سنكون من القراء فقط في هذا البورد

الأخ بكري ودحلفاية الملوك رجل أصيل ومحترم
ولكنه أعطي صلاحيات واسعة لشخص واحد يعتبره
من خيرة أعضاء البورد
ولقد قام ذلك الشخص بحظري من البورد ليلة
البارحة بدون ذنب أغترفه
ولقد قمت بجهودي الفنية والتقنية في مجال النت
وعندي الدليل المادي لذلك

اخي بكري
لقد أرسلت لك اسم ذلك الشخص عبر الماسنجر
نرجو تنبيهه لعدم تكرار ذلك مستقبلا


تنبيه
الشخص ليس سمير ابراهيم



مع خالص ودي واحترامي




Ridhaa

شنو يا اخ رضا

اول حاجة كيف حالك واحوالك ،

يا خوى طول بالك ، وبعدين بكرى ده حيقرا شنو ويخلى شنو ؟ كدى اقفل الكمبيوتر مرة مرتين ،وبعد داك شوف الحاصل شنو ،الكمبيوتر انا بعتبره حيوان بليد إنت اللى بتولفو ،وبعدين ادينا خبر ،دى مشاكل عادية ،السيرفر ما عنده ذنب ، وقول مشكتك شنو ،ولك خاص التحايا. ابو علا

الاخ رضا لك التحية
مثل هذه الاشياء تحدث كثيراً اقصد اشياء من الشبكة وليست عن قصد
انا لاانفي اتهامك لكنى مررت بنفس هذه التجربة وتاكدت ان الامر غير مقصود البته يعني عملية القصد يجب ان تستبعدها واذا عندك دليل كما تقول يجب ان تذكره

الاخ رضا
تحياتى
طيب لو انت بقيت من القراء فقط
نحن نقراء لمنو قد تكون هنالك صعوبات فنيه
كما زكر الاخوان ولو كان هنالك فعل بفعل فاعل
فهو بلا شك زول مجنون كان يعمل الاشياء دى معانا نحن
فنحن لانعلم الكوع من البوع فى عالم الكمبيوتر واتمنا ان يكون الظن الاول هو الصحييح مجرد عراقيل فنيه

الابن الغالي رضا تحيه طيبه
في الاسبوع الفائت تعرضت انا لعدم المقدره علي الكتابه وذلك بعد ان دخلت وسجلت اسمي وكمان رديت علي بوستين فجاءه بقيت ما اقدر ارد تجيني رساله وتظهر نمره الاي بي بتاعي والرساله بتقول انه غير مسموح لهذا الاي بي بالدخول والغريب في الامر اني كنت ممكن اكتب في المسنجر بس في المنبر ما بقدر اكتب كررتها اكثر من خمسه مرات ونفس المشكله طلعت وسجلت تاني ونفس المشكله احترت كتبت لبعض الشباب عن طريق مسنجراتهم قلت ليهم اسالوا لي بكري من الحاصل ؟؟ يا زول ما اطول عليك بعد فتره كدا في نفس اليوم دخلت البورد كتبت وردي مشي اها طبعا ما عرفت السبب, وحقيقه دا ما حصل لي الا مرتين فقط خلال وجودي بهذا البورد مره كانت المشكله عويصه جدا واتصلت بي بكري وتعب معاي شديد جدا اون لاين الي ان استطعت من الكتابه مره اخري.
طبعاانت زول خبره ما متلنا لكين هون عليك واكتب ونحن في انتظار روائعك من الاغاني ومساعدتنا في بعض امور الكومبيوتر

الأخ رضا
تحياتي

أنا أثق في خبرتك وعلمك في هذا المجال، ولهذا لن أناقشك في هذه الأشياء التقنية
وللذين لا يعرفون من هو رضاومقدرات الرجل، فأقول أنه أحد أصحاب الباع الطويل في مجال علوم الكمبيوتر وحسب ملاحظاتي أن مقدراته تتجلى في مسألة أمن الشبكات
the security
ورغم قناعتي بذلك وصحة ما ذكرت أقول لك اننا ما ذلنا نحتاج إليك في تثقيفنافي هذا المجال والمجالات الأخرى
وخاصة أن أغلبية أعضاء هذا البورد، يعتبرونه ساحة سايبيرية لتبادل الخبرات والعلم والثقافة، والترويح عن النفس هم الغربة والوطن
وأخيرا أقول لك الرد على مثل هؤلاء بمزيد من التواجد ومزيد من البوستات والمشاركات


وشكرا أخي رضا

وللأخ أبويسرا تحياتي والخالة الصديقة دوما المعزة
ودمتم

اهلا بالابن الحبيب نادوس وبلغ الحبيبه الابنوسه تحياتي والله مشتاقه ليكم وربنا يهون وكلامك صح نحن في حاجه لي رضا لاننا نثق في مصداقيته والله ما جربت عليه الكذب ابدا

Salam ya shabab ....

Thanks alot ....


Our dear great brother Bakri ...
salam ,
please delete this post.

Best regards.



Ridhaa

الحمد لله الذي بلغ الأخ رضا كل الرضا

سلام مربع

والله حيرتونا ياشباب كل يوم نسمع حكاية المنع دي
عايزين نعرف هل هي مسألة تتعلق بالامن العام
ولا الشغل الاستخباراتي .. اصلي طالعة من حرب وكل الفاظي
عسكريه
عشان نعمل (ساتر)..اصلو نحن من الناس (العضلاتها تبش)(.
قاعدين _كنب)في علوم الكومبيوتر وكل تكنولوجيتها

الأخت شيري
كان بعد شكية بوش وبلير شكية أخرى لا أراها فهل تم قبول الشكية أم تم رفضها أم هو الجبن الفرنسي أو الدنماركي

ٍسلام مربع

سيدي الملا عمر

بهذا افيد سيادتكم واشارة (خفية) الى (شكيتي) المعنيه .
وابرئ نفسي من تهم(الهرشة)
واقول
.. ان ماحدث حقيقة انني (تعرضت) لتهديد صريح
من الذين رفعت شكيتي فيهم الى الله
لكنهم قعدوا لي في حلقي
وهرشوني عديل كده
شكيتهم على الله