حصاد الاسبوع فى المنبر

مرحبا بكم جميعا سيداتى أنساتى سادتى, فى حلقه جديده من برنامج حصاد الاسبوع فى المنبر , وارجو ان الفت انتباهكم الى ان مواعيد بث هذا الرنامج قد طرا فيها تغير طفيف , حيث سيتم بث البرنامج كل يوم سبت من كل اسبوع بدلا عن الاربعاء


موسيقى
_______


اسمحوا لى فى بداية الحلقه ان اتقدم بجزيل شكرى وتقديرى لكل اصدقاء البرنامج الذين ابرقوا مهنئين ومباركين لفكرته , فالى كل من : PLAYER, ABUHUSSEIN , قرنفل ,SAMIR IBRAHIM , Abdel Aati , garjah , بكرى ابوبكر , Noon3 , Kabar , almulaomer,مهاجر , قرشو , almohndis ,
لكم كل التحايا مع دوام المراسله والمقترحات البناءه لتطوير الفكره مع خالص الامنيات .. ومن المقدمه والى التفاصيل

موسيقى
________

فى صالة المطار تذمر بعض القادمين على مبدأ دفع رسوم القدوم , واقرار العملات , فوقف احد الضباط الملتحين وخطب فيهم خطبة عصماء , مبينا لهم انهم ان يدفعوا اموالهم انما يدفعونها لدولة الاسلام , وان يعلنوا عن ما لديهم من عملات فأنهم انما يحمون الاقتصاد الاسلامى , زادت درجة الاكتئاب لدى البعض وارتفعت حرارة الشاب المكتئب اصلا , عندما سمع سمير يهتف : الله اكبر .. الله اكبر .. هى لله , هى لله

ود قاسم
بوست يوميات سمير الكوز فى اجازته السنويه , ود قاسم 4\17

********************************************

الفلهمه البكماء, هذا تعبير وجههه لى احد العساكر لانى كنت اكرر كلمة اوكى , اوكى فقال لى ياخى خلى الفلهمه البكماء بتاعتك دى

المسافر
بوست تهم .. مطاطه , manj, 17\4\2003

*************************************************

وحقو نكون واقعيين شويه وندرك دورنا نحو وطنا مش نعديها كلها شمارات
مهاجر
بوست حصاد الاسبوع فى المنبر , سميره ع الفاضل , 17\4\2003
***************************************************

وردت لى هذه الرساله , الرجاء الاتصال بالكاتبه
[email protected]
Vivke Bergh is a student of Arabic literature at UPPsala University in Sweden . She is planning to write her gradualation thesis about Sudanese Women Writers who write in Arabic

Abdel Aati
بوست الى كاتبات البورد , والكاتبات خارج البورد , ِAbdel Aati , 19\4\2003

***************************************************

ماتنسو , الموضوع صار فيهو امامه كمان , يعنى لا يحق لاى فرد بأن يتحدى الامام الصادق فى اى حاجه

deng
بوست اعادة انتخاب الصادق المهدى وبقية العقد الفريد , كأنك ياابو زيد ماغزيت , Amjad Ibrahim , 18\4\2003

****************************************************

بدون اى مقدمات قالت لى انا دايره انوم معاك عشان ادى لماما درس اصلو ماتنساهو , وانا طبعا ضعفت امام عيونا الواسعه ديك , وبدون ما اقول اى حاجه مسكتنى من ايدى وجرتنى على اوضتا , كانت الكهربا قاطعه والجنريتر مابشغل المكيف , بس التلاجات والمروحات , عشان كده طوالى بديت طلعتا قميصى وبقيت بالفنله , فما كان منها الا ان فعلت مثلى , وبدأت بخلع ملابسها , ولم تبقى الا قطعه واحده من ملابسها الداخليه , قبلتها قبله كانت اطعم قبله فى حياتى , استسلمت ليدي وانا اضعها فى احضانى , واردت ان ادردش معها قليلا , ولكنها كانت قد استسلمت للنوم على ذراعى
كانت هذه تيسير بنت اختى ذات الثلاث سنوات , وكانت امها قد حرمتها من الذهاب مع والدها خوفا عليها من السخانه , لكنها قررت الانتقام من والدتها بعدم النوم معها وانتظارى لتنوم فى صدرى على حد زعمها

