ذكـــريات مــن الهــند

بونا
بونا يام جوا ظريف
انا جيتك فى الخريف
بونا يام مطرا رزاز
انت فيك الزول الظريف
وفيك الاعب الحريف
وفيك الناقض البشبه شوقى ضيف
وفيك الناس الشواز
الاسامى مستوردة
والفنلة موردة
والبنطلون قاصنو ردا
وبرضو ماشى الماهيناز

نيو دلهى
ياحليل اولاد دلهى اولاد الحضارة
وعصرهم الزاهى زمن النضارة
اياك كانت الدنيا تجرى بنعيمة
قبل ما يغفلو بابة السفارة
تلقى الواحد خالف الرجل فوق الرجل
وحارق السجارة

اولاد الخليج

ديمة عاملين هيصة عاملين ضجيج
ساكنين شقق عاملين هجيج
بتقرو كورسات حاجة سمحة
وراكبين مواتر سرعة ميج
كدا ياولاد الخليج
انتم مولودين صغار
لونكم فاقع فيه النضار
ديمة شايلين نوار
مالكم ودخان السجار
لو ما الجواز لونه بلو
اقول جاين من النرويج
سنة ياناس الخليج
ديمة شيكاتكم بالسريع
ولو الولد فلس دا يوما فظيع
الولد عايز ينتحر عايز يضيع
ونلقاكم فى التلفون بكاكم اجيج
عيب ياناس الخليج
نحن شيكاتنا قاعدة تتاخر شهور
ديمة داكين وجبة فطور
عايزين نقاوم عايزين نثور
واشكال عجيبة وجسم هزيل
ولونا اسود واخضر مزيج
نموت ياناس الخليج
عايز اغترب ياخوان
عشان القى عملا ضمان
اروق واعيش فى امان
واسافر بطيران الخليج


ابوقوتة

الاخ متولى
مشـكــــــــــــور على الطلة
والله كانى اراك وانت جالس فى دار الاتحاد وديك تربيزت الضمنة وديك الكيرم وناس البنق ديل كل مرة كرتهم طايرة فينا وشكلتهم مولعة ناس معاوية فداسى وناس عادل بيييف وعادل بكرى وبقية الشلة
ذكريات ياخى ما حتتنسى على الرغم من المعاناة

ابوقوتة