Post: #1
Title: كيف تفـقع مرارة الجكس
Author: Al-Masafaa
Date: 05-05-2003, 02:49 PM
Parent: #0
سلام مربع
اول الحكي
الوردة بمبية جابوها لي هدية
من دمي مسقية من روحي مروية
الذوق و الانسانية خلقوها للسودانية
بلاقي وين أنا يا الفي العصر مرورة
بعض النماذج التي تفقع مرارتهم
عدم الاستمتاع بالأغاني الهابطة و برينساتها
عدم الأهتمام بالأستايل و الماتشن و المكوة السيف
لبس السفنجة و الشبشب فوق تشنيطة جينز مع تي شيرت
سف التمباك و التفتفة اثناء وجودك معهم
عدم متابعة المسلسلات العربية و المكسيكية و اهمالها
عدم معرفة العطور و الكريمات و المساحيق
اكل الكوارع و العكو و ام فتفت و المرارة
الاكثار في اللبس البلدي عموما
ان تكون مواعيدك سودانية
أن تفضل حلل العزابة و قعداتهم و كشاتينهم
سلامات و العندو اضافة يخش
حقوق الاقتباس و المحاكاة محفوظة للمهترشة شيري صاحبة الامتياز
|
Post: #2
Title: Re: كيف تفـقع مرارة الجكس
Author: قرشـــو
Date: 05-05-2003, 03:02 PM
Parent: #1
ريحة شيرى ظاهرة يا حبوب
لكن جنس ده بفقوا مرارتو ياخى ؟؟؟
امانه ما اتلومت يا حبيب
حقو تتراجع من كلامك ده والله
فقع مرارة
|
Post: #3
Title: Re: كيف تفـقع مرارة الجكس
Author: Al-Masafaa
Date: 05-05-2003, 03:15 PM
Parent: #2
يا عمدة نتراجع وين بعد ما خشيت انت و فقعت مرارتهم بكرت و اغنية كمان
شكرا للطلة يا عمدة
|
Post: #4
Title: Re: كيف تفـقع مرارة الجكس
Author: almulaomar
Date: 05-05-2003, 03:54 PM
Parent: #1
المسافة يا أخوي
هنا مسافة بين التقل وفقع المرارة ، وعادة ما تكون مسافه خفية على العموم أنا لا أؤيد أى عازب بيحاول يلعب بالنار أو متزوج يحاول يرقص مع الذئاب فالنساء أشد شطارة من معشر الرجال ولا تنطلي عليهم الحيل والحركات صحيح قد يندرشو مره لكين لو لحقن ووقفن علي رجليهن وعادة ما يفعلن إلا تخلي سفنجاتك وتبلع سفتك وتقوم جاري.
بعدين فقع المرارة لزومو شنو يعني وهل تفتكر بلعب الكوتشنيه أو أكل أم فتفت وأم جنقر والعصيدة وسف التمباك والسهر مع العزابه وأحسب أن الأخيرة هي في بلاد الغربة سوف تفقع مرارة النسوة كلا أخي فإن المسافة بين فقع المرارة وهذا التصرف اللامسئول كبيرة جداً.
أرجو أن تتقبل نصائح أخوك الملا وأن لا تلعب بالنار ولا تعادي النساء لأنه في كل الأحوال يصنف مثل هذا التصرف بنوع من التفرقة العنصرية وفي جميع الأحوال هي تجارة بائرة والبادئ أظلم
|
Post: #5
Title: Re: كيف تفـقع مرارة الجكس
Author: ايهاب
Date: 05-05-2003, 05:20 PM
Parent: #4
عندما ترد ليها في المسنجر بعد كم دقيقه كدا
عندما تاتي مناسبه وتنسى ان ترسل لها كرتا على الايميل
عندما تغيب كم يوم وما تقطع روحك بالايميلات
عندما تتصل بيك تقوم تقول ليها ممكن تتصلي بي بعد شويه
عندما تتقطع هي في تسريحتها الحلوه
و ما تعلق انت عليها ولا على المكياج المميز
عندم تكون قاشره اخر قشره وتقول ليهاانت الالوان الشينه دي شنو
ولا ما تعلق نهائي
عندما تنسى تاريخ عيد ميلادا
العزيز الملا عمر
اكيد المسافه عامل البوست دا للدعابه ما اكتر
كل الود والتحيا للجميع واولهم الجكس بدون فقع اي حاجه خصوصا المراره
|
Post: #6
Title: Re: كيف تفـقع مرارة الجكس
Author: nasmah1981
Date: 05-05-2003, 05:23 PM
Parent: #1
يا أخوانا الجكس المرارتو بتتفقع بالزي ده إلا يكون جكس هايف يبقى عدمه أحسن..
|
Post: #7
Title: Re: كيف تفـقع مرارة الجكس
Author: Abdalla Gaafar
Date: 05-05-2003, 05:50 PM
Parent: #1
المسافة
لك السلام
وياخوي اهم حاجة يكون ماعندك اي التزام بالمواعيد
وتكون بتعرف تشر تمام دا طبعا كان ما شروك انت بي اوصافك القلتها دي
ياخوي اسمع كلام الحيم الملا عمر
يديك العافية
عبدالله جعفر
|
Post: #8
Title: Re: كيف تفـقع مرارة الجكس
Author: Al-Masafaa
Date: 05-07-2003, 04:19 AM
Parent: #7
UP
|
|