Post: #1
Title: ودقت الساعة..معلنة... تمام البورد و.. ودشاموق ودكين وسميرودافى
Author: wadazza
Date: 04-26-2003, 03:06 PM
اذا اتفقنا ان لكل شىء مكوناته وعناصر وجوده..فهذا البورد ليس فارغ التكوين فى حد ذاته فله مسببات استمراره...وهى ذات الخليط من البشر والثقافات والاتجاهات والأسماء المتحركة والثابته..وربما ذات الأفعال المتفاوتة فى المعنى والأداء..وفى كل الأحوال فان الحالة النفسية فى معظمها هى من يحكم التناول والردود وردود الأفعال أيضا تجاه ما هو سالب وماهو ايجابى..وهذه الكتلة من المواقف قد تتدحرج نحو الاختلاف المقيت وهنا يبدو الشخصى هو سيد المواقف أو تصعد نحو أعلى الموضوعية وهنا يبدو أدب الاختلاف جلياً..وفى كلا الحالتين لايمكن لأى منا التدخل والا لأتهم بأنه مساند لموقف الحالة المزاجية السائدة لحظتئذ..أو أنه مغرد خارج سرب مفهوم العشيرة السائد وهنا يختار كسلناخيار الأجاويد...وكما اسلفت فان أى تحليل للمواقف هنا لن يخلو من..اعتبار أن الحالة المزاجية هى السبب..وأن روح الشللية قد تزيد من أوار الاشتعال بالتدخل مناصرة لصديق أو حليف..أو قد تسود حالة النصائح الموقف ويتسيد كل فرد تلك الساحة..فى تغريد خارج سرب التحليلات المعافاة...وأزاء كل ذلك والى أن يجد البورد متسعا من روح الحلول سواء بالتقادم أو التعاضد بين الأخوة...نرجو أن يتم تبادل الشكاوى بين الزملاء والزميلات عبر المسنجر..فعرض الشكاوى على واجهة البورد..لن يأتى بحل إن لم يقضى على النذر اليسير منها..انه يشبه عرض مشكلة العراق على الجامعة العربية!!!
لذا...
ياود شاموق ويا دكين ..
أهدوا لينا...راحة بورد وبال...وبى اعتذار لطيف متبادل..سلموا زعلكم لقوات التحالف لووول..
الدليل على ترابط ناس البورد لما تكون فى مشكلة بين اتنين او تلاته أو أربعة الجميع بكونوا عايشين جوها ومتنشنين..وعشان الاعتبار ده...نرفض وجود قوات التزاعل على أراضى المزاج..البنخسر عليهو تيرموس قهوة لووول
تحياتى
ودعزة
|
Post: #2
Title: Re: ودقت الساعة..معلنة... تمام البورد و.. ودشاموق ودكين وسميرودافى
Author: ABUHUSSEIN
Date: 04-26-2003, 04:43 PM
Parent: #1
الأخ ود عــزة الرجل الطيب ســـــلاااااام
و الله أوفيت الموضوع حقوا وقلت الكلام المفيد و ياريت تسود نفس الروح دي
كــل الناس .
فـهـل كـل عندها الإستعداد لي كــدا ؟
ســـــــلااااااااام
|
Post: #3
Title: Re: ودقت الساعة..معلنة... تمام البورد و.. ودشاموق ودكين وسميرودافى
Author: أبو ساندرا
Date: 04-26-2003, 05:52 PM
Parent: #2
ودعزه
وفيت وكفيت وما قصرت
|
Post: #4
Title: Re: ودقت الساعة..معلنة... تمام البورد و.. ودشاموق ودكين وسميرودافى
Author: zola123
Date: 04-26-2003, 07:06 PM
Parent: #1
ود عزة يا سلاااام
يا ربي انا في حلم ولا علم
اها طيب لمن بتشاكل انتا زاتك وتحرد ما بتتذكر الكلام ده لييه
لووول
عموما مجهود طيب لتنقية الاجواء تشكر عليه ويا ريت يقراه الجميع وينصرفوا عن متابعة الشكلات
انا غايتو لي مدة 3 يوم كدة ما حافتح بوست فيه ود شاموق ولا دكين ولا دافي ولا البيدافعوا عنهم
لا لشيء الا ان لا اخسر اعجابي بهذه الاقلام وانا اراها تتضارب في ازقة البورد
ملاحظة
خلونا من ناس دكين, ما حكيت لينا عملت شنو في العراق
وناس الاسمهم شنو ديلاك صحي اتلوموا معاك؟
تحياتي
زولة123
|
Post: #5
Title: Re: ودقت الساعة..معلنة... تمام البورد و.. ودشاموق ودكين وسميرودافى
Author: almohndis
Date: 04-26-2003, 08:22 PM
Parent: #4
ودعازة
قالت الكلام الحق
وكتب اشاره
بلسان الريس(بكرى)
|
Post: #6
Title: Re: ودقت الساعة..معلنة... تمام البورد و.. ودشاموق ودكين وسميرودافى
Author: wadazza
Date: 04-27-2003, 04:53 AM
Parent: #5
أعزائى
أبوحسين
أبوساندرا
الزولة واحد اتنين تلاته
المهندس
ياريت الناس تسمعنا ...ويازولة مالك مذكرانا الحردان لوووول ..خمسة شهور هسى حردت؟.... تقصدى شواكيش البشمرقة واللا التانيين...حبل الأمل ممدود..وحبايب الروح ماليين الخاطر...وياريت
تحياتى
ودعزة
|
|