ًِWAD ALGAALI
بوست حبيبتى تيسير .. افتقدتك كثيرا واشواقى لكى تؤلم احساسى , WAD ALGAALI , 18\4\2003
******************************************
Just want to say salam ya ahl alminbar alhur,and see uf I can connect without problems,

kandaka
بوست Salam wa Tahaya , kandaka, 22\4\2003

**********************************************

مازلت ابحث عن الاجابه , هل الاختلاء بالمرأة فى المسنجر حلال ولا حرام

SAMIR IBRAHIM
بوست عورات المرأة كثيره , ٍِSAMIR IBRAHIM , 17\4\2003

************************************************

عددهم 34 الف طفل فى الخرطوم مقابل 2092 فى 6 ولايات

zumrawi
بوست ازدياد مضطرد فى عدد الاطفال المشردين فى الخرطوم , zumrawi, 18\4\2003

**************************************************

انا بقول ليك حاجه .. البشير ده عمل اخطاء لاتحصى ولا تعد .. لكن احسن حاجه عملها انه قفل الترابى

3abdo
بوست رساله للسيد الرئيس نتمنى ان تصل , waleed 500, 19\4\2003

******************************************

بالرغم من انى جديد لنج هاانذا اعرفكما من خلال كلمات البورداب , وارسل لكما التحايا الحاره والتهانى الصادقه متمنيا ان تتحقق لكما الامنيات التى تتمنياها لنفسيكما , واتمنى ان اتعرف بكما مستقبلا من خلال البورد , لكما عبق الحناء , دفء الاغنيات , وروعة الطقوس وصدق الامنيات

abdalgafar . saeed

بوست الف مبروك للعرسان الصادق وتغريد , بكرى ابوبكر , 18\4\2003

********************************************

(...) وبقيت انا خائفه من الزواج , اخبرونى جميعا اين هو الخطأ ؟؟ فى المرأة ام الرجل ام الظروف ؟؟؟ ام فى جيلنا هذا الحائر الذى لايعرف ما يريد ؟؟ . . ايها الرجال .. لماذا تتغيرون بهذه السرعه ؟؟ هل تملون المرا’ التى تصبح ملك يمينكم وتتسابقون للحصول عليها وهى بعيدة المنال ؟؟ ماذا تمثل بالنسبة لكم ؟ كائنات للمتعه والانجاب وادارة المنزل ام شريكات حقيقيات فى مشور الحياة القصير

ماسه
بوست خائفه من الزواج , ماسه , 22\4\2003

*******************************************

الاخت ماسه
باختصار .. كل اللى قلتيهو صحيح والسيئه تعم .. لكن ام تلاحظى ان كل صديقاتك اشتركن فى الخطأ .. انا اظنه السبب وراء ماحدث لهن .. الا وهو ان كل واحده لمن اتعرفت على شريك حياتها كانت بتوصفه ( كما استشفيت من اسطرك ) بيوصفوه انه وسيم وظيفته محترمه مميزه وذوق الى اخر الاشياء السطحيه , اذ انا اعتقد ان المشكله فى الاختيار نفسه ودى مشكله لامن الليله لا من امبارح

korti
بوست خائفه من الزواج , ماسه , 22\4\2003

***********************************************

فقدت الساحه الفنيه علما من اعلامها الذين اجزلوا لها العطاء النبيل .. هو شاعر الشعب عوض جبريل الذى انتقل للرفيق الاعلى اثر حادثة اغتيال غامضه تمكنت الشرطه من القاء القبض على مرتكبيها وما زالت التحريات جارية لمعرفة الاسباب
yahya fadlala
نقلا عن الصحفى كمال حسن بخيت
بوست ياموصلى وكل الرائعين , اعزيكم فى رحيل عوض جبريل هذا الفنان , منوت , 13\4\2003

