يا زول اقعد -- هي مشت القاعد ليها شنو

طبعا ما ح اقول اسمو وعليكم الله ما تسألوني
ده منو والبعرفو يموت بيهو يا جماعة
- قال ماشي ومخلي البورد نهائي
* قلته ليهو يا زول البورد صدقني
ما بنفات ح تلف وبتجي راجع تاني
اخدها من قاصرها واتحكر فيهو
- لا ماشي يعني ماشي
* ليه طيب ماشي
- لانها هي مشت
* يعني عشان هي شتت انت ماشي
- اي عشانها هي والله
* يا زول ممكن تكون معجب بكتابات وحدة
فى البورد شديد لكن ما لدرجة ان تترك
البورد لذهابها
- لا ممكن جدا يا اخوي كيف ما ممكن
وكنت بشوف البورداب كلهم فى حروفها
يا صحبي هوي ما عارف اقول ليك شنو
صدقني بس انا ماشي
* يا زول الكلام ده ما بجي لكن
- كيف ما بجي ياخ مكسر فيها كده لله فى الله
* والله انت عجيب جدا- عجيب طيب رايك
شنو لو قلته ليك انو اي واحد بقول انا ماشي
بغير منو عديل لانو متأكد بكون مشى عشانها برضو
* يا زول انت مجنون عديل
- المجانين كتار ما براي مع السلامة

اها جماعة ده كان كلامو معاي ده
يسمو شنو ده؟؟
ــــــــــــــــــــــــــــــــــــ
مع السلامة مع السلامة

والله يا السنجك اخوي مسعلتك دي في الباقي لي صعييييييبة خلاس
هسع الزول دة يقولو عليهو شنو؟؟
قلت لي روح لحقها والله عفيت منو عفويا لا راسو لا قعرو
انت الزول كيفن يخلي ليها البورد
طيب ما يشوفلو صرفة يجيبه راجعه


غايتو نقول شنو؟‍‍‍‍‍‍‍‍‍‍‍‍‍‍‍‍‍ الله يكفينا شر المحن

جدو اخوي
شر المحن ساي والله
اخوك مافاهم اي حاجة
بس نشوف لينا طريقةنلحق
الزول ده ما يمشي
ـــــــــــــــــــــــــــــــــ
آآآه يا غبش

السنجك

صباح الخير

يازول والله زولك ده ما بنلام تب

ما سمعت زمان الشاعر قال شنو للسيدة

قال ليها : الجامعة بعدك كوم رماد
لا تنفع اداب لا طب لا صيدلة


دحين ياخوى هو مشى بس ما قال البورد بعدك .... والله اقول ليه زى ما قال عثمان مصطفى
ما بعاتبك ما بلومك
لما تحكى الزكريات


وهاااااى يكه

تسلم لينا يا حبة