبو حراز ، وينك يا رجل ، الحصة الأولى انتهت خلاس . ما حا نقول ليك أعرب السلام عليكم لكن نقول ليك أقسم أبو حراز على اتنين وادينا الباقي .
ديت الدن .. باالله دي أدوكم ليها في الروضة ، قادر الله ومخير .. أنا كنت قايلا في الوسطى عشان ما دخلناها لقيناها قفلوها .
مايا : أعملي حسابك من ديك الجن . دا ديك ومجنون الاتنين عليه .
أدروب – حبابك ، والله مشكلتنا مع الجداد البقى دجاج مشكلة . الله يحنن علينا .
وكما قال الموصلي : بكرة بيصبح ذكريات
|
Post: #44
Title: Re: الحصة التانية - محفوظات
Author: Abdalla Gaafar
Date: 05-07-2003, 06:19 PM
Parent: #1
اهل العوض
انحناءة وتقدير
وانا اقول الزول دا قريب مني كدي مالو وشايفو وين دحين ياخوي ما اتلاقينا في مدرسة عمك حسبو الفتحا وخلاها فات
المهم اعتبرنا من ناس الكنبة الورا وديل طبعا معروفين مافي زول بيرفع ايدو في تسميع
ولو احتجت لي شدادين نحنا جاهزينا
وبعدين نحنا الحافظنو كلو انت والجماعة كتبتوهو من بدري
طبعا دي طريقة حديثة للبص والزوغان من التسميع وياخوي باقي الجماعة وين ناس عمك حسبو وكنتونا وقرجة وكوستا وووو
والله مضربين
يديك العافية يازول ياجميل
الود والتقدير
عبدالله جعفر
|
Post: #45
Title: Re: الحصة التانية - محفوظات
Author: الرشيد أحمد القاسم
Date: 05-07-2003, 07:12 PM
Parent: #1
فديتك هل نسيت القدس والسحر الذي فيها
واوقات قضيناها هناك على روابيها
نطوف في شعاب الحب في شتى ضواحيها
ونلهو مل حلا لهو ونمرح في مغانيها
ونسرع ان دنا وقت الاصيل الى اعاليها
نودع شمس ذاك اليوم في ابهى معاليها
ونضرب موعدا في يومنا التالى نلاقيها
uuuuuuuuuuuuuuuuuuuuuuuuuuuu
زارع الحقل في البكور
عيشك الدهر اخضرا
انت في هيكل الزهور
انت للناس سيدا
من زراعيك للفقير
حبت القمح تولدا
qqqqqqqqqqqq
ابيت في غربة لا النفس راضية بها ولا الملتقي من شيعتي كثب
فلا رفيق تسر النفس طلعته ولا صديق يرى ما بي فيكتئب
ومن عجائب ما لاقيت من ذمني اني منيت بخطب امره عجب
لم اقترف زلة تقضي علي فماذا الويل والحرب
فهل دفاعي عن ديني وعن وطني ادان به ظلما واغترب
فان يكن ساني دهرى وابعدني في غربة ليس لي فيها اخ حدب
فسوف تصفو الليالي بعد كدرتها وكل دور اذا ما تم ينقلب
ooooooooooooooooooooooooooooooooooooooooo
قد كان عندي طائر في قفص من ذهب
جميل شكل ريشة حلو طويل الذنب
ولم اكن امنعه من ماكل او مشرب
ففر عني ومضي دون ادني سبب
وقال لي حريتي لا تشترى بالذهب
؟؟؟؟؟؟؟؟؟؟؟؟؟؟؟؟؟؟؟؟؟؟
|
|