****************************************************
وفرز القول للبورداب اضحى
كفرز الروب من قرب العلوج

فلا تضع الضمادة فوق جرحى
كوضع الحمل من تحت السروج


Newbie
بوست بهذا نعلن ان البورد خالى من العلوج , Newbie, 19\4\2003

*************************************************

Iam a college student in the u.s I was traying to find someone who could fill out a survey about the education system in the Sudan compared to the US . It,s for aresearch project.
from
بوست help, بكرى ابوبكر 19\4\2003

***************************************************

سامر واساسى
عيب يااخوانى مثل هذا الاسلوب . نحن نحتاج لابداعكم والوطن يحتاج اليكم وانتما تحتاجان الى بعضكما وكلاكما متميز وراقى والبورد هو منبر الابداع فاجعلا بينكما مودة تبقى ومحبه تعيش ودعونامعا نحافظ على قيم العلاقه بيننا ودمتما لبعضكما

reheemusudani
بوست للاسف معنا جاهل فى البورد , SAMIR IBRAHIM , 20\4\2003

**************************************************

الدكتور الشفيع خضر
تحيه طيبه ومرحبا بك فى المنبر
انتهز فرصة هذه الاسئله لاوجه لك سؤالا عن موقفكم كقيادة الخارج , من بيان اصدره فرع حزبكم فى هولندابتاريخ 17\2\2002, يحوى معلومات كاذبه ومغرضه عن بعض الاخوه , ومن ضمنها نفى ان يكون الاخ امجد ابراهيم سلمان قد كان عضوا فى الحزب الشيوعى ذات يوم
ِِAbdel Aati
بوست اسئلة الى د. الشفيع خضر سعيد , zumrawi,19\4\2003

**********************************************
فقدورد فى البوست الذى تناول فرع هولندا شهاده من فرع الحزب الشيوعى بولندا ( الفرع الذى عمل به د. امجد ) بأنه كان عضورا بالفرع بتاريخ لاحق لتاريخ البيان ... هنا يتضح مدى مصداقية او عدم مصداقية عادل عبد العاطى من الغرض من وراء حشر ذكر البيان بمناسبه وبدون ... فهو يعتبر فرع هولندا صاحب البيان هو الحزب الشيوعى ( انتظر من حزب كهذا صلاحا للبلاد والعباد ) اما فرع الحزب ببولندا الذى اثبت لد. امجد عضويته بشهاده ( ملونه وعليها ترويسة الحزب الشيوعى ) فهو لا يمثل الحزب الشيوعى

elmahasi
بوست اسئلة الى د. الشفيع خضر سعيد , zumrawi, 21\4\2003

****************************************************

خاطبنى بلفظ زانيه , لم احتمل واوقفت اول عربة تاكسى مرت بى .. وما ان جلست فى العربه حتى انفجرت بالبكاء , فلم اكن اتوقع ان ازل امام اعين شباب وطنى من رجل يدعى التدين , وهم لا يحركون ساكنا , هل كان ذلك لانهم يرون من ترتدى البنطال زانيه ؟؟ ام خوفا منه ؟! .. ام انهم نسوا سودانيتهم ؟؟ , اتمنى ان لا تكون الاخيره

benyya
بوست هل نحن شعب معقد , benyya,23\4\2003

**********************************************************

ومن ثم لانى انتمى لهذا الصهيل المسمى المسرح دعونى احي عبركم اهل المسرح (...) عبد الجبار عبدالله (...) الرشيد احمد عيسى ( ... ) منعموش ( ... ) تماضر ( ... ) زينب الحويرص ( ... )

