جزيرة واق واق

إعتدنا احبتى ان نطلق لفظة واق واق للبلاد الغير معروفة ولعله من الضرورة ان نعرف ماهى الواق واق تلك

إنها في بحر الصين وتتصل بجزائر زانج والمسير إليها بالنجوم قالوا‏:‏ إنها ألف وستمائة جزيرة وإنما سميت بهذا الاسم لأن بها شجرة لها ثمرة على صور النساء معلقات من الشجرة بشعورها وإذا أدركت يسمعمنها صوت واق واق وأهل تلك البلاد يفهمون من هذا الصوت شيئاً يتطيرون به‏.‏قال محمد بن زكرياء الرازي‏:‏ هي بلاد كثيرة الذهب حتى ان أهلها يتخذون سلاسل كلابهم وأطواق قرودهم من الذهب ويأتون بالقمصان المنسوجة من الذهب‏.‏

وحكى موسى بن المبارك السيرافي أنه دخل هذه البلاد وقد ملكتها امرأة وأنه رآها على سرير عريانةً وعلى رأسها تاج وعندها أربعة آلاف وصيفة عراة أبكاراً‏.‏

ترى هل رأى احد احبابنا تلكم البلاد العجيبة فى حله وترحاله ؟؟

قرشو

وصف كويس قلت وييييين ؟؟؟

الحبيب قرجة

كان ذلك فى قديم الزمان
ترى هل تغير اهل هذه البلاد وجاءتهم الحضارة لتجعلهم يرتدون الجينز ويبعزقون الذهب ام انهم ما زالوا على حالهم ..

هذا يقودنى الى قوم هاجوج وماجوج وكما علمنا القرآن ان ذو القرنين بنى سدا وكفى العباد شرهم ولكنهم سيخرجون فى اخر الزمان .. ترى أين اولئك القوم فى الكرة الارضية ولماذا لم يصل اليهم الناس بعد..

لك تحياتى

ياعمدة
يعني تابعة للصين الشعبية طبعا دي معلومة جديدة شكرا جزيلا بس قصة الذهب دي ما سمعت بيها

العزيز قرجه انت اسع فرقك من ناس الواق واق شنو يعني الفنلة الداخلية دي هههههههههههههه يكه

زاتووووووووو

العزيز الزول ذاتو

تحياتى

وانت قايل ناس الصين كفوا ناسهم الكتار ديل رز كيفن اكان ما هجموا على جزيرة الواق واق ونهبوها زى ما نهب الامريكان العراق


هاااى يكا

لك ودى

الاخ قرشو
عساك عافيه
ماعندها سفاره فى الخرطوم عشان نخم الدهب دا
ودعقاب

الزول الكعب زاتووو

نزول مظلي في نصهن

بس قرشو يوصف لينا الدرب

الحبيب ود عقاب

سلام

ياخوى اكان فى زول اكد لينا انه الدهب ده لسع موجود نحن ما عايزين تأشيرة .. تلقنانا زى ناس كوبا بالزوارق وحتى اكان بالطوف بنصلها بس يكون فى دهب والكلام الثانى داك

لك تحياتى

العمدة الرائع قرشو
أتمنى لك المزيد من التوفيق وصباحك ورد ومساءك شعر

Brother grashoo
Thank you about this information.You know usually I heard this sentense wag wag, but t his the first time I know it is hostrical story.Thank you grashoo usually ur issue is very useful.
Regards

الاخت روعة

لك شكرى الجزيل على كلماتك الطيبة فى حقى وافيدك بأن هذه المعلومة من كتاب "أثار البلاد وأخبار العباد" لمؤلفه زكريا بن محمد بن محمود القزوينى وهى اخبار حقيقية ومعلومات صحيحة ..

لك شكرى ولك تقديرى

اخى الملا عمر

نهارك سعيد

شكرا لمرورك ولكلماتك

ويبدو ان الذهب بتاع الواق واق ما عاجبك وما عاوز منه

لك ودى

العمدة قرشووووووووو

علك عافي يا زول

قلت لي الواق الواق في الصين وكمان مليانة بالدهب لمن مدفقة ،،، الصين قريبة بس شوف لينا كان في طريقة عمرة وزوغة هناك

غايتوالله يستر من الالتهاب غير النمطي سارس

الاخ شروووم


اخ خ خ خ خ خ ياخى من السارس ده

انا كنت ناسيه

لكن تعرف لو فى سفينة بضاعة الواحد كان يصل الجماعة بتاعين الدهب ديل وشجرهم الكثير ده

لك حبى وتحياتى

العم قرشو لك التحية وانت ما زلت ممسكاً بالماوس في زمن هجر فيه الاحبة هذا المنبر امثال بناديها وابو حراز وسوما ووووووو الباقين تمهم
بس ياخوي والله من صباح الرحمن موضوعك الكاتبه ما قدرت اي اقراء فيه اي حاجة غير حاجات كده حامياني على قول البوني فكبر الخط شوية وما عندك لون احمر دا بذكرني الصلحابي الزول دا وين الله يطراه بالعافية

سلام مربع

العمده قرشو

بالله الصينيين ديل من زمان اصلو ماعندهم حاجة وسط
ياامة يعملوك سور لافي كل الكره الارضيه
ولا يبطلوه
ولا يقوموا يلدوا يملوا ليك
الواطه بطااااان
ولا يقوموا يهردوا فشفاش العالم بسارز
موش برضو سارز بفقع الفشفاااش
ولا انا غبيانه سااااكت

العزيز ابراهيم على

نهارك سعيد

حقيقة اخى اننى اجد الف عذر وعذر لمن هجر المنبر ولكى لا انكأ الجراح اقول لك ان مافى القلب فى القلب وحقيقة الواحد حزين جدا على هجرهم وفى كل يوم يأتى لعله واجدهم قد عادوا ونوروا الساحات ولكن .... سنظل ننتظر قدومهم وربما يأتوا..

سوف يأتى باسم الثغر يلوح بالامانى

اخى قمت بتغيير اللون للاسود عله يكون مقروء بصورة افضل من الاحمر واشكر تنبيهك عزيزى ..

لك تحياتى