يا حاج عمر

حاج عمر عندو دكان كبير واللوري وشدرة جنبها الراكوبة حتة بشربوا القهوة بتاعة النهار بعد ما يجو من الضحوية وكمان في المسا, وود العباس واحد من زوار الراكوبة دي , ما بوقفو المرض , بحب مناقرة الجميع
في يوم ود العباس قال فجاة بعد السكتة الأولى بي فعل كباية الشاي:
هسع يا جماعة , لو أديت حماري ده بلا مؤاخزة يعني, قشر الليمون ده بياكلو ؟
الجميع : صمت
بعد هنيهة , حاج عمر: هالمطرطش ده , كمان الحمار باكل قشر الليمون؟ّّ!! هاهاها
الجميع هاهاها
أصوات متداخلة :في زمتك الحمار يخلي القش ده كلو وياكلك قشر الليمون هاهاها, الغبيان قالولك خلاص الدنيي قدامو انعدم برسيماهاهاها , يا زول ماتشيللو حزمي من المخزن ده تديها لي الياكلا , يا أخوانا الزول بلا مؤاخذة جاهل ولا ما كده
هاهاها
حاج عمر: إلا في ظني الحمار باكل كل شي أخدر
ود العباس: يعني يا حاج عمر بياكل القشر ده ولا لع؟
حاج عمر : يا زول بياكلو , بياكلو , إلا إنت داير تديهو قشر الليمون مالك؟
ود العباس: هع هيع هيييي _بين قوسين(ههيييكا) _ بدور أودرلو الطمام من جنس نضمي الأخوان ديل

عديلة المتوهجة أديني اسمك عشان برضو يرحبوا بي زييك وأرجعو ليك

يا بورد

يا حاج عمر



تبلدي
تبلدي
مافي حل

أبنوسي تحت تحت