معتصم ود الجمام

بوست اعود مرة اخرى , معتصم ود الجمام , 22\4\2003

*************************************************

ما فى حتى رساله واحده .. بصوت مصطفى سيداحمد , اهداء خاص الى الموصلى وغربه

sheba
بوست مكرر اعلاه , sheba, 22\4\2003

***************************************************

ليك التحايا ياحمزه .. سمعت باب السنط بصوتك وحقيقه ابدعت فيها لحنا واداء

yassir Mahgoub

بوست شكرا عقد الجلاد , HAMZA SULIMAN, 22\4\2003

***************************************************


والله يا بورداب عاجبنى جدا محاور مناقشاتكم , عشان كده كنت متردده جدا للتسجيل فى البورد .. لكن كلامكم الحلو الكان اقوى واقع للمشاركه المتواضعه , ما ترحبوا بينا يا جماعه , منتظرين شنو

عديله المتوهجه
بوست يا جماعه ما ترحبو بى انا جديييييده لنج , عديله المتوهجه , 23\4\2003

**************************************************

مساطيل قاعدين يسطلو جنب المقابر , واثناء ذلك جو جماعه شايلين جنازه , اها واحد من المساطيل ماسك السيجاره وسرح مع الجنازه , قام التانى قال ليهو ماتفك النفس , صاحبنا رد عليه : انت فى النفس ولا عاين ديل لافينها قدر شنو

جدو
بوست ساعه للابتسام , وجن , 22\4\2003

*****************************************************

واود ان ابشر هؤلاء المرضى .. اننا قمنا بالكتابه الى دوائر الهجره ومفوضيات اللاجئين فى تلك الدول ووضحنا لهم ان هذه المستندات مفتعله وهذه الحمله مغرضه ( ... ) وحسب علمى لقد قبل لجوءان .. الاول تقدم به شابان وللاسف هؤلاء ذكرا انهما مخنثان وان الحكومه اسلاميه وسوف تعدمهم ( ... ) وطلب اللجوء الذى تقدمت به اخت سودانيه فى نيويورك ايضا تذكر فيه انها سحاقيه وتخاف من ان اهلها سوف يقتلونها

SAMIR IBRAHIM
بوست المعارضه وفنون اللجوء السياسى, SAMIR IBRAHIM , 20\4\2003

*********************************************
الاعزاء البورداب
وقفت طويلا اتاوق ليكم , ياربى اخش ولا لا ؟ , اصلى من زمان بخاف من بيوت المناسبات المزحومه , اها هسه اعصابى بايظه تب , زى الزول لمن يكون فى بيت عرس , والحفله رابه , ونفسو يرثقص وما قادر , وداير ليهو زول يقول ليه تعال نرقص , أها .. هل من مجيب ؟ قصدى هل من عازم
وانجا
بوست سلام جااااكم , وانجا , 18\4\2003

**************************************************

وهانحن نعيد بعيد قيامته المجيد . اعاده الله علينا وعلى البشريه جمعاء بالبركه والرخاء .. وهانحن نرفع الايادى الى الله عز وجل ضارعين متضرعين ان يزيح عنا الحروب والكروب .. لكى يعم السلام فى جميع انحاء السكونه , وانا بدورى اهنئ جميع المسيحيين ان كانوا بالبورد او خارجه .. وايضا غير المسيحيين لكى ينعموا بهذه البركات التى لاتحد

وكل عام وانتم بخير
اخوكم وعمكم العجوز ارنست ارجانوس جبران

بوست كل عام وانتم بخير , sudani Agouz, 20\4\2003

**************************************************

خبر عاجل
وصل مراسل قناة السودان الى ام قصر لتغطية اخبار الحرب

ود شاموق
بوست نكات سعوديه عن السودانيين .. اهداء الى السنجك , ود شاموق , 22\4\2003

