ودعـــــــــتكم الله

احبائي كتاب وقراء سودانيس اون لاين

اخي العزيز بكري ابوبكـــر

مرارة وحسرة تعتصرني وانا اقرر ان اغادر هذه الساحة والواحة الخضراء بعلمكم وثقافتكم....ان مدخلي لكم لم يكن صحيحا وان اسلوبي احس فيه بعض النشاذ عن نغمتكم الهادئة الجميلة....فكاني ضارب طبل اشتر....احس اني اعزف اغنية ونشيد مختلف....لذا وجب علي التنازل عن صهوة الكلمة الساخنة...وحيث اني لا اعرف غير تسطير المرارات فاني افضل ترك ساحتكم...وكلي امل ان تكونوا قد فهمتم وضعي فانا لست
كاتبا مرموقا ولا خطيبا مفوها
انا انسان بسيط عركته الحياة ودرب دهاليزها الموحشة
فلكم العتبى احبتي

وسالتقيكم باذن الله في الوطن يوم تنتهي محنته وتزول كربته ويشرق شمس حريته

قريبا قريبا قريبا باذن الله

ودعتكم الله

أخى ود العمدة
لك التحية والحب
ومن قال لك بأننا كتاب مهره نجيد فن الكتابة ؟؟
كلنا دروايش فى حلبة ذكر تأتى منا تصرفات أحيانا لا يقبلها العقل ولكن هل تتوقف الحياة بعد أن نفيق؟؟
لا يالحبيب لا ولن تترك هذه الساحه لأنك تعتقد بأنك حامل طبل نشاز ولكن ما يعتقده غيرك فهو ايقاع منتظم الضربات وهنا كل يعرض حسب ايقاعه الداخلى.. وما أكثر الايقاعات فى السودان الوطن القاره
أخى نختلف لكى نأتلف ونزداد حبا ونزدان عبقا ونغرد فى سرب واحد بأصوات مختلفه لنكون ذلك السنفونى المتباين الاصوات والايقاع
أخى لو كل منا وضع قلمه لأحساسه بأنه نشاز لما بقى احدا فى هذا المنبر العامر والوسيع
لك التحية أخى وللاخ بكرى أبوبكر التجله والاحترام على جمعنا الكريم هذا

ود العمده يا راجل دا كلام؟!!!!
عليك امان الله انا نحن العنقاله الا لازم نقول كلمتنا هو نحن الضيعنا غير السكات دا شنو؟؟؟؟ دا مثقف ودا خطيب ودا مبدع ودا كتاب ودا حاكم ودا وارث لما طلعنا بي قد القفه نحن عامه الشعب الناس اللاحسه الكوع وكاده الجوع لازم نقول كلمتنا ولازم الناس المثقفه تسمعنا والناس المتعلمه تنورنا .يا زول ابقي معانالاداخل.
نشيل كتف الغنا الميل

والله يا ود العمدة ليك حوبة ، وانت راجل مناضل ومقاتل ، ولا يعجبك لاعقي أحذية السلطة ، وقد تشتط أكثر من اللازم ، لكن دواخلك معروفة إلا لمن أبى ، وحين خطأك الآخرون رضيت برأيهم واعتذرت ، فأنت جزء من هذا البورد ، لا تترك موقعك أبدا ، لأنك ستترك ثغرة لا يسدها آخر ، اثبت يا ودالعمدة نريد أن نلقاك هنا باستمرار وسنلتقي حتما داخل الوطن الحر الذي يتسع لعلو أصواتنا كلنا

ود العمدة
يا متخازل
يا ناكص العهد
يا رعديد الكلمة
يا حائد المبدا
ان مثلك يجب ان يذهب غير ماسوفا عليه
ان من ينحني في اول نسمة تهب عليه يجب ان يذهب
اسدا في ساحة الجبناء
ان من ينحني لمثل هؤلاء لا يجب ان يسمق براسه
مع الشرفاء الذين لا ينحنون لعواتي الريح
دعك من مثل هذه النسمات
ود العمدة فلتذهب
فهذه الساحة للشرفاء الاقوياء
اما اذا شئت البقاء فعليك
بهم
وان كنت تري انك علي حق
فالحق اولي بالبقاء

ود العمدة امانة ما اتلومت تب ده كلام يا راجل اكان ماك ود عمدة كنت سويت شنو ازول قول بسم الله هو بكرى زاتو اشتر

اذا كان رب البيت اشترا
فشيمت اهل البيت الشتران

وحتى لو كان كلامك اشتر اها الشتران ده احنا بندورو اه شنو ليك

الحبيب ود العمدة
السلام آلاف والشوق آلاف.. يا زول يارائع نحن كلنا هنا نسبح في فضاء الوطن وكل يسبح بما يرى لكن خروجك وفراقك لينا حسرة وخسارة ارجو ان تعدل في قرارك فراق الوطن ، ولا يمكن للفارس ان يترجل ويترك سيفه في الغمد ، ألم يقاتل التعايشي ونفر قليل رغم عدم التكافؤ مع العدو ثم استقبل موته شاهراً ايمانه؟ هكذا احسبك وانت احد احبتي الرائعين لك عشمي واحترامي فهذه الساحة حديقة فيها كل انواع الزهور وهو ما يشكل تميزها وجمالها والا لن تكون

