المريخ السودانى يرد اعتباره ويكتسح كانون الكاميرونى برباعية نظيفة باستاده

المريخ السودانى يرد اعتباره ويكتسح كانون الكاميرونى برباعية
نظيفة باستاده وهاتريك لهيثم الرشيد

رد المريخ اعتباره بخسارته بالكامرون بخمسة اهداف واستطاع وسط جماهيره بالخرطوم ان يكتسح ضيفه الكاميرونى
بارعة اهداف نظيفة
انتهى الشوط الاول سلبيا بعد ان اضاع المريخ اكثر من اربعة فرص للتسجيل خاصة من كرة العجب التى اصطدمت بالعارضة وكذلك هيثم الرشيد والسعودى

وفى الشوط الثانى افتتح هيثم الرشيد التسجيل فى الدقيقة الثالثة واضاف اللاعب نفسه الهدفين الثانى والثالث بينما اضاف عمار ابوكدوك الهدف الرابع عند الدقيقة 35 وكان امام المريخ فرصة معادلة نتيجة مبارة الذهاب خلال 15 دقيقة فقط لاحراز هدف واحد طيلة الزمن المتبقى الى ان اعلن الحكم الاثيوبى نهاية المبارة رغم انها شهدت طرد احد لاعبى الفريق الضيف مع صافرة النهاية

تهانينا للمريخ الذى استطاع ان يرد اعتباره وتسببت كارثة مبارة الذهاب والظروف التى المت بها فى الخسارة الكبيرة بالكاميرون والتى عجلت بخروج المريخ

جميل جدا ياشيبا علما بان هنالك هدف منقوض للمريخ

نتيجة تمغس... لكن ردت الاعتبار.. يا شيبه و زمراوي ما هو سر اللاعب هيثم الرشيد الذي يبدع في المباريات الصعبه مع الأنديه الكبيره بعدين يختفي لحد السنه الجايه.. غايتو هاردلك

والله ده بحير ياياسر محجوب السنه الفاتت حضرت هلال مريخ
فى السودان الناس قالوا مرض قلت ليهم غيروا فى الانترنت ماقاعدين نقرا اسم وفعلا يغيب عن التهديف ليحرز هدفين او ثلاث
بلغت سلامى عبر هدهدى المهدود

ما أحلى الانتصار ورد الاعتبار
وأنا من أنصار تشجيع الكرة السودانية مهما
كانت الآراء المسبقة التى ترد على مستواها .. يعني
واحد يقول ليك ما عندماكورة واذا سألته
من هو حارس مرمى المنتخب .. لا يدري اسمه أو الفريق الذي يلعب له

فالكرة في السودان لم تصل الى العالمية
لكن حب الناس لها وتعلقهم بها فاقت حب كثير من الشعوب التي لها الامكانيات
المادية والرعاية .. فخلونا نفرح عندما يكون هناك فرح بين كل هذه الاحباطات

تحية للمريخ وعقبال للهلال اليوم
سيف كلي

بسم الله الرحمن الرحيم
صدق قولي انا المريخ مريخ الاعجاز وعرفت ياسيف كلي يادوب ما سر ردي الصادق واتمنى ليكم التطور والوصول لمستوى المريخ في البطولات الخارجية وما يكون مستواكم محلي فقط

الأخ كيجا .. تحية

تحية لكل من يشجع اللعب الحلو .. لكن رد ك علي لم يكن من شخص يحب اللعب الحلو .. أنا سألتك سؤال عندما كتبت بوست بدون أي مقدمات سوى الهزيمة من مدفع ياوندي بخمس طلقات .. وسؤالي كان في محلو ولم تجاوب عليه بالصراحة وقلت (الهبشك منو) عشان تدخل الهلال في شيء ليس له فيه ناقة ولاجمل
وبمنطقك هذا الهلال خرج من المنافسة ومبروك للمريخ التأهل للدور 16 من البطولة

مبروك للصهاينة

بسم الله الرحمن الرحيم
اخي سيف لاهلال بدون مريخ ولامريخ بدون هلال ولو لا الهلال والمريخ ماكان الفريق القومي وماكان التنافس نعم نحن شعب نمتاز بالعصبية الشديدة وانا ردي دائما بتمنى للهلال ان يشارك في المريخ في الفوز بالكاسات الخارجية دي ماشماته دي امنية كل سوداني لو مريخابي ولا هلالابي لانو بعدين بقولوا هلال السودان ومريخ السودان مابقولوا هلال العرضةشمال ومريخ العرضة جنوب وماتشيل مني اتجاه بالعصبية ولا احساس بعدم تشجيع اللعبة الحلوة دا اتهام خطير ومقبوله منك انا ماعارف كلي دي قرية كلي بتاعت شندي لو كدا نحن اصلا من منطقة واحدة انا من جنوب شندي ويازول اضم صوتي لصوتك واتمنى التقدم والرقي للكرة السودانية ومبروك للهلال ومبروك للمريخ الانتصار الكبير رغم الخروج ودوما نحن سودانين

الأخ كيجا .. تحية

كدة الروح الرياضية ولا بلاش
وكل الذي نتمناها أن يساهم في تطوير الكرة ولو بالتشجيع
ولا عدمناك ..

يا مريخ،دائما ما تفرحنا والله يخليك ترد الابتسامة لوجمهنا في مثل هذه الايام العابسة،التحية للمريخ ولكل المريخاب،ومريخنا فوق فوق