***********************************************************

العوده
_________
ويعود صوتك مترعا بالعشق
يشرخ هدأة العقل الموزع
بين قلبى وارتعاش اللحن
فى الخطوات
نحو مرافئ الطرب الاصيل
ذات الخدود الغيم
والخطو الحروف
السحر والاشواق
والنغم القديم
ودهشة الحلم المسافر فى حقولك
للزمان العذب والضحك الهديل
او تشترى منى بقايا القلب
جرحك ما يزال قصيدتى
يا ايها المنسى فى قلبى
وخلف ذاكرتى
وما ولى من الزمن الطفولى الجميل
كن صادقا
هى لحظه للطلق تبدأ من لديك
ومالدى
سوى الذى عرفت قبابك تزفه
حزنا تبعثر بين دفئك والرحيل

عبدالله جعفر
بوست الى جميل القلب شرنوبى , abdalla Gaafar , 18\4\2003

*************************************************

واحد مسطول قال لى صاحبو ارسم على ضهرى مربعات ورقما من 1 الى 20 .. لما خلص قال ليهو حك لى المربع رقم 15

اساسى
بوست مساطيل , اساسى , 21\4\2003

*******************************************8

التقيت بى احد الطلبه الجدد وطلبت منه ان يحكى لى ما اخبار السودان , والله ياجماعه بدا يتكلم معاى حسيت انو يتكلم هندى , بيتكلم بى مصطلحات ما فهمتها , سألتو قلت ليهو طيب انا لو مشيت السودان حا ارتاح هناك ؟ قال لى ( يامان لو عندك ضحاكات ماعندك مشكله ) بعدين انا فهمت انو الضحاكات دى المقصود بيها قروش , فى اثناء حديثنا دخل تانى مصطلح جديد اللى هو ( الجاحه ) , طبعا بعد عناء فهمتا ان الجاحه هى البنت اللى مرتبط بيها , بعدين بدا ينصح فينى من زحمة المواصلات قال لى ( يامان حتك الطاره من الجلك ) دى بتخيل لى ساهله , يعنى خد السياره من الوالد
beko
بوست واله المايعرف المصطلحات دى حقو راح , beko, 20\4\2003
*************************************************
لماذا يصر غالبية المشاركين على المواضيع الانصرافيه
president
بوست انحطاط مستوى المواضيع فى البورد , president, 2003

****************************************************

موسيقى
___________

كانت هذه مستمعينا الكرام ابرز موضوعات الاسبوع القادم .. وحتى التقيكم السبت القادم هذه سميره ع الفاضل تحييكم وفى امان الله

موسيقى
__________

ختام
________

الاخت سميرة
شكرا على المتابع الرائعة واقدر هذا المجهود
لماذ لا تنقلي لنك البوستات المعنية حتى تكون هناك امكانية الرجوع السريع ليها
الاخ ياسر محجوب نزل بوست جميل فيه نفس المعنى باسم جبة الدرويش ياحبذا لو تم بينكما تنثيق حتى يكون هذا العرض بشكل مكتمل وجميل
وهاك اللنك

جبة الدرويش

الاخ هدهد
يااخى نورتنى لبوست فعلا انا فى حوجه اليه ..وهو فعلا سيساعدنى كثيرا , خاصة وانا احس بأنه متعب شيئا, وانا اقوم بامر مونتاجه وحدى , عموما سوف انسق مع الاخ ياسر الذى فعلا سيكون لى خير عون
شكرا هدهد

سميره

الأخـت سـمـيـرة ســـــــلاااااااااام


غايتو أنا زول كـســـلااااااااااااااان يعني حصادك دا وقع لي في جرح


كنتي وين إنتي من زمان ؟؟؟؟ الله إديك العافية

ســـــــــــــلاااااااااااام

الاخ ابوحسين

تشرف انت والله , وما كتير عليك , وتسلم ياخى

اختك سميره

الاخت سميره

في الحقيقه......بتفوت علي الواحد قفشات.......وقفشات مهمه....بارك الله فيك.....وواصلي كفاحك....

وما زلت ابحث عن الخلوه في المسنجر حلال وله حرام

سلام ست الحصاد
عندى بقر جيعان
بدور لى حصاد
من حصادك