ماشى وين ياود العمدة؟...خليك هنا ..طبع البورد والوطن الاتفاق والاختلاف


تحياتى
ودعزة

اقول لك كلمة واحدة
لماذا دخلت هذا المنبر
لتادية رسالة ولا فقط تمضية وقت

تمعن هذا السؤال وحدد موقفك

ود العمده بالله خليك معانا عشان خاطر الناس الحلوين
الخاطبوك ديل
انك انسان وطني وغيور علي وطنك التي استاسد عليه الطغاة
نعم لقد حدث منك الشطط واخطأت في الحديث بغلواء
ولكنك اعتذرت اعتذار الرجال
فمن منا لم يشتط ومن منا لم يخطئ
عد فمكانك هنا عد وناضل ماشاء لك النضال
قل كلمتك في هدؤ الواثق
تحياتي

زمان في حاجة كنا بنقولها في الحالات الزي دي

تماضر اكيد بتكون امكن عارفاها


ود الزمزمي عليك النبي تجي
ودالزمزمي تعال بي عندنا
ود الزمزمي بضبحلك عنزنا

فيا ود العمدة هذا منبر حر وخروجك منو بارادتك معناها استسلمت للهزيمة

ابقي طلبج معانا كلنا لا يجيد العوم
ولكنا نرتدي ملابس للسباحة

ود العمده
..اهديك شعاري

..لاتســــــــاوم
وان منحوك الذهب
اتري حين افقأ عينيك
وأثبت مكانهما جوهرتين
هل تــــــــــري؟
هذه اشياء لا تباع
..ولا تشتري


..قم وقاتل ولا تبيع القضيه
قم وقاتل ...قم

ابونور

اخى ود العمده
نحن بطبعنا ناس حلوين
ودوين متصالحين
نتمنى
ان تكون كبوه جواد
وفتح صفحه جديده
لك ودنا يا حبيب

مانى الطنبل بالقول سويت
وما زونى عند ساعه السوال قريت
ان بردن بكار ماهن صفائح زيت
الرائع دوما ود العمد
الانسحاب ليس من شيم العمده
وخيك وسط قضيك ومبدئك
وعشان خاطرنا ترجع
ودعقاب

لاتذهب لاتودع ياود العمدة مكان الطبيعى ان تكون وسط هؤلاء هنا فى

البورد وانت ود العمدة يجب ان تتحمل قساوة هذه الحياة طالما انك

ود العمدة ومهما كان يجب ان تقدم تنازلاتك وتترفع طالما انك ود

العمدة والحياة ليست مفروشة بالورود

وواصل النضال والكفاح ياود العمدة فانت اهل لذلك وذهابك انهزام

الاخ ود العمده ...تحيه
لا انت لست نشاذا وان اخطأت مره فكلنا خطأؤون
الانسان يقيم من مضمون ما يكتب لا من شكل الكتابه
وتنميق السطور والبهرجه اللغويه ..انت تضرب في صميم
موضوعك بلا رتوش تعري وتفضح عصابه الانقاذ وتدافع
عن ابناء شعبنا الذين اذلهم واجاعهم ورمي بهم في غياهب
سجن كبير انت انسان وطني غيور ...قف نحتاجك في هذا
المنبر شعله للحريه وقاهرا لقوي الظلام اذن عد من
احتجابك واستل قلمك من غمده وأكتب فنحن معك طالما
التزمت الموضوعيه وابتعدت عن منزلقات التجريح حتي مع
من نختلف معه..ودمت رصيدا وصوتا للشعب والوطن

ود العمده

معا نحفر ممرات مضئيه في الظلام ليمر الضوء للاجيال مره
عد للكفاح ...عد للنضال
واذا لم يكن لديك سيف فبع رداءك واشتريه



ابونور
ــــــــــ
..لا تساوم
وان منحوك الذهب
.. اتري حين افقأ
وأثبت مكانهما جوهرتين
هل تري؟
هذه اشياء لا تشتري

ما ليك حق تمشي

شدة وتزول.....عاين لاصابع يدك

وااااااحدة ؟؟؟

ود العمدة..... يا زول النضم دا اعوج..... حسي احرجتني انا.... يعني الحقك والله شنو؟.....يازول ان بقيت اشتر في لاشتر منك.....وان بقيت ساخن في الاسخن منك ....وان بقيت اغبش في الاغبش منك.....يا زول ما تخلي الغبش ينقصو واحد والمملسين يزيدو واحد

ياخوي ياهو حالنا السودانيين....بنختلف ونتفق ونختلف ونتفق......ور بنا يقبل عملنا كلنا.......كلنا بنعمل من اجل السودان.....مختلفين...لكن متفقين.....اتمني انك تعدل عن رايك....وتواصل كفاحك......

وشكرا